ആഭ്യന്തര ക്രിക്കറ്റില്‍ മികച്ച ബാറ്റിംഗ് റെക്കോര്‍ഡുള്ള താരമായ ഉര്‍വിലിനെ അടിസ്ഥാന വിലയായ 30 ലക്ഷം രൂപയ്ക്കാണ് ചെന്നൈ സ്വന്തമാക്കിയത്. 47 മത്സരങ്ങളില്‍ നിന്നും രണ്ട് സെഞ്ച്വറികളും നാല് അര്‍ദ്ധ സെഞ്ച്വറികളും ഉള്‍പ്പടെ 1162 റണ്‍സാണ് താരം നേടിയത്. 26.40 ശരാശരിയും 170.38 സ്‌ട്രൈക്ക് റേറ്റുമാണ് താരത്തിനുള്ളത്. ടി-20 ചരിത്രത്തിലെ ഏറ്റവും വേഗതയേറിയ രണ്ടാമത്തെ സെഞ്ച്വറി നേടിയ ഇന്ത്യന്‍ താരം കൂടിയാണ് ഉര്‍വില്‍ പട്ടേല്‍. സയ്യിദ് മുഷ്താഖ് അലി ട്രോഫിയില്‍ ഗുജറാത്തിനു വേണ്ടി 28 പന്തില്‍ നിന്നുമാണ് താരം സെഞ്ച്വറി നേടിയത്. ഇത്ര പന്തില്‍ നിന്നും ടി20 സെഞ്ച്വറി നേടിയ അഭിഷേക് ശര്‍മയുടെ റെക്കോര്‍ഡിനൊപ്പവും ഉര്‍വില്‍ പട്ടേല്‍ തന്റെ പേര് എഴുതി ചേര്‍ത്തിട്ടുണ്ട്.

ഇത്തവണ നിരാശാജനകമായ പ്രകടനങ്ങളാണ് ചെന്നൈ കാഴ്ച്ചവെച്ചത്. പഞ്ചാബ് കിങ്‌സിനോടേറ്റ പരാജയത്തിന് പിന്നാലെ ടൂര്‍ണമെന്റില്‍ നിന്നും ചെന്നൈ പുറത്തായിരുന്നു. 11 മത്സരങ്ങളില്‍ നിന്നും രണ്ട് ജയവും ഒമ്പത് തോല്‍വിയും അടക്കം നാല് പോയിന്റുമായി അവസാന സ്ഥാനത്താണ് ചെന്നൈ. അതുകൊണ്ട് തന്നെ ഇനിയുള്ള മത്സരങ്ങള്‍ ജയിച്ചുകൊണ്ട് മടങ്ങാനാവും ചെന്നൈ ലക്ഷ്യം വെക്കുക.

ചെന്നൈ സൂപ്പര്‍ കിംഗ്സ് പ്ലെയിങ് ഇലവന്‍

ആയുഷ് മാത്രേ, ഉര്‍വില്‍ പട്ടേല്‍, ഡെവണ്‍ കോണ്‍വേ, രവീന്ദ്ര ജഡേജ, ഡെവാള്‍ഡ് ബ്രെവിസ്, രവിചന്ദ്രന്‍ അശ്വിന്‍, എംഎസ് ധോണി(വിക്കറ്റ് കീപ്പര്‍/ക്യാപ്റ്റന്‍), അന്‍ഷുല്‍ കംബോജ്, നൂര്‍ അഹമ്മദ്, ഖലീല്‍ അഹമ്മദ്, മതീശ പതിരാന.

കൊല്‍ക്കത്ത നൈറ്റ് റൈഡേഴ്സ് പ്ലെയിങ് ഇലവന്‍

റഹ്‌മാനുള്ള ഗുര്‍ബാസ്(വിക്കറ്റ് കീപ്പര്‍), സുനില്‍ നരെയ്ന്‍, അജിങ്ക്യ രഹാനെ(ക്യാപ്റ്റന്‍), അംഗ്കൃഷ് രഘുവംശി, മനീഷ് പാണ്ഡെ, ആന്ദ്രെ റസല്‍, റിങ്കു സിംഗ്, മോയിന്‍ അലി, രമണ്‍ദീപ് സിംഗ്, വൈഭവ് അറോറ, വരുണ്‍ ചക്രവര്‍ത്തി.

സ്വന്തം മൈതാനത്ത് നടന്ന ഉദ്ഘാടന മത്സരത്തിൽ റോയൽ ചലഞ്ചേഴ്സ് ബംഗളൂരുവിനോട് പരാജയപ്പെട്ട ക്ഷീണത്തിലാണ് കൊൽക്കത്ത. രാജസ്ഥാനാവട്ടെ സൺ റൈസേഴ്സ് ഹൈദരാബാദിനുമുന്നിലും പൊരുതി വീണു.

സ്ഥിരം ക്യാപ്റ്റൻ സഞ്ജു സാംസൺ പാതി വിശ്രമത്തിലായതിനാൽ റയാൻ പരാഗാണ് റോയൽസിനെ നയിക്കുന്നത്. വിരലിനേറ്റ പരിക്കിൽനിന്ന് പൂർണമായും മുക്തനാവാനായി സഞ്ജുവിനെ വിക്കറ്റ് കീപ്പിങ്ങോ ഫീൽഡിങ്ങോ ഏൽപിക്കുന്നില്ല.

ആദ്യ കളിയിൽ ഇംപാക്ട് പ്ലെയറായെത്തി ഇന്നിങ്സ് ഓപൺ ചെയ്ത താരം 33 പന്തിൽ 66 റൺസ് നേടി തകർപ്പൻ പ്രകടനം കാഴ്ചവെച്ചു. അജിൻക്യ രഹാനെക്ക് കീഴിലാണ് കൊൽക്കത്ത ഇറങ്ങുന്നത്.

ടോസ് നേടി ബൗളിങ് തിരഞ്ഞെടുക്കുയായിരുന്നു ആർസിബി. കൊൽക്കത്തയ്ക്ക് വേണ്ടി നായകൻ അജിങ്ക്യാ രഹാനെ അർധ സെഞ്ച്വറി സ്വന്തമാക്കി. 31 പന്തുകളിൽ 6 ബൌണ്ടറികളും 4 സിക്സറുകളും സഹിതം രഹാനെ 54 റൺസ് നേടിയാണ് പുറത്തായത്.

നരെയ്ൻ 26 പന്തിൽ 44 റൺസ് നേടി. എന്നാൽ തുടർന്ന് വന്നവർക്ക് മികച്ച സംഭാവനകൾ നൽകാനായില്ല. അംഗ്രിഷ് രഘുവംശി (30) അവസാന ഓവറുകളിൽ പിടിച്ചുനിന്നതോടെയാണ് കൊൽക്കത്തയുടെ സ്കോർ 170 കടന്നത്. ആർസിബിയ്ക്ക് വേണ്ടി ക്രുനാൽ പാണ്ഡ്യ 4 ഓവറിൽ 29 റൺസ് മാത്രം വഴങ്ങി 3 വിക്കറ്റുകൾ വീഴ്ത്തി. ജോഷ് ഹേസൽവുഡ് രണ്ടും റാഷിക് സലാം, സുയാഷ് ശർമ്മ, യാഷ് ദയാൽ എന്നിവർ ഓരോ വിക്കറ്റ് വീതവും സ്വന്തമാക്കി.

കരുത്തുറ്റ ബാറ്റിങ് നിരയുള്ള രണ്ട് ടീമുകളുടെ മത്സരമായതിനാല്‍ തീപാറും എന്നതാണ് പൊതുവെയുള്ള വിലയിരുത്തല്‍. എന്നാല്‍ ആദ്യഘട്ട മത്സരങ്ങളില്‍ അടിപതറിയെത്തി ആദ്യ ക്വാളിഫയറില്‍ കൊല്‍ക്കത്തയോട് തോറ്റ സണ്‍റൈസേഴ്സ് രാജസ്ഥാന്‍ റോയല്‍സിനോട് പയറ്റിയ പോലെയുള്ള തന്ത്രങ്ങള്‍ ഒളിപ്പിച്ചിട്ടുണ്ടോ എന്നാണ് അറിയേണ്ടത്. അങ്ങനെ സംഭവിച്ചില്ലെങ്കില്‍ സാധ്യത കൊല്‍ക്കത്തക്ക് തന്നെയെന്നാണ് ക്രിക്കറ്റ് ആരാധാകര്‍ ചൂണ്ടിക്കാട്ടുന്നത്.

സണ്‍റൈസേഴ്സ് ഹൈദരാബാദിന്റെ അഭിഷേക് ശര്‍മ്മ, ട്രാവിസ് ഹെഡ്, ഹെന്ററിച്ച് ക്ലാസന്‍ സഖ്യത്തിനെ നിലക്ക് നിര്‍ത്താന്‍ കൊല്‍ക്കത്തക്ക് ഉള്ളത് മിച്ചല്‍ സ്റ്റാര്‍, സുനില്‍ നരെയ്ന്‍ സഖ്യമാണ്. അതേ സമയം ഇരുടീമുകളും മധ്യനിരയിലും ഫിനിഷിംഗിലെ പ്രഹരശേഷിയിലും ഏറെക്കുറെ ശക്തരാണ്. ഹൈദരാബാദിന് പാറ്റ് കമ്മിന്‍സും നടരാജും ഓള്‍റൗണ്ടര്‍ ഷഹബാസ് അഹമ്മദും ബൗളിംഗില്‍ തിളങ്ങിയാല്‍ കൊല്‍ക്കത്തക്ക് കാര്യങ്ങള്‍ എളുപ്പമാകില്ല.

കൊല്‍ക്കത്ത ബൗളിഗ് നിരയില്‍ ഏതാണ്ട് എല്ലാവരും തീരെ മോശമല്ല. എങ്കിലും പ്ലേഓഫില്‍ സ്പിന്നര്‍മാര്‍ തിളങ്ങിയത് കമിന്‍സിനു കരുത്താകും. 2008-ല്‍ ആദ്യ എഡിഷന്‍ തുടങ്ങി നാലുവര്‍ഷത്തെ കാത്തിരിപ്പിന് ശേഷമാണ് 2012 -ല്‍ ആദ്യമായി കൊല്‍ക്കത്ത നൈറ്റ് റൈഡേഴ്സ് കപ്പില്‍ മുത്തമിടുന്നത് പിന്നീട് ഒരു വര്‍ഷത്തെ ഇടവേളയില്‍ 2014ലും അവര്‍ കപ്പ് ഉയര്‍ത്തി. ചെന്നൈ കപ്പടിച്ച 2021-ല്‍ റണ്ണര്‍ അപ് ആയി.

സണ്‍റൈസസ് ഹൈദരാബാദ് ആകട്ടെ എട്ടുവര്‍ഷത്തെ കാത്തിരിപ്പിന് ശേഷമാണ് തങ്ങളുടെ ആദ്യ കിരീടം ഐപിഎല്ലില്‍ സ്വന്തമാക്കിയത്. 2018-ല്‍ ഫൈനലില്‍ എത്തിയെങ്കിലും ചെന്നൈ സൂപ്പര്‍ കിങ്സിനോട് തോറ്റു. ഇന്ത്യന്‍ വേനക്കാലങ്ങളെ കൂടി അതിജീവിച്ചാണ് പത്ത് ടീമുകളില്‍ നിന്ന് അവസാന രണ്ട് ആയി സണ്‍റൈസേഴ്സ് ഹൈദരാബാദും കൊല്‍ക്കത്ത നൈറ്റ് റൈഡേഴ്സും ഫൈനല്‍ മത്സരത്തില്‍ നില്‍ക്കുന്നത്. മത്സരങ്ങളിലേറെയും രാത്രിയായിരുന്നെങ്കിലും വേനല്‍ച്ചൂട് അടക്കം വൈവിധ്യമാര്‍ന്ന സാഹചര്യങ്ങളെയാണ് താരങ്ങള്‍ നേരിട്ടത്.

കൊല്‍ക്കത്ത: വരാനാരിക്കുന്ന ഐ.പി.എല്‍ സീസണില്‍ കൊല്‍ക്കത്ത നൈറ്റ് റൈഡേഴ്‌സിന്റെ നായകപദവി ഏറ്റെടുക്കാന്‍ തയ്യാറാണെന്ന് ഇന്ത്യന്‍ താരം റോബിന്‍ ഉത്തപ്പ.

ഗൗതം ഗംഭീറിനെ ടീമില്‍ നിലനിര്‍ത്താതതിനെ തുടര്‍ന്നാണ് വരുന്ന സീസണില്‍ കൊല്‍ക്കത്തയെ ആര് നയിക്കും എന്ന ചോദ്യമുയര്‍ന്നത്. സ്‌പോര്‍ട്‌സ് സ്റ്റാറിന് നല്‍കിയ അഭിമുഖത്തിലാണ് നായക പദവി ഏറ്റെടുക്കാന്‍ ആഗ്രഹമുണ്ടെന്ന  കാര്യം താരം വെളിപ്പെടുത്തിയത്.

തീര്‍ച്ചയായും. നായക പദവി ഏറ്റെടുക്കനാന്‍ ഞാന്‍ തയ്യാറാണ്. അങ്ങനൊരു അവസരം ലഭിക്കുകയാണെങ്കില്‍ അത് അഭിമാനമായിരിക്കും. പക്ഷെ തീരുമാനം എടുക്കേണ്ട് ടീം മാനേജ്‌മെന്റാണ്. ഞാനെന്റെ നൂറ് ശതമാനവും നല്‍കും. ഒരു കളിക്കാരനെന്ന നിലയില്‍ ടീമിന് വേണ്ടി അത് ചെയ്യുക എന്നത് എന്റെ ഉത്തരവാദിത്വമാണ്.’ ഉത്തപ്പ് പറഞ്ഞു.

ഐ.പി.എല്ലിലെ ആദ്യത്തെ ആറു സീസണുകളില്‍ ഞാന്‍ കൃത്യമായ ഒരിടമില്ലാതെ കറങ്ങി നടക്കുകയായിരുന്നു. എന്നെ സംബന്ധിച്ചിടത്തോളം വീടെന്ന് പറയാവുന്ന ഒരിടം കണ്ടെത്തേണ്ടതുണ്ടായിരുന്നു. കൊല്‍ക്കത്തക്കാര്‍ വളരെ നല്ല ആളുകളാണ്. ഒരുപാട് സ്‌നേഹവും കരുതലും അവര്‍ എനിക്കു തന്നു. ടീം മാനേജുമെന്റും എന്നും ഒപ്പം നിന്നു.’ താരം കൂട്ടിച്ചേര്‍ത്തു.

അതേസമയം ക്ലബിന്റെ പുതിയ നായകനെ കൊല്‍ക്കത്ത നൈറ്റ് റെഡേഴ്‌സ് ഇതുവരെ പ്രഖ്യാപിച്ചിട്ടില്ല. നിലവിലെ ടീമിലെ സീനിയര്‍ താരം കൂടിയായ ഉത്തപ്പക്ക് നായകന്റെ നറുക്ക് വീഴുമെന്നാണ് വിദഗ്ധരുടെ വിലയിരുത്തല്‍. ആരാധകരുടെ പ്രിയതാരവും മുന്‍ നായകനുമായ ഗൗതം ഗംഭീറിന്റെ പിന്‍മുറക്കാരനെ ഉടന്‍ പ്രഖ്യാപിക്കുമെന്ന് ടീം വൃത്തങ്ങള്‍ വ്യക്തമാക്കിയിട്ടുണ്ട്.

കൊല്‍ക്കത്ത: ഐപിഎല്ലിന്റെ പുതിയ സീസണില്‍ കൊല്‍ക്കത്ത നൈറ്റ് റൈഡേഴ്‌സ് മുന്‍ ക്യാപ്റ്റനും ഓപണിങ് ബാറ്റ്‌സ്മാനുമായ ഗൗതം ഗംഭീറിനെ ടീമില്‍ നിലനിര്‍ത്താതില്‍ ക്ലബ് ഉടമ ഷാരൂഖ് ഖാന്‍ ആദ്യമായി പ്രതികരിച്ചിരിക്കുന്നു.

ട്വിറ്ററില്‍ ഗംഭീറിനെ കുറിച്ച് ഒരു വാക്ക് എന്ന ഒരാളുടെ ചോദ്യത്തിനാണ് ബോളിവുഡ് സൂപ്പര്‍ താരം കൂടിയായ ഷാരൂഖ് ഖാന്‍ പ്രതികരിച്ചത്. ‘ഗംഭീറിനെ ഞങ്ങള്‍ മിസ്സ് ചെയ്യും’ എന്നു മാത്രമാണ് ഷാരൂഖ് മറുപടിയായ ട്വീറ്റ് ചെയ്തത്.

Will miss him. https://t.co/cAbW58egDV

— Shah Rukh Khan (@iamsrk) February 2, 2018

നേരത്തെ ഐ.പി.എല്ലില്‍ രണ്ടു തവണ കൊല്‍ക്കത്തയെ ചാമ്പ്യന്‍മാരാക്കിയ ഗൗതം ഗംഭീറിനെ ടീമില്‍ നിലനിര്‍ത്താത്തത് വലിയ ചര്‍ച്ചക്കള്‍ക്ക് വഴിയൊരുക്കിയിരുന്നു. നായകനായും ബാറ്റ്‌സ്മാനായും മികച്ച പ്രകടനം റൈഡേഴ്‌സ് ജേഴ്‌സിയില്‍ പുറത്തെടുത്ത ഗംഭീര്‍ ക്ലബ് ആരാധകരുടെ പ്രിയ താരം കൂടിയാണ്. ഏഴു സീസണുകളില്‍ നിന്നായി കൊല്‍ക്കത്തക്കുവേണ്ടി 122 മല്‍സരങ്ങള്‍ കളിച്ച ഗംഭീര്‍ 3345 റണ്‍സുമായി ക്ലബിനായി ഏറ്റവും കൂടുതല്‍ റണ്‍ നേട്ടുന്ന താരമെന്ന ഖ്യാതിയുമായാണ് കൊല്‍ക്കത്ത വിടുന്നത്.

പുതിയ സീസണിലെ താരലേലത്തില്‍ ഗംഭീറിനെ 2.8 കോടി രൂപക്ക് ഡല്‍ഹി ഡെയര്‍ഡെവിള്‍സാണ് സ്വന്തമാക്കിയത്. ഗംഭീര്‍ ഐ.പി.എല്‍ കരിയര്‍ തുടങ്ങിയതും ഡെയര്‍ഡെവിള്‍സിനൊപ്പമായിരുന്നു. ആദ്യ മൂന്നു സീസണില്‍ ഡല്‍ഹിക്കായി കളിച്ച അദ്ദേഹം പിന്നീട് ് കൊല്‍ക്കത്ത നൈറ്റ് റൈഡേഴ്‌സിലേക്ക് ചേക്കേറുകയായിരുന്നു.

നേരത്തെ കൊല്‍ക്കത്ത തന്നെ തഴഞ്ഞതില്‍ വിഷമില്ലെന്നും ടി-2ംയില്‍ യുവ ക്രിക്കറ്റര്‍മാര്‍ക്കാണ് പ്രധാന്യമെന്നും ക്ലബിന്റെ തീരുമാനത്തെ അംഗീകരിക്കുന്നു എന്നും കൊല്‍ക്കത്ത നൈറ്റ് റൈഡേഴ്‌സ് തഴഞ്ഞതിനെ കുറിച്ച് ഗംഭീര്‍ പ്രതികരിച്ചിരുന്നു.

തന്നെ നിലനിര്‍ത്താതതില്‍ വ്യക്തമായ കാരണം ക്ലബിനുണ്ടെന്നാണ് ഗംഭീറിന്റെ വാദം. താന്‍ ഇപ്പോള്‍ കരിയറിന്റെ അവസാന കാലഘട്ടത്തിലൂടെയാണ് കടന്നുപോവുന്നത് . യുവാള്‍ക്കാണ് ടി-20യില്‍ പ്രധാന്യം നല്‍കേണ്ടത്. യുവതാരങ്ങളുടെ മെന്ററായി പ്രവര്‍ത്തിക്കേണ്ട സമയമടുത്തു. ക്ലബ് തന്നെ തഴഞ്ഞ തീരുമാനം അംഗീകരിക്കുന്നു. ഗംഭീര്‍ പറഞ്ഞു.

താരലേലത്തില്‍ ഗംഭീറിനെ സ്വന്തമാക്കാന്‍ ചെന്നൈ സൂപ്പര്‍ കിങ്‌സും ഐ.പി.എല്ലില്‍ അദ്ദേഹത്തിന്റെ ആദ്യ ടീമായ ഡെല്‍ഹി ഡെയര്‍ ഡെവിള്‍സും ശക്തമായ രംഗത്തുണ്ടെന്ന വാര്‍ത്തകള്‍ക്കിടെയാണ് ഗംഭീറിന്റെ പ്രതികരണം. അതേസമയം റൈറ്റ് ടു മാച്ച് വഴി കൊല്‍ക്കത്ത തന്നെ താരത്തെ കൂട്ടിലെത്തിക്കുമെന്ന അഭ്യൂഹവും നിലനില്‍ക്കുന്നുണ്ട്. ഇതോടെ ഇത്തവണ താരലേലത്തില്‍ ഏവരും ഉറ്റുനോക്കുന്ന പ്രധാന താരമാവും ഗംഭീര്‍.

2011 സീസണില്‍ കൊല്‍ക്കെത്തയിലെത്തിയ ഗംഭീര്‍ രണ്ടു തവണ ടീമിനെ ഐ.പി.എല്‍ ജേതാക്കളാക്കിയിട്ടുണ്ട്. നായകനായും ഓപണാറായും ടീമിനു മികച്ച പ്രകടനം കാഴ്ച ഗംഭീര്‍ കൊല്‍ക്കത്ത നൈറ്റ് റൈഡേഴ്‌സ് ആരാധകര്‍ക്കിടയില്‍ ഏറ്റവും പ്രിയപ്പെട്ട കളിക്കാരില്‍ പ്രമുഖനാണ്.