ഇന്ന് രാവിലെ 10.50ന് എറണാകുളത്ത് നിന്ന് പുറപ്പെടേണ്ട മംഗള എക്‌സ്പ്രസ് രണ്ടു മണിക്കൂറോളം വൈകി ഉച്ചക്ക് ഒരു മണിക്കാണ് പുറപ്പെട്ടത്. തിരുവനന്തപുരം-ഹസ്രത്ത് നിസാമുദ്ദീന്‍ രാജധാനി എക്‌സ്പ്രസ് വൈകിട്ട് 7.15ന് പുറപ്പെടേണ്ടതിന് പകരം മണിക്കൂറുകള്‍ വൈകി നാളെ പുലര്‍ച്ചെ 4.30നാണ് തിരുവനന്തപുരം സെന്‍ട്രലില്‍ നിന്ന് യാത്ര തുടങ്ങുക. അനുബന്ധ സര്‍വീസുകള്‍ അനിശ്ചിതമായി വൈകുന്നതിനാല്‍ നാളെ വൈകിട്ട് 7.15ന് പുറപ്പെടേണ്ട കൊച്ചുവേളി-അമൃത്സര്‍ എക്‌സ്പ്രസ് (12483) രാത്രി 10.30നായിരിക്കും പുറപ്പെടുക. ഇന്ന് രാത്രി 11.30ന് പുറപ്പെടേണ്ടിയിരുന്ന എറണാകുളം-ഹസ്രത്ത് നിസാമുദ്ദീന്‍ ദുരന്തോ എക്‌സ്പ്രസ് (12283) നാളെ ഉച്ചക്ക് 1.30ന് എറണാകുളത്ത് നിന്ന് പുറപ്പെടും.