നാഷണല്‍ മാധ്യമങ്ങളുടെ റിപ്പോര്‍ട്ടുകള്‍ പ്രകാരം, സഞ്ജുവിനായി ഡല്‍ഹി ഫ്രാഞ്ചൈസി താല്‍പര്യം പ്രകടിപ്പിച്ചതായി, രാഹുലിന് വേണ്ടി കൊല്‍ക്കത്ത നൈറ്റ് റൈഡേഴ്‌സ് രംഗത്തെത്തിയിട്ടുണ്ടെന്ന് പറയുന്നു.

കഴിഞ്ഞ സീസണില്‍ സഞ്ജു പരിക്കിനാല്‍ മിക്ക മത്സരങ്ങളിലും ബെഞ്ചിലായിരുന്നു. ടീം മാനേജ്‌മെന്റുമായുള്ള ഭിന്നാഭിപ്രായങ്ങള്‍ താരത്തിന് ഉണ്ടായിരുന്നുവെന്ന് റിപ്പോര്‍ട്ട്. ഇതിന്റെ ഫലമായി, സഞ്ജു ടീം വിടാനുള്ള സന്നദ്ധത പ്രഖ്യാപിച്ചിരുന്നു. സമാനമായി, പരിശീലകന്‍ രാഹുല്‍ ദ്രാവിഡ് ഭിന്നാഭിപ്രായങ്ങള്‍ മൂലം രാജസ്ഥാന്‍ ക്യാമ്പ് വിട്ടിരുന്നു.

2024ല്‍ പ്ലേഓഫില്‍ എത്തിയ രാജസ്ഥാന്‍, 2025 സീസണില്‍ സമീപകാലത്തെ ഏറ്റവും മോശം പ്രകടനം കാഴ്ചവെച്ചു. ഡല്‍ഹി ടീം കഴിഞ്ഞ സീസണില്‍ വിട്ട ഋഷഭ് പന്ത് ലഖ്‌നോ സൂപ്പര്‍ ജയന്റ്‌സില്‍ ക്യാപ്റ്റന്‍ ആയിരുന്നു. പകരം ക്യാപ്റ്റനായ അക്‌സര്‍ പട്ടേലിന്റെ പ്രകടനത്തില്‍ ഡല്‍ഹി ഫ്രാഞ്ചൈസി തൃപ്തരല്ല. അതിനാല്‍ പുതിയ നായകനെ തേടി ഡല്‍ഹി മാനേജ്‌മെന്റ് ശ്രമിക്കുകയാണ്.

ചെന്നൈ സൂപ്പര്‍ കിങ്‌സ് സഞ്ജുവിനെ സ്വന്തമാക്കാന്‍ രാജസ്ഥാനുമായി ചര്‍ച്ച നടത്തിയെങ്കിലും, റവീന്ദ്ര ജദേജയെയോ ഋതുരാജ് ഗെയ്ക്വാദിനെയോ പകരം നല്‍കേണ്ടത് ആവശ്യപ്പെട്ടതിനെ തുടര്‍ന്ന് സി.എസ്.കെ പിന്‍വലിച്ചു.

കെ.എല്‍. രാഹുലിനെ ടീമിലെത്തിക്കുന്നതിന് കൊല്‍ക്കത്ത നൈറ്റ് റൈഡേഴ്‌സ് ശ്രമത്തിലാണ്. കഴിഞ്ഞ സീസണില്‍ 539 റണ്‍സ് നേടിയ രാഹുലിനെ കൊണ്ടുവരികയാല്‍ ബാറ്റിങ് ഡിപ്പാര്‍ട്ട്‌മെന്റിന് കരുത്ത് പകരുമെന്നും ഫ്രാഞ്ചൈസി ലക്ഷ്യമിടുന്നു. വിക്കറ്റ് കീപ്പര്‍ ബാറ്ററായ രാഹുലിനെ ക്യാപ്റ്റന്‍ സ്ഥാനത്തേക്കും പരിഗണിക്കാന്‍ സാധ്യത കൊല്‍ക്കത്ത കണക്കാക്കുന്നു.

താരകൈമാറ്റത്തില്‍ വ്യക്തത ഇനിയും വരാനുണ്ട്. നവംബര്‍ 15നകം ഫ്രാഞ്ചൈസികള്‍ താരങ്ങളുടെ പട്ടിക ഐ.പി.എല്ലിന് കൈമാറണം. ഡിസംബര്‍ 14, 15 തീയതികളിലായി താരലേലം നടക്കും. എന്നാല്‍ ഔദ്യോഗിക സ്ഥിരീകരണം ഇതുവരെ ലഭിച്ചിട്ടില്ല.

❤️❤️ LSG Brigade! pic.twitter.com/xfG3YBu6l4

— Gautam Gambhir (@GautamGambhir) November 22, 2023

ഗംഭീര്‍ ക്യാപ്റ്റനായിരുന്ന സീസണുകളില്‍ ടീം രണ്ടുതവണ കിരീടം നേടിയിരുന്നു. കെകെആര്‍ ടീം മെന്ററായി ഗംഭീറിനെ നിയമിച്ചതായി സിഇഒ വെങ്കി മൈസൂര്‍ പ്രഖ്യാപിച്ചു. നടനും ടീമിന്റെ സഹഉടമയുമായ ഷാറൂഖ് ഖാന്‍ ‘ക്യാപ്റ്റന്റെ തിരിച്ചു വരവ്’ എന്നാണ് ഗംഭീറിന്റെ തിരിച്ചു വരവിനെ വിശേഷിപ്പിച്ചത്.

17 പന്തില്‍ അര്‍ധ സെഞ്ച്വറി നേടിയ ഇഷാന്‍ ഐ.പി.എല്‍ ചരിത്രത്തില്‍ വേഗമേറിയ രണ്ടാമത്തെ അര്‍ധ സെഞ്ച്വറി നേടുന്ന താരമായി. കൊല്‍ക്കത്ത നൈറ്റ് റൈഡേഴ്‌സ് താരം സുനില്‍ നരെയ്‌നൊപ്പമാണ് ഇഷാന്‍ ഈ പട്ടികയില്‍.14 പന്തില്‍ അര്‍ധ സെഞ്ച്വറി നേടിയ കെഎല്‍ രാഹുലിന്റെ പേരിലാണ് ഈ റെക്കോര്‍ഡ്. മുംബൈ ഇന്ത്യന്‍സിനായി ഏറ്റവും വേഗത്തില്‍ അര്‍ധ സെഞ്ച്വറി നേടുന്ന താരമെന്ന റെക്കോര്‍ഡാണ് ഇന്നലെ സ്വന്തമാക്കിയ മറ്റൊരു നേട്ടം. കൂടാതെ ഐ.പി.എല്ലില്‍ ഏറ്റവും വേഗത്തില്‍ അര്‍ധ സെഞ്ച്വറി കുറിക്കുന്ന പ്രായം കുറഞ്ഞ താരമെന്ന ബഹുമതിയും പതൊമ്പതുകാരന്‍ സ്വന്തമാക്കി.

നായകന്‍ രോഹിത് ശര്‍മ ആക്രച്ചുകളിക്കാന്‍ ബുദ്ധിമുട്ടിയതോടെ തുടക്കത്തില്‍ ശ്രദ്ധിച്ചു കളിച്ച കിഷന്‍ കുല്‍ദീപ് യാദവ് എറിഞ്ഞ പതിനാലാം ഓവറിലാണ് തന്റെ ബാറ്റിങ് ടോപ് ഗിയറിലേക്ക് മാറ്റിയത്. ഓവറിന്റെ മൂന്നാം പന്തുമുതല്‍ തുടര്‍ച്ചയായി നാലു സിക്സറുകളാണ് ഈ ഓവറില്‍ പിറന്നത്. അഞ്ചു ഫോറും ആറു സിക്‌സും പറത്തിയ കിഷനെ ഒടുവില്‍ സുനില്‍ നരേയ്‌നെ തുടരെ സിക്‌സു പായിക്കാനുള്ള ശ്രമത്തിനിടെ ബൗണ്ടറി ലൈനിനരികില്‍ റോബിന്‍ ഉത്തപ്പ പിടികൂടുകയായിരുന്നു. സീസണില്‍ മൂന്നാം അര്‍ധ സെഞ്ച്വറിയാണ് കിഷന്‍ ഇന്നലെ സ്വന്തമാക്കിയത്.

Innings Break.

A fine innings by @PrithviShaw, followed by a stupendous knock of 93* by Shreyas propels the @DelhiDaredevils to a total of 219/4.

Stay tuned, chase coming up in a bit #DDvKKR #VIVOIPL pic.twitter.com/FDrconI9BI

— IndianPremierLeague (@IPL) April 27, 2018

ഇനി നടക്കാനുള്ള എട്ട് മല്‍സരങ്ങളില്‍ ഏഴില്ലെങ്കിലും ജയിച്ചാല്‍ മാത്രമേ സാധ്യതയുള്ളു എന്ന് മനസ്സിലാക്കി തന്നെയായിരുന്നു സ്വന്തം മൈതാനത്ത് ഡല്‍ഹിക്കാരുടെ മുന്നേറ്റം. പ്രിഥി ഷാ എന്ന അണ്ടര്‍ 19 നായകന്‍ വെടിക്കെട്ടിന് തുടക്കമിട്ടു. മണ്‍റോയായിരുന്നു കൂട്ട്. ആദ്യ വിക്കറ്റ് സഖ്യം 54 വരെയെത്തി. പ്രിഥി തകര്‍പ്പന്‍ ഫോമിലായിരുന്നു. രണ്ട് സിക്‌സറുകളും നാല് ബൗണ്ടറികളും നിറം പകര്‍ന്ന ഇന്നിംഗ്‌സ്. 62 റണ്‍സാണ് യുവതാരം നേടിയത്. മൂന്നാമനായാണ് പുതിയ നായകന്‍ ശ്രേയാംസ് വന്നത്. നിലുറപ്പിക്കാനൊന്നും അദ്ദേഹം സമയമെടുത്തില്ല. ടീമിന്റെ അവസ്ഥ മാനിച്ച് കൊണ്ട് തകര്‍പ്പനടികളായിരുന്നു. പത്ത് പടുകൂറ്റന്‍ സിക്‌സറുകളാണ് ആ ബാറ്റില്‍ നിന്നും പിറന്നത്. ബൗണ്ടറികള്‍ മൂന്ന് മാത്രം. നാല്‍പ്പത് പന്തില്‍ പുറത്താവാതെ 93 റണ്‍സ്. എല്ലാ ബൗളര്‍മാരും കാര്യമായി അടി വാങ്ങി. യുവ സീമര്‍ ശിവം മാവിയെയാണ് ഡല്‍ഹി ക്യാപ്റ്റന്‍ കാര്യമായി ആക്രമിച്ചത്. നാല് ഓവറില്‍ 58 റണ്‍സ്. ഗ്ലെന്‍ മാക്‌സ്‌വെല്‍ 27 റണ്‍സ് നേടി.

New captain Shreyas Iyer powers bottom-placed Delhi Daredevils to highest score of #IPL2018 with blaze of sixes https://t.co/YMx3GvHpDt #DDvKKR #IPL2018 pic.twitter.com/lkrMHpn3U3

— ESPNcricinfo (@ESPNcricinfo) April 27, 2018

മറുപടി ബാറ്റിംഗില്‍ കൊല്‍ക്കത്തക്ക് തുടക്കം മുതല്‍ തിരിച്ചടിയേറ്റു. വലിയ സ്‌ക്കോര്‍ പിന്തുടരേണ്ട ബാധ്യതയില്‍ ക്രിസ് ലിന്‍ അഞ്ച് റണ്‍സുമായി പുറത്തായി. കൂറ്റനടിക്കാരന്‍ സുനില്‍ നരേന്‍ മൂന്ന് സിക്‌സറുകള്‍ പായിച്ച് അപകടസൂചന നല്‍കിയെങ്കിലും 26 ല്‍ മടങ്ങി. റോബിന്‍ ഉത്തപ്പക്ക് ഒരു റണ്‍ മാത്രമാണ് ലഭിച്ചത്. റാണ എട്ടിനും നായകന്‍ ദിനേശ് കാര്‍ത്തിക് 18 നും പുറത്തായതോടെ ചിത്രം വ്യക്തമായി. പക്ഷേ വിന്‍ഡീസുകാരന്‍ ആന്ദ്രെ റസല്‍ പതിവ് പോലെ ഞെട്ടിക്കല്‍ പ്രകടനം നടത്തി. അതിവേഗം അര്‍ധ സെഞ്ച്വറി നേടിയ താരത്തെ പിന്തുണക്കാന്‍ പക്ഷേ മറ്റാരുമുണ്ടായിരുന്നില്ല.

ചാമ്പ്യന്‍ഷിപ്പിന്റെ ആരംഭം മുതല്‍ മികച്ച ഇന്നിംഗ്‌സുകള്‍ കാഴ്ച്ച വെച്ച കേരളത്തിന്റെ വിക്കറ്റ് കീപ്പര്‍ ഇന്നലെ ബൗണ്ടറിയില്‍ തുടങ്ങിയെങ്കിലും വ്യക്തിഗത സ്‌ക്കോര്‍ 7 ല്‍ ശിവം മാവിയുടെ പന്തില്‍ പുറത്തായി. അണ്ടര്‍ 19 ലോകകപ്പില്‍ ഇന്ത്യക്കായി മിന്നിയ മാവിയുടെ പന്തില്‍ കൂറ്റന്‍ ഷോട്ടിനുള്ള സഞ്ജുവിന്റെ ശ്രമം പകുതി വഴിയില്‍ കുല്‍ദീപ് യാദവിന്റെ കരങ്ങളിലെത്തുകയായിരുന്നു. നല്ല തുടക്കമായിരുന്നു റോയല്‍സിന് നായകന്‍ അജിങ്ക്യ രഹാനെയും സഹ ഓപ്പണര്‍ ഷോര്‍ട്ടും നല്‍കിയത്. കൊല്‍ക്കത്താ ബൗളര്‍മാര്‍ക്ക് അവസരം നല്‍കാതെ രണ്ട് പേരും ആറ് ഓവര്‍ പൂര്‍ത്തിയാക്കി. ടീം സ്‌ക്കോര്‍ 54 ലാണ് കൊല്‍ക്കത്ത നായകന്‍ ദിനേശ് കാര്‍ത്തിക്കിന്റെ മിന്നും ഡൈവിംഗ് റണ്ണൗട്ടില്‍ രഹാനെ പുറത്തായത്. 19 പന്തില്‍ അഞ്ച് ബൗണ്ടറികളും ഒരു സിക്‌സറുമായി നന്നായി കളിക്കുകയായിരുന്ന നായകന്റെ മടക്കം ടീമിനെ ബാധിച്ചു.

പിറകെ വന്ന സഞ്ജു എട്ട് പന്തുകള്‍ മാത്രമാണ് കളിച്ചത്. ത്രിപാഠി, 15 ല്‍ പുറത്തായപ്പോള്‍ വലിയ വിലക്ക് ടീമിലെത്തിയ സ്‌റ്റോക്ക്‌സ് ഒരിക്കല്‍ കൂടി നിരാശപ്പെടുത്തി. 14 റണ്‍സ് മാത്രം നേടിയ സൂപ്പര്‍ താരത്തെ ചാവ്‌ലയാണ് പുറത്താക്കിയത്. ബട്ട്‌ലര്‍ പുറത്താവാതെ 24 റണ്‍സുമായി ടീമിന് പ്രതീക്ഷ നല്‍കിയെങ്കിലും വാലറ്റത്തില്‍ കാര്യമായ സംഭാവനകള്‍ ഉണ്ടായില്ല. സ്പിന്നര്‍മാരായ ചാവ്‌ലയും കുല്‍ദീപും ഓരോ വിക്കറ്റ് വീതം വീഴ്ത്തിയപ്പോള്‍ മാവി നാല് ഓവറില്‍ 40 റണ്‍സ് വഴങ്ങി ഒരു വിക്കറ്റ് നേടി. മറുപടി ബാറ്റിംഗില്‍ കൊല്‍ക്കത്തയെ ആദ്യ ഓവറില്‍ തന്നെ ഗൗതം പിറകിലാക്കി. മൂന്നാം പന്തില്‍ ലിന്‍ ബൗള്‍ഡായി. ബാറ്റിംഗ് നിരയിലെ വെടിക്കെട്ടുക്കാരന്‍ സുനില്‍ നരേനും റോബിന്‍ ഉത്തപ്പയും പക്ഷേ ഇന്നിംഗ്‌സിന് ദിശ നല്‍കി. പതിവ് പോലെ കൂറ്റന്‍ ഷോട്ടുകളുമായി നരേന്‍ 25 പന്തില്‍ 35 റണ്‍സുമായി മടങ്ങി. ഉത്തപ്പയുടെ 48 റണ്‍സായിരുന്നു ഇന്നിംഗ്‌സിലെ ശക്തി. രണ്ട് സിക്‌സറുകളും ആറ് ബൗണ്ടറികളും പായിച്ചു കര്‍ണാടകക്കാരന്‍. പിന്നീടെത്തിയ നായകന്‍ കാര്‍ത്തിക് അപാര ഫോമിലായിരുന്നു. രണ്ട് സിക്‌സറും രണ്ട് ബൗണ്ടറിയുമായി ദിനേശ് കളം നിറഞ്ഞു.

നിലവിലെ സാഹചര്യത്തില്‍ ഇന്ത്യന്‍ താരം റോബിന്‍ ഉത്തപ്പക്കാണ് നറുക്ക് വീഴാന്‍ കൂടുതല്‍ സാധ്യത. കഴിഞ്ഞ നാലു വര്‍ഷമായി വിക്കറ്റ് കീപ്പര്‍ ബാറ്റ്‌സ്മാനായി ടീമില്‍ തിളങ്ങുന്ന താരം ഗംഭീറിന്റെ അഭാവത്തില്‍ ടീമിനെ നയിക്കാന്‍ ആഗ്രഹമുണ്ടെന്ന് നേരത്തെ ഒരു അഭിമുഖത്തില്‍ വ്യക്തമാക്കിയിരുന്നു.

കൊല്‍ക്കത്ത ആരാധകരുടെ പിന്തുണയും ഉത്തപ്പയുടെ സാധ്യത വര്‍ധിപ്പിക്കുന്നു. അതേസമയം ക്രിസ് ലിന്നിനേയും, ദിനേഷ് കാര്‍ത്തിക്കിനേയും പോലുള്ള സീനിയര്‍ താരങ്ങളേയും നായകനായി പരിഗണിക്കുന്നുണ്ടെന്നാണ് പുറത്തു വരുന്ന റിപ്പോര്‍ട്ടുകള്‍. ഏതായാലും തങ്ങളുടെ പുതിയ നായകനെ ഇന്നറിയാം എന്ന ആവേശത്തിലാണ് ക്ലബ് ആരാധകര്‍.

അതേസമയം പുതിയ നായകന്‍ കൂടുതല്‍ സമ്മര്‍ദ്ദങ്ങള്‍ നല്‍കരുതെന്ന താക്കീതുമായി മുന്‍ ഇന്ത്യന്‍ നായകനും കൊല്‍ക്കത്തയുടെ ആദ്യ നായകനുമായ സൗരവ് ഗാംഗുലി രംഗത്തെത്തി.ക്യാപ്റ്റനാകുന്നയാള്‍ക്ക് അല്പം സാവകാശം നല്‍കണമെന്നും, ഒറ്റയടിക്ക് സമ്മര്‍ദ്ദങ്ങള്‍ മുഴുവന്‍ അദ്ദേഹത്തിന്റെ തോളില്‍ ചാരരുതെന്നും മാനേജ്‌മെന്റില്‍ നിന്ന് ലഭിക്കുന്ന സ്വാതന്ത്ര്യവും, പിന്തുണയുമാണ് ഏതൊരുതാരത്തേയും മികച്ച നായകനാക്കുന്നതെന്നും, സ്റ്റീവ് വോയേയും, സ്റ്റീഫന്‍ ഫ്‌ലെമിംഗിനെപ്പോലെയുമുള്ള ക്യാപ്റ്റന്മാര്‍ ഇതിനുള്ള മികച്ച ഉദാഹരണങ്ങളാണെന്നും ഗാംഗുലി കൂട്ടിച്ചേര്‍ത്തു.

ഏഴു സീസണില്‍ ഗൗതം ഗംഭീറിന്റെ ക്യാപറ്റന്‍സിക്കു കീഴില്‍ കളിച്ച കൊല്‍ക്കത്ത രണ്ടു തവണ ഐ.പി.എല്‍ കിരീടത്തില്‍ മുത്തമിട്ടുണ്ട്.

കൊല്‍ക്കത്ത: വരാനാരിക്കുന്ന ഐ.പി.എല്‍ സീസണില്‍ കൊല്‍ക്കത്ത നൈറ്റ് റൈഡേഴ്‌സിന്റെ നായകപദവി ഏറ്റെടുക്കാന്‍ തയ്യാറാണെന്ന് ഇന്ത്യന്‍ താരം റോബിന്‍ ഉത്തപ്പ.

ഗൗതം ഗംഭീറിനെ ടീമില്‍ നിലനിര്‍ത്താതതിനെ തുടര്‍ന്നാണ് വരുന്ന സീസണില്‍ കൊല്‍ക്കത്തയെ ആര് നയിക്കും എന്ന ചോദ്യമുയര്‍ന്നത്. സ്‌പോര്‍ട്‌സ് സ്റ്റാറിന് നല്‍കിയ അഭിമുഖത്തിലാണ് നായക പദവി ഏറ്റെടുക്കാന്‍ ആഗ്രഹമുണ്ടെന്ന  കാര്യം താരം വെളിപ്പെടുത്തിയത്.

തീര്‍ച്ചയായും. നായക പദവി ഏറ്റെടുക്കനാന്‍ ഞാന്‍ തയ്യാറാണ്. അങ്ങനൊരു അവസരം ലഭിക്കുകയാണെങ്കില്‍ അത് അഭിമാനമായിരിക്കും. പക്ഷെ തീരുമാനം എടുക്കേണ്ട് ടീം മാനേജ്‌മെന്റാണ്. ഞാനെന്റെ നൂറ് ശതമാനവും നല്‍കും. ഒരു കളിക്കാരനെന്ന നിലയില്‍ ടീമിന് വേണ്ടി അത് ചെയ്യുക എന്നത് എന്റെ ഉത്തരവാദിത്വമാണ്.’ ഉത്തപ്പ് പറഞ്ഞു.

ഐ.പി.എല്ലിലെ ആദ്യത്തെ ആറു സീസണുകളില്‍ ഞാന്‍ കൃത്യമായ ഒരിടമില്ലാതെ കറങ്ങി നടക്കുകയായിരുന്നു. എന്നെ സംബന്ധിച്ചിടത്തോളം വീടെന്ന് പറയാവുന്ന ഒരിടം കണ്ടെത്തേണ്ടതുണ്ടായിരുന്നു. കൊല്‍ക്കത്തക്കാര്‍ വളരെ നല്ല ആളുകളാണ്. ഒരുപാട് സ്‌നേഹവും കരുതലും അവര്‍ എനിക്കു തന്നു. ടീം മാനേജുമെന്റും എന്നും ഒപ്പം നിന്നു.’ താരം കൂട്ടിച്ചേര്‍ത്തു.

അതേസമയം ക്ലബിന്റെ പുതിയ നായകനെ കൊല്‍ക്കത്ത നൈറ്റ് റെഡേഴ്‌സ് ഇതുവരെ പ്രഖ്യാപിച്ചിട്ടില്ല. നിലവിലെ ടീമിലെ സീനിയര്‍ താരം കൂടിയായ ഉത്തപ്പക്ക് നായകന്റെ നറുക്ക് വീഴുമെന്നാണ് വിദഗ്ധരുടെ വിലയിരുത്തല്‍. ആരാധകരുടെ പ്രിയതാരവും മുന്‍ നായകനുമായ ഗൗതം ഗംഭീറിന്റെ പിന്‍മുറക്കാരനെ ഉടന്‍ പ്രഖ്യാപിക്കുമെന്ന് ടീം വൃത്തങ്ങള്‍ വ്യക്തമാക്കിയിട്ടുണ്ട്.

തന്നെ നിലനിര്‍ത്താതതില്‍ വ്യക്തമായ കാരണം ക്ലബിനുണ്ടെന്നാണ് ഗംഭീറിന്റെ വാദം. താന്‍ ഇപ്പോള്‍ കരിയറിന്റെ അവസാന കാലഘട്ടത്തിലൂടെയാണ് കടന്നുപോവുന്നത് . യുവാള്‍ക്കാണ് ടി-20യില്‍ പ്രധാന്യം നല്‍കേണ്ടത്. യുവതാരങ്ങളുടെ മെന്ററായി പ്രവര്‍ത്തിക്കേണ്ട സമയമടുത്തു. ക്ലബ് തന്നെ തഴഞ്ഞ തീരുമാനം അംഗീകരിക്കുന്നു. ഗംഭീര്‍ പറഞ്ഞു.

താരലേലത്തില്‍ ഗംഭീറിനെ സ്വന്തമാക്കാന്‍ ചെന്നൈ സൂപ്പര്‍ കിങ്‌സും ഐ.പി.എല്ലില്‍ അദ്ദേഹത്തിന്റെ ആദ്യ ടീമായ ഡെല്‍ഹി ഡെയര്‍ ഡെവിള്‍സും ശക്തമായ രംഗത്തുണ്ടെന്ന വാര്‍ത്തകള്‍ക്കിടെയാണ് ഗംഭീറിന്റെ പ്രതികരണം. അതേസമയം റൈറ്റ് ടു മാച്ച് വഴി കൊല്‍ക്കത്ത തന്നെ താരത്തെ കൂട്ടിലെത്തിക്കുമെന്ന അഭ്യൂഹവും നിലനില്‍ക്കുന്നുണ്ട്. ഇതോടെ ഇത്തവണ താരലേലത്തില്‍ ഏവരും ഉറ്റുനോക്കുന്ന പ്രധാന താരമാവും ഗംഭീര്‍.

2011 സീസണില്‍ കൊല്‍ക്കെത്തയിലെത്തിയ ഗംഭീര്‍ രണ്ടു തവണ ടീമിനെ ഐ.പി.എല്‍ ജേതാക്കളാക്കിയിട്ടുണ്ട്. നായകനായും ഓപണാറായും ടീമിനു മികച്ച പ്രകടനം കാഴ്ച ഗംഭീര്‍ കൊല്‍ക്കത്ത നൈറ്റ് റൈഡേഴ്‌സ് ആരാധകര്‍ക്കിടയില്‍ ഏറ്റവും പ്രിയപ്പെട്ട കളിക്കാരില്‍ പ്രമുഖനാണ്.