വിവിധ സംസ്ഥാനങ്ങളില്‍ രാജ്ഭവന്‍ മാര്‍ച്ച് സംഘടിപ്പിക്കുന്നതിന്റെ ഒരുക്കങ്ങള്‍ നടക്കുകയാണെന്ന് കിസാന്‍ നേതാക്കള്‍ അറിയിച്ചു. രാജ്ഭവന്‍ മാര്‍ച്ചിന് അന്തിമരുപം നല്‍കാനും ഗവര്‍ണര്‍മാര്‍ക്ക് സമര്‍പ്പിക്കേണ്ട മെമ്മോറാണ്ടം തയ്യാറാക്കുന്നതിനും നവംബര്‍ 14 ന് ഡല്‍ഹിയില്‍ സംയുക്ത കിസാന്‍ മോര്‍ച്ച യോഗം ചേരും.

നാളെ കേന്ദ്രസര്‍ക്കാരുമായുള്ള ചര്‍ച്ചയിലും കര്‍ഷക സംഘടനകള്‍ നിലപാടില്‍ ഉറച്ചു നില്‍ക്കും. വരുംദിവസങ്ങളില്‍ രാജ്യവ്യാപകമായി പ്രതിഷേധം ശക്തമാക്കും.

പ്രക്ഷോഭ കേന്ദ്രങ്ങളില്‍ കൊടുംശൈത്യം തുടരുന്നു. ഡല്‍ഹിയില്‍ ഇന്ന് 3.6 ഡിഗ്രി സെല്‍ഷ്യസ് താപനിലയാണ് രേഖപ്പെടുത്തിയത്. വരുംദിവസങ്ങളില്‍ രണ്ട് ഡിഗ്രിക്ക് താഴെ താപനില എത്തുമെന്ന് കാലാവസ്ഥ നിരീക്ഷണകേന്ദ്രം മുന്നറിയിപ്പ് നല്‍കി.