കോഴിക്കോട് ജില്ലയിലെ കൂടത്തായിയില്‍ ഒരു കുടുംബത്തിലെ ആറു പേരുടെ കൊലപാതകുമായി ബന്ധപ്പെട്ട് കേസിലാണ് ജോളി ജാമ്യാപേക്ഷ സമര്‍പ്പിച്ചത്. 2019 ഒക്ടോബര്‍ 4നാണ്, 2002 മുതല്‍ 2016 വരെ ഒരേ കുടുംബത്തിലുണ്ടായ ആറു പേരുടെ മരണവും കൊലപാതകം പുറത്തറിയുന്നത്.

ജോളിയുടെ വാദങ്ങള്‍ തള്ളിയ ഹൈക്കോടതി, പുറത്തിറങ്ങിയാല്‍ സാക്ഷികളെ സ്വാധീനിക്കാന്‍ സാധ്യതയുണ്ടെന്ന് ചൂണ്ടിക്കാട്ടി. പൊതുജനങ്ങളുടെ വികാരം കണക്കിലെടുക്കേണ്ടതുണ്ടെന്നും കോടതി നിരീക്ഷിച്ചു. നേരത്തെ ഹൈക്കോടതി നല്‍കിയ ജാമ്യം സുപ്രിംകോടതി റദ്ദാക്കിയിരുന്നു. സുപ്രിംകോടതി ഉത്തരവ് മറികടക്കാനാവില്ലെന്നും ജസ്റ്റിസ് സി.എസ് ഡയസിന്റെ ബെഞ്ച് വ്യക്തമാക്കി.

മെയ് 18 വരെ തുടര്‍ച്ചയായി സാക്ഷികളുടെ വിസ്താരം നടത്താനായിരുന്നു മാറാട് പ്രത്യേക അഡീഷണല്‍ സെക്ഷന്‍സ് ജഡ്ജി എസ്.ആര്‍ ശ്യാംലാല്‍ തീരുമാനിച്ചിരുന്നത്. കേസിലെ രണ്ടാം പ്രതി എം.എസ് മാത്യൂവിനെ വീഡിയോ കോണ്‍ഫറന്‍സ് വഴിയല്ലാതെ നേരിട്ട് ഹാജരാകണമെന്ന അഭിഭാഷകന്‍ അഡ്വ. ഷഹീര്‍ സിങ്ങിന്റെ അപേക്ഷകൂടി പരിഗണിച്ചാണ് കേസ് മാറ്റിയത്. മാത്യുവുമായി സംസാരിക്കാന്‍ ജോളിയും ഹരജി നല്‍കിയിട്ടുണ്ട്.

കൂടത്തായ് പൊന്നാമറ്റം വീട്ടില്‍ റോയ് തോമസിന്റെ സഹോദരന്‍ നല്‍കിയ പരാതിയില്‍ നടത്തിയ അന്വേഷണമാണ് കേരളത്തെ ഞെട്ടിച്ച കൊലപാതക പരമ്പരയുടെ ചുരുളഴിച്ചത്. പൊന്നാമറ്റത്തെ സ്വത്ത് തട്ടിയെടുക്കാന്‍ റോയ് തോമസിന്റെ ഭാര്യയായിരുന്ന ജോളി വ്യാജ ഒസ്യത്ത് തയ്യാറാക്കിയതിനെതിരെയുള്ള രഹസ്യ അന്വേഷണത്തിലാണ് കൊലപാതക പരമ്പരയുടെ ഞെട്ടിക്കുന്ന വിവരങ്ങള്‍ പുറത്തായാത്.

അന്നമ്മ തോമസ്, ടോം തോമസ്, റോയ് തോമസ്, മഞ്ചാടിയില്‍ മാത്യു, സിലി, സിലിയുടെ മകള്‍ രണ്ടര വയസുകാരി ആല്‍ഫൈന്‍ എന്നിവരാണ് കൊല്ലപ്പെട്ടത്.

കേരള പൊലീസിലെ സമര്‍ത്ഥരായ ഉദ്യോഗസ്ഥരെ നിയോഗിച്ച് അന്വേഷണ സംഘം വീണ്ടും വിപുലീകരിക്കും. വളരെ പ്രധാന കൊലപാതകമായതിനാലാണ് പൊന്നാമറ്റത്ത് എത്തിയത്. മൂന്ന് പേരും കൊല്ലപ്പെട്ട സ്ഥലങ്ങള്‍ സന്ദര്‍ശിച്ചു. ആറ് കേസുകളാണ് ഇതുവരെ ഉള്ളത്. ഓരോ കേസുകളുമായി ബന്ധപ്പെട്ട വിശദമായ തെളിവുകള്‍ ശേഖരിച്ച് അന്വേഷണം നടത്തണം. ആദ്യ സംഭവം 17 വര്‍ഷങ്ങള്‍ക്കും അവസാന സംഭവം മൂന്ന് വര്‍ഷങ്ങള്‍ക്കും മൂമ്പാണ് നടന്നത്. ഇത് ഒരു വെല്ലുവിളി തന്നെയാണെന്നും അദ്ദേഹം പറയുന്നു.

കേസില്‍ ദൃക്‌സാക്ഷികള്‍ ഇല്ലാത്തതും അന്വേഷണത്തെ ബാധിക്കുന്നുണ്ട്. ശാസ്ത്രീയമായ തെളിവുകളുടെ അടിസ്ഥാനത്തില്‍ കേസന്വേഷണം നടത്തണം. ഇതിനായി വലിയ ഒരു അന്വേഷണ സംഘത്തെ രൂപീകരിച്ചു. ഇനിയും വിദഗ്ധരായ ഉദ്യോഗസ്ഥരെ സംഘത്തില്‍ ഉള്‍പ്പെടുത്തുമെന്നും അദ്ദേഹം അറിയിച്ചു.