വിമാനയാത്രക്കാരുടെ ഗതാഗതം കൂടുതല്‍ സൗകര്യപ്രദമാക്കുന്ന രീതിയിലാണ് റെയില്‍വേ സ്റ്റേഷന്‍ രൂപകല്‍പ്പന ചെയ്യുന്നത്. അങ്കമാലിയും ചൊവ്വരയും തമ്മിലുള്ള പാതയില്‍, വിമാനത്താവളത്തിന് അടുത്തായിരിക്കും സ്റ്റേഷന്‍ ഉയരുക. അനുമതി ലഭിച്ചതോടെ നിര്‍മാണ പ്രവര്‍ത്തനങ്ങള്‍ ഉടന്‍ ആരംഭിക്കുമെന്ന് സൂചനയുണ്ട്.

കഴിഞ്ഞ വര്‍ഷം വിന്‍ഡോ-ട്രെയിലിംഗ് ഇന്‍സ്‌പെക്ഷന്‍ നടത്തിയപ്പോള്‍, റെയില്‍വേ മന്ത്രി തന്നെ സ്റ്റേഷന്റെ സ്ഥാനം ഉദ്യോഗസ്ഥര്‍ക്ക് കാണിച്ചുകൊടുത്തിരുന്നു. ആ ഇന്‍സ്‌പെക്ഷനില്‍ ജോര്‍ജ് കുര്യനും പങ്കെടുത്തിരുന്നു.

ഈ പദ്ധതി യാഥാര്‍ത്ഥ്യമായാല്‍, കൊച്ചി അന്താരാഷ്ട്ര വിമാനത്താവളം ഇന്ത്യയിലെ ട്രെയിനില്‍ നേരിട്ട് എത്താനാകുന്ന പ്രധാന എയര്‍പോര്‍ട്ടുകളില്‍ ഒന്നായി മാറും.

നെടുമ്പാശ്ശേരി വിമാനത്താവളത്തില്‍ ജോലികള്‍ക്ക് തടസ്സം വന്നിട്ടില്ലെന്നും സിയാല്‍ വിശദീകരണം നല്‍കി. കേരളത്തില്‍ കൊച്ചി, കണ്ണൂര്‍ അടക്കമുള്ള വിമാനത്താവളങ്ങളിലെ ഗ്രൗണ്ട് ഹാന്‍ഡ്‌ലിംഗ് സെലബിയാണ് കൈകാര്യം ചെയ്യുന്നത്. ഡല്‍ഹി, മുംബൈ അടക്കമുള്ള പ്രധാന വിമാനത്താവളങ്ങളിലും ഗ്രൗണ്ട് ഹാന്‍ഡ്‌ലിംഗ് നടത്തുന്നത് ഈ കമ്പനിയാണ്.

അടിവസ്ത്രത്തില്‍ പേസ്റ്റ് രൂപത്തിലാക്കി അറയിലൊളിപ്പിച്ചാണ് ഇയാള്‍ സ്വര്‍ണ്ണം കടത്താന്‍ ശ്രമിച്ചത്. തിരിച്ചറിയാതിരിക്കാന്‍ ഇത് ചേര്‍ത്ത് തുന്നിവയ്ക്കുകയും ചെയ്തു. ഇയാളില്‍ നിന്നും സോക്‌സിനകത്ത് ഒളിപ്പിച്ച രണ്ട് സ്വര്‍ണ്ണ ചെയിനുകളും പിടികൂടി.

ഇന്ന് പുലര്‍ച്ചെയാണ് മയക്കുമരുന്നുമായി എത്തിയ കെനിയന്‍ വനിതയാണ് പിടിയിലായത്. ഷാര്‍ജയില്‍ നിന്ന് എയര്‍ അറേബ്യ വിമാനത്തില്‍ കൊച്ചിയിലെത്തിയ കെനിയന്‍ വനിതയില്‍ നിന്നാണ് മയക്കുമരുന്ന് കണ്ടെത്തിയത്. രഹസ്യവിവരത്തിന്റെ അടിസ്ഥാനത്തില്‍ പരിശോധന നടത്തിയപ്പോഴാണ് ഡിആര്‍ഐ മയക്കുമരുന്ന് പിടികൂടിയത്. ഇവരില്‍  നിന്നും 1 കിലോ ഹെറോയിനാണ് പിടികൂടിയത്.

മയക്കുമരുന്ന് ബാഗിനുള്ളില്‍ ഒളിപ്പിച്ച നിലയിലായിരുന്നു. ഇത്രയുമധികം മയക്കുമരുന്ന് ഒരു വിദേശ വനിത കടത്താന്‍ ശ്രമിക്കുന്നത് അടുത്തകാലത്ത് ആദ്യമായാണ്. മുമ്പും ഇതേ രീതിയില്‍ ഇവര്‍ മയക്കുമരുന്ന് കടത്തിയിട്ടുണ്ടോയെന്നും അന്വേഷിക്കുന്നുണ്ട്.

അബൂദബിയില്‍ നിന്നുവന്ന ചേറ്റുവ സ്വദേശി ആഷിഖില്‍ നിന്നാണ് 1253 ഗ്രാം സ്വര്‍ണം പിടികൂടിയത്. നാല് കാപ്‌സ്യൂളുകളുടെ രൂപത്തിലാക്കിയാണ് സ്വര്‍ണം കടത്താന്‍ ശ്രമിച്ചത്.

130 യാത്രക്കാരുമായി ലണ്ടനില്‍ നിന്ന് തിരിച്ച എ ഐ 1186 വിമാനം ഒന്‍പതര മണിക്കൂര്‍ നീണ്ട ആകാശയാത്രക്കൊടുവിലാണ് കൊച്ചി അന്താരാഷ്ട്ര വിമാനത്താവളത്തിലെത്തിയത്. യൂറോപ്പില്‍ നിന്നുള്ള ആദ്യ വിമാനത്തെ ജലാഭിവാദ്യം നല്‍കിയാണ് സ്വീകരിച്ചത്. യൂറോപ്പിലേക്ക് നേരിട്ടുള്ള കണക്റ്റിവിറ്റി പ്രോത്സാഹിപ്പിക്കുന്നതിന്റെ ഭാഗമായി, കൊച്ചിയിലേക്ക് നേരിട്ട് യൂറോപ്യന്‍ സര്‍വീസുകള്‍ നടത്തുന്ന എയര്‍ലൈനുകളുടെ ലാന്‍ഡിംഗ് ഫീസ് മുഴുവന്‍ ഒഴിവാക്കാന്‍ തീരുമാനിച്ചതായി സിയാല്‍ അറിയിച്ചു. പ്രവാസികള്‍ ഏറെ നാളായി ആവശ്യപ്പെടുന്ന കാര്യമാണിത്. ഒരു വര്‍ഷത്തേക്ക് യൂറോപ്പില്‍ നിന്ന് നേരിട്ട് സര്‍വ്വീസ് നടത്തുന്ന വിമാനങ്ങള്‍ക്ക് ലാന്‍ഡിംഗ് ഫീ ഒഴിവാക്കാനാണ് സിയാലിന്റെ തീരുമാനം.

https://www.facebook.com/watch/CochinInternationalAirport/

ലാന്‍ഡിങ് ചാര്‍ജില്‍ ഇളവ് കിട്ടുന്നതോടെ കൂടുതല്‍ വിമാന കമ്പനികള്‍ യൂറോപ്പിലേയ്ക്ക് നേരിട്ട് യാത്രാസൗകര്യം ഒരുക്കുമെന്നാണ് പ്രതീക്ഷ. ടിക്കറ്റ് ചാര്‍ജ് കുറയാനും സാധ്യതയുണ്ട്. വന്ദേഭാരത് ദൗത്യത്തിന്റെ ഭാഗമായി സെപ്റ്റംബര്‍ 27 വരെയുള്ള ലണ്ടന്‍-കൊച്ചി-ലണ്ടന്‍ സര്‍വീസുകളുടെ സമയപ്പട്ടിക ക്രമീകരിച്ചിട്ടുണ്ട്. വെള്ളി, ഞായര്‍ ദിവസങ്ങളിലാണ് ഈ സര്‍വീസ്.രണ്ട് സര്‍വ്വീസുകളും തിരികെ യാത്രക്കാരുമായി അന്നേ ദിവസം തന്നെ മടങ്ങും.

തിരുവനന്തപുരം വിമാനത്താവളം വഴി സ്വര്‍ണം കടത്തിയ വന്‍സംഘം തന്നെ പിടിയിലാവുകയും എന്‍ഐഎ, കസ്റ്റംസ് തുടങ്ങിയ കേന്ദ്ര ഏജന്‍സികള്‍ അന്വേഷണം സജീവമാക്കുകയും ചെയ്തിട്ടും സംസ്ഥാനത്ത് സ്വര്‍ണക്കടത്ത് നിര്‍ബാധം തുടരുകയാണ്. കുഴമ്പ് രൂപത്തിലാക്കിയും അടിവസ്ത്രത്തിലും ദേഹത്തും ഒളിപ്പിച്ചുമാണ് എല്ലാവരും സ്വര്‍ണം കടത്തി കൊണ്ടുപോകാന്‍ ശ്രമിക്കുന്നത്.

എയര്‍പോര്‍ട്ട് അതോറിറ്റി ഓഫ് ഇന്ത്യയുടെ കീഴിലുള്ള അഹമ്മദാബാദ്, ജയ്പൂര്‍, ലക്‌നൗ, ഗുവാഹത്തി, തിരുവനന്തപുരം, മംഗലാപുരം വിമാത്താവളങ്ങളാണ് സ്വകാര്യ കമ്പനികള്‍ക്ക് പാട്ടത്തിന് നല്‍കാന്‍ തീരുമാനിച്ചതെന്ന് മന്ത്രി വ്യക്തമാക്കി.

സ്വകാര്യവത്ക്കരണത്തെ എന്തിനാണ് കേരളം എതിര്‍ക്കുന്നതെന്നും, 99ല്‍ കൊച്ചി വിമാനത്താവളം സ്വകാര്യവത്കരിച്ചതല്ലേയെന്നും മന്ത്രി ചോദിച്ചു. ഇതോടെ കോണ്‍ഗ്രസും ഇടത്പക്ഷവും ബഹളം വച്ചു. എംപിമാരും കേന്ദ്രത്തിന് നിവേദനം നല്‍കി. വിമാനത്താവളത്തിന്റെ
നടത്തിപ്പ് അദാനി ഗ്രൂപ്പിന് കൈമാറാനുള്ള എയര്‍പോര്‍ട്ട് അതോറിറ്റി ഓഫ് ഇന്ത്യയുടെ ശുപാര്‍ശ ഇപ്പോള്‍ കേന്ദ്രമന്ത്രിസഭയുടെ പരിഗണനയിലാണ്.