KOZHIKODE RAILWAY SATION – Chandrika Daily

കോഴിക്കോട് കടലുണ്ടി റെയില്‍വേ ഗേറ്റിന് സമീപം യുവതി ട്രെയിന്‍ തട്ടി മരിച്ചു

webdesk18 — Sat, 26 Jul 2025 17:02:10 +0000

കോഴിക്കോട് കടലുണ്ടി റെയില്‍വേ ഗേറ്റിന് സമീപം യുവതി ട്രെയിന്‍ തട്ടി മരിച്ചു. കോട്ടക്കടവ് വള്ളിക്കുന്ന് സ്വദേശിനി സൂര്യ (21) ആണ് അപകടത്തില്‍ മരിച്ചത്. റെയില്‍ പാത മുറിച്ചുകടക്കുമ്പോള്‍ ട്രെയിന്‍ ഇടിക്കുകയായിരുന്നു. ചെന്നൈ മെയ്‌ലാണ് ഇടിച്ചത്.

കോഴിക്കോട് റെയില്‍വേ ട്രാക്കില്‍ മരം വീണ സംഭവം; ട്രെയിന്‍ ഗതാഗതം പുനഃസ്ഥാപിച്ചു

webdesk18 — Tue, 27 May 2025 03:22:15 +0000

കോഴിക്കോട് അരീക്കോട് റെയില്‍വേ ട്രാക്കില്‍ മരം വീണതിനെ തുടര്‍ന്ന് തടസ്സപ്പെട്ട ട്രെയിന്‍ ഗതാഗതം പുനഃസ്ഥാപിച്ചു. പുലര്‍ച്ചെ അഞ്ചുമണിയോടെയാണ് ട്രെയിന്‍ ഗതാഗതം പുനഃസ്ഥാപിച്ചത്.

റെയില്‍വേ ട്രാക്കില്‍ വീണ മരങ്ങളും വീടിന്റെ മേല്‍ക്കൂരയും എടുത്തുമാറ്റുകയും വൈദ്യുതി ലൈനുകള്‍ പുനഃസ്ഥാപിക്കുകയും ചെയ്തു. ഗതാഗതം പൂര്‍ണമായും പുനഃസ്ഥാപിച്ചെങ്കിലും പല ട്രെയിനുകളും വൈകി. ഒന്നു മുതല്‍ രണ്ടു മണിക്കൂര്‍ വരെയാണ് ട്രെയിനുകള്‍ വൈകിയോടുന്നത്.

തിങ്കളാഴ്ച രാത്രി ഏഴുമണിയോടെയാണ് മാത്തോട്ടം-അരീക്കോട് ഭാഗത്തേയ്ക്കുള്ള ട്രാക്കിലേക്ക് മൂന്ന് മരങ്ങള്‍ വന്നുവീണ് ഗതാഗതം തടസ്സപ്പെട്ടത്.

കോഴിക്കോട് റെയില്‍വെ സ്‌റ്റേഷനില്‍ ബോംബ് സ്ഥാപിച്ചിട്ടുണ്ടെന്ന് വ്യാജ സന്ദേശം

Test User — Mon, 28 Oct 2019 15:16:25 +0000

കോഴിക്കോട് റെയില്‍വെ സ്‌റ്റേഷനില്‍ ബോംബ് സ്ഥാപിച്ചിട്ടുണ്ടെന്ന് വ്യാജ സന്ദേശം. മൂന്നാമത്തെ പ്ലാറ്റ്‌ഫോമില്‍ ബോംബ് സ്ഥാപിച്ചെന്നായിരുന്നു ഫോണ്‍ സന്ദേശം. ഉടന്‍ തന്നെ ബോംബ് സ്‌ക്വാഡ് സ്ഥലത്ത് പരിശോധന നടത്തി. പക്ഷെ പരിശോധനയില്‍ ഒന്നും കണ്ടെത്താനായില്ല. ഫോണ്‍ സന്ദേശത്തിന്റെ ഉറവിടം സംബന്ധിച്ച് പൊലീസ് അന്വേഷണം ആരംഭിച്ചിട്ടുണ്ട്.

കോഴിക്കോട് റെയില്‍വേ സ്റ്റേഷന്‍ അന്താരാഷ്ട്ര നിലവാരത്തിലേക്ക്; ടെണ്ടര്‍ ഉടനെന്ന് കേന്ദ്രമന്ത്രി

chandrika — Thu, 02 Aug 2018 03:02:23 +0000

കോഴിക്കോട്: മലബാറിന്റെ സ്വന്തം റയില്‍വെ സ്‌റ്റേഷനായ കോഴിക്കോടിനെ ലോക നിലവാരത്തില്‍ ഉയര്‍ത്തുന്ന കേന്ദ്ര റെയില്‍ മന്ത്രാലയത്തിന്റെ പദ്ധതിയുടെ ടെണ്ടര്‍ നടപടികള്‍ പുരോഗമിക്കുന്നതായി റെയില്‍വെ മന്ത്രി പിയൂഷ് ഗോയല്‍ ലോകസഭയെ അറിയിച്ചു.
പദ്ധതി നപ്പിലാക്കുമെന്ന് നേരത്തെ പ്രഖ്യാപിച്ച 23 റെയില്‍വെ സ്‌റ്റേഷനുകളില്‍ കോഴിക്കോടും ജമ്മു താവി സ്‌റ്റേഷനും മാത്രമാണ് നടപടിക്രമങ്ങള്‍ പുരോഗമിക്കുന്നതെന്നും അദ്ദേഹം ഇത് സംബന്ധിച്ച ചോദ്യങ്ങള്‍ക്ക് മറുപടി നല്‍കവെ വ്യക്തമാക്കി.
ദക്ഷിണേന്ത്യയില്‍ ഈ പദ്ധതി അനുസരിച്ച് നിര്‍മാണ പ്രവര്‍ത്തനങ്ങള്‍ പുരോഗമിക്കുന്ന ഏക സ്‌റ്റേഷന്‍ കോഴിക്കോടാണ്. ഇ. അഹമ്മദിന്റെയും എം.കെ രാഘവന്‍ എം.പിയുടെ ശ്രമ ഫലമായി 2012 ല്‍ മമതാ ബാനര്‍ജി റെയില്‍വെ മന്ത്രിയായ വേളയിലായിരുന്നു കോഴിക്കോട് റെയില്‍വെ സ്‌റ്റേഷനെ അന്തരാഷ്ട്ര നിലവാരത്തിലുള്ള സ്‌റ്റേഷനായി പ്രഖ്യാപിച്ചത്.