റിങ്കുവിന്റെ മുറിയില്‍നിന്ന് ഒരു കുറിപ്പ് പൊലീസ് കണ്ടെത്തിയിട്ടുണ്ട്. മരണത്തെക്കുറിച്ച് അന്വേഷണം പുരോഗമിക്കുകയാണെന്നും മൃതദേഹം പോസ്റ്റ്മോര്‍ട്ടത്തിനായി അയച്ചിട്ടുണ്ടെന്നും പൊലീസ് അറിയിച്ചു.

സംഭവത്തെ തുടര്‍ന്ന് സംസ്ഥാന മന്ത്രി ഉജ്ജല്‍ ബിശ്വാസ് മരിച്ച ബിഎല്‍ഒയുടെ വീട് സന്ദര്‍ശിച്ച് കുടുംബാംഗങ്ങളെ ആശ്വസിപ്പിച്ചു. ബംഗാളില്‍ നടന്നു വരുന്ന എസ്.ഐ.ആര്‍ പ്രക്രിയ അടിയന്തരമായി നിര്‍ത്തിവെയ്കണമെന്ന് മുഖ്യമന്ത്രിയായ മമത ബാനര്‍ജി മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന് ആവശ്യപ്പെട്ടിരുന്നു. ആസൂത്രിതമല്ലാത്ത രീതിയിലുള്ള ജോലിയും അമിത സമ്മര്‍ദവും ജീവനുപാധി സൃഷ്ടിക്കുന്നുവെന്നും പ്രക്രിയയുടെ വിശ്വാസ്യതയും സുരക്ഷയും തകരാറിലാകുന്നുവെന്നും കത്തില്‍ മമത ചൂണ്ടിക്കാട്ടിയിരുന്നു.

ഇതിനിടെ, ജല്‍പായ്ഗുരിയിലും സമാന സംഭവം റിപ്പോര്‍ട്ട് ചെയ്തിരുന്നു. അവിടെ ഒരു ബിഎല്‍ഒയെ തൂങ്ങിമരിച്ച നിലയില്‍ കണ്ടെത്തിയ ശേഷം, എസ്.ഐ.ആര്‍ സംബന്ധമായ അമിത ജോലിസമ്മര്‍ദമാണ് മരണകാരണമെന്ന് കുടുംബം ആരോപിച്ചിരുന്നു. സംസ്ഥാനത്ത് എസ്.ഐ.ആര്‍ പ്രക്രിയയ്ക്കെതിരെ പ്രതിഷേധവും ആശങ്കയും ഉയര്‍ന്നിരിക്കെയാണ് നാദിയയിലെ പുതിയ മരണം.

ബന്ധുക്കള്‍ നടത്തിയ തെരച്ചിലില്‍ ശനിയാഴ്ച ഉച്ചയോടെ താരകേശ്വര്‍ റെയില്‍വേ ഹൈ ഡ്രെയിനിന് സമീപം കുഞ്ഞിനെ വിവസ്ത്രയായും രക്തത്തില്‍ കുളിച്ച നിലയിലും കണ്ടെത്തുകയായിരുന്നു. ഗുരുതരാവസ്ഥയില്‍ താരകേശ്വര്‍ ഗ്രാമീണ്‍ ആശുപത്രിയില്‍ പ്രവേശിപ്പിച്ചിരിക്കുകയാണ്.

മുത്തശ്ശിയുടെ മൊഴിപ്രകാരം, കൊതുകുവല കീറി കുഞ്ഞിനെ അക്രമി എടുത്തുകൊണ്ടുപോയെന്നാണ് വിവരം. ബഞ്ചാര സമുദായത്തില്‍പ്പെട്ട ഈ കുടുംബത്തിന് സ്വന്തമായി വീട് ഇല്ലാത്തതിനാല്‍ തെരുവിലാണ് താമസം.

”അവള്‍ എന്റെ അടുത്ത് ഉറങ്ങിക്കൊണ്ടിരിക്കുകയായിരുന്നു. പുലര്‍ച്ചെ ആരോ കൊതുകുവല മുറിച്ചെടുത്ത് അവളെ കൊണ്ടുപോയി. ഞങ്ങളുടെ വീടുകള്‍ തകര്‍ത്തതിനാല്‍ ഇപ്പോള്‍ തെരുവിലാണ് ഞങ്ങള്‍ താമസം,” എന്ന് മുത്തശ്ശി കണ്ണീരോടെ പറഞ്ഞു.

സംഭവത്തില്‍ കുട്ടികള്‍ക്കെതിരായ ലൈംഗിക കുറ്റകൃത്യങ്ങള്‍ തടയല്‍ നിയമം (പോക്‌സോ) പ്രകാരം എഫ്.ഐ.ആര്‍ രജിസ്റ്റര്‍ ചെയ്തതായി താരകേശ്വര്‍ പൊലീസ് അറിയിച്ചു. എന്നാല്‍, പൊലീസ് വൈകിയെന്നും കേസില്‍ മന്ദഗതിയാണെന്നും ബി.ജെ.പി ആരോപിച്ചു.

സര്‍ക്കാരിന്റെ മുഖം രക്ഷിക്കാന്‍ പൊലീസ് നീങ്ങുകയാണെന്ന് പ്രതിപക്ഷ നേതാവ് സുവേന്ദു അധികാരി ആരോപിച്ചു. അതേസമയം, സമയബന്ധിതമായി കേസെടുത്തിട്ടുണ്ടെന്നും പ്രതികളെ കണ്ടെത്താനുള്ള അന്വേഷണം പുരോഗമിക്കുകയാണെന്നും താരകേശ്വര്‍ പൊലീസ് വ്യക്തമാക്കി.