സംഭവം നടന്ന് വര്‍ഷങ്ങള്‍ക്കുശേഷം ഇങ്ങനെയൊരു ആരോപണം ഉന്നയിച്ചതില്‍ ദുരൂഹതയുണ്ട്. ഇതൊരു ഗൂഢാലോചനയാണെന്ന് വ്യക്തമാണ്. ആരോപണം ഉന്നയിച്ച വക്കീലിനും പ്രാദേശിക ചാനലിനുമെതിരെ നിയമ നടപടിയുമായി മുന്നോട്ട് പോകാനാണ് മുസ്ലിംലീഗിന്റെ തീരുമാനമെന്നും അദ്ദേഹം അറിയിച്ചു. സത്യത്തിന്റെ കണിക പോലും ഇല്ലാത്ത ഇത്തരം ആരോപണങ്ങള്‍ പൊക്കിപ്പിടിച്ചുകൊണ്ട് മുസ്ലിംലീഗിനെയും നേതാക്കളെയും താറടിച്ചു കാണിക്കാം എന്ന് ആരും കരുതേണ്ട. സിപിഎമ്മിന്റെ കൊലപാതക രാഷ്ട്രീയത്തിനെതിരെ മുസ്ലിംലീഗും യു.ഡി.എഫും പോരാട്ടം തുടരും അദ്ദേഹം കൂട്ടിച്ചേര്‍ത്തു.