റെയില്‍വെ തൊഴിലാളികള്‍ താമസിക്കുന്ന കോളനിയിലെ പബ്ലിക് ടോയ്‌ലറ്റിന് മുന്നില്‍ പുലര്‍ച്ചെ കുഞ്ഞിന്റെ കരച്ചില്‍ കേട്ടാണ് തൊട്ടടുത്ത് താമസിക്കുന്ന രാധ ഭൗമിക് പുറത്തിറങ്ങി നോക്കിയത്. കരച്ചില്‍ കേട്ട ഭാഗത്തേക്ക് പോയി നോക്കിയപ്പോള്‍ കുറേ തെരുവ് നായ്ക്കള്‍ കൂട്ടം കൂടി നില്‍ക്കുന്നു. അവര്‍ക്കുള്ളില്‍ ഒരു ചോരക്കുഞ്ഞും.

രാധയെക്കണ്ടപ്പോള്‍ നായ്ക്കള്‍ മാറിക്കൊടുത്തു. കുഞ്ഞിന് സമീപം കുറിപ്പോ ഒന്നും ഉണ്ടായിരുന്നില്ല. തന്റെ ദുപ്പട്ടയില്‍ ആ കുഞ്ഞിനെ വാരിയെടുത്ത് അവര്‍ മരുമകളെയും കൂട്ടി തൊട്ടടുത്ത മഹേഷ്ഗഞ്ച് ആശുപത്രിയിലേക്ക് കൊണ്ടുപോയി. പ്രാഥമിക ചികിത്സക്ക് ശേഷം കുഞ്ഞിനെ കൃഷ്ണനഗര്‍ സദര്‍ ആശുപത്രിയിലേക്ക് മാറ്റി. കുട്ടിക്ക് പരിക്കുകളൊന്നുമില്ലെന്നും കുഞ്ഞിന്റെ ദേഹത്തും തലയിലുമുണ്ടായിരുന്ന രക്തം പ്രസവസമയത്ത് ഉണ്ടായിരുന്നതാകാമെന്നും ഡോക്ടര്‍മാര്‍ പറഞ്ഞു.

കുഞ്ഞിന് കാവല്‍ നിന്നിരുന്ന തെരുവ് നായ്ക്കള്‍ ആ രാത്രി കുരക്കുകയോ ബഹളമുണ്ടാക്കുകയോ ചെയ്തിട്ടില്ലെന്ന് പ്രദേശവാസികള്‍ പറയുന്നു. ചോരക്കുഞ്ഞിന് ഒരാപത്തും വരുത്താതെ അവര്‍ രാവിലെയാകുന്നത് വരെ കാവല്‍ നില്‍ക്കുകയായിരുന്നുവെന്നും ഇവര്‍ പറയുന്നു. പിഞ്ചുകുഞ്ഞിന് വേണ്ടി സ്വന്തം മാതാവ് പോലും കാണിക്കാത്ത കരുണ ആ മിണ്ടാപ്രാണികള്‍ കാണിച്ചുവെന്ന് റെയില്‍വെ ജീവനക്കാരന്‍ പറയുന്നു.

സംഭവത്തില്‍ പൊലീസും ചൈല്‍ഡ് ലൈന്‍ ഉദ്യോഗസ്ഥരും കേസെടുത്ത് അന്വേഷണം ആരംഭിച്ചു. പ്രസവിച്ച ഉടന്‍ കുഞ്ഞിനെ ഉപേക്ഷിച്ചതാകാമെന്നാണ് നബദ്വീപ് പൊലീസ് സംശയിക്കുന്നത്. കുഞ്ഞിന്റെ ചുമതല ചൈല്‍ഡ് വെല്‍ഫയര്‍ കമ്മിറ്റി ഏറ്റെടുത്തു.

നാട്ടുകാര്‍ പൊലീസില്‍ വിവരമറിയിച്ചിരുന്നു.തുടര്‍ന്നാണ് സമീപ പ്രദേശത്ത് നിന്ന് കുട്ടിയെ കാണാനില്ലെന്ന് രക്ഷിതാക്കള്‍ പരാതിയുമായി സ്റ്റേഷനിലെത്തിയ വിവരം അറിയുന്നത്. കുഞ്ഞിനെ രക്ഷിതാക്കള്‍ തിരിച്ചറിഞ്ഞതോടെ ആശുപത്രിയിലേക്ക് മാറ്റിയിരുന്നു. തുടര്‍ന്ന് നടത്തിയ പരിശോധനയിലാണ് കുട്ടി ലൈംഗികമായി പീഡിപ്പിക്കപ്പെട്ടതായും സ്വകാര്യ ഭാഗങ്ങളില്‍ അടക്കം മുറിവേറ്റതായും വ്യക്തമായത്. പിന്നാലെ നടന്ന അന്വേഷണത്തില്‍ പൊലീസ് മേഖലയിലെ സിസിടിവി ദൃശ്യങ്ങള്‍ കണ്ടെത്തിയെങ്കിലും അക്രമിയെ തിരിച്ചറിയുന്നത് ഏറെക്കുറെ അസാധ്യമായി വരികയായിരുന്നു. ഇതോടെയാണ് ഒരാള്‍ നടക്കുന്ന രീതിയിലെ പാറ്റേണ്‍ പൊലീസ് സാങ്കേതിക വിദ്യയുടെ സഹായത്തോടെ പഠിക്കുന്നത്.

കുഞ്ഞിന്റെ വീടിന് മുന്നിലൂടെ പ്രതി 9 തവണ നടന്ന് പോയതായി വ്യക്തമായിരുന്നു. ഇതോടെ പൊലീസ് സിസിടിവി ഫൂട്ടേജുമായി മേഖലയിലെ എല്ലാ വീടുകളിലും എത്തി ആളുകളെ കണ്ടു. 110 ലേറെ ആളുകളില്‍ നിന്ന് ലഭിച്ച മൊഴിയുടെ അടിസ്ഥാനത്തിലാണ് നിര്‍ണായക തെളിവുകള്‍ ലഭിച്ചത്. ഇയാള്‍ നടക്കുന്നതിനിടയിലെ മുടന്ത് മൂലം മറ്റുള്ളവരില്‍ നിന്ന് വ്യത്യസ്തമായ പാറ്റേണിലായിരുന്നു യുവാവ് നടന്നിരുന്നത്. സമീപ മേഖലയിലെ സ്റ്റേഷനുകളിലെല്ലാം തന്നെ ഇത് സംബന്ധിയായ വിവരവും പൊലീസ് നല്‍കിയിരുന്നു. തുടര്‍ന്ന് ജാര്‍ഗാമിലെ ഗോപിബല്ലാവൂരിലെ ഒരു റിസോര്‍ട്ടില്‍ നിന്ന് പൊലീസ് യുവാവിനെ അറസ്റ്റ് ചെയ്തു.

സെക്കന്തരാബാദിലെ രാഷ്ട്രപതി നിലയം ജനങ്ങൾക്ക് തുറന്നു നൽകാനുള്ള രാഷ്ട്രപതിയുടെ തീരുമാനം ഉൾക്കൊണ്ടാണ് ബംഗാൾ രാജ്ഭവൻ ജനങ്ങൾക്ക് തുറന്നു നൽകാൻ തീരുമാനിച്ചതെന്ന് ബംഗാൾ ഗവർണർ പറഞ്ഞു. രാജ്യത്തെ മറ്റ് രാജ്ഭവനുകളിൽ ജനങ്ങൾക്ക് പ്രവേശനം ഇല്ല.

ദുബായ്: ഐപിഎല്ലില്‍ രാജസ്ഥാന്‍ റോയല്‍സിനെതിരായ മത്സരത്തില്‍ കൊല്‍ക്കത്ത കൊല്‍ക്കത്ത നൈറ്റ്‌റൈഡേഴ്‌സിന് ജയം. 37 റണ്‍സ് വിജയമാണ് കൊല്‍ക്കത്ത കരസ്ഥമാക്കിയത്. ടോസ് നഷ്ടപ്പെട്ട് ആദ്യം ബാറ്റു ചെയ്ത കൊല്‍ക്കത്ത ആറു വിക്കറ്റു നഷ്ടത്തില്‍ 175 റണ്‍സ് എടുത്തിരുന്നു. തുടര്‍ന്ന് വിജയ ലക്ഷ്യം പിന്തുടര്‍ന്ന് ബാറ്റു ചെയ്ത രാജസ്ഥാന് 9 വിക്കറ്റ് നഷ്ടത്തില്‍ 137 റണ്‍സെടുക്കാനേ കഴിഞ്ഞുള്ളു. കഴിഞ്ഞ രണ്ടു മത്സരങ്ങളിലും ജയിച്ച ശേഷമാണ് രാജസ്ഥാന്റെ പരാജയം.

34 പന്തില്‍ 47 റണ്‍സെടുത്ത ഓപ്പണര്‍ ശുഭ്മാന്‍ഗില്ലും 23 പന്തില്‍ പുറത്താകാതെ 34 റണ്‍സെടുത്ത ഒയിന്‍ മോര്‍ഗനുമാണ് കൊല്‍ക്കത്തയ്ക്കായി തിളങ്ങിയത്. രാജസ്ഥാന്‍ നിരയില്‍ അര്‍ധസെഞ്ചുറിയുമായി തിളങ്ങിയ ടോം കറന്‍ മാത്രമാണ് പൊരുതിയത്. 36 പന്തില്‍ 54 റണ്‍സുമായി താരം പുറത്താകാതെ നിന്നു. രാജസ്ഥാന്‍ ബാറ്റ്‌സ്മാന്‍മാരില്‍ മൂന്നു പേര്‍ക്കു മാത്രമാണ് രണ്ടക്കം കടക്കാനെങ്കിലും സാധിച്ചത്. മലയാളി താരം സഞ്ജു സാംസണ്‍ 9 പന്തില്‍ 8 റണ്‍സെടുത്തു പുറത്തായി.

കൊല്‍ക്കത്തയ്ക്കായി ശിവം മാവി, കംലേഷ് നാഗര്‍ക്കോട്ടി, വരുണ്‍ ചക്രവര്‍ത്തി എന്നിവര്‍ രണ്ട് വിക്കറ്റ് വീതം സ്വന്തമാക്കി. സുനില്‍ നരെയ്ന്‍, പാറ്റ് കമ്മിന്‍സ്, കുല്‍ദീപ് യാദവ് എന്നിവര്‍ ഓരോ വിക്കറ്റു വീതവും വീഴ്ത്തി.

കൂറ്റന്‍ സ്‌കോര്‍ പിന്തുടര്‍ന്നിറങ്ങിയ കൊല്‍ക്കത്തക്ക് ആദ്യ ഓവറില്‍ തന്നെ ഒരു റണ്‍ പോലുമെടുക്കാനായില്ല. മുംബൈക്കു വേണ്ടി ബോളെറിഞ്ഞ ട്രെന്റ് ബോള്‍ട്ടാണ് ആദ്യ ഓവര്‍ മെയ്ഡനാക്കിയത്. അതുകൂടാതെ ജസ്പ്രീത് ബുംറയും മികച്ച ബൗളിങ് പ്രകടനം നടത്തി.

ശുഭ്മാന്‍ ഗില്‍, സുനില്‍ നരെയ്ന്‍ എന്നിവര്‍ രണ്ടക്കം കടക്കാതെ മടങ്ങി. ക്യാപ്റ്റന്‍ ദിനേശ് കാര്‍ത്തിക്കും(23 പന്തില്‍ 30), നിതീഷ് റാണയും(18 പന്തില്ഡ 24) ചേര്‍ന്ന്‌ന സ്‌കോര്‍ മുന്നോട്ടു നീക്കിയെങ്കിലും റണ്‍നിരക്ക് കുറവായിരുന്നു. കാര്‍ത്തിക്കിനെ ചാഹറും റാണയെ പൊള്ളാര്‍ഡും മടക്കിയതോടെ ആരാധകരുടെ കാത്തിരിപ്പിന് വിരമാമിട്ട് ആന്ദ്രെ റസല്‍ ക്രീസിലെത്തി. ആദ്യ പന്തു മുതല്‍ ആഞ്ഞടിക്കാന്‍ ശ്രമിച്ചെങ്കിലും റസലിന് കാര്യമായൊന്നും ചെയ്യാനായില്ല. രണ്ട് ബൗണ്ടറി മാത്രം നേടിയ റസലിനെ ബുമ്ര ക്ലീന്‍ ബൗള്‍ഡാക്കിയതോടെ കൊല്‍ക്കത്തയുടെ പ്രതീക്ഷകള്‍ അവസാനിച്ചു. 20 പന്തില്‍ 16 റണ്‍സെടുത്ത ഓയിന്‍ മോര്‍ഗനും നിരാശപ്പെടുത്തി.

തോല്‍വി ഉറപ്പായശേഷം ജസ്പ്രീത് ബുമ്രയുടെ ഒരോവറില്‍ നാല് സിക്‌സ് അടക്കം 27 റണ്‍സടിച്ച പാറ്റ് കമിന്‍സ് കൊല്‍ക്കത്തയുടെ തോല്‍വിഭാരം കുറച്ചു.

തിങ്കളാഴ്ച രാത്രിയാണ് യുവ ദമ്പതികള്‍ കൊല്‍ക്കത്ത മെട്രോ ട്രെയ്‌നില്‍ വെച്ച് മര്‍ദനത്തിനിരയായത്. ട്രെയ്‌നില്‍ വെച്ച് കെട്ടിപ്പിടിച്ചു എന്നാരോപിച്ചാണ് ഒരു കൂട്ടം ആളുകള്‍ ദമ്പതികളെ മര്‍ദിക്കുകയും ട്രെയ്‌നില്‍ നിന്ന് പുറത്താക്കുകയും ചെയ്തത്. ട്രെയ്‌നിലുണ്ടായിരുന്ന ഒരു വ്യക്തി ദൃശ്യങ്ങള്‍ ക്യാമറയില്‍ പകര്‍ത്തി ഒരു പ്രാദേശിക പത്രത്തില്‍ പ്രസിദ്ധീകരിച്ചതോടെയാണ് സംഭവം പുറം ലോകമറിഞ്ഞത്.

ചാന്ദ്‌നി ചൗക്ക് മെട്രോ സ്‌റ്റേഷനില്‍ നിന്നാണ് പ്രശ്‌നങ്ങള്‍ തുടങ്ങിയത്. തിരക്കില്‍ നിന്ന് യുവതിയെ രക്ഷിക്കാന്‍ യുവാവ് ചേര്‍ത്ത് പിടിച്ചപ്പോള്‍ പ്രായമുള്ള ഒരു യാത്രക്കാരന്‍ പ്രശ്‌നമുണ്ടാക്കുകയായിരുന്നു. അയാളോട് കാര്യങ്ങള്‍ വ്യക്തമാക്കാന്‍ യുവാവ് ശ്രമിച്ചെങ്കില്‍ അയാള്‍ ചെവിക്കൊണ്ടില്ല. നീ സല്‍മാന്‍ ഖാന്‍ ആവാന്‍ നോക്കരുതെന്ന് പറഞ്ഞ വൃദ്ധന്‍ കെട്ടിപ്പിടിക്കണമെങ്കില്‍ ഡാന്‍സ് ബാറിലോ പാര്‍ക്കിലോ പോകാന്‍ പറഞ്ഞ് ആക്രോശിക്കുകയായിരുന്നു. തുടര്‍ന്ന് മറ്റ് യാത്രക്കാരും അയാള്‍ക്കൊപ്പം ചേര്‍ന്ന് യുവാവിനെ മര്‍ദിക്കുക്കുകയും ഡം ഡം റെയില്‍വേ സ്റ്റേഷനില്‍ വെച്ച് പുറത്തേക്ക് തള്ളുകയുമായിരുന്നു-ദൃക്‌സാക്ഷികള്‍ പറഞ്ഞു.

Youngsters offer ‘free hugs’ to people outside Dum Dum metro station in kolkata’, as a mark of protest against people who had reportedly beaten up a couple for hugging in the metro. Protesters say,’Hugging is not something visually perverted, it’s a sign of affection’ #WestBengal pic.twitter.com/Hr3UwVXfpY

— ANI (@ANI) May 2, 2018

യാത്രയ്ക്കിടെ കൊല്‍ക്കത്ത മെട്രോ തുരങ്കത്തില്‍ കുടുങ്ങിയതോടെ ഭയചകിതരായി യാത്രക്കാര്‍. ട്രെയിന്‍ കുടുങ്ങിയതോടെ ഭയന്ന യാത്രക്കാര്‍ ചില്ലുകള്‍ തകര്‍ത്ത് രക്ഷപ്പെടാന്‍ ശ്രമിച്ചു.

വൈദ്യുതി തകരാറിനെത്തുടര്‍ന്നാണ് ട്രെയിന്‍ തുരങ്കത്തിനുള്ളില്‍ വെച്ച് നിന്നു പോയത്. ദം ദമ്മില്‍ നിന്ന് കവി സുബ്ഹാസ് സ്‌റ്റേഷനിലേയ്ക്ക് പോകുകയായിരുന്ന ട്രെയിന്‍ നേതാജല ഭവന്‍ സ്‌റ്റേഷന് സമീപത്തെ തുരങ്കത്തില്‍ വെച്ചാണ് നിന്നു പോയത്. രാത്രി 9.30ഓടെയായിരുന്നു സംഭവം.

തീപ്പൊരികള്‍ കൂടി കണ്ടതോടെ വലിയ ഭയത്തിലായി യാത്രക്കാര്‍. ഇതോടെ അലാറം മുഴക്കിയെങ്കിലും ആരും സഹായത്തിനെത്തിയില്ലെന്നും യാത്രക്കാര്‍ പറഞ്ഞു. ട്രെയിനില്‍ ഇരുട്ടുമായതോടെ കുട്ടികള്‍ കരയാന്‍ തുടങ്ങി. മരണത്തെ മുഖാമുഖം കണ്ട അനുഭവമായിരുന്നെന്ന് യാത്രക്കാര്‍. അഞ്ചു മിനിറ്റ് കഴിഞ്ഞിട്ടും ട്രെയിന്‍ ഗേറ്റ് തുറക്കാതായതോടെ കോച്ചിന്റെ ചില്ലുകള്‍ പൊട്ടിക്കുകയായിരുന്നു.

ഇതിനിടെ ട്രെയിനില്‍ നിന്ന് പെട്ടെന്ന് ഇറങ്ങാന്‍ അനൗണ്‍സ്‌മെന്റും വന്നു. 20 മിനിറ്റോളം എടുത്താണ് യാത്രക്കാരെ മുഴുവന്‍ ട്രെയിനില്‍ നിന്നൊഴിപ്പിച്ചത്. സംഭവത്തെത്തുടര്‍ന്ന് തെക്കു ഭാഗത്തേയ്ക്കുള്ള ട്രെയിന്‍ ഗതാഗതം കുറച്ച് സമയത്തേയ്ക്ക് തടസ്സപ്പെട്ടു. മെട്രോ തകരാറിലായതിനെ കുറിച്ച് അന്വേഷണം നടത്തുമെന്ന് സിപിആര്‍ഒ അറിയിച്ചു.

കൊല്‍ക്കത്ത: വെയിലും ശൂന്യമായ ഗ്യാലറിയും കേരളത്തിന്റെ കുട്ടികള്‍ കാര്യമാക്കിയില്ല. അഞ്ച് വട്ടം അവര്‍ ചണ്ഡിഗറിന്റെ വല കുലുക്കി. ഒരു തവണ സ്വന്തം വല കുലുങ്ങുന്നതും കണ്ടു. സന്തോഷ് ട്രോഫി ദേശീയ ഫുട്‌ബോള്‍ ചാമ്പ്യന്‍ഷിപ്പ് മല്‍സരങ്ങള്‍ സാള്‍ട്ട്‌ലെക്കില്‍ ആരംഭിച്ചപ്പോള്‍ കിരീടത്തിലേക്കുളള യാത്രക്ക് സതീവന്‍ ബാലന്റെ കുട്ടികള്‍ നല്ല തുടക്കമിട്ടു. ശക്തരുടെ ഗ്രൂപ്പില്‍ കളിക്കുന്നതിനാല്‍ ആദ്യ മല്‍സരത്തിലെ ഫലം കേരളത്തിന് നിര്‍ണായകമായിരുന്നു. നല്ല തുടക്കമാണ് മോഹിച്ചതെന്നും അത് ലഭിച്ചത് വഴി ആത്മവിശ്വാസം വര്‍ധിച്ചതായും സതീവന്‍ ബാലന്‍ പറഞ്ഞതില്‍ നിന്നും വ്യക്തമാണ് ടീമിന്റെ ആത്മവിശ്വാസം.
എം.എസ് ജിതിനാണ് കേരളത്തിന്റെ ഇന്നലത്തെ താരം. രണ്ട് വട്ടം വല ചലിപ്പിച്ചു ഈ മധ്യനിരക്കാരന്‍. രണ്ട് വട്ടം വല ചലിപ്പിക്കാന്‍ സഹായിച്ചു. ചണ്ഡിഗറിന് വലിയ ഫുട്‌ബോള്‍ വിലാസമില്ലെങ്കിലും ഇത്തവണ ഐ ലീഗ് കിരീടം സ്വന്തമാക്കിയത് പഞ്ചാബില്‍ നിന്നുള്ള മിനര്‍വ പഞ്ചാബായതിനാല്‍ നല്ല യുവതാരങ്ങളുടെ സാന്നിദ്ദ്യം ചണ്ഡിഗര്‍ സംഘത്തിലുണ്ടായിരുന്നു. പക്ഷേ പതിനൊന്നാം മിനുട്ടില്‍ കേരളത്തിന്റെ മുന്നേറ്റം ഗോളായി മാറിയതോടെ ആതിഥേയര്‍ തളര്‍ന്നു. പത്തൊമ്പതാം മിനുട്ടില്‍ സജിത് പൗലോസ് രണ്ടാം ഗോള്‍ നേടി. ആദ്യ പകുതിക്ക് പിരിയുമ്പോള്‍ രണ്ട് ഗോള്‍ ലീഡ് സ്വന്തമാക്കിയ സന്ദര്‍ശകര്‍ രണ്ടാം പകുതിയില്‍ നിലപാട് വിളിച്ചോതി അഫ്ദാല്‍ മൂന്നാം ഗോള്‍ നേടി. അമ്പത്തിയൊന്നാം മിനുട്ടില്‍ ജിതിന്റെ രണ്ടാമത് ഗോളുമെത്തിയപ്പോള്‍ ലീഡ് 4-0 മായി. ഇതോടെ പന്ത് ചണ്ഡിഗറിന്റെ ഹാഫില്‍ തന്നെയായി. കേരളത്തിന്റെ ഗോള്‍ക്കീപ്പര്‍ക്കും പിന്‍നിരക്കാര്‍ക്കും കാര്യമായ ജോലി ഇല്ലാതെയുമായി. സബ്‌സ്റ്റിറ്റിയൂട്ട് ബെഞ്ചില്‍ നിന്നുമെത്തിയ വി.എസ് ശ്രീക്കുട്ടന്‍ കേരളത്തിന്റെ നാലാമത് ഗോള്‍ സ്‌ക്കോര്‍ ചെയ്തപ്പോള്‍ ലോംഗ് വിസിലിന് തൊട്ട് മുമ്പ് ചണ്ഡിഗര്‍ ഒരു ഗോള്‍ മടക്കി. വിശാല്‍ ശര്‍മ്മയായിരുന്നു സ്‌ക്കോറര്‍.
4-4-2 ഫോര്‍മാറ്റിലായിരുന്നു രണ്ട് ടീമുകളും കളിക്കാനിറങ്ങിയത്. പക്ഷേ വേഗതയില്‍ കേരളം പ്രതിയോഗികളെ പിറകിലാക്കിയപ്പോള്‍ പതിനൊന്നാം മിനുട്ടില്‍ സീസന്റെ ഉഗ്രന്‍ പാസ്. വലത് വിംഗിലൂടെ കുതിച്ചുകയറിയ ജിതിന്‍ ഫസ്റ്റ് ടൈം ഷോട്ടിലുടെ ഗോള്‍ക്കീപ്പറെ നിസ്സഹയനാക്കി. ജിതിന്‍ നല്‍കിയ ക്രോസില്‍ നിന്നായിരുന്നു പൗലോസിന്റെ ഗോള്‍. രണ്ടാം പകുതിയുടെ തുടക്കത്തില്‍ ജിതിന്റെ പാസിലായിരുന്നു അഫ്ദാലിന്റെ ഗോള്‍. മല്‍സരത്തിന്റെ അറുപത്തിയഞ്ചാം മിനുട്ടില്‍ കോച്ച് സതീവന്‍ ബാലന്‍ നടത്തിയ ഡബിള്‍ സബ്‌സ്റ്റിറ്റിയൂഷന്‍ കേരളത്തിന്റെ കുതിപ്പ് കൂടുതല്‍ സജീവമാക്കി. ജിതിന് പകരം ശ്രീക്കുട്ടനും അഫ്ദാലിന് പകരം പി.സി അനുരാഗുമിറങ്ങി. ചണ്ഡിഗര്‍ കോച്ച് സന്ദീപ് സിംഗും രണ്ട് മാറ്റങ്ങള്‍ വരുത്തി. അത് പക്ഷേ ഫലം ചെയ്തില്ല.
മണിപ്പൂര്‍, ആതിഥേയരായ ബംഗാള്‍ തുടങ്ങിയവരാണ് കേരളത്തിന്റെ ഗ്രൂപ്പിലുള്ളത്. ആറ് ടീമുകള്‍ കളിക്കുന്ന ക്വാര്‍ട്ടര്‍ ലീഗ് ഗ്രൂപ്പില്‍ നിന്നും ആദ്യ രണ്ട് സ്ഥാനക്കാരാണ് സെമി ഫൈനലിന് യോഗ്യത നേടുക. 23ന് മണിപ്പൂരുമായാണ് കേരളത്തിന്റെ അടുത്ത മല്‍സരം.