അന്താരാഷ്ട്ര തലത്തില്‍ യു.എസിന്റെ ചൈനയുമായുള്ള ബന്ധം ഇപ്പോഴാണ് നല്ല രീതിയില്‍ പുരോഗമിക്കുന്നത്. ഉത്തരകൊറിയയുമായി നല്ല ബന്ധം പുലര്‍ത്തുന്ന രാജ്യമാണ് ചൈന. ഉത്തരകൊറിയയുടെ 80ശതമാനം വിദേശവ്യാപാരവും ചൈനയുമായിട്ടാണ് നടത്തുന്നത്. ചൈനയുടെ സഹായത്തോടെ ഉത്തരകൊറിയക്കുമേല്‍ നിയന്ത്രണം കൊണ്ടുവരാന്‍ കഴിഞ്ഞാല്‍ പുതിയൊരു വിദേശനയം കെട്ടിപ്പടുക്കാന്‍ ട്രംപിന് കഴിയും. ഈ സാഹചര്യത്തില്‍ ഒരു യുദ്ധത്തിനൊരുങ്ങാന്‍ ട്രംപിന് താല്‍പ്പര്യമില്ല. ഉത്തരകൊറിയ എങ്ങനെ തിരിച്ചടിക്കുമെന്നതാണ് ട്രംപിന്റെ അടുത്ത വെല്ലുവിളി. യു.എസ് ഉത്തരകൊറിയയെ ആക്രമിക്കുകയാണെങ്കില്‍ അവര്‍ തിരിച്ചടിക്കുമെന്നും മുന്നറിയിപ്പ് നല്‍കിയിട്ടുണ്ട്. എന്നാല്‍ ഏതുതരത്തിലുള്ള തിരിച്ചടിയായിരിക്കുമെന്ന് പ്രവചിക്കാന്‍ കഴിയില്ല. കാരണം കിം ജോ ഉന്‍ ഒരു തരത്തിലും ആര്‍ക്കും പിടികിട്ടാത്ത മാനസികാവസ്ഥയുള്ള ഏകാധിപതിയാണ്. ആണവായുധം പ്രയോഗിക്കുമെന്നാണ് വിദേശകാര്യമന്ത്രി ഹാന്‍സോങ് റയോള്‍ മുന്നറിയിപ്പ് നല്‍കിയിട്ടുള്ളത്. അതിന്റെ ശേഷി എത്രത്തോളമാണെന്ന് യു.എസിന് പോലും പറയാന്‍ കഴിയില്ലെന്നതാണ് യാഥാര്‍ത്ഥ്യം. കൊറിയയിലേക്ക് യുദ്ധക്കപ്പലുകള്‍ അയച്ചിട്ടുണ്ടെന്ന് പറയുമ്പോഴും
യു.എസ് അവകാശപ്പെട്ടതിനേക്കാള്‍ ആയിരക്കണക്കിന് മൈലുകള്‍ക്ക് ഇപ്പുറമായിരുന്നു പടക്കപ്പലുകള്‍ നങ്കൂരമിട്ടത്. ഇത് യുദ്ധം ആഗ്രഹിക്കുന്നില്ലെന്ന് അടിവരയിട്ട് പറയുന്നു.

ഉത്തരകൊറിയയുടെ മിസൈല്‍ പരീക്ഷണത്തെ അപലപിക്കാന്‍ യു.എന്നില്‍ യു.എസ് ഈയിടെ കൊണ്ടുവന്ന പ്രമേയത്തെ റഷ്യ വീറ്റോ അധികാരം ഉപയോഗിച്ച് എതിര്‍ത്തിരുന്നു. അങ്ങനെയെങ്കില്‍ ഉത്തരകൊറിയക്കുമേല്‍ ആക്രമണം നടത്തിയാല്‍ റഷ്യ എതിര്‍ക്കാന്‍ രംഗത്തെത്തുമെന്ന് ഉറപ്പാണ്. ദക്ഷിണകൊറിയയും ജപ്പാനുമായുള്ള ബന്ധവും യുദ്ധത്തിലേക്ക് എത്തിപ്പെടാതിരിക്കാന്‍ കാരണക്കാരാവും. വന്‍തോതില്‍ ആണവായുധങ്ങളും രാസായുധങ്ങളുമുള്ള ഉത്തരകൊറിയ ഏത് രീതിയില്‍ പ്രതികരിക്കുമെന്ന് അറിയില്ല. ഉത്തരകൊറിയയുടെ അതിര്‍ത്തിയില്‍ നിന്ന് 56കിലോമീറ്റര്‍ മാത്രമാണ് ദക്ഷിണ കൊറിയയുടെ തലസ്ഥാനമായ സിയോളിലേക്കുള്ള ദൂരം. അങ്ങനെയെങ്കില്‍ യുദ്ധം പ്രതിഫലിക്കുക ദക്ഷിണകൊറിയയിലായിരിക്കും. അതിര്‍ത്തിയിലെ മിസൈലുകള്‍ ദക്ഷിണകൊറിയയെ കാര്യമായി ബാധിക്കും. കൂടാതെ മറ്റൊരു അയല്‍രാഷ്ട്രമായ ജപ്പാനേയും ബാധിക്കും. ഈ സാഹചര്യത്തില്‍ ജപ്പാനേയും ദക്ഷിണ കൊറിയയേയും പിണക്കാന്‍ അമേരിക്ക തയ്യാറാവില്ല.

മെയ് മൂന്നുമുതല്‍ എട്ടുവരെയാണ് കാറ്റലിന ദേവന്‍ദാസ് -അഗ്വിലര്‍ രാജ്യം സന്ദര്‍ശിക്കുന്നത്. ആദ്യമായാണ് യു.എന്‍ മനുഷ്യാവകാശ സിമിതിയുടെ അംഗത്തിന് സന്ദര്‍
ശാനുമതി ലഭിക്കുന്നത്. ഭിന്നശേഷിക്കാരായ കുട്ടികളുടെ പ്രശ്‌നങ്ങള്‍ക്ക് മുന്‍തൂക്കം നല്‍കിയുള്ള സന്ദര്‍ശനമാണിത്.

അതേസമയം, ഉത്തരകൊറിയയുമായുള്ള പ്രശ്‌നം നയതന്ത്രതലത്തില്‍ മാത്രമേ പരിഹരിക്കാന്‍ കഴിയുകയുള്ളൂവെന്നാണ് അമേരിക്കയുടെ നിലപാട്. ആണവായുധ പദ്ധതികള്‍ സംബന്ധിച്ച പ്രശ്‌നങ്ങള്‍ ചര്‍ച്ചയിലൂടെ പരിഹരിക്കാന്‍ തയ്യാറാകാത്ത പക്ഷം ഉത്തരകൊറിയക്കെതിരെ കടുത്ത നടപടികളുമായി മുന്നോട്ടുപോകുമെന്ന് യു.എസ് പറയുന്നു. ഉത്തരകൊറിയയെ ഉപരോധിക്കാനാണ് നിലവില്‍ യു.എസ് തീരുമാനം. അന്താരാഷ്ട്രതലത്തില്‍ ഒറ്റപ്പെടുത്തുക എന്ന തീരുമാനം ഉള്‍ക്കൊണ്ട് മുന്നേറാണ് അമേരിക്ക തീരുമാനിച്ചിരിക്കുന്നത്.

ഇതിനിടെ സൈനിക ശക്തി തെളിയിക്കാന്‍ അമേരിക്കന്‍ വിമാനവാഹിനി കപ്പലായ യു.എസ്.എസ് കാള്‍ വിന്‍സന്‍ ആക്രമിച്ച് മുക്കുമെന്ന് ഉത്തരകൊറിയയുടെ ഭീഷണിപ്പെടുത്തിയിരുന്നു. ഉത്തരകൊറിയയുടെ സമീപത്തേക്ക് നീങ്ങാന്‍ യുദ്ധക്കപ്പലിന് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് നിര്‍ദ്ദേശം നല്‍കിയതിന് പിന്നാലെയാണ് ഭീഷണി. ഇതോടെ ഇരു രാജ്യങ്ങളും തമ്മിലുള്ള സംഘര്‍ഷം അയവില്ലാതെ തുടരുകയാണ്.

ഉയര്‍ന്ന പ്രതിരോധ ശേഷിയുള്ള ടെര്‍മിനല്‍ സംവിധാനങ്ങള്‍ അമേരിക്ക
ദക്ഷിണകൊറിയയില്‍ എത്തിച്ചതായി ഇരു രാജ്യങ്ങളിലേയും പ്രതിരോധ കേന്ദ്രങ്ങള്‍ സ്ഥിരീകരിച്ചു.

ഉത്തരകൊറിയയുടെ ബാലിസ്റ്റിക് മിസൈല്‍ പരീക്ഷണങ്ങള്‍ നടത്തിയ പാശ്ചാത്തലത്തിലാണ് ദക്ഷിണകൊറിയയും അമേരിക്കയും പ്രഖ്യാപനം നടത്തുന്നത്.

കഴിഞ്ഞദിവസത്തെ മിസൈല്‍ വിക്ഷേങ്ങളടക്കം തുടര്‍ച്ചയായി ഉത്തരകൊറിയയുടെ ഭാഗത്തുനിന്നുണ്ടാകു പ്രകോപനപരമായ നീക്കങ്ങള്‍ക്ക് നേരെ നോക്കിനില്‍ക്കാനാകില്ലെന്ന് അമേരിക്കന്‍ പസഫിക് കമ്മാന്‍ഡര്‍ ഹാരി ഹാരിസ് പറയുന്നു.