ഇതിനു മുമ്പ് ട്രംപ് പ്രസിഡന്റായ സമയത്ത് ഉത്തര കൊറിയയുടെ ആണവനയത്തെക്കുറിച്ച് ചര്‍ച്ച ചെയ്യാനായി കിം ജോങ് ഉന്നുമായി മൂന്ന് തവണ കൂടിക്കാഴ്ച നടത്തിയിരുന്നു. ട്രംപ് രണ്ടാം തവണയും അധികാരമേല്‍ക്കുന്ന അവസരത്തിലം ഇരു രാജ്യങ്ങള്‍ തമ്മിലും വിഷയത്തില്‍ ചര്‍ച്ചകള്‍ പ്രതീക്ഷിച്ചിരുന്നു. എന്നാല്‍ ട്രംപ് അധികാരമേറ്റ ഉടന്‍ യുക്രൈനിലെയും പശ്ചിമേഷ്യയിലെയും സംഘര്‍ഷങ്ങളിലേക്കായിരിക്കും ശ്രദ്ധ കേന്ദ്രീകരിക്കാന്‍ സാധ്യത, അതിനാല്‍ യുക്രൈന്‍ റഷ്യ യുദ്ധത്തില്‍ റഷ്യക്ക് സൈനികസഹായം നല്‍കിയ ഉത്തര കൊറിയന്‍ നടപടി നയതന്ത്ര ചര്‍ച്ചകള്‍ക്ക് വിലങ്ങുതടിയായേക്കാമെന്നാണ് അന്താരാഷ്ട്ര രാഷ്ട്രീയ നിരീക്ഷകരുടെ നിഗമനം.

കഴിഞ്ഞ വെള്ളിയാഴ്ച്ച ഉത്തര കൊറിയയിലെ ഭരണ പാര്‍ട്ടിയായ വര്‍ക്കേഴ്‌സ് പാര്‍ട്ടിയുടെ പ്രീനറി യോഗത്തില്‍ ‘കമ്യൂണിസ്റ്റ് വിരുദ്ധത മാറ്റമില്ലാതെ തുടരുന്ന ഏറ്റവും വലിയ പിന്തിരിപ്പന്‍ സംസ്ഥാനം’ എന്ന് യുഎസിനെ കിം വിശേഷിപ്പിച്ചിരുന്നു. യുഎസ്, ദക്ഷിണ കൊറിയ, ജപ്പാന്‍ സുരക്ഷാ പങ്കാളിത്തം ‘ആക്രമത്തിനായുള്ള സൈനിക സംഘമായി വളരുകയാണ്’ എന്നും കിം പറഞ്ഞു.

‘ ഈ വളര്‍ച്ച ഏത് നയമാണ് നാം സ്വീകരിക്കേണ്ടതെന്നും ഏത് വഴികളാണ് നാം സ്വീകരിക്കേണ്ടത് എന്നും വ്യക്തമാക്കുന്നു’ എന്നും കിം കൂട്ടിച്ചേര്‍ത്തു. ഉത്തര കൊറിയയുടെ താല്‍പര്യങ്ങളും സുരക്ഷയ്ക്കുമായുള്ള അമേരിക്കന്‍ വിരുദ്ധ പോരാട്ടത്തിന്റെ ഏറ്റവും കഠിനമായ തന്ത്രമാണ് നടപ്പിലാക്കാന്‍ പോകുന്നതെന്നും കിം വ്യക്തമാക്കി.

എന്ത് നയങ്ങളായിരിക്കും യുഎസിനെതിരെ കിം സ്വീകരിക്കുക എന്നതില്‍ വ്യക്തതയില്ല. എന്നാല്‍ പ്രതിരോധ മേഖലയുടെ സാങ്കേതിക ശേഷി വര്‍ധിപ്പിക്കുന്നതും, സൈനികരുടെ മാനസികാരോഗ്യം മെച്ചപ്പെടുത്തുന്നതിനായി പദ്ധതികള്‍ രൂപീകരിക്കുന്നതും കിം മുന്നോട്ടുവെച്ച ആശയങ്ങളില്‍ ചിലതായിരുന്നു.

കവചിത ട്രെയ്‌നിലായിരിക്കും കിമ്മിന്റെ റഷ്യന്‍ യാത്രയെന്നും പുടിനുമായുള്ള കൂടിക്കാഴ്ച എവിടെ വെച്ചാണെന്ന് വ്യക്തമല്ലെന്നും പത്രം പറയുന്നു. ചൈനയേയും ഉത്തരകൊറിയയേയും പങ്കെടുപ്പിച്ച് സംയുക്ത യുദ്ധാഭ്യാസത്തിന് റഷ്യ പദ്ധതി തയ്യാറാക്കിയതായി റിപ്പോര്‍ട്ടുണ്ട്. അതിനു പിന്നാലെയാണ് ആയുധ ഇടപാട് വാര്‍ത്തകളും സജീവമാകുന്നത്. ഉത്തരകൊറിയയില്‍നിന്ന് ആയുധങ്ങള്‍ വാങ്ങാന്‍ റഷ്യ ശ്രമം തുടരുന്നതായി വിവരം ലഭിച്ചിട്ടുണ്ടെന്ന് വൈറ്റ് ഹൗസ് വെളിപ്പെടുത്തിയിരുന്നു. അടുത്തിടെ ഉത്തരകൊറിയയില്‍ ഔദ്യോഗിക പര്യടനത്തിനെത്തിയ റഷ്യന്‍ പ്രതിരോധ മന്ത്രി സെര്‍ജി ഷോയ്ഗു ഉഭയകക്ഷി ബന്ധം ശക്തിപ്പെടുത്താന്‍ ആഗ്രഹം പ്രകടിപ്പിച്ചുകൊണ്ടുള്ള പുടിന്റെ കത്ത് കിമ്മിന് കൈമാറിയതായി റിപ്പോര്‍ട്ടുണ്ട്. പാശ്ചാത്യ ഉപരോധങ്ങളെത്തുടര്‍ന്ന് അന്താരാഷ്ട്രതലത്തില്‍ ഒറ്റപ്പെട്ട ഉത്തരകൊറിയ റഷ്യയുമായി കൂടുതല്‍ അടുക്കാനുള്ള ശ്രമത്തിലാണ്.

യുക്രെയ്ന്‍ യുദ്ധം അതിനുള്ള മികച്ച അവസരമായാണ് കിം കാണുന്നത്. അതേസമയം കിമ്മിന്റെ മോസ് കോ സന്ദര്‍ശന വാര്‍ത്തയെക്കുറിച്ച് തങ്ങള്‍ക്ക് ഒന്നും പറയാനില്ലെന്ന് റഷ്യ വ്യക്തമാക്കി. ഉത്തരകൊറിയയും ഔദ്യോഗിക പ്രതികരണത്തിന് തയാറായിട്ടില്ല.

മധ്യവയസിലേക്ക് കടന്നതിന്റെ ആരോഗ്യ മാനസിക പ്രശ്‌നങ്ങള്‍ അദ്ദേഹത്തെ വളരെ അധികം തളര്‍ത്തിട്ടുണ്ടെന്നാണ് മാധ്യമങ്ങള്‍ റിപ്പോര്‍ട്ട് ചെയ്തത്. അദ്ദേഹം നിര്‍ത്താതെ മദ്യപിക്കുകയും കരയുകയും ചെയ്യുന്നുവെന്നാണ് അദ്ദേഹത്തിന്റെ ഡോക്ടര്‍ വ്യക്തമാക്കി. അദ്ദേഹത്തിന്റെ ഡോക്ടറും ഭാര്യയും നിരന്തരം വ്യായാമം ചെയ്യാനും മറ്റും കും ജോങ് ഉന്നിനോട് ആവശ്യപ്പെടുന്നുണ്ടെങ്കിലും അദ്ദേഹം അതൊന്നും ചെവികൊള്ളുന്നില്ല.

തങ്ങളുടെ സമുദ്രാതിര്‍ത്തിയില്‍ എത്തിയയാള്‍ രക്ഷാസേന പല തവണ ആവശ്യപ്പെട്ടിട്ടും ആരാണെന്നു വെളിപ്പെടുത്താന്‍ തയാറാകാതിരുന്നതോടെയാണു വെടിവച്ചതെന്ന് കത്തില്‍ പറയുന്നു. സമുദ്രാതിര്‍ത്തിയില്‍ ഉത്തര കൊറിയ നിരീക്ഷണം ശക്തമാക്കിയിട്ടുണ്ടെന്നും ദൗര്‍ഭാഗ്യകരമായ കാര്യമാണ് സംഭവിച്ചതെന്നും കിം കത്തില്‍ പറയുന്നു.

ഇരു കൊറിയകളുടെയും അതിര്‍ത്തിക്കടുത്തുള്ള യോന്‍പെയോങ് ദ്വീപിനു സമീപത്തുവച്ച് മാരിടൈം അഫയേഴ്‌സ്, ഫിഷറീസ് മന്ത്രാലയത്തിലെ ഉദ്യോഗസ്ഥനെയാണ് സെപ്റ്റംബര്‍ 21 മുതല്‍ കാണാതായത്. ഇയാള്‍ ഉത്തര കൊറിയയിലേക്കു കടക്കാന്‍ ശ്രമിച്ചതാണോ എന്ന് ദക്ഷിണ കൊറിയന്‍ അധികൃതര്‍ ആദ്യം സംശയം പ്രകടിപ്പിച്ചിരുന്നു.

എന്നാല്‍ പിന്നീട് ഉത്തര കൊറിയന്‍ നടപടിയെ ശക്തമായി അപലപിച്ചു. കുറ്റക്കാര്‍ക്കെതിരെ നടപടിയെടുക്കണമെന്ന് ഉത്തര കൊറിയയോട് ആവശ്യപ്പെടുകയും ചെയ്തു. ഇരു രാജ്യങ്ങളും തമ്മില്‍ ഇപ്പോഴും സംഘര്‍ഷാവസ്ഥയിലാണ്.

രാജ്യത്ത് കൊവിഡിനെ പ്രതിരോധിക്കുന്നത് സംബന്ധിച്ച ജാഗ്രതാ നിര്‍ദേശങ്ങളും മുന്നറിയിപ്പുകളും നല്‍കി യോഗത്തിലിരിക്കുന്ന പ്രസിഡന്റിനെയാണ് മാധ്യമങ്ങള്‍ അവതരിപ്പിച്ചിരിക്കുന്നത്. ഭരണഭാരം കുറയ്ക്കാന്‍ സഹോദരി കിം യോ ജോങ്ങിന് ചില അധികാരങ്ങള്‍ നല്‍കിയിട്ടുണ്ടെന്ന വാര്‍ത്തകള്‍ നേരത്തെ പുറത്ത് വന്നിരുന്നു. ഇതിന് പിന്നാലെയാണ് ഊഹാപോഹങ്ങള്‍ കനത്തത്. ഇതിനിടിയിലാണ് യോഗത്തില്‍ പങ്കെടുക്കുന്ന ആരോഗ്യവാനായ കിമ്മിന്റെ ചിത്രം പുറത്തുവന്നിരിക്കുന്നത്. വെളുത്ത സ്യൂട്ട് ധരിച്ച കിം യോഗത്തെ അഭിസംബോധന ചെയ്യുന്നത് ചിത്രങ്ങളില്‍ കാണാം.

പൊതുവേദികളില്‍ ഏറെക്കാലമായി കാണാത്തതിനെ തുടര്‍ന്ന് കിം ജോങ് ഉന്‍ രോഗബാധിതനാണെന്ന് ഏപ്രിലില്‍ റിപ്പോര്‍ട്ടുകളുണ്ടായിരുന്നു. കിം ഹൃദയശസ്ത്രക്രിയയ്ക്ക് വിധേയനായതായും വാര്‍ത്തകള്‍ വന്നു. മേയ് രണ്ടിന് പ്യോങ് യാങ്ങില്‍ ഒരു രാസവസ്തുനിര്‍മാണശാല അദ്ദേഹം ഉദ്ഘാടനം ചെയ്യുന്ന ചിത്രം ഉത്തരകൊറിയന്‍ വാര്‍ത്താ ഏജന്‍സിയായ കെസിഎന്‍എ പുറത്തുവിട്ടിരുന്നു. രാജ്യത്തെ ഭക്ഷ്യക്ഷാമം കുറയ്ക്കാന്‍ വളര്‍ത്തുപട്ടികളെ ഇറച്ചിക്കായി നല്‍കണമെന്ന് കിം ഉത്തരവിട്ടതായി കഴിഞ്ഞ ദിവസങ്ങളില്‍ വാര്‍ത്ത വന്നിരുന്നു.

ജോലിഭാരവും സമ്മര്‍ദ്ദവും കുറക്കുന്നതിനാണ് അടുത്ത അനുയായികളുമായി ചില ഉത്തരവാദിത്തങ്ങള്‍ പങ്കുവെച്ചത്. തെക്കന്‍ കൊറിയയുടെ രഹസ്യാന്വേഷണ വിഭാഗമാണ് വിവരം പുറത്തുവിട്ടത്.

അതേസമയം, ഉത്തരകൊറിയന്‍ തലസ്ഥാനമായ പ്യോങ്യാങിലെ എല്ലാ വളര്‍ത്തുപട്ടികളെയും കസ്റ്റഡിയില്‍ എടുക്കാന്‍ കഴിഞ്ഞ ?ദിവസം കിം ജോങ് ഉന്‍ ഉത്തരവിട്ടിരുന്നു. ചോസണ്‍ലിബോ എന്ന പത്രമായിരുന്നു ഈ വാര്‍ത്ത റിപ്പോര്‍ട്ട് ചെയ്തത്. രാജ്യത്ത് കൊവിഡ് സാഹചര്യത്തില്‍ ഭക്ഷ്യവസ്തുക്കള്‍ക്ക് കടുത്ത ക്ഷാമം ഉണ്ടായിരിക്കുന്ന സവിശേഷ സാഹചര്യത്തിലാണ് ഇങ്ങനെ ഒരു വിചിത്രമായ ഉത്തരവ് കിമ്മില്‍ നിന്ന് ഉണ്ടായിരിക്കുന്നത്.

കഴിഞ്ഞ മാസം അവസാനം തൊട്ടുതന്നെ, പട്ടികളെ വളര്‍ത്തുക എന്ന ‘നികൃഷ്ടമായ’, ‘പാശ്ചാത്യ ബൂര്‍ഷ്വാ’ പ്രവണത നിരോധിക്കാന്‍ കിം ഒരുങ്ങുന്നുണ്ടെന്ന തരത്തിലുള്ള വിവരങ്ങള്‍ അനൗദ്യോഗികമായി പുറത്തു വരുന്നിരുന്നു.

നിലവില്‍ സമ്പൂര്‍ണ്ണ അധികാരം കിം ജോങ് ഉന്നിന് തന്നെയാണ്. എന്നാല്‍ അദ്ദേഹത്തിന്റെ ആരോഗ്യ പ്രശ്‌നങ്ങള്‍ മൂലം ഭരണകാര്യങ്ങളില്‍ പൂര്‍ണമായും ശ്രദ്ധിക്കാന്‍ സാധിക്കുന്നില്ലെന്നത് മുമ്പ് തന്നെ റിപ്പോര്‍ട്ടുകളുണ്ടായിരുന്നു. മാസങ്ങള്‍ക്ക് മുമ്പ് കിം ജോങ് ഉന്നിനെ പൊതുവേദികളില്‍ കാണാതിരുന്നത് അദ്ദേഹം മരിച്ചു എന്ന അഭ്യൂഹത്തില്‍ വരെ എത്തിച്ചിരുന്നു. എന്നാല്‍ അഭ്യൂഹങ്ങളെല്ലാം തെറ്റാണെന്ന് തെളിയിച്ച് അദ്ദേഹം പൊതുവേദിയില്‍ പ്രത്യക്ഷപ്പെട്ടിരുന്നു.

മിസൈലുകള്‍ വിക്ഷേപിച്ചതിനെ സംബന്ധിച്ച വിവരങ്ങള്‍ ദക്ഷിണകൊറിയന്‍ സൈനിക വൃത്തങ്ങളാണ് പുറത്തുവിട്ടത്. കൊറിയയുടം വടക്കുപടിഞ്ഞാറ് സിനോ-റി ബേസില്‍നിന്നാണ് വിക്ഷേപണം. ആണവ അനുരഞ്ജന ചര്‍ച്ചകള്‍ പുനരാരംഭിക്കുന്നതിനെക്കുറിച്ച് അമേരിക്കയുടെ ഉന്നത ഉദ്യോഗസ്ഥരുടെ സന്ദര്‍ശനത്തിനിടെയാണ് പുതിയ മിസൈല്‍ പരീക്ഷണം. കഴിഞ്ഞ ശനിയാഴ്ചയും ഉത്തരകൊറിയ ഹൃസ്വദൂര മിസൈലുകള്‍ പരീക്ഷിച്ചിരുന്നു.

മിസൈല്‍ പരീക്ഷണങ്ങളുടെ വിശദാംശങ്ങള്‍ യു.എസ് ഇന്റലിജന്‍സുമായി സഹകരിച്ച ദക്ഷിണകൊറിയ ശേഖരിച്ചുകൊണ്ടിരിക്കുകയാണ്.

അമേരിക്കന്‍-ദക്ഷിണ കൊറിയന്‍ സൈന്യങ്ങള്‍ നടത്തിയ സംയുക്ത സൈനികാഭ്യാസത്തെ തുടര്‍ന്നാണ് ആണവ കരാറില്‍ നിന്ന് പിന്മാറുമെന്ന് ഉത്തര കൊറിയ പ്രഖ്യാപിച്ചത്. അമേരിക്കയുടേത് പ്രകോപനപരമായ നീക്കമാണെന്നും 28,500 യു.എസ് സൈന്യം ദക്ഷിണ കൊറിയയില്‍ ഉണ്ടായിരിക്കുമ്പോള്‍ തങ്ങളുടെ സുരക്ഷക്ക് ആണവായുധങ്ങള്‍ ആവശ്യമാണെന്നുമാണ് കിം ജോങ് ഉന്നിന്റെ നിലപാട്.

ഉത്തര കൊറിയയെ ചര്‍ച്ചയ്ക്ക് സമ്മതിപ്പിക്കുന്നതിനായി യു.എസ് ശ്രമം നടത്തുന്നതിനിടെയാണ് ഉത്തര കൊറിയയുടെ ഭീഷണി. സിംഗപ്പൂരില്‍ യു.എസ് – കൊറിയന്‍ പ്രതിനിധികള്‍ തമ്മില്‍ നടത്താനിരുന്ന ചര്‍ച്ച വിജയകരമായില്ലെങ്കില്‍ കിം ജോങ് ഉന്നിനെ സ്ഥാനഭ്രഷ്ടനാക്കുമെന്നാണ് ട്രംപിന്റെ ഭീഷണി.

അമേരിക്കയുമായി ആണവ സഹകരണത്തിന് തയ്യാറാവാത്തതിനെ തുടര്‍ന്ന് 2011-ല്‍ അമേരിക്കന്‍ നേതൃത്വത്തിലുള്ള നാറ്റോ സൈന്യം ലിബിയയില്‍ അതിക്രമിച്ചു കയറുകയും ഖദ്ദാഫിയെ സ്ഥാനഭ്രഷ്ടനാക്കി വധിക്കുകയും ചെയ്തിരുന്നു. ഇതേ അനുഭവം കിം ജോങ് ഉന്നിനും ഉണ്ടാകുമെന്നാണ് ട്രംപിന്റെ ഭീഷണി.

ആണവായുധങ്ങള്‍ ഉപേക്ഷിക്കാന്‍ അമേരിക്ക ഏകപക്ഷീയമായി സമ്മര്‍ദ്ദം തുടരുകയാണെങ്കില്‍ ഉന്‍-ട്രംപ് കൂടിക്കാഴ്ച റദ്ദാക്കുമെന്ന് ഉത്തരകൊറിയ ഭീഷണി മുഴക്കിയിരുന്നു. അമേരിക്കന്‍ ദേശീയ സുരക്ഷാ ഉപദേഷ്ടാവ് ജോണ്‍ ബോള്‍ട്ടന്‍ ഉത്തരകൊറിയയുടെ ആണവനിരായുധീകരണ നീക്കത്തെ ലിബിയന്‍, ഇറാഖ് ഭരണകൂടങ്ങളുടെ പതനത്തോട് തുലനം ചെയ്ത് സംസാരിച്ചതാണ് ഉത്തരകൊറിയയെ പെട്ടെന്ന് പ്രകോപിപ്പിച്ചത്. 2004ല്‍ ലിബിയയുടെ ആണവ ഭാഗങ്ങള്‍ അമേരിക്കയിലേക്ക് കയറ്റി അയച്ചെങ്കിലും വര്‍ഷങ്ങള്‍ക്കുശേഷം കേണല്‍ മുഅമ്മര്‍ ഖദ്ദാഫി കൊല്ലപ്പെടുകയായിരുന്നുവെന്ന് ബോള്‍ട്ടന്‍ പറഞ്ഞിരുന്നു. ബോള്‍ട്ടനോട് തങ്ങള്‍ക്കുള്ള അതൃപ്തി മറച്ചുവെക്കുന്നില്ലെന്ന് ഉത്തരകൊറിയ വ്യക്തമാക്കിയിട്ടുണ്ട്.

മുന്‍ യു.എസ് പ്രസിഡന്റ് ജോര്‍ജ് ഡബ്ല്യു ബുഷിന്റെ ഭരണകൂടത്തിനു കീഴില്‍ പ്രവര്‍ത്തിച്ച ബോള്‍ട്ടന്‍ വര്‍ഷങ്ങള്‍ക്കു മുമ്പ് തന്നെ ഉത്തരകൊറിയയുടെ നോട്ടപ്പുള്ളിയാണ്. എന്നാല്‍ ട്രംപ്-ഉന്‍ കൂടിക്കാഴ്ച മുന്‍നിശ്ചയപ്രകാരം തന്നെ നടക്കുമെന്ന് വൈറ്റ്ഹൗസ് പ്രത്യാശ പ്രകടിപ്പിച്ചിട്ടുണ്ട്. ഉച്ചകോടിയുമായി മുന്നോട്ടുപോകുമെന്നും ട്രംപ് അതിനുവേണ്ടി തയാറെടുത്തുകൊണ്ടിരിക്കുകയാണെന്നും വൈറ്റ്ഹൗസ് വക്താവ് സാറ സാന്‍ഡേഴ്‌സ് ഫോക്‌സ് ന്യൂസിനോട് പറഞ്ഞു. ഇത്തരം ഘട്ടങ്ങളില്‍ അസാധാരണമായി ഒന്നും ഉത്തരകൊറിയയുടെ പരാമര്‍ശങ്ങളില്‍ കാണാനാവില്ലെന്നും സാന്‍ഡേഴ്‌സ് വ്യക്തമാക്കി.