കുറുക്കോളി മൊയ്തീൻ എം.എൽ.എയെ പ്രസിഡന്റായും ജനറൽ സെക്രട്ടറിയായി മുൻ എം.എൽ.എ കളത്തിൽ അബ്ദുള്ള (പാലക്കാട്)യെയും ഓർഗനൈസിങ് സെക്രട്ടറിയായി സി. മുഹമ്മദ് കുഞ്ഞി കാസർകോഡിനെയും ട്രഷററായി കെ.കെ അബ്ദുറഹിമാൻ മാസ്റ്റർ (കോഴിക്കോട്) നെയും തിരഞ്ഞെടുത്തു. വൈസ് പ്രസിഡന്റുമാരായി മൺവിള സൈനുദ്ദീൻ (തിരുവനന്തപുരം),പി.പി മുഹമ്മദ് കുട്ടി (കോട്ടയം), കെ.ഇ അബ്ദുറഹിമാൻ ( പത്തനംതിട്ട), സി.എ അബ്ദുള്ള കുഞ്ഞി (കാസർകോസ്), അഹമ്മദ് പുന്നക്കൽ (കോഴിക്കോട്), എം.എം അലിയാർ മാസ്റ്റർ (എറണാകുളം) എന്നിവരെയും സെക്രട്ടറിമാരായി പി.കെ അബ്ദുൽ അസീസ് (വയനാട്), എം.പി.എ റഹീം (കണ്ണൂർ), ടി.എം മുഹമ്മദ് ഇരുമ്പ് പാലം (ഇടുക്കി), പി.കെ അബ്ദു റഹിമാൻ (മലപ്പുറം) എന്നിവരെയും തിരഞ്ഞെടുത്തു.

കൗൺസിലിൽ പ്രസിഡൻറ് കുറുക്കോളി മൊയ്തീൻ അധ്യക്ഷനായി. എസ്.ടി.യു സംസ്ഥാന പ്രസിഡന്റ് അഡ്വ റഹ്‌മത്തുള്ള തെരഞ്ഞെടുപ്പ് നിയന്ത്രിച്ചു. കളത്തിൽ അബ്ദുള്ള സ്വാഗതം പറഞ്ഞു. കെ കെ അബ്ദുറഹ്‌മാൻ മാസ്റ്റർ നന്ദി പറഞ്ഞു.

എ.എമ്മിലെ പരിപാടികള്‍ എഫ്.എമ്മിലൂടെയാകും സംപ്രേഷണം ചെയ്യുക. എ.എം പ്രൈമറി ചാനലിനെയും എഫ്.എം ചാനലിനെയും ഒന്നാക്കാനാണ് തീരുമാനം. ആംപ്ലിറ്റിയൂഡ് മോഡുലേഷന്‍ (എ.എം) നിലയങ്ങള്‍ നിര്‍ത്തലാക്കുന്ന കേന്ദ്രസര്‍ക്കാര്‍ നയത്തിന്റെ ഭാഗമായാണ് കോഴിക്കോട് നിലയത്തിന്റെ വിനോദ പരിപാടികള്‍ അവസാനിപ്പിക്കുന്നത്. എ.എം നിലയം ഇല്ലാതാവുന്നതോടെ പ്രസരണ ശേഷി 70 നിന്ന് 40 കിലോമീറ്ററാവും. ഇതോടെ വയനാട്, കണ്ണൂര്‍, മലപ്പുറം തുടങ്ങിയ ജില്ലകളിലെ ശ്രോതാക്കള്‍ക്ക് കോഴിക്കോട് നിന്നുള്ള ആകാശവാണി പരിപാടി കേള്‍ക്കാനാകില്ല.

നിരവധി കരാര്‍ ജീവനക്കാരുടെ വ്യത്യസ്ത പരിപാടികളാണ് ആകാശവാണിയില്‍ പ്രക്ഷേപണം ചെയ്തിരുന്നത്. ഒറ്റ ചാനല്‍ പദ്ധതിയിലേക്ക് മാറുന്നതോടെ ഇവരുടെ തൊഴില്‍ നഷ്ടമാകും. സ്വകാര്യ എഫ്എം നിലയങ്ങളെ സഹായിക്കാനാണ് റിയല്‍ എഫ്എമ്മിനെ ഇല്ലാതാക്കുന്നത്. കഴിഞ്ഞവര്‍ഷവും ഇതേ നിലപാടുമായി പ്രസാര്‍ഭാരതി രംഗത്തെത്തിയിരുന്നുവെങ്കിലും കോഴിക്കോട്ടെ സാംസ്‌കാരിക പ്രവര്‍ത്തകരും കലാകാരന്‍മാരും പ്രതികരിച്ചതോടെ നടപടി ഉപേക്ഷിക്കേണ്ടി വന്നു. പരസ്യവരുമാനത്തില്‍ സംസ്ഥാനത്ത് രണ്ടാംസ്ഥാനമാണ് കോഴിക്കോട് നിലയത്തിനുള്ളത്. കൊച്ചിയാണ് ഒന്നാമത്. നാല്‍പ്പത് ലക്ഷത്തിലധികം ശ്രോതാക്കള്‍ നിലയത്തിനുണ്ട്.

ലാഭകരമായ നിലയില്‍ പ്രവര്‍ത്തിച്ചുവരുന്ന ആകാശവാണി കോഴിക്കോട് ന്യൂസ് യൂണിറ്റ് അടച്ചുപൂട്ടാന്‍ കഴിഞ്ഞ വര്‍ഷം സെപ്തംബറിലാണ് പ്രസാര്‍ ഭാരതി തീരുമാനം വരുന്നത്. രാജ്യത്തെ ഏഴ് വാര്‍ത്താ യൂനിറ്റുകള്‍ അടച്ചുപൂട്ടാനായിരുന്നു അന്ന് പ്രസാര്‍ ഭാരതിയുടെ തീരുമാനം. ഇതില്‍ ഉള്‍പ്പെട്ട ഇന്‍ഡോര്‍ റീജ്യണല്‍ ന്യൂസ് യൂനിറ്റിന്റെ പ്രവര്‍ത്തനം ഏതാനും ആഴ്ചകള്‍ക്ക് മുമ്പ് അവസാനിപ്പിച്ചു. കോഴിക്കോട് യൂനിറ്റാണ് അടുത്തതായി അടച്ചുപൂട്ടാന്‍ ഒരുങ്ങുന്നത്. ഇതിനായി കടലാസ് നടപടിക്രമങ്ങള്‍ മന്ത്രാലയം ആരംഭിച്ചതായാണ് സൂചന. നേരത്തെ ശക്തമായ പ്രതിഷേധത്തെ തുടന്ന് കോഴിക്കോട് യൂനിറ്റ് അടച്ചുപൂട്ടില്ലെന്ന് വാര്‍ത്താവിതരണ പ്രക്ഷേപണ വകുപ്പ് മന്ത്രി ഉറപ്പ് നല്‍കിയിരുന്നുവെങ്കിലും ഇപ്പോള്‍ നീക്കം വീണ്ടും സജീവമായിരിക്കുകയാണ്. കോഴിക്കോട് നിലവിലുള്ള ആളുകളെ തിരുവനന്തപുരത്തേക്ക് മാറ്റാനാണ് പ്രസാര്‍ഭാരതി ലക്ഷ്യം വെക്കുന്നത്. രണ്ടരക്കോടി രൂപയുടെ പരസ്യവരുമാനം കോഴിക്കോടിനുണ്ട്. പ്രതിവര്‍ഷം 40ലക്ഷം മാത്രമാണ് ചിലവ് വരുന്നത്. ഈ സാഹചര്യത്തില്‍ നിലയം അടച്ചുപൂട്ടാനുള്ള നീക്കം മലബാറിനോടുള്ള അവഗണനയായാണ് വിലയിരുത്തുന്നത്. മലപ്പുറം പാസ്‌പോര്‍ട്ട് ഓഫീസിന്റെ പ്രവര്‍ത്തനം നിര്‍ത്തിവെച്ച നടപടിയും ഇതിന്റെ ഭാഗമാണെന്നാണ് ഉയര്‍ന്നുവരുന്ന വിമര്‍ശനം.

നിലയം അടച്ചുപൂട്ടുന്നതിനെതിരെ ഇപ്പോള്‍ പ്രതിഷേധം ശക്തമായിരിക്കുകയാണ്. അഖില കേരളാ റേഡിയോ ലിസണേഴ്‌സ് അസോസിയേഷന്റെ നേതൃത്വത്തില്‍ എം.പിമാര്‍ക്കും കേന്ദ്ര മന്ത്രിമാര്‍ക്കും നിവേദനം നല്‍കിയിട്ടുണ്ട്. രാഷ്ട്രീയ സാമൂഹിക സാംസ്‌കാരിക രംഗത്തെ പ്രമുഖരും ഈ നീക്കത്തിനെതിരെ രംഗത്ത് വന്നിട്ടുണ്ട്.