ശനിയാഴ്ച രാത്രി നടന്ന സൈനിക പരേഡിലാണ് മിസൈല്‍ പ്രദര്‍ശിപ്പിച്ചത്. ലോകത്തിലെ ഏറ്റവും വലിയ ദ്രാവക ഇന്ധനം ഉപയോഗിച്ച് പ്രവര്‍ത്തിക്കുന്ന മിസൈല്‍ ആണിതെന്ന് നിരീക്ഷകര്‍ ചൂണ്ടിക്കാട്ടുന്നു. ഒരേസമയം ഒന്നിലേറെ ആക്രമണങ്ങള്‍ നടത്താനുള്ള ശേഷി ഇതിനുണ്ട്.

അലാസ്‌കയില്‍ യു.എസ് വര്‍ധിപ്പിച്ചുകൊണ്ടിരിക്കുന്ന മിസൈല്‍ പ്രതിരോധ സംവിധാനത്തെ തകര്‍ക്കുക ലക്ഷ്യമിട്ടാകാം കിം ജോങ് ഉന്‍ പുതിയ മിസൈല്‍ പരീക്ഷിക്കുന്നതെന്ന് മിഡില്‍ബറി ഇന്‍സ്റ്റിറ്റ്യൂട്ട് ഓഫ് ഇന്റര്‍നാഷണല്‍ സ്റ്റഡീസിലെ വിദഗ്ധനായ ജെഫ്രി ലൂയിസ് പറയുന്നു. പ്രതിരോധ സംവിധാനങ്ങള്‍ ഒരുക്കാന്‍ അമേരിക്കക്ക് ആവശ്യമാകുന്നതിനെക്കാള്‍ ഏറെ ചിലവ് കുറവിലാണ് ഉത്തരകൊറിയ പുതിയ മിസൈല്‍ ആയുധങ്ങള്‍ വികസിപ്പിക്കുന്നത്.

24 മീറ്റല്‍ നീളവും 2.4 മീറ്റര്‍ വ്യാസവുമുള്ളതാണ് ഉത്തരകൊറിയയുടെ പുതിയ മിസൈല്‍. 100 ടണ്‍ ഇന്ധനം വഹിക്കാന്‍ ശേഷിയുള്ളതാണിത്. എന്നാല്‍, ഇത് പ്രയോജനമില്ലാത്ത ഒന്നാണെന്ന അഭിപ്രായവും വിദഗ്ധര്‍ക്കുണ്ട്. ഇന്ധനം നിറച്ച ശേഷം ഇതിനെ മറ്റൊരിടത്തേക്ക് കൊണ്ടുപോകാനാകില്ലെന്നും വിക്ഷേപണ സ്ഥലത്തുവെച്ച് ഇന്ധനം നിറക്കാനാകില്ലെന്നും ഇവര്‍ ചൂണ്ടിക്കാട്ടുന്നു.

ഹാനോയില്‍ ഫെബ്രുവരിയിലായിരുന്നു ട്രംപ് കിം ഉച്ചകോടി നടന്നത്. എന്നാല്‍ ചര്‍ച്ച പരാജയപ്പെടുകയായിരുന്നു. അതേസമയം, കൊല്ലപ്പെട്ട മറ്റ് ഉദ്യോഗസ്ഥരുടെ പേരുവിവരങ്ങള്‍ പുറത്തുവിട്ടിട്ടില്ല. ഉച്ചകോടിക്ക് വേണ്ടിയുള്ള നടപടികള്‍ കൈകാര്യം ചെയ്തിരുന്നത് കിം ഹ്യോക് ചോല്‍ ആയിരുന്നു.

കിം ജോങ് ഉന്‍ അധികാരത്തിലെത്തിയ ശേഷം ഉത്തരകൊറിയയില്‍ സന്ദര്‍ശനം നടത്തുന്ന ആദ്യ വിദേശ രാഷ്ട്രത്തലവനായിരിക്കും അസദ്. 2011ല്‍ ഭരണം ഏറ്റെടുത്ത ശേഷം ഒരു വിദേശ രാഷ്ട്രത്തലവനെ ഉത്തരകൊറിയയില്‍ സ്വീകരിച്ചിട്ടില്ല. അന്താരാഷ്ട്രതലത്തില്‍ ഉറ്റബന്ധം പുലര്‍ത്തുന്ന രാജ്യങ്ങളാണ് ഉത്തരകൊറിയയും സിറിയയും. ആണവായുധ പദ്ധതിയുടെ പേരില്‍ ഉത്തരകൊറിയയും ആഭ്യന്തര യുദ്ധം കാരണം സിറിയയും അന്താരാഷ്ട്ര ബഹിഷ്‌കരണം നേരിടുന്നുണ്ട്.

രാസായുധങ്ങള്‍ നിര്‍മിക്കാന്‍ സിറിയയെ സഹായിക്കുന്നത് ഉത്തരകൊറിയയാണെന്ന് യു.എന്‍ ആരോപിക്കുന്നു. ഇരുരാജ്യങ്ങള്‍ക്കിടയില്‍ ഉറ്റ സൈനിക സഹകരണം നിലനില്‍ക്കുന്നുണ്ട്. 1973 ഒക്ടോബറില്‍ അറബ്-ഇസ്രാഈല്‍ യുദ്ധകാലത്ത് ഉത്തരകൊറിയ സിറിയയിലേക്ക് 530 സൈനികരെ അയച്ചുകൊടുത്തിരുന്നു.

അമേരിക്കയെ തകര്‍ക്കാന്‍ കഴിയുന്ന ആണവ മിസൈല്‍ നിര്‍മിക്കാന്‍ ഏതാനും മാസങ്ങള്‍ക്കുള്ളില്‍ തന്നെ ഉത്തരകൊറിയയ്ക്കു സാധിക്കുമെന്ന ഞെട്ടിക്കുന്ന മുന്നറിയുപ്പുമായി യുഎസ് രഹസ്യാന്വേഷണ വിഭാഗമായ സിഐഎയുടെ തലവന്‍ മൈക് പൊമ്പിയൊ.

യുഎസിനെ ആക്രമിക്കാന്‍ സാധിക്കുന്ന ആണവ മിസൈല്‍ ഉത്തരകൊറിയ ഉടന്‍ നിര്‍മിക്കുമെന്നും അതിന്, ഏതാനും മാസത്തെ കാലതാമസം മാത്രമേ ഉണ്ടാകൂ. ഉത്തരകൊറിയയും കിം ജോങ് ഉന്നും ഉയര്‍ത്തുന്ന വെല്ലുവിളികളെ സിഐഎ സസൂക്ഷമം നിരീക്ഷിച്ച് വരികയാണ്. ബിബിസിക്ക് നല്‍കിയ അഭിമുഖത്തില്‍ മൈക് പൊമ്പിയൊ പറഞ്ഞു.

അമേരിക്കയെ മുഴുവന്‍ പരിധിയിലാക്കുന്ന ഭൂഖണ്ഡാന്തര ബാലിസ്റ്റിക് മിസൈല്‍ ‘ഹ്വാസോങ് 15’ വിജയകരമായി പരീക്ഷിച്ചതായാണ് ഉത്തരകൊറിയ ഏറ്റവും ഒടുവില്‍ അവകാശപ്പെട്ടിരുന്നു. 2017ല്‍ മാത്രം 20 ദീര്‍ഘദൂര ബാലിസ്റ്റിക് മിസൈലുകളാണ് ഉത്തരകൊറിയ പരീക്ഷിച്ചത്. അന്ന് രാജ്യം പൂര്‍ണ അണ്വായുധശേഷി കൈവരിച്ചതായും എന്നാല്‍ ഇത് സ്വയംരക്ഷയ്ക്കായി മാത്രമേ ഉപയോഗിക്കൂ എന്നു ഉത്തര കൊറിയ ഭരണാധികാരി കിം ജോങ് ഉന്‍ വ്യക്തമാക്കിയിരുന്നു.

CIA chief Mike Pompeo: North Korea could be able to nuke U.S. in "handful of months" https://t.co/ToHqafdWnW pic.twitter.com/UqWb7rixTy

— CBS News (@CBSNews) January 30, 2018

കിം ജോങ് ഉന്‍ ഉയര്‍ത്തുന്ന ഭീഷണികളള്‍ വെറും വിടുവായത്തമാണെന്ന് അമേരിക്കന്‍ പ്രസിഡന്റ് ഡോണള്‍ഡ് ട്രംപ് പരിഹസിച്ച് തള്ളുന്ന സാഹചര്യത്തിലാണ് യു.എസിന്റെ തന്നെ ഏറ്റവും തന്ത്രപധാന കേന്ദ്രത്തില്‍ നിന്നുള്ള സ്ഥിരീകരണമുണ്ടായിരിക്കുന്നത്. ഇതോടെ സംഭവത്തെ കൂടുതല്‍ ഗൗരമായി ട്രംപും അമേരിക്കന്‍ ഭരണകൂടവും കൈക്കാര്യം ചെയേണ്ടിവരും.

ദക്ഷിണ കൊറിയന്‍ ചാര സംഘടനയുമായി ചേര്‍ന്ന് സി.ഐ.എ പ്രവര്‍ത്തിച്ചിരുന്നുവെന്നും അന്ന് കിം ജോങ്ങിനെ വധിക്കാന്‍ ശ്രമിച്ചിരുന്നുവെന്നും ഉത്തരകൊറിയ നേരത്തെ പറഞ്ഞിരുന്നു. ഇതിനിടയിലാണ് സി.ഐ.എയുടെ പുതിയ വെല്ലുവിളി വന്നിരിക്കുന്നത്. മരണം വരെ അധികാരത്തില്‍ തുടരാനാണ് കിം ജോങ് ഉന്‍ ആഗ്രഹിക്കുന്നതെന്ന് മൈക്ക് പോംപെ പറഞ്ഞു. എന്നാല്‍ എല്ലാ ബഹുമാനത്തോടെയും പറയുകയാണ്, ഒരു ദിവസം അദ്ദേഹത്തെ കാണാതായാല്‍ അതിനെ കുറിച്ച് സി.ഐ.എയോട് ചോദിച്ചിട്ട് കാര്യമില്ലെന്നും അദ്ദേഹം പറഞ്ഞു. കിം ജോങ് ഉന്‍ പെട്ടെന്ന് മരണപ്പെട്ടാല്‍ എന്തായിരിക്കും സംഭവിക്കുക എന്ന ചോദ്യത്തിന് മറുപടിയായിട്ടായിരുന്നു സി.ഐ.എ തലവന്റെ പ്രതികരണം.

അവസാനം അമേരിക്കക്കും ലോകത്തിനും ശരിയായത് എന്താണോ അത് ഞാന്‍ ചെയ്യും. കാരണം അതൊരു ആഗോള പ്രശ്‌നമാണ്. അമേരിക്കയില്‍ മാത്രം ഒതുങ്ങുന്നതല്ല അതെന്നും അദ്ദേഹം പറഞ്ഞു. ഉത്തരകൊറിയയുടെ കാര്യത്തില്‍ ചിലതൊക്കെ ചെയ്യേണ്ടതുണ്ടെന്ന് ഫോക്‌സ് ന്യൂസിന് നല്‍കിയ അഭിമുഖത്തിലും ട്രംപ് ഭീഷണി മുഴക്കിയിരുന്നു. എന്നാല്‍ ഉപരോധങ്ങള്‍ ശക്തമാക്കി ഉത്തരകൊറിയയെ അനുരഞ്ജന ചര്‍ച്ചക്ക് നിര്‍ബന്ധിക്കുകയും നയതന്ത്ര പരിഹാരം കാണുകയുമാണ് അമേരിക്കയുടെ ലക്ഷ്യമെന്ന് റിപ്പബ്ലിക്കന്‍ കോണ്‍ഗ്രസ് അംഗം ടെഡ് യോഹോ പറഞ്ഞു. ഉത്തരകൊറിയന്‍ ഭരണാധികാരി കിം ജോങ് ഉന്നുമായി വാക്‌പോരാട്ടം നടത്തുന്ന ട്രംപിന്റെ ഓരോ പ്രസ്താവനകളും ലോകം ആശങ്കയോടെയാണ് കാണുന്നത്. ഫെബ്രുവരിക്കുശേഷം അന്താരാഷ്ട്ര സമൂഹത്തെ വെല്ലുവിളിച്ച് ഉത്തരകൊറിയ 22 മിസൈല്‍ പരീക്ഷണങ്ങളും ഒരു ആണവ പരീക്ഷണം നടത്തിയിട്ടുണ്ട്. രണ്ട് മിസൈലുകള്‍ ജപ്പാനു മുകളിലൂടെയാണ് വിക്ഷേപിച്ചത്.

യുദ്ധത്തിന് തിരികൊളുത്തുന്നത് അമേരിക്കയെന്ന് ഉത്തരകൊറിയ

യുദ്ധത്തിന് തിരികൊളുത്തുന്നത് അമേരിക്ക തന്നെയാണെന്ന് ഉത്തരകൊറിയന്‍ വിദേശകാര്യ മന്ത്രി റി യോങ് ഹോ. എത്ര വലിയ നിബന്ധനകള്‍ അടിച്ചേല്‍പ്പിച്ചാലും ആണവായുധ പരീക്ഷണം നിര്‍ത്തില്ല. കലഹപ്രിയനും ബുദ്ധിഭ്രമവുമുള്ള അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ പ്രസ്താവനകളാണ് യുദ്ധസാഹചര്യം സൃഷ്ടിക്കുന്നതെന്ന് റഷ്യന്‍ വാര്‍ത്താ ഏജന്‍സിയോട് സംസാരിക്കവെ അദ്ദേഹം പറഞ്ഞു. തങ്ങള്‍ ചര്‍ച്ചക്ക് തയാറല്ലെന്നും യുദ്ധത്തിലൂടെ മാത്രമേ പ്രശ്‌നത്തിന് ശാശ്വത പരിഹാരം ഉണ്ടാകുകയുള്ളൂ എന്നും ഹോ പറഞ്ഞു.

ഉത്തരകൊറിയയുടെ സമാധാനവും സുരക്ഷയും നിലനിര്‍ത്താന്‍ ആണവായുധങ്ങള്‍ അനിവാര്യമാണ്. രാജ്യത്തിന്റെ നിലനില്‍പ്പും വികസനവും അതിനെ ആശ്രയിച്ചാണ് കിടക്കുന്നത്. അമേരിക്കന്‍ ശത്രുതയുടെ ഫലമാണ് യു.എന്‍ ഉപരോധങ്ങളെന്നും ഹോ കുറ്റപ്പെടുത്തി. ഉത്തരകൊറിയക്കെതിരെ ഓരോ ദിവസവും ട്രംപ് ഭീഷണികള്‍ മുഴക്കിക്കൊണ്ടിരിക്കുകയാണ്. പ്രകോപനം തുടര്‍ന്നാല്‍ ഉത്തരകൊറിയയെ പൂര്‍ണമായും നശിപ്പിക്കുമെന്ന് ട്രംപ് യു.എന്‍ പ്രസംഗത്തില്‍ പറഞ്ഞിരുന്നു.

കഴിഞ്ഞ വര്‍ഷം സെപ്തംബറിലാണ് ഹാക്കിങ് നടന്നത്. പ്രതിരോധ വിവരങ്ങള്‍ മോഷ്ടിക്കപ്പെട്ടതായി മേയില്‍ ദക്ഷിണകൊറിയ വെളിപ്പെടുത്തിയിരുന്നു. ഉത്തരകൊറിയയാണ് സൈബറാക്രമണത്തിനു പിന്നിലെന്നും അവര്‍ കുറ്റപ്പെടുത്തിയിരുന്നു. എന്നാല്‍ യുദ്ധപദ്ധതി ചോര്‍ന്നുവെന്ന വാര്‍ത്തയോട് പ്രതികരിക്കാന്‍ ദക്ഷിണകൊറിയ തയാറായിട്ടില്ല. കുറച്ചു വര്‍ഷങ്ങളായി സര്‍ക്കാര്‍ വെബ്‌സൈറ്റുകളെയും തന്ത്രപ്രധാന ഓഫീസുകളെയും ലക്ഷ്യമിട്ട് ഉത്തരകൊറിയ സൈബറാക്രമണം ശക്തമാക്കിയിട്ടുണ്ടെന്ന് ദക്ഷിണകൊറിയന്‍ സ്റ്റേറ്റ് ന്യൂസ് ഏജന്‍സി യോന്‍ഹാപ്പ് സമ്മതിച്ചു. ചൈന അടക്കമുള്ള വിദേശ രാജ്യങ്ങളില്‍ പരിശീലനം നേടിയ വിദഗ്ധരായ ഹാക്കര്‍മാര്‍ ഉത്തരകൊറിയക്കുണ്ട്. ആണവ, മിസൈല്‍ പദ്ധതികളെച്ചൊല്ലി ഉത്തരകൊറിയയും അമേരിക്കയും പോര്‍വിളികള്‍ ശക്തമാക്കിയ പശ്ചാത്തലത്തില്‍ യുദ്ധപദ്ധതി ചോര്‍ന്നുവെന്ന റിപ്പോര്‍ട്ട് അന്താരാഷ്ട്ര സമൂഹം ഏറെ ഗൗരവത്തോടെയാണ് കാണുന്നത്. ഉത്തരകൊറിയയുടെ വിഷയത്തില്‍ ഒരുകാര്യം മാത്രമേ നടക്കൂ എന്ന് യു.എസ് പ്രസിഡന്റ് ഡൊണാള്‍ഡ് ട്രംപ് ഭീഷണി മുഴക്കിയിരുന്നു. എന്താണ് ചെയ്യാന്‍ ഉദ്ദേശിക്കുന്നതെന്ന് അദ്ദേഹം വ്യക്തമാക്കിയിട്ടില്ലെങ്കിലും യുദ്ധസൂചനയാണ് അതെന്ന് ലോകം കരുതുന്നു.