ഉച്ചവരെയുള്ള കണക്കു പ്രകാരം 12748 വോട്ടാണ് സ്വീറ്റി സിങിന് കിട്ടിയിട്ടുള്ളത്. രണ്ടാം സ്ഥാനത്തുള്ള കോണ്‍ഗ്രസ് സ്ഥാനാര്‍ത്ഥി ഇജ്ഹാറുല്‍ ഹുസൈന് 7043 വോട്ടു കിട്ടി. മൂന്നാം സ്ഥാനത്താണ് ഉവൈസിയുടെ സ്ഥാനാര്‍ത്ഥിയുള്ളത്. പിടിച്ച വോട്ട് 3406. 2015ല്‍ കോണ്‍ഗ്രസിന്റെ ഡോ മുഹമ്മദ് ജാവേദ് ജയിച്ച മണ്ഡലമാണിത്. 8609 വോട്ടായിരുന്നു ഭൂരിപക്ഷം.

മുഹമ്മദ് ജാവേദ് ലോക്‌സഭയിലേക്ക് തെരഞ്ഞെടുക്കപ്പെട്ടതോടെ കിഷന്‍ഗഞ്ചിലെ നിയമസഭാ സീറ്റില്‍ ഉപതെരഞ്ഞെടുപ്പ് നടന്നിരുന്നു. ഉപതെരഞ്ഞെടുപ്പില്‍ എഐഎംഐഎം സ്ഥാനാര്‍ത്ഥി ഖമറുല്‍ ഹുദ ജയിക്കുകയും ചെയ്തു. ബിഹാറിന്റെ വടക്കു കിഴക്കന്‍ മൂലയിലാണ് കിഷന്‍ഗഞ്ച് ജില്ല സ്ഥിതി ചെയ്യുന്നത്. അതിവസിക്കുന്നവരില്‍ നാലില്‍ മൂന്ന് ശതമാനവും മുസ്‌ലിംകളാണ്. ഇന്ത്യയിലെ ഏറ്റവും പിന്നോക്ക ജില്ലകളില്‍ ഒന്നു കൂടിയാണ് കിഷന്‍ഗഞ്ച്.

അതിനിടെ, ബിഹാറില്‍ 12 മണി വരെ എണ്ണിയത് 17 ശതമാനത്തില്‍ താഴെ വോട്ടു മാത്രം. കോവിഡിന്റെ സാഹചര്യത്തിലാണ് വോട്ടെണ്ണലിന് പതിവു വേഗം കൈവരാനാകാത്തത്. എണ്ണിയതില്‍ എന്‍ഡിഎയ്ക്ക് 38 ഉം മഹാസഖ്യത്തിന് 36 ഉം ശതമാനം വോട്ടാണ് കിട്ടിയിട്ടുള്ളത്.

സംസ്ഥാനത്ത് മൊത്തം 4.2 കോടി വോട്ടര്‍മാരാണ് ഉള്ളത്. തെരഞ്ഞെടുപ്പ് കമ്മിഷന്റെ വെബ്‌സൈറ്റ് നല്‍കുന്ന കണക്കു പ്രകാരം ഇതുവരെ എണ്ണിയത് 55 ലക്ഷം വോട്ടുകള്‍ മാത്രമാണ്. 242 സീറ്റുകളില്‍ ഓരോ സീറ്റിലും ശരാശരി എണ്ണിയത് ഇരുപത്തിരണ്ടായിരം വോട്ടുകള്‍ മാത്രം. ഓരോ മണ്ഡലത്തിലും 1.73 ലക്ഷം വോട്ടുകള്‍ ശരാശരി പോള്‍ ചെയ്യപ്പെട്ടു എന്നാണ് കണക്ക്.

സംസ്ഥാനത്തെ 23 സീറ്റിലെ ഭൂരിപക്ഷം അഞ്ഞൂറില്‍ താഴെയെന്ന് എന്‍ഡിടിവി റിപ്പോര്‍ട്ട്. മൊത്തം 67 സീറ്റുകളില്‍ ഭൂരിപക്ഷം ആയിരത്തില്‍ താഴെയാണ്. അതു കൊണ്ടു തന്നെ ഏതു നിമിഷവും ഫലം മാറി മറിയാം എന്നാണ് രാഷ്ട്രീയ വിദഗ്ദ്ധരുടെ വിലയിരുത്തല്‍.

നിലവില്‍ 243 അംഗ സഭയില്‍ 127 സീറ്റുകളില്‍ എന്‍ഡിഎ മുന്നിട്ടു നില്‍ക്കുകയാണ്. ആര്‍ജെഡി നേതൃത്വം നല്‍കുന്ന മഹാസഖ്യം 104 മണ്ഡലങ്ങളിലാണ് ലീഡ് ചെയ്യുന്നത്. ചിരാഗ് പാസ്വാന്റെ എല്‍ജെപി അഞ്ചിടത്തും മറ്റു കക്ഷികള്‍ പത്തു സീറ്റിലും മുമ്പില്‍ നില്‍ക്കുന്നു.

ബിജെപിയിലാണ് ഏറ്റവും വലിയ ഒറ്റക്കക്ഷിയായി നില്‍ക്കുന്നത്. 73 സീറ്റാണ് പാര്‍ട്ടിക്കുള്ളത്. ആര്‍ജെഡി 66 സീറ്റിലും ജെഡിയു 47 സീറ്റിലും മുമ്പിട്ടു നില്‍ക്കുന്നു. 23 ഇടത്താണ് കോണ്‍ഗ്രസ് ലീഡ് ചെയ്യുന്നത്.

ദേശീയ രാഷ്ട്രീയത്തിലെ ചുവടുകള്‍ ശക്തമാക്കാനാണ് വരാനിരിക്കുന്ന ലോക്‌സഭാ തെരഞ്ഞെടുപ്പിലൂടെ ഇന്ത്യന്‍ യൂണിയന്‍ മുസ്ലിം ലീഗ് ലക്ഷ്യമിടുന്നതെന്ന കിഷന്‍ഖഞ്ചിലെ വാര്‍ത്താ സമ്മേളനത്തില്‍ ഇടി മുഹമ്മദ് ബഷീര്‍ എം പി പറഞ്ഞു. അടിസ്ഥാന സൗകര്യങ്ങള്‍ വികസിക്കണം. സംസ്ഥാനത്തെ ന്യൂനപക്ഷങ്ങളുടെ പ്രശ്‌നങ്ങളില്‍ നിന്ന് സര്‍ക്കാറുകള്‍ ഒളിച്ചോടരുത്. സംസ്ഥാനത്ത് ന്യൂനപക്ഷ വിഭാഗങ്ങളുടെ പുരോഗതിക്കാവശ്യമായ നല്ല സ്ഥാപനങ്ങളില്ല. മദ്രസാ ബോര്‍ഡിനും ഉര്‍ദു അക്കാദമിക്കും ചെയര്‍മാന്‍ ഇല്ലാത്ത സാഹചര്യമാണ് ഇപ്പോള്‍ ഉള്ളതെന്നും അദ്ദേഹം ആരോപിച്ചു. ന്യൂനപക്ഷങ്ങള്‍ ഇപ്പോഴും വേട്ടയാടപ്പെടുന്നു. വരാനിരിക്കുന്ന ലോക്‌സഭാ തെരഞ്ഞെടുപ്പില്‍ ഫാസിസ്റ്റ് മുന്നണിയെ തോല്‍പിച്ച് കോണ്‍ഗ്രസ്സ് നയിക്കുന്ന ഐക്യ പുരോഗമന മുന്നണിയെ അധികാരത്തിലെത്തിച്ചാല്‍ മാത്രമേ രാജ്യത്തെ എല്ലാ വിഭാഗം ജനങ്ങള്‍ക്കും ഭാവിയെ കുറിച്ച് പ്രതീക്ഷയുള്ളവരാകാന്‍ കഴിയൂ എന്നും കിഷന്‍ഖഞ്ചില്‍ മാധ്യപ്രവര്‍ത്തകരോട് ഇടി പറഞ്ഞു. മുഹമ്മദ് കോയ തിരുനാവായ, ഹമദ് മൂസ, എം കെ ഹംസ, നിഅ്മത്തുല്ലാ കോട്ടക്കല്‍, മുഹമ്മദ് കൊച്ചുകുളം,ഡോ. അബ്ദുസ്സമദ് കുറ്റിയാടി, പ്രൊഫ റാശിദ് നഹാള്‍, ഡോ. അസീമു റഹ്മാന്‍, ശിഹാബുദ്ദീന്‍, സഫറുല്ല മുല്ല, അബ്ദുല്‍ ബാരിലത്തീഫ് രാമനാട്ടുകര, വാജിദ് കൊയിലാണ്ടി , മഹ്മൂദ് പെരിങ്ങത്തൂര്‍, ശൗക്കത്തലി, അന്‍സബ് എന്നിവരും സംഘത്തിലുണ്ടായിരുന്നു.