Kings Cup – Chandrika Daily

ആതിഥേയരെ തോല്‍പ്പിച്ച് കിംങ്‌സ് കപ്പില്‍ ഇന്ത്യക്ക് മൂന്നാം സ്ഥാനം

Test User — Sat, 08 Jun 2019 11:00:47 +0000

ഏഷ്യന്‍ കപ്പിലേറ്റ മുറിവ് ഉണക്കാന്‍ ഇറങ്ങിയ തായ്‌ലാന്റിന് വീണ്ടും തോല്‍വി രുചിക്കേണ്ടി വന്നു. കിങ്‌സ് കപ്പിലെ മൂന്നാം സ്ഥാനക്കാര്‍ക്ക് വേണ്ടി നടന്ന മത്സരത്തില്‍ ഏകപക്ഷീയമായ ഒരു ഗോളിനാണ് ഇന്ത്യ തായ്‌ലാന്റിനെ പരാജയപ്പെടുത്തിയത്. ഇന്ത്യക്ക് വേണ്ടി 17 ാം മിനിറ്റില്‍ അനിരുധ് താപയാണ് ഗോള്‍ നേടിയത്. ആദില്‍ ഖാന്‍ നല്‍കിയ പാസ് താപ അനായാസമായി ഗോളാക്കി മാറ്റുകയായിരുന്നു. പുതുമുഖങ്ങള്‍ക്ക് അവസരം നല്‍കിയാണ് കോച്ച് സ്റ്റിമാക്ക് ആദ്യ ഇലവനെ കളത്തിലിറക്കിയത്. സുനില്‍ ചേത്രി, ഉദാത്ത എന്നീ മുതിര്‍ന്ന താരങ്ങള്‍ക്ക് കോച്ച് വിശ്രമം നല്‍കി. മലയാളി സാനിധ്യമായ സഹല്‍ രണ്ടാം പരുതിയ്ക്ക് ശേഷമാണ് കളത്തിലിറങ്ങിയത്. കുറാക്കോയ്‌ക്കെതിരെ നടന്ന ആദ്യ മത്സരത്തില്‍ സഹല്‍ ആദ്യ ഇലവനില്‍ സ്ഥാനം പിടിച്ചിരുന്നു. നിരവധി അവസരങ്ങള്‍ ഇരു ടീമുകള്‍ക്കും ലഭിച്ചെങ്കിലും ഗോളാക്കി മാറ്റാന്‍ ടീമുകള്‍ക്ക് സാധിച്ചില്ല.

കിങ്‌സ് കപ്പ്: ബാര്‍സക്കും റയലിനും ജയം

chandrika — Fri, 02 Nov 2018 10:14:27 +0000

മാഡ്രിഡ്: കരുത്തരായ റയല്‍ മാഡ്രിഡിനും ബാര്‍സലോണക്കും സ്പാനിഷ് കിങ്‌സ് പ്രീക്വാര്‍ട്ടറില്‍ ജയം. ആദ്യപാദ മത്സരങ്ങളില്‍ മൂന്നാം ഡിവിഷന്‍ ക്ലബ്ബായ മെലിലയെ റയല്‍ എതിരില്ലാത്ത നാലു ഗോളിന് തകര്‍ത്തപ്പോള്‍ കള്‍ച്ചറല്‍ ലിയോനേസയെ ഒരു ഗോളിന് വീഴ്ത്തിയാണ് ബാര്‍സ ക്വാര്‍ട്ടര്‍ സാധ്യത ശക്തമാക്കിയത്.

എവേ മത്സരത്തില്‍ കരീം ബെന്‍സേമ, മാര്‍കോ അസന്‍സിയോ, അല്‍വാരോ ഒദ്രിയോസോള, ക്രിസ്‌റ്റോ ഗോണ്‍സാലസ് എന്നിവര്‍ നേടിയ ഗോളുകൡാണ് റയല്‍ മെലിലയെ വീഴ്ത്തിയത്. ഒഡ്രിയോസോളയും വിനിഷ്യസ് ജൂനിയറും രണ്ടുവീതം ഗോളുകള്‍ക്ക് വഴിയൊരുക്കി. 91-ാം മിനുട്ടില്‍ ക്ലമന്റ് ലെങ്‌ലെറ്റ് നേടിയ ഏക ഗോളിനായിരുന്നു ബാര്‍സയുടെ ജയം.
ഗെറ്റാഫെ, റയല്‍ വയ്യഡോളിഡ്, ടീമുകളും ജയം കണ്ടപ്പോള്‍ ഡിപോര്‍ട്ടിവോ അലാവസും ജിറോണയും 2-2 സമനിലയില്‍ പിരിഞ്ഞു.

സീസണ്‍ അവസാനം ലാ ലീഗയില്‍ ബാര്‍സയും റയലും കോര്‍ക്കുമ്പോള്‍

chandrika — Fri, 04 May 2018 11:07:37 +0000

മാഡ്രിഡ്: ലാ ലീഗ കിരീടവും, കിങ്‌സ് കപ്പും സ്വന്തമാക്കിയ ബാഴ്‌സലോണ സീസണിലെ അവസാന എല്‍ ക്ലാസിക്കോയില്‍ ഞായറാഴ്ച ചിര വൈരികളായ റയല്‍ മാഡ്രിഡിനെ നേരിടും. ലാ ലീഗ കിരീടം കൈവിട്ട റയല്‍ മാഡ്രിഡ് മൂന്നാം വര്‍ഷവും തുടര്‍ച്ചയായി ചാമ്പ്യന്‍സ് ലീഗ് കിരീടമെന്ന നേട്ടമാണ് ഇനി ലക്ഷ്യമിടുന്നത്. ഇതിനു മുന്നോടിയായി ടീമിന്റെ കരുത്ത് പ്രകടിപ്പിക്കാനുള്ള അവസരം കൂടിയാണ് ബാഴ്‌സക്കെതിരായ പോരാട്ടം. 10 വര്‍ഷത്തിനിടെ ഏഴാം തവണയും ലീഗ് കപ്പ് സ്വന്തമാക്കിയ ബാഴ്‌സയാവട്ടെ സീസണിന്റെ അവസാനം ഒരു മത്സരം തോല്‍ക്കാതെ തീര്‍ക്കാനാണ് ശ്രമിക്കുന്നത്. ലീഗില്‍ മൂന്നാം സ്ഥാനത്ത് തുടരുന്ന റയലിന് അത്‌ലറ്റിക്കോയെ പിന്തള്ളി രണ്ടാമതെത്തുക എന്ന ലക്ഷ്യം കൂടിയുണ്ട്. ലാ ലീഗയില്‍ റയലുമായുള്ള അന്തരം 18 പോയിന്റാക്കി ഉയര്‍ത്തിയ ബാഴ്‌സ റയലിനെതിരെ ഇത്രയും പോയിന്റ് വ്യത്യാസം ലീഗില്‍ നേടുന്നതും ഇതാദ്യമായാണ്. ഡിസംബറില്‍ 3-0ന് തോറ്റ ക്ഷീണം തീര്‍ക്കാനും മത്സരം സിനഡിന്‍ സിദാന്റെ സംഘത്തിന് നിര്‍ണായകമാണ്. ലീഗ് കിരീടം തീരുമാനിക്കപ്പെട്ടതിന് ശേഷം എല്‍ ക്ലാസിക്കോ നടക്കുന്നത് 2008ന് ശേഷം ഇതാദ്യമായാണ്. ആഭ്യന്തര ലീഗില്‍ പിന്തള്ളപ്പെട്ടെങ്കിലും ബാഴ്‌സ പരാജയപ്പെട്ട ചാമ്പ്യന്‍സ് ലീഗില്‍ കലാശക്കളിക്ക് അര്‍ഹത നേടിയതാണ് റയലിന് ആശ്വാസം പകരുന്നത്. 13-ാം യൂറോപ്യന്‍ കിരീടം ലക്ഷ്യമിടുന്ന റയല്‍ 26ന് നടക്കുന്ന മത്സരത്തില്‍ പ്രീമിയര്‍ ലീഗ് ടീമായ ലിവര്‍പൂളിനെയാണ് നേരിടുക. 1976ല്‍ ബയേണ്‍ മ്യൂണിക്ക് ഹാട്രിക് കിരീടം നേടിയ ശേഷം തുടര്‍ച്ചയായി മൂന്നു വര്‍ഷം കിരീടം സ്വന്തമാക്കാനുള്ള അവസരവും റയലിന് മുന്നിലുണ്ട്.

കിങ്‌സ് കപ്പില്‍ ബാര്‍സലോണക്ക് ഇന്ന് നിര്‍ണായകം

ചന്ദ്രിക വെബ് ഡെസ്‌ക്‌ — Thu, 08 Feb 2018 12:53:35 +0000

വലന്‍സിയ: 2017-18 സീസണില്‍ മിന്നും ഫോമിലുള്ള ബാര്‍സലോണക്ക് ഇന്ന് നിര്‍ണായക മത്സരം. സ്പാനിഷ് കിങ്‌സ് കപ്പ് (കോപ ദെല്‍ റേ) സെമി ഫൈനല്‍ രണ്ടാം പാദത്തില്‍ ബാര്‍സ ഇന്ന് വലന്‍സിയയെ നേരിടും.

Matchday!!!
Valencia v FC Barcelona
9.30 pm CET
Copa del Rey
Mestalla
#CopaBarça
#ForçaBarça pic.twitter.com/UlEF05IX5I

— FC Barcelona (@FCBarcelona) February 8, 2018

സ്വന്തം തട്ടകത്തില്‍ നടന്ന ആദ്യ പാദത്തില്‍ ഒരു ഗോളിന് ജയിച്ചിരുന്ന ബാര്‍സക്ക് കടുത്ത വെല്ലുവിളിയാവും സ്വന്തം തട്ടകമായ ദെ മെസ്റ്റല്ല സ്‌റ്റേഡിയത്തില്‍ ബാര്‍സ ഉയര്‍ത്തുക. ഇന്ത്യന്‍ സമയം അര്‍ധരാത്രി 2.00 മണിക്കാണ് കിക്കോഫ്.

കഴിഞ്ഞ സീസണില്‍ സ്പാനിഷ് ലീഗും ചാമ്പ്യന്‍സ് ലീഗും നേടാന്‍ കഴിയാതിരുന്ന ബാര്‍സലോണ സ്വന്തമാക്കിയ ഏക കിരീടം കിങ്‌സ് കപ്പായിരുന്നു. ഇത്തവണയും കിരീടം നിലനിര്‍ത്തുകയാണ് കാറ്റലന്‍സിന്റെ ലക്ഷ്യം. ലയണല്‍ മെസ്സിയും ഇനിയസ്റ്റയും ലൂയിസ് സുവാരസുമടക്കമുള്ള കരുത്തരായ നിരയെ തന്നെയാവും ബാര്‍സ ഇറക്കുക.

Valencia#CopaBarça pic.twitter.com/T7gYihLenL

— FC Barcelona (@FCBarcelona) February 8, 2018

സെമി ആദ്യപാദത്തിനു പുറമെ ലാലിഗയില്‍ അവസാനം കളിച്ച മൂന്നു മത്സരങ്ങളും തോറ്റ വലന്‍സിയക്ക് ബാര്‍സയെ കീഴടക്കുക എന്നത് നിര്‍ണായകയമാണ്. ചാമ്പ്യന്‍സ് ലീഗില്‍ അടുത്തയാഴ്ച ചെല്‍സിയെ നേരിടാനിരിക്കുന്ന ബാര്‍സലോണക്കും ജയം അനിവാര്യമാണ്.

ഈ വര്‍ഷം ആദ്യമായി റയലും ബാര്‍സയും ഇന്നിറങ്ങുന്നു; മെസ്സി, റൊണാള്‍ഡോ കളിക്കുന്നില്ല

ചന്ദ്രിക വെബ് ഡെസ്‌ക്‌ — Thu, 04 Jan 2018 12:03:43 +0000

മാഡ്രിഡ്: 2018 കലണ്ടര്‍ വര്‍ഷത്തില്‍ ക്ലബ്ബുകളുടെ ആദ്യ മത്സരത്തില്‍ സൂപ്പര്‍ താരങ്ങളായ ലയണല്‍ മെസ്സിയും ക്രിസ്റ്റ്യാനോ റൊണാള്‍ഡോയും കളിക്കുന്നില്ല. സ്പാനിഷ് കിങ്‌സ് കപ്പ് (കോപ ഡെല്‍ റേയ്) ക്വാര്‍ട്ടര്‍ ഫൈനലിന്റെ ആദ്യ പാദ മത്സരങ്ങളാണ് ഇന്ന് അര്‍ധരാത്രി നടക്കുന്നത്. ബാര്‍സലോണക്ക് സെല്‍റ്റ വിഗോയും റയലിന് നുമാന്‍സിയയുമാണ് എതിരാളികള്‍.

We’ve arrived in Vigo ahead of tonight’s #CopaBarça clash…#FCBlive pic.twitter.com/FxjAZ47I9z

— FC Barcelona (@FCBarcelona) January 4, 2018

ഡിസംബര്‍ 23-ലെ എല്‍ ക്ലാസിക്കോയ്ക്കു ശേഷം ഇതാദ്യമായാണ് ഇരു ടീമുകളും കളിക്കാനിറങ്ങുന്നത്. എല്‍ ക്ലാസിക്കോ വിജയത്തിനു ശേഷം അവധിയില്‍ പ്രവേശിച്ച ലയണല്‍ മെസ്സി, ലൂയിസ് സുവാരസ് എന്നിവര്‍ ചൊവ്വാഴ്ച വൈകുന്നേരമാണ് ബാര്‍സയില്‍ റിപ്പോര്‍ട്ട് ചെയ്തത്. സെല്‍റ്റയുടെ തട്ടകത്തില്‍ നടക്കുന്ന മത്സരത്തില്‍ ഇരുവര്‍ക്കും വിശ്രമം അനുവദിക്കാനാണ് കോച്ച് ഏണസ്‌റ്റോ വെല്‍വര്‍ദെ തീരുമാനിച്ചത്.

ഇരുവര്‍ക്കുമൊപ്പം ഒരാഴ്ചയിലേറെ നീണ്ട അവധിയിലായിരുന്ന ഡിഫന്റര്‍ ഹവിയര്‍ മഷരാനോയെ ബാര്‍സ ഇന്ന് കളിപ്പിക്കുന്നുണ്ട്. അതേസമയം, വെറ്ററന്‍ മിഡ്ഫീല്‍ഡര്‍ ആന്ദ്രേ ഇനിയസ്റ്റക്കും വിശ്രമം അനുവദിച്ചിട്ടുണ്ട്. സ്‌ട്രൈക്കര്‍ ഉസ്മാന്‍ ഡെംബലെ പരിക്കു മാറി ആരോഗ്യം കൈവരിച്ചത് അവര്‍ക്ക് പ്രതീക്ഷ പകരുന്നു.

Here’s our 19-man squad for our trip to Soria to face @cdnumancia! #RMCopa | #HalaMadrid pic.twitter.com/hQ49Upha1I

— Real Madrid C.F. (@realmadriden) January 4, 2018

ലാലിഗ കിരീട പോരാട്ടത്തില്‍ ഏറെ പിറകിലായിരുന്നിട്ടും ക്രിസ്റ്റ്യാനോ അടക്കമുള്ള സൂപ്പര്‍ താരങ്ങളില്ലാത്ത 19 അംഗ ടീമിനെയാണ് നുമാന്‍സിയയെ നേരിടാന്‍ റയല്‍ കോച്ച് സിനദെയ്ന്‍ സിദാന്‍ ഒരുക്കുന്നത്. പോര്‍ച്ചുഗീസ് താരത്തിനു പുറമെ ടോണി ക്രൂസ്, ലൂക്കാ മോഡ്രിച്ച്, മാര്‍സലോ, സെര്‍ജിയോ റാമോസ് എന്നിവര്‍ക്കും റയല്‍ വിശ്രമം അനുവദിച്ചു. എല്‍ ക്ലാസിക്കോയില്‍ പരിക്കേറ്റ കരീം ബെന്‍സേമയും കളിക്കുന്നില്ല. ഗരത് ബെയ്ല്‍, കസമീറോ, ഡാനി കാര്‍വഹാള്‍, കെയ്‌ലര്‍ നവാസ് തുടങ്ങിയവര്‍ കളിക്കുന്നുണ്ട്.

ഇന്ന് രാത്രി ഇന്ത്യന്‍ സമയം 11.30 നാണ് സെല്‍റ്റ വിഗോയും ബാര്‍സലോണയും തമ്മിലുള്ള പോരാട്ടം. കിങ്‌സ് കപ്പിലെ നിലവിലെ ചാമ്പ്യന്മാരായ ബാര്‍സ, കിരീടം നിലനിര്‍ത്താന്‍ ലക്ഷ്യമിട്ടാണ് ഇറങ്ങുന്നത്. 1.30 നാണ് റയല്‍-നുമാന്‍സിയ മത്സരം. ലെഗാനീസ് – വിയ്യാറയല്‍, എസ്പാന്യോള്‍ – ലെവന്റെ എന്നിവയാണ് മറ്റ് ക്വാര്‍ട്ടര്‍ മത്സരങ്ങള്‍.