kodungallur – Chandrika Daily https://www.chandrikadaily.com Sat, 15 Nov 2025 09:24:27 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg kodungallur – Chandrika Daily https://www.chandrikadaily.com 32 32 കുളത്തില്‍ മുങ്ങിയ ഗൃഹനാഥനെ വീട്ടമ്മ ധൈര്യമായി രക്ഷപ്പെടുത്തി https://www.chandrikadaily.com/the-housewifes-brave-rescued-the-head-of-the-houses-who-drowned-in-the-pool.html https://www.chandrikadaily.com/the-housewifes-brave-rescued-the-head-of-the-houses-who-drowned-in-the-pool.html#respond Sat, 15 Nov 2025 09:18:13 +0000 https://www.chandrikadaily.com/?p=363660 കൊടുങ്ങല്ലൂര്‍ : ആഴമുള്ള കുളത്തില്‍ മുങ്ങി ബോധരഹിതനായ ഗൃഹനാഥന്റെ ജീവന്‍ നഷ്ടമാകുന്നതിന് മുമ്പ് വീട്ടമ്മയുടെ അതിസാഹസിക ഇടപെടല്‍ രക്ഷയായി. തിരുവള്ളൂര്‍ സ്വദേശിയും സാമൂഹികപ്രവര്‍ത്തകനുമായ കൊട്ടക്കാട്ട് അജയനെയാണ് സമീപവാസിയായ വീട്ടമ്മ ചിത്രമധു സമയോചിതമായി കുളത്തില്‍ നിന്ന് വലിച്ചെടുത്തത്.
അയല്‍വീട്ടിലെ കുളത്തില്‍ മത്സ്യങ്ങള്‍ക്ക് ഭക്ഷ്യപദാര്‍ത്ഥങ്ങള്‍ നല്‍കാനായിരുന്നു അജയന്‍ പോയത്. പതിവ് സമയത്ത് തിരികെ വരുന്നില്ലെന്ന് ശ്രദ്ധയില്‍പ്പെട്ടതോടെ വീട്ടമ്മ സംശയം തോന്നി കുളത്തിനരികിലേക്ക് ചെന്നു നോക്കുകയായിരുന്നു. അപ്പോള്‍ തന്നെയാണ് കുളത്തില്‍ വഴുതി വീണു ബോധരഹിതനായ അവസ്ഥയില്‍ അജയനെ കണ്ടത്. ഉടന്‍ തന്നെ ചിത്രമധു കുളത്തില്‍ ചാടി അജയനെ കരയിലേക്ക്വലിച്ചുകയറ്റി. ശബ്ദം കേട്ട് അജയന്റെ ഭാര്യയും മകളും ഓടിയെത്തി. പള്‍സ് ഇല്ലാതായതോടെ ഫിസിയോതെറാപ്പിസ്റ്റായ മകള്‍ അമൃത ലക്ഷ്മി ഉടന്‍ സി.പി.ആര്‍ ഉള്‍പ്പെടെയുള്ള പ്രാഥമിക ശുശ്രൂഷ നല്‍കി. തുടര്‍ന്ന് നാട്ടുകാരുടെ സഹായത്തോടെ അജയനെ കൊടുങ്ങല്ലൂര്‍ സ്വകാര്യ ആശുപത്രിയിലെത്തിച്ചു. വീട്ടമ്മയ്ക്കും രക്ഷാപ്രവര്‍ത്തനത്തിനിടെ ചെറിയ പരിക്കേറ്റു. രക്ഷാപ്രവര്‍ത്തനത്തിന്റെ പോരാട്ടത്തിലൂടെ അജയന്റെ ജീവന്‍ തിരികെ ലഭിച്ചതോടെ പ്രദേശവാസികള്‍ ചിത്രമധുവിനും അമൃത ലക്ഷ്മിക്കും പ്രശംസയറിയിച്ചു.

]]> https://www.chandrikadaily.com/the-housewifes-brave-rescued-the-head-of-the-houses-who-drowned-in-the-pool.html/feed 0 കലുങ്ക് സംവാദം; സുരേഷ് ഗോപിയുടെ മറുപടി വേദനിപ്പിച്ചെന്ന് വീട്ടമ്മ https://www.chandrikadaily.com/11suresh-gopis-words-upset-the-housewife.html https://www.chandrikadaily.com/11suresh-gopis-words-upset-the-housewife.html#respond Thu, 18 Sep 2025 04:58:13 +0000 https://www.chandrikadaily.com/?p=354692 കൊടുങ്ങല്ലൂരില്‍ നടന്ന കലുങ്ക് സംവാദം പരിപാടിയില്‍ കേന്ദ്രമന്ത്രി സുരേഷ് ഗോപിയുടെ മറുപടി വീട്ടമ്മയെ വേദനിപ്പിച്ചു.
കരുവന്നൂര്‍ ബാങ്കിലെ പ്രശ്‌നം വിശദീകരിച്ചപ്പോള്‍, ‘മുഖ്യമന്ത്രിയോട് പോയി പറയൂ’ എന്നായിരുന്നു സുരേഷ് ഗോപിയുടെ പ്രതികരണം. കൂടാതെ, ‘ചേച്ചി, കൂടുതല്‍ വര്‍ത്തമാനം പറയരുത്’ എന്ന പ്രയോഗവും അദ്ദേഹം നടത്തി.

കേന്ദ്രമന്ത്രി അങ്ങനെ പറയരുതായിരുന്നെന്നും പൊറത്തിശേരി സ്വദേശി ആനന്ദവല്ലി മാധ്യമങ്ങളോട് പറഞ്ഞു.

ജനകീയ പ്രശ്‌നങ്ങള്‍ കേള്‍ക്കാനും പരിഹാരം കാണാനുമായി ആരംഭിച്ച കലുങ്ക് സംവാദം വിവാദങ്ങള്‍ക്ക് വേദിയാകുന്ന സാഹചര്യമാണ് ഇപ്പോഴുണ്ടാകുന്നത്.

]]> https://www.chandrikadaily.com/11suresh-gopis-words-upset-the-housewife.html/feed 0 കൊടുങ്ങല്ലൂർ സിപിഐയിൽ കൂട്ടരാജി; എൽഡിഎഫിന് ഭരണം നഷ്ടമായേക്കും https://www.chandrikadaily.com/mass-resignation-in-kodungallur-cpi-ldf-may-lose-government.html https://www.chandrikadaily.com/mass-resignation-in-kodungallur-cpi-ldf-may-lose-government.html#respond Wed, 21 Feb 2024 04:38:01 +0000 https://www.chandrikadaily.com/?p=290964 കൊടുങ്ങല്ലൂര്‍ സി.പി.ഐയില്‍ ആഭ്യന്തര കലാപം. ഒരു വിഭാഗം നേതാക്കള്‍ പാര്‍ട്ടി സ്ഥാനങ്ങളും, നഗരസഭാ കൗണ്‍സിലര്‍ സ്ഥാനവും രാജിവെച്ചു. രാജിക്കത്ത് പാര്‍ട്ടി ജില്ലാ സെക്രട്ടറിക്ക് കൈമാറി. കൗണ്‍സിലര്‍മാര്‍ രാജിവെക്കുന്നതോടെ നഗരസഭാ കൗണ്‍സിലില്‍ എല്‍.ഡി.എഫിന് ഭൂരിപക്ഷം നഷ്ടപ്പെടും.

സി.സി വിപിന്‍ ചന്ദ്രന്‍ സെക്രട്ടറിയായുള്ള മണ്ഡലം കമ്മറ്റിയെ പിരിച്ചുവിട്ടുകൊണ്ടുള്ള സംസ്ഥാന കമ്മറ്റി തീരുമാനത്തോടുള്ള പ്രതിഷേധ സൂചകമായാണ് രാജി. പുതിയ അഡ്‌ഹോക്ക് കമ്മറ്റിയില്‍ ആരോപണ വിധേയരായവരെ ഉള്‍പ്പെടുത്തിയതും പൊട്ടിത്തെറിക്ക് കാരണമായിട്ടുണ്ട്.

സിപിഐ നേതാക്കളുടെ രാജി കൊടുങ്ങല്ലൂര്‍ നഗരസഭാ ഭരണത്തെ പ്രതിസന്ധിയിലാക്കിയേക്കും. ഒരംഗത്തിന്റെ പിന്‍ബലത്തിലാണ് എല്‍.ഡി.എഫ് നഗരസഭ ഭരിക്കുന്നത്. ഒരു വിഭാഗം കൗണ്‍സിലര്‍മാര്‍ രാജിവെക്കുന്നതോടെ നഗരസഭാ കൗണ്‍സിലില്‍ എല്‍.ഡി.എഫിന് ഭൂരിപക്ഷം നഷ്ടപ്പെടും.

രണ്ട് കൗണ്‍സിലര്‍മാര്‍ നഗരസഭ കൗണ്‍സിലര്‍ സ്ഥാനവും രാജിവെക്കും. ബിനില്‍ , രവീന്ദ്രന്‍ നടുമുറി എന്നീ കൗണ്‍സിലര്‍മാരാണ് രാജിവെക്കുന്നതായി പാര്‍ട്ടി നേതൃത്വത്തിന് കത്ത് നല്‍കിയത്. ഇവര്‍ രാജിവെച്ചാല്‍ കൊടുങ്ങല്ലൂര്‍ നഗരസഭാ ഭരണത്തെ പ്രതിസന്ധിയിലാകും. ഒരംഗത്തിന്റെ ഭൂരിപക്ഷത്തിലാണ് എല്‍.ഡി.എഫ് നഗരസഭ ഭരിക്കുന്നത്.

 

]]> https://www.chandrikadaily.com/mass-resignation-in-kodungallur-cpi-ldf-may-lose-government.html/feed 0 കൊടുങ്ങല്ലൂർ മണ്ഡലം കെഎംസിസിക്ക് പുതിയ സാരഥികൾ https://www.chandrikadaily.com/new-drivers-for-kodungallur-constituency-kmcc.html https://www.chandrikadaily.com/new-drivers-for-kodungallur-constituency-kmcc.html#respond Mon, 12 Feb 2024 06:48:32 +0000 https://www.chandrikadaily.com/?p=290161 ദുബായ്: കെഎംസിസി കൊടുങ്ങല്ലൂർ മണ്ഡലം കമ്മിറ്റിക്ക് അസ്‌കർ പുത്തൻചിറ (പ്രസിഡന്റ് ) സലാം മാമ്പ്ര (ജനറൽ സെക്രട്ടറി) അഭിലാഷ് കൊടുങ്ങല്ലൂർ (ട്രഷറർ) എന്നിവരുടെ നേതൃത്വത്തിൽ പുതിയ മെമ്പർഷിപ് അടിസ്ഥാനത്തിൽ കമ്മിറ്റി നിലവിൽ വന്നു.

അബ്ദുൽ റഹ്‌മാൻ കൊടുങ്ങല്ലൂർ, അക്ബർ പുത്തൻചിറ, ഇബ്രാഹിം കടലായി, അഷ്‌റഫ്‌ മാള (വൈസ് പ്രസിഡന്റ്മാർ) ഉബൈദ് മാമ്പ്ര, ഹംസ കോണത്തുകുന്ന്, അബ്ദുൽ ഹസീബ്, അൻസാർ (സെക്രട്ടറിമാർ) എന്നിവരാണ് മറ്റുഭാരവാഹികൾ. ജില്ലാ പ്രസിഡന്റ് ജമാൽ മനയത്ത് ഉത്ഘാടനം ചെയ്ത യോഗത്തിൽ റിട്ടേണിംഗ് ഓഫീസർ കബീർ ഒരുമനയൂർ തിരഞ്ഞെടുപ്പ് നിയന്ത്രിച്ചു. അബ്ദുൽ ഹമീദ് വടക്കേകാട് നിരീക്ഷകനായിരുന്നു.

പുതിയ ഭാരവാഹികളെ അനുമോദിച്ചു ജില്ലാ ജനറൽ സെക്രട്ടറി അഷ്‌റഫ്‌ കിള്ളിമംഗലം വൈസ് പ്രസിഡന്റ് സത്താർ കരൂപടന്ന, മുൻ മണ്ഡലം പ്രസിഡന്റ് സത്താർ മാമ്പ്ര എന്നിവർ സംസാരിച്ചു. കഴിഞ്ഞ ഭരണ സമിതിയുടെ സമാപന കൗൺസിൽ സത്താർ മാമ്പ്രയുടെ അധ്യക്ഷതയിൽ ചേർന്ന് പ്രവർത്തന റിപ്പോർട്ടും കണക്കും അവതരിപ്പിച്ചു

]]> https://www.chandrikadaily.com/new-drivers-for-kodungallur-constituency-kmcc.html/feed 0 കൊടുങ്ങല്ലൂരില്‍ ക്ഷേത്രത്തില്‍ ആക്രമണം നടത്തിയ പ്രതിയെ റിമാന്‍ഡ് ചെയ്തു https://www.chandrikadaily.com/kodungallur-templeattck.html https://www.chandrikadaily.com/kodungallur-templeattck.html#respond Wed, 25 Jan 2023 00:00:26 +0000 https://www.chandrikadaily.com/?p=234351 കൊടുങ്ങല്ലൂരില്‍ ശ്രീകുരുംബ ക്ഷേത്രത്തില്‍ ആക്രമണം നടത്തിയ പ്രതിയെ അറസ്റ്റ് ചെയ്തു. ഇയാള്‍ കട നടത്തുന്നതിനായി ഇവിടെ അടുത്ത് താമസിച്ചുവരികയായിരുന്നു. തിരുവനന്തപുരം പാറശാല പൊടിത്തറക്കുഴി പുത്തന്‍വീട്ടില്‍ രാമചന്ദ്രന്‍ (43) ആണ് പിടിയിലായത്. ഇയാള്‍ ക്ഷേത്രത്തിന്റെ മൂലസ്ഥാനത്തെ പ്രതിഷ്ഠയും ദീപസ്തംഭവുമാണ് അടിച്ചുതകര്‍ത്തത്. ആളെ ഉടന്‍പിടികൂടാനായതിനാല്‍ ഊഹാപോഹങ്ങള്‍ അസ്ഥാനത്തായി. വൈദ്യപരിശോധനക്ക് കൊണ്ടുപോകും വഴി പൊലീസ് ജീപ്പിന്റെ ചില്ലുകളും ഇയാള്‍ തകര്‍ത്തു. രണ്ടാഴ്ചയായി കൊടുങ്ങല്ലൂരില്‍ താമസിക്കുന്ന രാമചന്ദ്രന് മാനസിക പ്രശ്‌നം ഉണ്ടെന്ന് പൊലീസ് പറഞ്ഞു. അതേസമയം നാട്ടില്‍ വര്‍ഗീയത വളര്‍ത്താനുള്ള ഗൂഢശ്രമം ഇതിന് പിന്നിലുണ്ടോ എന്നും സംശയിക്കുന്നുണ്ട്. പ്രതിയെപിന്നീട് റിമാന്‍ഡ് ചെയ്തു.

]]> https://www.chandrikadaily.com/kodungallur-templeattck.html/feed 0