ഏഴും പതിനൊന്നും പതിമൂന്നും വയസുള്ള കുട്ടികളെ 17കാരനായ പ്രതി മര്‍ദിക്കുന്ന വീഡിയോ കഴിഞ്ഞ ദിവസമാണ് പുറത്തുവന്നത്. 2,5,6 ക്ലാസുകളില്‍ പഠിക്കുന്ന വിദ്യാര്‍ഥികളാണ് മര്‍ദനത്തിനിരയായത്. ഒന്നരമാസം മുന്‍പ് മധ്യപ്രദേശിലെ രത്‌ലാം ജില്ലയിലാണ് സംഭവം. പ്രതികള്‍ ഭീഷണിപ്പെടുത്തിയതിനാല്‍ മര്‍ദ്ദനം നടന്ന കാര്യം കുട്ടികള്‍ ആരോടും പറഞ്ഞിരുന്നില്ല.

മദ്യലഹരിയില്‍ ആയിരിക്കെയാണ് പ്രതികളിലൊരാള്‍ സാമൂഹ്യമാധ്യങ്ങളില്‍ വീഡിയോ പങ്കുവെച്ചത്. ദൃശ്യങ്ങളില്‍ കുട്ടികളെ ഉപദ്രവിക്കുന്നതായി കണ്ട പ്രതിയെയാണ് അറസ്റ്റ് ചെയ്തിട്ടുള്ളത്. ജുവനൈല്‍ കോടതിയില്‍ ഹാജരാക്കിയ പ്രതിയെ റിമാന്‍ഡ് ഹോമിലേക്ക് അയച്ചിട്ടു. വീഡിയോ പകര്‍ത്തുകയും പുറത്തുവിടുകയും ചെയ്ത പ്രതി ഒളിവിലാണ്. പ്രതിക്കായി തിരച്ചില്‍ നടക്കുകയാണെന്നും ഉടന്‍ പിടികൂടുമെന്നും മധ്യപ്രദേശ് പോലീസ് അറിയിച്ചു.

ഒന്നര മാസം മുന്‍പ് ഞാനും, എന്റെ രണ്ട് കൂട്ടുകാരും അമൃത് സാഗര്‍ തലബിനടുത്ത് കറങ്ങാന്‍ പോയിരുന്നു. ഞങ്ങള്‍ അവിടെ ഇരിക്കുമ്പോള്‍ രണ്ട് പേര്‍ വന്ന് ഞങ്ങളുടെ പേര് ചോദിച്ചു. പേര് പറഞ്ഞതിന് ശേഷം ഞങ്ങളെ അസഭ്യം പറയാനും ഉപദ്രവിക്കാനും തുടങ്ങി. അല്ലാഹു എന്ന് വിളിക്കാന്‍ ധൈര്യമുണ്ടോയെന്ന് ചോദിച്ചു. ജയ് ശ്രീ റാം എന്ന് വിളിക്കാന്‍ നിര്‍ബന്ധിച്ചു. അവര്‍ ഞങ്ങളെ ഉപദ്രവിക്കുന്ന വിഡിയോകള്‍ പകര്‍ത്തുകയും ചെയ്തു. ഈ വിവരം ആരോടെങ്കിലും പറഞ്ഞാല്‍ കൊലപ്പെടുത്തുമെന്ന് ഭീഷണിപ്പെടുത്തിയിരുന്നെന്നു ഇരയായ പതിമൂന്നുകാരന്‍ പറഞ്ഞു.

വീഡിയോ ദൃശ്യങ്ങള്‍ പുറത്തുവന്നതിന് ശേഷം കുട്ടികള്‍ വലിയ മാനസിക സംഘര്‍ഷത്തിലായിരുന്നുവെന്ന് മാതാപിതാക്കള്‍ പറഞ്ഞു. ഏഴ് വയസുകാരനായ കുട്ടി വാതില്‍ തുറക്കാതെ മുറിയില്‍ ഇരിക്കുകയായിരുന്നു. പോലീസ് എത്തി വാതില്‍ പൊളിച്ചാണ് കുട്ടിയെ പുറത്തെത്തിച്ചത്.
സംഭവം നടന്നതിന് ശേഷം കുട്ടികള്‍ സാധാരണയെക്കാള്‍ കൂടുതല്‍ ഭയത്തിലായിരുന്നുവെന്നും, വീഡിയോ പുറത്തുവന്നപ്പോള്‍ മാത്രമാണ് കാര്യങ്ങള്‍ അറിഞ്ഞതെന്നും പതിമൂന്ന്കാരന്റെ പിതാവ് വ്യക്തമാക്കി. കുട്ടികള്‍ പോലും വെറുപ്പിന്റെയും വിദ്വേഷത്തിന്റെയും ഇരകളാകുന്ന ഇത്തരം സംഭവങ്ങള്‍ ഇനി ആവര്‍ത്തിക്കരുതെന്നും ഇവര്‍ കൂട്ടിച്ചേര്‍ത്തു.

ബാങ്ക് മാനേജറാണ് ഗിരിധരൻ. എലി ശല്യം വർധിച്ചതോടെ ഗിരിധരൻ ഒരു കീട നിയന്ത്രണ കമ്പനിയെ സമീപിക്കുകയും കമ്പനി ജീവനക്കാർ വീട്ടിലെത്തുകയും ചെയ്തിരുന്നു. തുടർന്ന് ഇവർ എലി വിഷം മുറിയിൽ പലയിടത്തായി വിതറിയിട്ടു. രാത്രി കുടുംബം ഉറങ്ങുമ്പോൾ എ.സി. ഓണാക്കുകയും ചെയ്തു.

രാവിലെ നാലുപേരും അവശനിലയിലാകുകയായിരുന്നു. ബന്ധുക്കൾ ഇവരെ ആശുപത്രിയിലെത്തിച്ചെങ്കിലും കുട്ടികളുടെ ജീവൻ നഷ്ടമായിരുന്നു. പൊലീസ് പെസ്റ്റ് കൺട്രോൾ കമ്പനിക്കെതിരെ കേസെടുത്ത് സംഭവത്തിൽ വിശദമായ അന്വേഷണം ആരംഭിച്ചിട്ടുണ്ട്.

ജാതിമതഭേദമന്യേ എല്ലാവരും വിജയദശമി ദിനത്തിൽ വിദ്യാരംഭം കുറിക്കുന്നു. സംസ്ഥാനത്ത് ക്ഷേത്രങ്ങളിലും പ്രധാന എഴുത്തിനിരുത്ത് കേന്ദ്രങ്ങളിലും വലിയ തിരക്കാണ് അനുഭവപ്പെടുന്നത്. ലോകത്തിന്റെ തന്നെ വിവിധ കോണുകളിൽ ഇന്ന് വിദ്യാരംഭം കുറിക്കുന്ന കുരുന്നുകൾ നിരവധിയാണ്. അറിവ് ഏകമാണെന്ന പരമാർത്ഥത്തിന് അടിവരയിടുകയാണ് വിജയദശമി ദിനം.

പാൽചുരമിറങ്ങിയ യാത്രാസംഘത്തെ കാത്ത് വഴിയോരങ്ങളിൽ മുസ്്ലിം ലീഗിന്റെയും പോഷകഘടകങ്ങളുടെയും പ്രവർത്തകർ മധുരവും സമ്മാനവുമായി കാത്തുനിന്നു. കണ്ണൂരിലെ സ്വകാര്യ അമ്യൂസ്മെന്റ് പാർക്കും പറശ്ശിനിക്കടവ് പാമ്പ് വളർത്തൽ കേന്ദ്രവും കുട്ടിക്കൂട്ടം സന്ദർശിച്ചു. നിശ്ചിത സമയമായതോടെ അടച്ച സ്നേക്ക് പാർക്ക് കുട്ടികൾക്കായി വീണ്ടും തുറന്നുനൽകുകയായിരുന്നു. രക്ഷിതാക്കൾക്കും അധ്യാപകർക്കുമൊപ്പം കൗൺസിലിംഗ് വിദഗ്ധരും ഡോക്ടറും സംഘത്തിനൊപ്പമുണ്ടായിരുന്നു. സെപ്തംബർ 2ന് സ്‌കൂൾ തുറക്കുന്നതിന് മുന്നേ കുട്ടികളുടെ മാനസിക ആരോഗ്യം തിരിച്ചുപിടിക്കുക എന്ന ഉദ്ദേശ്യത്തോടെയാണ് വിനോദയാത്ര ഒരുക്കിയതെന്ന് എം.എസ്.എഫ് ജില്ലാ പ്രസിഡന്റ് പി.എം റിൻഷാദ്, ജനറൽ സെക്രട്ടറി ഫായിസ് തലക്കൽ എന്നിവർ പറഞ്ഞു. പി.കെ അഷറഫ്, സി. ശിഹാബ്, ഷംസീർ ചോലക്കൽ, മുബഷിർ, ഫസൽ എന്നിവരും കൂടെയുണ്ടായിരുന്നു. വീടുകളും കളിസ്ഥലങ്ങളും പള്ളിക്കൂടവും ഇല്ലാതായ കുട്ടികളുടെ മാനസിക ഉല്ലാസത്തിനായി വിനോദയാത്ര എന്ന ആശയമറിയിച്ച ഉടനെ പൂർണ പിന്തുണയുമായി മുസ്്ലിം ലീഗ് ഉപസമിതിയും മുസ്്ലിം ലീഗ് ജില്ലാ – പഞ്ചായത്ത് കമ്മിറ്റികളും കൂടെ നിന്നു.

പിന്നീട് കുട്ടികളുടെ അഞ്ചാം വയസിലും 15-ാം വയസിലും ബയോമെട്രിക്‌സ് നിർബന്ധമായും പുതുക്കേണ്ടതുണ്ട്. അഞ്ചാം വയസിലെ നിർബന്ധിത ബയോമെട്രിക്‌സ് പുതുക്കൽ ഏഴു വയസിനുള്ളിലും,15 വയസിലെ നിർബന്ധിത ബയോമെട്രിക്‌സ് പുതുക്കൽ 17 വയസിനുള്ളിലും നടത്തിയാൽ മാത്രമേ സൗജന്യ പുതുക്കൽ സൗകര്യം ലഭ്യമാകുകയുള്ളു. അല്ലാത്തപക്ഷം നൂറ് രൂപ നിരക്ക് ഈടാക്കും.

നിർബന്ധിത ബയോമെട്രിക്‌സ് പുതുക്കൽ കുട്ടികളുടെ ആധാറിനെ ശക്തിപ്പെടുത്തും. പുതുക്കൽ നടത്താത്ത ആധാർ കാർഡുകൾ അസാധു ആകാൻ സാധ്യതയുണ്ട്. സ്‌കോളർഷിപ്പ്, റേഷൻ കാർഡിൽ പേര് ചേർക്കൽ, സ്‌കൂൾ/ കോളജ് അഡ്മിഷൻ, എൻട്രൻസ് / പി.എസ്.സി പരീക്ഷകൾ, ഡിജിലോക്കർ, അപാർ, പാൻ കാർഡ് മുതലായവയിൽ ആധാർ ഉപയോഗപ്പെടുത്തുന്നുണ്ട്.

0-5 വയസിലെ പേര് ചേർക്കൽ, നിർബന്ധിത ബയോമെട്രിക്‌സ് പുതുക്കൽ എന്നീ സേവനങ്ങൾ അക്ഷയ കേന്ദ്രങ്ങൾ വഴിയും മറ്റു ആധാർ കേന്ദ്രങ്ങൾ വഴിയും ലഭിക്കും. കേരളത്തിൽ ആധാറിന്റെ നോഡൽ ഏജൻസിയായി കേരള സംസ്ഥാന ഐ.ടി മിഷനെയാണ് സംസ്ഥാന സർക്കാരും ഭാരതീയ സവിശേഷ തിരിച്ചറിയൽ അതോറിറ്റിയും നിശ്ചയിച്ചിരിക്കുന്നത്.

ആധാറുമായി ബന്ധപ്പെട്ട സംശയങ്ങൾക്കും പരാതികൾക്കും വിളിക്കേണ്ട നമ്പർ :

സിറ്റിസൺ കാൾ സെൻറർ: 1800-4251-1800 / 0471- 2335523.

കേരള സംസ്ഥാന ഐ.ടി മിഷൻ (ആധാർ സെക്ഷൻ): 0471-2525442.

പകര്‍ച്ചവ്യാധിയുടെ ആദ്യ മൂന്നു മാസങ്ങളില്‍ അയര്‍ലന്റില്‍ ജനിച്ച കുഞ്ഞുങ്ങളെ കേന്ദ്രീകരിച്ചാണ് പഠനം നടത്തിയത്. ഏകാന്തത, ഒറ്റപ്പെടുത്തല്‍, വെല്ലുവിളി തുടങ്ങിയ അവസ്ഥകളിലൂടെ കടന്നുപോയതാണ് കാരണമായി ചൂണ്ടിക്കാട്ടപ്പെടുന്നത്. മാസ്‌ക് ധരിച്ച് സംസാരിക്കുന്നതു മൂലവും കുട്ടികള്‍ക്ക് ആശയവിനിമയ പ്രതിസന്ധിയുണ്ടാക്കിയിട്ടുണ്ടെന്നാണ് പഠനം പറയുന്നത്.

നൂറുല്‍ മുഹമ്മദിയ്യ ഹയര്‍ സെക്കണ്ടറി മദ്‌റസയിലാണ് ലീഡര്‍ തെരെഞ്ഞെടുപ്പ് നടന്നത്. ലീഡര്‍ സ്ഥാനാര്‍ത്ഥികളായി അഞ്ച് പേര്‍ മത്സരിച്ചു. 190 വിദ്യാര്‍ത്ഥികള്‍ വോട്ടര്‍മാരാണ്. ഫലപ്രഖ്യാപനം ഇന്ന് നടക്കും. പ്രധാനാദ്ധ്യാപകന്‍ എ.പി സല്‍മാന്‍ ദാരിമി,അലി മുസ്ലിയാര്‍,അബ്ദുള്ള അശ്അരി,റമീസ് അശ്അരി,അദ്‌നാന്‍ യമാനി നേതൃത്വം നല്‍കി.

ബാങ്കോക്ക്: തായ്‌ലന്‍ഡിലെ താം ലുവാങ് ഗുഹയില്‍ അകപ്പെട്ട കുട്ടികള്‍ സുരക്ഷിതരായി പുറത്തുകൊണ്ടുവന്നുകൊണ്ടിരിക്കെ ലോകകപ്പ് ഫൈനല്‍ കാണാനുള്ള ക്ഷണം ആവര്‍ത്തിച്ച് വീണ്ടും ഫിഫ.
കുട്ടികള്‍ യാത്ര ചെയ്യാന്‍ ആരോഗ്യപരമായി സജ്ജരാണെന്ന് ഉറപ്പവരുത്തിയാല്‍ അവര്‍ക്ക് സുരക്ഷിതമായി കളി കാണാനുള്ള എല്ലാ സംവിധാനങ്ങളും തങ്ങള്‍ ഒരുക്കുമെന്ന് തായ്‌ലന്‍ഡ് ഫുട്‌ബോള്‍ അസോസിയേഷനെ ഫിഫ അധികൃതര്‍ അറിയിച്ചു. ഈമാസം 15നാണ് ലോകകപ്പ് ഫൈനല്‍. അതിനു മുമ്പ് തന്നെ ഫുട്‌ബോള്‍ സംഘത്തിലെ കുട്ടികളും അവരുടെ കോച്ചും സുരക്ഷിതരമായി പുറത്തുവരുമെന്നാണ് പ്രതീക്ഷ. തായ്‌ലന്‍ഡ് യൂത്ത് ഫുട്‌ബോള്‍ ടീമംഗങ്ങളാണ് ഗുഹയില്‍ കുടുങ്ങിയത്. ജൂണ്‍ 23ന് ഗുഹ സന്ദര്‍ശിക്കാന്‍ പോയ സംഘം പുറത്തുവരാന്‍ സാധിക്കാതെ അകപ്പെടുകയായിരുന്നു.

കോഴിക്കോട്: തലയില്‍ തുളച്ചുകയറിയ കത്രികയുമായെത്തിയ അഞ്ചുവയസ്സുകാരനെ ബിഎംഎച്ചില്‍നടന്ന ശസ്ത്രക്രിയയിലൂടെ രക്ഷപ്പെടുത്തി. ബേബി മെമ്മോറിയല്‍ ഹോസ്പിറ്റലിലെ ഡോ. ശിവകുമാര്‍, ഡോ. ശ്രീകുമാര്‍ എന്നിവരുടെ നേതൃത്വത്തിലുള്ള ന്യൂറോ സര്‍ജറി ടീമാണ് ശ്രമകരമായ ഈ ശസ്ത്രക്രിയ വിജയകരമായി നടത്തിയത്.

അഞ്ചുവയസ്സുള്ള മുഹമ്മദ് അലൂഫ് കത്രിക കൈയ്യില്‍ പിടിച്ച് കളിച്ചുകൊണ്ടിരിക്കുമ്പോള്‍ വീഴാനിടയാവുകയും അബദ്ധത്തില്‍ കത്രിക തലയില്‍ കയറുകയുമായിരുന്നു. ഉടന്‍തന്നെ പിതാവ് അബൂബക്കര്‍ കത്രിക വലിച്ചെടുക്കാന്‍ ശ്രമിക്കാതെ കുഞ്ഞിനെയും എടുത്ത് അടുത്തുള്ള ആസ്പത്രിയിലെത്തിയെങ്കിലും അടിയന്തര ശസ്ത്രക്രിയ വേണമെന്ന് തിരിച്ചറിഞ്ഞ അവിടുത്തെ ഡോക്ടര്‍മാര്‍ എമര്‍ജന്‍സി സ്‌കാനിംഗിനും ശസ്ത്രക്രിയക്കുമായി കുട്ടിയെ കോഴിക്കോട് ബേബി മെമ്മോറിയല്‍ ഹോസ്പിറ്റലിലേക്ക് റഫര്‍ ചെയ്യുകയാണ് ഉണ്ടായത്.

എമര്‍ജന്‍സി സ്‌കാനിംഗ് നടത്തിയതില്‍ നിന്ന് കത്രികയുടെ അഗ്രഭാഗം പ്രധാനപ്പെട്ട രക്തക്കുഴലുകള്‍ക്കോ, തലച്ചോറിനോ കാര്യമായ പരുക്ക് വരുത്തിയിട്ടില്ലെന്ന് ഉറപ്പാക്കി. കത്രികയുടെ പുറമേയുള്ള ഭാഗം കട്ടര്‍ ഉപയോഗിച്ച് മുറിച്ചുമാറ്റി തലയോട്ടി തുറന്ന് കത്രികയുടെ ബാക്കി ഭാഗം സൂഷ്മമായി പുറത്തേക്ക് എടുക്കുകയും ഉള്ളിലെ രക്ത സ്രാവം നിയന്ത്രിക്കുകയുമാണ് ചെയ്തത് സ്വയം കത്രിക വലിച്ചൂരാന്‍ ശ്രമിക്കാതെ ബുദ്ധിപരമായി പെരുമാറിയ മാതാപിതാക്കളുടെ മനസാന്നിദ്ധ്യത്തെ ഡോക്ടര്‍മാര്‍ പ്രത്യേകം അഭിനന്ദിച്ചു. ഒരിക്കലും കുട്ടികളുടെ കൈയ്യെത്തുന്നിടത്ത് ഇത്തരം അപകടകരമായ ഉപകരണങ്ങള്‍ വെക്കരുതെന്നും ഇത്തരത്തിലുള്ള അപകടങ്ങള്‍ സംഭവിച്ചാല്‍ðഉടന്‍ സ്വയം അത് നീക്കം ചെയ്യാന്‍ തുനിയാതെ അനുയോജ്യമായ വിദഗ്ദ്ധ പരിചരണം ലഭ്യമാക്കണമെന്നുമാണ് ഈ സംഭവം വിരല്‍ ചൂണ്ടുന്നത്.

അഞ്ച് വയസുകാരന്റെ തലയില്‍ തുളച്ചുകയറിയ കത്രിക ശസ്ത്രക്രിയയിലൂടെ പുറത്തെടുത്തു