kmuraleedharan – Chandrika Daily

തന്ത്രിയെ മറയാക്കി മന്ത്രിയെ രക്ഷിക്കാന്‍ നോക്കേണ്ടെന്ന് കെ.മുരളീധരന്‍

webdesk17 — Sat, 10 Jan 2026 08:00:20 +0000

ശബരിമല സ്വര്‍ണക്കൊള്ള കേസില്‍ തന്ത്രിയെ മറയാക്കി മന്ത്രിയെ രക്ഷിക്കാന്‍ നോക്കേണ്ടെന്ന് കെ.മുരീധരന്‍. തന്ത്രിയും കൂടെ കുടുങ്ങിയതോടെ കേസ് കഴിഞ്ഞു എന്നാണ് സര്‍ക്കാര്‍ കരുതുന്നതെങ്കില്‍ അത് അംഗീകരിക്കാന്‍ കഴിയില്ലെന്നും കെ.മുരളീധരന്‍ പറഞ്ഞു.

‘സ്വന്തം പാര്‍ട്ടിക്കാര്‍ സ്വര്‍ണം കടത്തിയത്, സിപിഎമ്മും അതിന്റെ തലപ്പത്തുള്ളവരും മന്ത്രിയും അടക്കം അറിഞ്ഞില്ല എന്നുപറഞ്ഞാ അതങ്ങനെ ശരിയാകുമെന്നും കെ.മുരളീധരന്‍ ചോദിച്ചു.

ശബരിമലയില്‍ നടന്ന തിരിമറികള്‍ അറിഞ്ഞിട്ടില്ലെങ്കില്‍ ഇവരൊക്കെ മന്ത്രിമാരായി ഇരിക്കുന്നതില്‍ കാര്യമില്ലെന്നും സ്വന്തം വകുപ്പിന്റെ കീഴില്‍ കൊള്ള നടക്കുമ്പോള്‍ കണ്ടുപിടിക്കാന്‍ മന്ത്രിമാര്‍ക്ക് കഴിഞ്ഞില്ലെന്നുള്ളത് ആരും വിശ്വസിക്കില്ലെന്നും കെ.മുരളീധരന്‍ പറഞ്ഞു.

കേസില്‍ തന്ത്രി എങ്ങനെ ഉള്‍പ്പെട്ടുവെന്ന് അന്വേഷണത്തിലൂടെ മാത്രമേ വ്യക്തമാവു. ഇതുമായി ബന്ധപ്പെട്ടുള്ള കാര്യങ്ങള്‍ കോടതിയില്‍ പറയേണ്ടതാണ്. ദേവസ്വം ബോര്‍ഡ് ഭരണകര്‍ത്താക്കള്‍ മാത്രം വിചാരിച്ചാല്‍ ഇത്രയും വലിയൊരു കൊള്ള നടക്കില്ലെന്നും അദ്ദേഹം കൂട്ടിച്ചേര്‍ത്തു.

‘സൗന്ദര്യവതിയായി വന്ന് ഭീകരരൂപിണിയായി ചോര കുടിക്കും’; ഛത്തീസ്ഗഡ് സംഭവത്തില്‍ ബി.ജെ.പിക്കെതിരെ കെ. മുരളീധരന്‍

webdesk17 — Mon, 04 Aug 2025 18:10:43 +0000

ഛത്തീസ്ഗഡ് സംഭവത്തില്‍ ബി.ജെ.പിക്കെതിരെ തുറന്നടിച്ച് കെ. മുരളീധരന്‍. യക്ഷിക്കഥകളെ പോലെ സൗന്ദര്യവതിയായി വന്ന് പിന്നീട് ഭീകര രൂപിണിയായി ചോര കുടിക്കുന്നതാണ് ബി.ജെ.പിയുടെ സ്വഭാവമെന്നും ഛത്തീസ്ഗഡില്‍ കണ്ടത് അതാണെന്നും അദ്ദേഹം പറഞ്ഞു. കന്യാസ്ത്രീകള്‍ അറസ്റ്റ് ചെയ്യപ്പെട്ടതോടെയാണ് പലര്‍ക്കും കാര്യം മനസ്സിലായത്. കേരളത്തിലും രണ്ട് സമുദായങ്ങളെ അകറ്റാണ് അവര്‍ ശ്രമിച്ചത്. സാദിഖലി ശിഹാബ് തങ്ങളും കുഞ്ഞാലിക്കുട്ടിയുമാണ് ഈ വിഷയത്തില്‍ പക്വതയോടെ ഇടപെട്ടത്. – കെ. മുരളീധരന്‍ പറഞ്ഞു. മുസ്‌ലിം ലീഗ് സംസ്ഥാന കമ്മിറ്റി കൊണ്ടോട്ടി ശിഹാബ് തങ്ങള്‍ ഡയാലിസിസ് സെന്ററില്‍ സംഘടിപ്പിച്ച ശിഹാബ് തങ്ങള്‍ അനുസ്മരണ സമ്മേളനത്തില്‍ സംസാരിക്കുകയായിരുന്നു അദ്ദേഹം.

രാജ്യത്തിന്റെ സമാധാന അന്തരീക്ഷത്തിന് കാവലിരുന്ന വ്യക്തിത്വമായിരുന്നു സയ്യിദ് മുഹമ്മദലി ശിഹാബ് തങ്ങളെന്നും അദ്ദേഹം പറഞ്ഞു. സംഘ്പരിവാര്‍ ബാബരി മസ്ജിദ് തകര്‍ത്തപ്പോള്‍ കോണ്‍ഗ്രസിനെ കുറ്റപ്പെടുത്താനും വര്‍ഗീയ ലഹളക്ക് വേദിയൊരുക്കാനും പലരും ശ്രമം നടത്തി. ശിഹാബ് തങ്ങളുടെ വാക്കുകളാണ് അന്ന് രാജ്യത്തെ രക്ഷിച്ചത്. ബാബരി വിങ്ങുന്ന വേദനയായി നിലനിന്നപ്പോഴും ഇന്ത്യ ഭരിക്കുന്നവരെ ശിക്ഷിച്ചാല്‍ പള്ളി തകര്‍ത്തവര്‍ക്ക് അത് ഗുണം ചെയ്യുമെന്ന് അദ്ദേഹം ഓര്‍മപ്പെടുത്തി. പിന്നീട് ആ വാക്കുകള്‍ യാഥാര്‍ത്ഥ്യമായത് നമ്മള്‍ കണ്ടു. ഭരണകൂട ഭീകരത ന്യൂനപക്ഷങ്ങളെ വേട്ടയാടുന്ന വര്‍ത്തമാനകാല സാഹചര്യത്തില്‍ ശിഹാബ് തങ്ങളുടെ നിലപാടിന് പ്രാധാന്യമേറുകയാണെന്നും അദ്ദേഹം പറഞ്ഞു.

കരുവന്നൂരിലെ എന്‍ഫോഴ്‌സ്‌മെന്റ് ഇടപെടല്‍ രാഷ്ട്രീയ പ്രേരിതമെന്ന് പറയാനാകില്ല ; കരുവന്നൂരിന്റെ മറവില്‍ എല്ലാ സഹകരണ ബാങ്കുകളേയും തകര്‍ക്കാന്‍ അനുവദിക്കില്ലെന്നും കെ മുരളീധന്‍

webdesk15 — Sun, 01 Oct 2023 06:56:00 +0000

കരുവന്നൂരിലെ എന്‍ഫോഴ്‌സ്‌മെന്റ് ഇടപെടല്‍ രാഷ്ട്രീയ പ്രേരിതമെന്ന് ആര്‍ക്കും പറയാനാകില്ലെന്ന് കെ മുരളീധരന്‍ എംപി പറഞ്ഞു.എന്നാല്‍ കരുവന്നൂരിന്റെ മറവില്‍ എല്ലാ സഹകരണ ബാങ്കുകളേയും തകര്‍ക്കാന്‍ അനുവദിക്കില്ലെന്നും കെ മുരളീധന്‍ വ്യക്തമാക്കി.. ഇഡി അന്വേഷിച്ചാലും സംസ്ഥാനം അന്വേഷിച്ചാലും അത് അഴിമതിയാണ്. കരുവന്നൂരില്‍ വലിയതോതില്‍ അഴിമതി നടന്നിട്ടുണ്ട്. പല സിപി എം നേതാക്കള്‍ക്കും അതില്‍ പങ്കുണ്ട്. ഇ ഡി അന്വേഷണത്തെ കുറ്റപ്പെടുത്താന്‍ പറ്റില്ല. രാഷ്ട്രീയനേതാക്കളെ തിരഞ്ഞുപിടിച്ചുവരുമ്പോഴാണ് രാഷ്ട്രീയം കാണുന്നതെന്നും കെ മുരളീധരന്‍ പറഞ്ഞു.കരുവന്നൂര്‍ മുതലെടുത്ത് തൃശൂര്‍ എടുക്കാം എന്ന് ബിജെപി കരുതേണ്ട. ബിജെപിക്ക് കേരളത്തില്‍ കെട്ടിവെച്ച കാശ് കിട്ടുമോയെന്ന് നോക്കിയാല്‍ മതിയെന്നും മുരളീധരന്‍ പറഞ്ഞു.

‘പുതുപ്പള്ളിയിൽ ജയ്ക് സി തോമസിന് ഹാട്രിക് കിട്ടും’ ; അപ്പനോടും മകനോടും തോറ്റു എന്ന പേരുമുണ്ടാവുമെന്ന് കെ .മുരളീധരൻ

webdesk15 — Sat, 12 Aug 2023 06:36:22 +0000

പുതുപ്പള്ളിയിൽ ജയ്ക് സി തോമസിന് ഹാട്രിക് കിട്ടുമെന്നും .അപ്പനോടും മകനോടും തോറ്റു എന്ന പേരുമുണ്ടാവുമെനന്നും കെ.മുരളീധരൻ എം.പി.ഉമ്മൻ ചാണ്ടി ചികിത്സ വിവാദം.സിപിഎം നടത്തുന്നത് തറ പ്രചരണം മാത്രമാണ്. .ഉമ്മൻ ചാണ്ടിക്ക് എല്ലാ ചികിൽസയും കുടുംബം നൽകി.ഇടതുമുന്നണിക്ക് നേട്ടങ്ങൾ ഒന്നും പറയാൻ ഇല്ലാത്തത് കൊണ്ടാണ് തറയായ കാര്യങ്ങൾ പറയുന്നതെന്നും അദ്ദേഹം പറഞ്ഞു.

‘മോദിയുടെ ആയുധമാണ് കേരളത്തിലെ സി പി എം’; കെ മുരളീധരൻ

webdesk15 — Sun, 09 Jul 2023 06:44:10 +0000

പ്രധാനമന്ത്രി നരേന്ദ്രമോദിയുടെ ആയുധമാണ് കേരളത്തിലെ സിപിഎമ്മെന്ന് കെ മുരളീധരൻ പറഞ്ഞു.ഇത് അറിയാവുന്നതുകൊണ്ടാണ് സിപിഎമ്മുമായി സമരത്തിനില്ലെന്ന് കോൺഗ്രസ് പറയുന്നത്.സിപിഐഎമ്മിന്റേത് വോട്ട് ബാങ്ക് രാഷ്ട്രീയമെന്ന് കെ മുരളീധരൻ എംപി. മുസ്ലിം ലീഗിനെ യുഡിഎഫിൽ നിന്ന് അടർത്തി മാറ്റാനുള്ള നീക്കമാണ് നടക്കുന്നതെന്നും അദ്ദേഹം പറഞ്ഞു.കേരളത്തിൽ ബിജെപിക്ക് നുഴഞ്ഞുകയറാൻ സിപിഐഎം വഴിയൊരുക്കുകയാണെന്നും കോൺഗ്രസിന്റെ തകർച്ചയാണ് അവർ ആഗ്രഹിക്കുന്നതെന്നും കെ മുരളീധരൻ കുറ്റപ്പെടുത്തി.

‘എ കെ ബാലന്‍റെ വാദം കേട്ടാൽ പിണറായി ജയിലിൽ പോകും’ പരിഹാസവുമായി കെ മുരളീധരന്‍

webdesk15 — Sat, 06 May 2023 06:30:26 +0000

എ ഐ ക്യാമറ വിവാദത്തില്‍ വായതുറക്കാത്ത മുഖ്യമന്ത്രിയെ ന്യായീകരിച്ച് രംഗത്ത് വന്ന സി.പി.എം നേതാവ് എ കെ ബാലനെ പരിഹസിച്ച് കെ മുരളീധരന്‍. ബാലന്‍റെ വാദം കേട്ടാൽ പിണറായി ജയിലിൽ പോകുമെന്നും, സൈക്കിൾ ഇടിച്ച കേസ് വാദിച്ചാൽ തൂക്കിക്കൊല്ലുമെന്ന് പറയുമ്പോലെയാണ് ബാലന്‍റെ വാദമെന്നും അദ്ദേഹം പറഞ്ഞു.വിജിലൻസ് അന്വേഷണത്തിന് ഉത്തരവിട്ട മുഖ്യമന്ത്രി എങ്ങനെയാണ് എഐ ക്യാമറ വിവാദത്തില്‍ അഭിപ്രായം പറയുകയെന്നായിരുന്നു എകെ ബാലന്‍റെ ന്യായീകരണം.ജുഡീഷ്യൽ അന്വേഷണം ആവശ്യപ്പെട്ട് കോടതിയെ സമീപിക്കുമെന്നും വെള്ളാനയായ കെൽട്രോൺ അടച്ചുപൂട്ടണമെന്നും . മുരളീധരന്‍ ആവശ്യപ്പെട്ടു.

പ്രധാനമന്ത്രിയുടെ മുന്നിൽ പിണറായി അനുസരണയുള്ള പൂച്ചക്കൂട്ടിയായെന്ന് കെ.മുരളീധരൻ

webdesk15 — Mon, 01 May 2023 05:32:34 +0000

കേരളത്തെ കേന്ദ്രസര്‍ക്കാര്‍ അവഗണിക്കുന്നുവെന്ന മുഖ്യമന്ത്രിയുടെ വിമര്‍ശനത്തിനെ പരിഹസിച്ച്കെ. മുരളീധരന്‍ എംപി. ഒഞ്ചിയത്ത് പിണറായി ചീറ്റപ്പുലിയാണെന്നും എന്നാല്‍ പ്രധാനമന്ത്രിയുടെ മുന്നിൽ അനുസരണയുള്ള പൂച്ചക്കൂട്ടിയായെന്നും മുരളീധരന്‍ പറഞ്ഞു. കേരളത്തിന്‍റെ ആവശ്യങ്ങൾ പ്രധാനമന്ത്രിയോട് മുഖ്യമന്ത്രി അവതരിപ്പിച്ചില്ലെന്നും മുരളീധരൻ കുറ്റപ്പെടുത്തി.സിപിഎമ്മും ബിജെപിയും തമ്മിൽ അന്തർധാര സജീവമാണ്. സർക്കാരിനെ സംരക്ഷിക്കുന്നത് ബിജെപിയാണെന്നും അദ്ദേഹം പറഞ്ഞു.

തരൂരിനെ വിലക്കിയവരെ അറിയാമെന്ന് കെ.മുരളീധരന്‍; നാളെ രാവിലെ എട്ടിന് തരൂര്‍ പാണക്കാട്ട്

Chandrika Web — Mon, 21 Nov 2022 07:23:08 +0000

കോണ്‍ഗ്രസ് നേതാവ് ശശിതരൂര്‍ എം.പിയുടെ പരിപാടി വിലക്കിയവരെ അറിയാമെന്ന് കെ.മുരളീധരന്‍ എം.പി. ഇതിനുപിന്നില്‍ ഗൂഢാലോചനയുണ്ട്. എം.കെ രാഘവന്‍ എം.പിക്കും ആളെ അറിയാം. മുഖ്യമന്ത്രിപദമോഹികളാണ് അതിന് പിന്നില്‍. യൂത്ത് കോണ്‍ഗ്രസ് പിന്മാറിയതില്‍ ഷാഫി പറമ്പിലിന് പങ്കില്ലെന്നും മുരളീധരന്‍ പറഞ്ഞു. ഇത്തരം കാര്യങ്ങള്‍ ഇനി ആവര്‍ത്തിക്കരുത്.

നാളെ രാവിലെ എട്ടിന് പാണക്കാട് സയ്യിദ് സാദിഖലി ശിഹാബ് തങ്ങള്‍, പി.കെ കുഞ്ഞാലിക്കുട്ടി എന്നിവരുമായി തരൂര്‍ സംസാരിക്കും. 8.45ന് മലപ്പുറം ഡിസിസി യില്‍ സന്ദര്‍ശനം. 10ന് പെരിന്തല്‍മണ്ണയിലെ ഹൈദരലി ശിഹാബ് തങ്ങള്‍ ഐ.എ.എസ് അക്കാദമിയില്‍ വിദ്യാര്‍ത്ഥികളുമായി സംവദിക്കും.
ഉച്ചക്ക് കോഴിക്കോട് വിമന്‍സ് കോളജ് വിദ്യാര്‍ത്ഥികളുമായി സംവാദം.
5മണിക്ക് കോഴിക്കോട് ബീച്ചില്‍ മാതൃഭൂമി ശതാബ്ദി ആഘോഷങ്ങളുടെ ഭാഗമായി പ്രഭാഷണം. 7മണിക്ക് കാന്തപുരം അബൂബക്കര്‍ മുസ്‌ലിയാരെ സന്ദര്‍ശിക്കും.
തുടര്‍ന്ന് കണ്ണൂരിലേക്ക്. 23ന് രാവിലെ 11ന് അന്തരിച്ച സതീശന്‍ പാച്ചേനിയുടെ വീട് സന്ദര്‍ശനം.