രണ്ടു ഗുഡ്സ് ട്രെയിനുകള്‍ കൂടി ട്രയല്‍ റണ്ണിന്റെ ഭാഗമായി പാതയില്‍ ഓടിക്കും. അതിനു ശേഷമായിരിക്കും ഗതാഗതം പുനഃസ്ഥാപിക്കുന്നതില്‍ അന്തിമ തീരുമാനം എടുക്കുകയെന്നാണ് വ്ിവരം.

കഴിഞ്ഞ വെള്ളിയാഴ്ചയാണ് കൊങ്കണ്‍ പാതയില്‍ മണിടിച്ചില്‍ ഉണ്ടായത്. മണ്ണിടിച്ചിലിനെ തുടര്‍ന്ന പാത സുരക്ഷിതമല്ലെന്ന് കണ്ടെത്തുകയും കര്‍ണാടകയിലെ പാടിക്കും – കുലശേഖരണം ഇടയില്‍ പുതിയ ട്രാക്ക് നിര്‍മ്മിക്കുകയുമായിരുന്നു. ഒരു പാത മാത്രം ഉള്ള ഈ ഭാഗത്ത് 400 മീറ്റര്‍ പുതിയ പാത സ്ഥാപിച്ചാണ് ഗതാഗതം പുനസ്ഥാപിക്കുന്നത്.

മണ്ണിടിച്ചിലിനെ തുടര്‍ന്ന് കൊങ്കണ്‍ വഴിയുള്ള പ്രധാന ട്രയിനുകള്‍ റദ്ദു ചെയ്യുകയും മറ്റുള്ളവ വഴി തിരിച്ച് വിടുകയുമായിരുന്നു. കാസര്‍കോട് നിന്നും മുംബൈയിലേക്ക് പോകുന്ന ട്രയിനുകള്‍ സൂറത്ത് കല്‍ വഴിയാണ് സര്‍വീസ് നടത്തുന്നത്. കൊങ്കണ്‍ പാത അടച്ചതോടെ യാത്രക്കാര്‍ വലിയ പ്രയാസമാണ് അനുഭവിക്കുന്നത്.

പാത ഗതാഗതയോഗ്യമാക്കാനായുള്ള നടപടികള്‍ തുടരുകയാണെന്നും ഉടനെ ഗതാഗതയോഗ്യമാക്കാനാകുമെന്നാണ് പ്രതീക്ഷയെന്നും ദക്ഷിണ റയില്‍വേ അറിയിച്ചു.

ശനിയാഴ്ച സര്‍വീസ് നടത്തേണ്ട തിരുവനന്തപുരംഹസ്രത്ത് നിസാമുദ്ദീന്‍ എക്‌സ്പ്രസ് (22653), ഓഖഎറണാകുളം എക്‌സ്പ്രസ് (16337), തിരുവനന്തപുരംലോക്മാന്യതിലക് നേത്രാവതി എക്‌സ്പ്രസ് (16346) എന്നിവ പൂര്‍ണമായും റദ്ദാക്കിയിട്ടുണ്ട്. കൊങ്കണ്‍ വഴി സര്‍വീസ് നടത്തേണ്ട നാളത്തെ കൊച്ചുവേളിഛണ്ഡിഗഢ് എ്ക്‌സ്പ്രസ് (12217), എറണാകുളംനിസാമുദ്ദീന്‍ മംഗള എക്‌സ്പ്രസ് (12617), കൊച്ചുവേളിശ്രീഗംഗാനഗര്‍ എക്‌സ്പ്രസ് (16312) എന്നിവ ഈറോഡ് വഴിയായിരിക്കും സര്‍വീസ് നടത്തുക.