ഇന്ന് പുലര്‍ച്ചെ നാലിന് ബരോള ഗ്രാമത്തിലാണ് നാടിനെ നടുക്കിയ സംഭവം. പെണ്‍കുട്ടികളുടെ മുറി പുറത്തുനിന്ന് പൂട്ടിയ നിലയിലായിരുന്നു. തുടര്‍ന്ന് വീട്ടുമുറ്റത്തെ മരത്തില്‍ തൂങ്ങിനില്‍ക്കുന്ന കുട്ടികള്‍ വീട്ടുകാരുടെ ശ്രദ്ധയില്‍പെടുകയായിരുന്നു. പോലീസില്‍ അറിയിച്ചതിനെ തുടര്‍ന്ന് സ്ഥലത്ത് പോലീസെത്തി അന്വേഷണം ആരംഭിച്ചു. അതേസമയം, പെണ്‍കുട്ടികളുടെ മരണത്തില്‍ ദുരൂഹതയുണ്ടെന്ന് വീട്ടുകാര്‍ ആരോപിക്കുന്നു. അടുത്ത ബന്ധുവായ രവിയാണ് സംഭവത്തിന് പിന്നിലെന്ന് കുടുംബം പറഞ്ഞു. മൂത്ത പെണ്‍കുട്ടിയെ വിവാഹം ചെയ്യണമെന്ന് വിവാഹിതനായ രവി ആവശ്യപ്പെട്ടിരുന്നുവെന്നും ഇതിനെച്ചൊല്ലി കഴിഞ്ഞ ദിവസം തര്‍ക്കമുണ്ടായിരുന്നുവെന്നും കുടുംബം വ്യക്തമാക്കി.

പോസ്റ്റ്‌മോര്‍ട്ടത്തിന് ശേഷം മാത്രമേ മരണത്തെക്കുറിച്ച് വ്യക്തമാക്കാന്‍ കഴിയുകയുള്ളൂവെന്ന് നോയ്ഡ സീനിയര്‍ പോലീസ് ഓഫീസര്‍ പറഞ്ഞു. കൊലപാതകമാണോ ആത്മഹത്യയാണോ എന്ന് ഇതുവരെ അറിയാന്‍ കഴിഞ്ഞിട്ടില്ല. പ്രാഥമിക പരിശോധനയില്‍ പെണ്‍കുട്ടികള്‍ക്ക് യാതൊരു തരത്തിലുള്ള ശാരീരിക അതിക്രമങ്ങളും ഏറ്റതായി കണ്ടെത്തിയിട്ടില്ലെന്ന് ഓഫീസര്‍ പറഞ്ഞു.

പാല് കുടിക്കാന്‍ വിസമ്മതിച്ചതിനെ തുടര്‍ന്ന് കുഞ്ഞിനെപുറത്ത് നിര്‍ത്തുകയായിരുന്നുവെന്നും പതിനഞ്ചു മിനിറ്റുകള്‍ക്കു ശേഷം നോക്കുമ്പോള്‍ കുഞ്ഞിനെ കാണാതാവുകയായിരുന്നുവെന്നുമാണ് പോലീസിന് നല്‍കിയ മൊഴി. എന്നാല്‍ രണ്ടാഴ്ച്ചകള്‍ക്കു ശേഷം കുഞ്ഞിന്റെ മൃതദേഹം വീടിനടുത്തുള്ള ഓടയില്‍ നിന്ന് കണ്ടെത്തുകയായിരുന്നു. തുടര്‍ന്നുള്ള ചോദ്യം ചെയ്യലില്‍ പാല്‍കുടിക്കുന്നതിനിടെയുണ്ടായ ശ്വാസതടസ്സമാണ് ഷെറിന്റെ മരണത്തിന് കാരണമെന്ന് വെസ്ലി മൊഴിനല്‍കി. ഒക്ടോബര്‍ 7മുതല്‍ വെസ്ലി പോലീസ് കസ്റ്റഡിയിലാണ്. ദമ്പതികളുടെ സ്വന്തം മകളായ നാല് വയസ്സുകാരി അന്ന് മുതല്‍ പോലീസ് സംരക്ഷണത്തിലാണ്. കുഞ്ഞിനെ വിട്ടുകിട്ടാന്‍ സിനി മാത്യൂസ് കോടതി സമീപിച്ച സാഹചര്യത്തിലാണ് സിനിയെ അറസ്റ്റു ചെയ്യുന്നത്.

സുഹൃത്തിനൊപ്പം ബൈക്കില്‍ വരുമ്പോഴായിരുന്നു ആനന്ദിനു നേരെ ആക്രമണമുണ്ടാവുന്നത്. കാറിലെത്തിയ സംഘം ബൈക്ക് ഇടിച്ചിട്ടതിനുശേഷം ആനന്ദിനെ വെട്ടിക്കൊലപ്പെടുത്തുകയായിരുന്നു. സി.പി.എം പ്രവര്‍ത്തകനായ ഫാസിലിനെ വെട്ടിക്കൊന്ന കേസിലെ രണ്ടാം പ്രതിയാണ് ആനന്ദ്. നവംബര്‍ നാലിനായിരുന്നു ഫാസില്‍ കൊല്ലപ്പെട്ടതിന്റെ വാര്‍ഷികം. അടുത്തിടെയാണ് ആനന്ദ് ജാമ്യത്തിലിറങ്ങിയത്. കൊലപാതകത്തെ തുടര്‍ന്ന് സംഘര്‍ഷസാധ്യത നിലനില്‍ക്കുന്ന ഗുരുവായൂര്‍, ഗുരുവായൂര്‍ ക്ഷേത്രം, പാവറട്ടി എന്നീ പോലീസ് സ്‌റ്റേഷനുകളുടെ പരിധിയില്‍ വരുന്ന ഗുരുവായൂര്‍ നഗരസഭ,ചാവക്കാട് നഗരസഭയുടെ ഏട്ടാം വാര്‍ഡ്, കണ്ടാണശ്ശേരി, വെങ്കിടങ്ങ്, മുല്ലശ്ശേരി,പാവറട്ടി, എളവള്ളി ഗ്രാമപഞ്ചായത്തുകള്‍ എന്നിവിടങ്ങളില്‍ കളക്ടര്‍ ചൊവ്വാഴ്ച്ച വരെ 144 പ്രകാരം നിരോധനാജ്ഞ പ്രഖ്യാപിച്ചിട്ടുണ്ട്.

ഇന്ന് പുലര്‍ച്ചെ നാലുമണിയോടു കൂടിയാണ് കന്നുകാലികളുമായി പോയിരുന്ന ട്രക്ക് ആള്‍ക്കൂട്ടം വളഞ്ഞത്. ഡ്രൈവറുള്‍പ്പെടെ മൂന്നുപേര്‍ വാഹനത്തില്‍ ഉണ്ടായിരുന്നു. ഇവര്‍ക്കുനേരെ ആക്രമണം അഴിച്ചുവിടുകയായിരുന്നു. മര്‍ദ്ദനത്തില്‍ സംഭവസ്ഥലത്തുവെച്ചുതന്നെ രണ്ടുപേര്‍ കൊല്ലപ്പെട്ടു. ഡ്രൈവറെ പോലീസ് ചോദ്യം ചെയ്ത് വരികയാണ്. അതേസമയം, സംഭവത്തില്‍ ഇതുവരെ ആരേയും പോലീസ് അറസ്റ്റു ചെയ്തിട്ടില്ല.

മാസങ്ങള്‍ക്കുള്ളില്‍ ഇത് രണ്ടാം തവണയാണ് നോര്‍ത്ത് ബംഗാളില്‍ ആള്‍ക്കൂട്ട കൊലപാതകങ്ങള്‍ ഉണ്ടാവുന്നത്. കഴിഞ്ഞ ജൂണില്‍ മൂന്നുപേര്‍ കൊല്ലപ്പെട്ടിരുന്നു. ബക്രീദ് അടുത്തതോടെ നിരവധി പേരാണ് ഗോസംരക്ഷകരായി രംഗത്തെത്തുന്നത്.