വിശ്വാസവോട്ടെടുപ്പിനുള്ള ചര്‍ച്ചയുടെ തുടക്കത്തില്‍ തന്നെ മുഖ്യമന്ത്രി കുമാരസ്വാമി ബിജെപിയുടെ കുതിരക്കച്ചവടത്തിനെതിരെ തുറന്നടിച്ചു. സര്‍ക്കാരിനെതിരെയുള്ള വിമത നീക്കങ്ങള്‍ക്ക് കാരണം ബിജെപിയാണെന്ന് പ്രമേയം അവതരിപ്പിച്ച് മുഖ്യമന്ത്രി കുമാരസ്വാമി കുറ്റപ്പെടുത്തി. കര്‍ണാടകത്തില്‍ ഭരണക്കൂടം സര്‍ക്കാര്‍ തകരില്ല എന്ന ആത്മവിശ്വാസത്തിവാണ് ഇപ്പോഴും.

നിയമസഭയിലെ വിശ്വാസ വോട്ടെടുപ്പ് ചര്‍ച്ച ഭരണപ്രതിപക്ഷ തര്‍ക്കം മൂലം തടസപ്പെട്ടിരുന്നു. ഉച്ചവരെ പ്രമേയത്തില്‍ ചര്‍ച്ച നടന്നെങ്കിലും ബഹളം മൂലം മൂന്ന് മണി വരെ സഭ നിറുത്തിവെക്കുകയായിരുന്നു. തുടര്‍ന്ന് പുനരാരംഭിച്ചെങ്കിലും ഇരുപക്ഷവും തമ്മില്‍ തര്‍ക്കമുണ്ടായതിനെ തുടര്‍ന്ന് വീണ്ടും സതംഭിച്ചിരുന്നു. വിശ്വാസ പ്രമേയത്തില്‍ ഇന്ന് തന്നെ വോട്ടെടുപ്പ് വേണമെന്നാണ് പ്രതിപക്ഷത്തിന്റെ ആവശ്യം. എന്നാല്‍, പ്രമേയത്തില്‍ ചര്‍ച്ച തുടരണമെന്നും അംഗങ്ങള്‍ക്ക് വിപ്പ് നല്‍കുന്നതിലെ അനിശ്ചിതത്വം നീങ്ങുന്നത് വരെ വോട്ടെടുപ്പ് നടത്തരുതെന്നുമാണ് ഭരണപക്ഷ നിലപാട്.

അതിനിടെ, കുമാരസ്വാമി വിശ്വാസവോട്ടിന് തയ്യാറാണെന്ന് വ്യക്തമാക്കിയതോടെ ബി.ജെ.പി നേതാവ് ബി.എസ്. യെദ്യൂരപ്പ നിയമസഭയിലെ അദ്ദേഹത്തിന്റെ ചേംബറിലേക്ക് മടങ്ങി. ബി.ജെ.പി. നേതാക്കളുമായി ചര്‍ച്ച നടത്താനാണ് അദ്ദേഹം സഭാ ഹാളില്‍നിന്ന് ചേംബറിലേക്ക് മടങ്ങിയത്. വിമത എം.എല്‍.എമാരുടെ ഹര്‍ജിയിലും അയോഗ്യതയിലും ചൊവ്വാഴ്ച വരെ തീരുമാനമെടുക്കരുതെന്ന് സുപ്രീംകോടതി നിര്‍ദേശിച്ചിട്ടുണ്ട്. കര്‍ണാടകയില്‍ തല്‍സ്ഥിതി തുടരാനും കോടതി നിര്‍ദേശം നല്‍കി. വിമത എം.എല്‍.എമാരുടെ ഹര്‍ജിയില്‍ ചൊവ്വാഴ്ച വിശദമായ വാദം കേള്‍ക്കുമെന്നും ചീഫ് ജസ്റ്റിസ് അധ്യക്ഷനായ ബെഞ്ച് അറിയിച്ചു.

Karnataka CM HD Kumaraswamy in Vidhana Soudha in Bengaluru: After all these developments, I am seeking your permission & time to prove the majority in this session. #Karnataka pic.twitter.com/olx8BZ90Xx

— ANI (@ANI) July 12, 2019

വിമത എംഎല്‍എമാരുടെ രാജി സ്പീക്കര്‍ അംഗീകരിക്കുകയാണെങ്കില്‍ കുമാരസ്വാമി സര്‍ക്കാര്‍ ന്യൂനപക്ഷമായി പുറത്തേക്ക് പോകും. ഏറ്റവും വലിയ ഒറ്റകക്ഷി എന്ന നിലയില്‍ ബിജെപിയെ സര്‍ക്കാരുണ്ടാക്കാന്‍ ഗവര്‍ണര്‍ ക്ഷണിക്കുകയായിരിക്കും പിന്നീട് കര്‍ണ്ണാടകയില്‍ നടക്കുക.
നിയമസഭയില്‍ വിശ്വാസവോട്ടെടുപ്പ് നടത്താം. വിപ്പ് ലംഘിക്കുന്ന വിമതരെ കൂറുമാറ്റ നിരോധനിയമ പ്രകാരം അയോഗ്യരാക്കാം. ഇത് പുതിയ നിയമയുദ്ധത്തിന് വഴിവെക്കുന്നതുമായിരിക്കും.

സര്‍ക്കാരിനെതിരെ ബിജെപി അവിശ്വാസ പ്രമേയം കൊണ്ടുവരിക. ഭൂരിപക്ഷം തെളിയിക്കാന്‍ എംഎല്‍എമാരെ ഗവര്‍ണറുടെ മുന്നില്‍ ഹാജരാക്കുകയുമാകാം. കുമാരസ്വാമി രാജിവെച്ച് കോണ്‍ഗ്രസ് നേതാവ് മുഖ്യമന്ത്രിയാകുകയും സാധ്യതയാണ്. വിമതരെ കൂടി ഉള്‍പ്പെടുത്തി പുതിയ മന്ത്രിസഭയുണ്ടാക്കാം. പക്ഷേ ഇതിന് വിമതര്‍ തയാറാകണം. അല്ലെങ്കില്‍ സംസ്ഥാനത്തെ ക്രമസമാധാന നില തകരുകയോ തെരഞ്ഞെടുക്കപ്പെട്ട ഭരണകൂടത്തിന് മുന്നോട്ട് കൊണ്ടുപോകാന്‍ കഴിയാതെ വന്നാല്‍ രാഷ്ട്രപതി ഭരണം ഏര്‍പ്പെടുത്താം. ഗവര്‍ണര്‍ക്ക് ഇതിനായി കേന്ദ്രസര്‍ക്കാരിനോട് ശുപാര്‍ശ ചെയ്യാം. എന്നാലിതിന് സാധ്യത വളരെ കുറവാണ്. സര്‍ക്കാര്‍ താഴെ വീണാല്‍ ബദല്‍ സര്‍ക്കാരുണ്ടാക്കാതെ ബിജെപി മാറി നില്‍ക്കാം. ഇങ്ങനെയെങ്കില്‍ കര്‍ണ്ണാടകയില്‍ ആറുമാസത്തിനുള്ളില്‍ നിയമസഭാ തെരഞ്ഞെടുപ്പ് നടക്കുന്നതിനു സാധ്യതയുണ്ട്. ഇതിനെല്ലാം പുറമെ നിയമസഭ തന്നെ പിരിച്ചുവിടാന്‍ കുമാരസ്വാമിക്ക് ഗവര്‍ണര്‍ക്ക് ശുപാര്‍ശ നല്‍കാനാകും. ഇത് സ്വീകരിക്കണമോ എന്നത് ഗവര്‍ണറുടെ വിവേചനാധികാരമാണ്.

സഖ്യത്തിനുള്ളിലെ ആഭ്യന്തര തര്‍ക്കങ്ങള്‍ ചര്‍ച്ച ചെയ്യാന്‍ ജെഡിഎസും കോണ്‍ഗ്രസും പ്രത്യേകം യോഗം ചേരുന്നുമുണ്ട്. ഈ യോഗങ്ങളില്‍ ചില തീരുമാനങ്ങള്‍ ഉണ്ടാകുമെന്നാണ് കരുതുന്നത്. ദളിത് വോട്ടുകള്‍ ബിജെപിയിലേക്ക് ഒഴുകിയെന്നാണ് കോണ്‍ഗ്രസ് വിലയിരുത്തുന്നത്. ഇതിനെ മറികടക്കാന്‍ ദളിത് വിഭാഗത്തില്‍ നിന്നള്ള ഒരാളെ മുഖ്യമന്ത്രിയാക്കാനാണ് കര്‍ണാടക പിസിസി ആലോചിക്കുന്നത്.

അങ്ങനെയെങ്കില്‍ നിലവിലെ ഉപമുഖ്യമന്ത്രി ജി പരമേശ്വരയെ മുഖ്യമന്ത്രിയാക്കുകയും ജെഡിഎസിന് ഉപമുഖ്യമന്ത്രി സ്ഥാനം നല്‍കുകയും ചെയ്യുക എന്നതാണ് കോണ്‍ഗ്രസിന്റെ മുന്നിലുള്ള പുതിയ പോംവഴി. എന്നാല്‍ ഇത് ജെഡിഎസ് അംഗീകരിക്കുമോ എന്നറിയില്ല. ഇതുമായി ബന്ധപ്പെട്ടുള്ള ജെ.ഡി.എസിന്റെ തീരുമാനം അവര്‍ അറിയിക്കും.

കോണ്‍ഗ്രസിന്റെ പതിനെട്ട് എംഎല്‍എ മാര്‍ക്കുമായി 200 കോടി വാഗ്ദാനം ചെയ്തതുവെന്ന് കോണ്‍ഗ്രസ് നേതാവ് കെ.സി വേണുഗോപാല്‍ പറഞ്ഞു. ‘കഴിഞ്ഞ ദിവസം കര്‍ണാടകയില്‍ നിന്ന് കേട്ട വാര്‍ത്ത രാജ്യത്തെ തന്നെ ഞെട്ടിച്ചിരിക്കുകയാണ്. യെദ്യൂരപ്പ കോണ്‍ഗ്രസ് എം എല്‍ എമാരെ കോടികള്‍ നല്‍കി വിലപേശുന്ന ശബ്ദരേഖ കര്‍ണാടക മുഖ്യമന്ത്രി കഴിഞ്ഞ ദിവസം പുറത്തുവിട്ടിരുന്നു. കര്‍ണാടകയില്‍ ഇപ്പോള്‍ യെദ്യൂരപ്പ നടത്തുന്നത് മോദിയുടേയും അമിത് ഷായുടേയും ചീഞ്ഞ രാഷ്ട്രീയമാണ്.- കെ.സി വേണുഗോപാല്‍ പറഞ്ഞു.

കര്‍ണ്ണാടകയില്‍ കുമാരസ്വാമി സര്‍ക്കാര്‍ ഭരണം തുടരും. സര്‍ക്കാരിന് യാതൊന്നും സംഭവിക്കില്ല. എം.എല്‍.എമാര്‍ക്ക് കോടികളാണ് യെദ്യൂരപ്പ വാഗ്ദാനം ചെയ്തിരിക്കുന്നത്. കൂടാതെ വിവിധ എം.എല്‍.എമാര്‍ക്ക് ബോര്‍ഡ് കോര്‍പ്പറേഷന്‍ സ്ഥാനങ്ങളും 12 എം.എല്‍.എമാര്‍ക്ക് മന്ത്രിസ്ഥാനവും വാഗ്ദാനം ചെയ്തിരുന്നുവെന്നും മോദി ഇതിന് ഉത്തരം പറയണമെന്നും വേണുഗോപാല്‍ ആവശ്യപ്പെട്ടു.

സംസ്ഥാന തെരഞ്ഞെടുപ്പിന് ശേഷം നടന്ന ബിജെപിയുടെ എക്സിക്യൂട്ടീവ് കമ്മിറ്റി യോഗത്തിലാണ് ചാക്കിട്ടുപിടുത്തത്തിന്റെ പുതിയ സാധ്യതകളെ സംബന്ധിച്ച് പാര്‍ട്ടി പ്രവര്‍ത്തകരെ അറിയിച്ചത്. വിമത എം.എല്‍.എമാരുടെ വീട്ടില്‍ പോയി അവരെ ബി.ജെ.പിയിലേക്കെത്തിക്കാന്‍ പാര്‍ട്ടി പ്രവര്‍ത്തകരോട് യെദ്യൂരപ്പ നിര്‍ദേശം നല്‍കി. കര്‍ണാടകയില്‍ കോണ്‍ഗ്രസ്-ജെ.ഡി.എസ് സഖ്യസര്‍ക്കാര്‍ അഞ്ചുവര്‍ഷം പൂര്‍ത്തിയാക്കുന്നതിന് മുന്നെ ബി.ജെ.പിക്ക് അധികാരത്തില്‍ തിരിച്ചെത്താന്‍ കഴിയുമെന്ന പ്രതീക്ഷയും യെദ്യൂരപ്പ പ്രകടിപ്പിച്ചു. രാഷ്ട്രപുരോഗതിക്ക് കര്‍ണാടകയില്‍ ബിജെപി ഭരണം അത്യാവശ്യമാണെന്ന സന്ദേശമാണ് യെദ്യൂരപ്പ പാര്‍ട്ടി പ്രവര്‍ത്തകര്‍ക്ക് നല്‍കിയത്.

ചാക്കിട്ടുപിടുത്തത്തിന് പച്ചകൊടി വീശുന്ന യെദ്യൂരപ്പയുടെ പുതിയ പ്രസ്താവന വന്നതോടെ തെരഞ്ഞെടുപ്പ് സമയത്ത് കുതിരക്കച്ചവടത്തിന് സാക്ഷിയായ ഓപ്പറേഷന്‍ താമര പദ്ധതി ബി.ജെ.പി ഉപേക്ഷിച്ചിട്ടില്ലെന്ന റിപ്പോര്‍ട്ടുകളാണ് പുറത്തുവരുന്നത്.

അതേസമയം കര്‍ണാടകയിലെ കോണ്‍ഗ്രസ്-ജെ.ഡി.യു സഖ്യസര്‍ക്കാര്‍ രൂപീകരിച്ചതില്‍ മുന്‍ മുഖ്യമന്ത്രിയും കോണ്‍ഗ്രസ് നേതാവുമായ സിദ്ധരാമയ്യക്ക് അതൃപ്തിയുണ്ടെന്ന വ്യാജ പ്രചരണവും സംസ്ഥാനത്ത് നടക്കുന്നുണ്ട്. എന്നാല്‍ വ്യാജ പ്രചരണത്തെ തള്ളി സിദ്ധരാമയ്യ രംഗത്തെത്തി. ബി.ജെ.പി അധികാരത്തില്‍ നിന്ന് അകറ്റി നിര്‍ത്താനാണ് സഖ്യ സര്‍ക്കാര്‍ രൂപീകരിച്ചത്. ഈ സര്‍ക്കാര്‍ സുസ്ഥിരമായിരിക്കുമെന്ന കാര്യത്തില്‍ ആര്‍ക്കും സംശയം വേണ്ടെന്നും കര്‍ണാടക മുന്‍ മുഖ്യമന്ത്രി വ്യക്തമാക്കി.

ಉಜಿರೆಯ‌ ಪ್ರಕೃತಿ ಚಿಕಿತ್ಸಾ ಕೇಂದ್ರದಲ್ಲಿ ಆರೋಗ್ಯ ಸುಧಾರಣೆ ಮಾಡಿಕೊಂಡ ನಂತರ, ರಾಜಕೀಯದಲ್ಲಿ‌ ಇನ್ನಷ್ಟು ಕ್ರಿಯಾಶೀಲವಾಗಿ‌ ತೊಡಗಿಸಿಕೊಳ್ಳಲು‌ ದೇಹ ಮತ್ತು ಮನಸ್ಸು ಸಜ್ಜಾಗಿದೆ. pic.twitter.com/RPAV3rHS56

— Siddaramaiah (@siddaramaiah) June 29, 2018

ബെല്‍ത്തങ്ങാടിയില്‍ പ്രകൃതി ചികിത്സക്കിടെ തന്നെ കാണാന്‍ വന്നവരോട് സിദ്ധരാമയ്യ സംസാരിക്കുന്ന ദൃശ്യങ്ങള്‍ കഴിഞ്ഞ ദിവസം പുറത്തു വന്നിരുന്നു. സിദ്ധരാമയ്യ കുമാരസ്വാമിക്കെതിരാണ് എന്ന രീതിയിലാണ് മാധ്യമങ്ങളില്‍ ആ വാര്‍ത്ത പ്രചരിച്ചത്. എന്നാല്‍ ഏത് സാഹചര്യത്തിലാണ് അങ്ങനെ സംസാരിച്ചതെന്ന് അത് പ്രചരിപ്പിക്കുന്നവര്‍ക്കറിയില്ല. സഖ്യസര്‍ക്കാര്‍ രൂപീകരിച്ചതില്‍ തനിക്ക് അതൃപ്തിയുണ്ടെന്ന് ആരാണ് പറഞ്ഞത്? സന്ദര്‍ഭം മനസ്സിലാക്കാതെ സൗഹൃദ സംഭാഷണങ്ങള്‍ വീഡിയോയില്‍ പകര്‍ത്തി പ്രചരിപ്പിച്ചത് ആരായലും ശരിയായില്ലെന്നും അദ്ദേഹം പറഞ്ഞു.

ദേശീയരംഗത്തെ പ്രതിപക്ഷനിരയിലെ പ്രമുഖ നേതാക്കളാല്‍ സമ്പന്നമായിരുന്നു സത്യപ്രതിജ്ഞാ ചടങ്ങ്. മഴഭീഷണി വകവെക്കാതെ ആയിരങ്ങളടങ്ങുന്ന വന്‍ ജനക്കൂട്ടം തന്നെ സത്യപ്രതിജ്ഞ വീക്ഷിക്കാനെത്തിയിരുന്നു.

Bengaluru: Rahul Gandhi and Sonia Gandhi arrive at Vidhana Soudha for HD Kumaraswamy and G.Parameshwara's swearing in as Chief Minister and Deputy Chief Minister respectively. #Karnataka pic.twitter.com/Ky6yvlaLH3

— ANI (@ANI) May 23, 2018

യു.പി.എ അധ്യക്ഷ സോണിയ ഗാന്ധി, കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധി, മമതാ ബാനര്‍ജി (തൃണമൂല്‍ കോണ്‍ഗ്രസ്), ചന്ദ്രബാബു നായിഡു (ടി.ഡി.പി), അഖിലേഷ് യാദവ് (എസ്.പി), മമതാ ബാനര്‍ജി (ബി.എസ്.പി), ശരദ് പവാര്‍ (എന്‍.സി.പി), തേജശ്വി യാദവ് (ആര്‍.ജെ.ഡി), സീതാറാം യെച്ചൂരി (സി.പി.എം), ശരദ് യാദവ് (ജെ.ഡി.യു), പി.കെ കുഞ്ഞാലിക്കുട്ടി (മുസ്ലിം ലീഗ്) തുടങ്ങിയ ദേശീയ നേതാക്കളുടെ സാന്നിധ്യത്തിലായിരുന്നു സത്യപ്രതിജ്ഞാ ചടങ്ങ്. ചടങ്ങിനു ശേഷം എല്ലാ നേതാക്കളും കൈകോര്‍ത്ത് സദസ്സിനെ അഭിസംബോധന ചെയ്തു.

ജെ.ഡി.എസ്സിന്റെയും കോണ്‍ഗ്രസിന്റെയും നേതാക്കള്‍ വേദിയിലെത്തിയപ്പോള്‍ വന്‍തോതിലുള്ള കൈയടിയും ഹര്‍ഷാരവങ്ങളുമാണ് സദസ്സില്‍ നിന്നുയര്‍ന്നത്. രാഹുല്‍ ഗാന്ധി, ഡി.കെ ശിവകുമാര്‍, കുമാരസ്വാമി എന്നിവര്‍ക്ക് നല്ല കൈയടി തന്നെ ലഭിച്ചു.

ചടങ്ങ് തുടങ്ങുന്നതിനു തൊട്ടുമുമ്പാണ് വാജുഭായ് വാല വേദിയിലേക്ക് കയറിവന്നത്. വന്‍ കൂവലോടെയാണ് സദസ്സ് അദ്ദേഹത്തെ എതിരേറ്റത്. കുമാരസ്വാമിക്ക് സത്യവാചകം ചൊല്ലിക്കൊടുക്കാനായി ഗവര്‍ണര്‍ എഴുന്നേറ്റപ്പോഴും കൂവല്‍ തുടര്‍ന്നു.

UPA Chairperson Smt Sonia Gandhi & Congress President @RahulGandhi address the newly elected Congress MLAs in Bengaluru. pic.twitter.com/hgEwKKlfdo

— Congress (@INCIndia) May 23, 2018

യു.പി.എ അധ്യക്ഷ സോണിയ ഗാന്ധി, കോണ്‍ഗ്രസ് ദേശീയ അധ്യക്ഷന്‍ രാഹുല്‍ ഗാന്ധി, ബി.എസ്.പി അധ്യക്ഷ മായാവതി, ബംഗാള്‍ മുഖ്യമന്ത്രി മമതാ ബാനര്‍ജി, ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു, ആര്‍.ജെ.ഡി നേതാവ് തേജശ്വി യാദവ്, സമാജ്‌വാദി പാര്‍ട്ടി നേതാവ് അഖിലേഷ് യാദവ്, സി.പി.എം ദേശീയ ദേശീയ ജനറല്‍ സെക്രട്ടറി സീതാറാം ചെയ്യൂരി, എന്‍.സി.പി തലവന്‍ ശരദ് പവാര്‍ തുടങ്ങിയ വലിയൊരു നേതൃനിര തന്നെ ബംഗളുരുവിലുണ്ട്.

Sitaram Yechury, Sharad Pawar and Akhilesh Yadav arrive in Bengaluru to take part in the oath-taking ceremony of JD(S)' HD Kumaraswamy as the Chief Minister of #Karnataka pic.twitter.com/xsWa8f2QJB

— ANI (@ANI) May 23, 2018

മുഖ്യമന്ത്രി കുമാരസ്വാമിയുടെയും ഉപമുഖ്യമന്ത്രി ജി. പരമേശ്വരയുടെയും സത്യപ്രതിജ്ഞയാണ് ഇന്ന് നടക്കുന്നത്. നാളെ നടത്താന്‍ നിശ്ചയിച്ചിരുന്ന വിശ്വാസ വോട്ടെടുപ്പ് മുതിര്‍ന്ന കോണ്‍ഗ്രസ് നേതാക്കളുടെ തീരുമാനപ്രകാരം വെള്ളിയാഴ്ചയിലേക്ക് മാറ്റിയിട്ടുണ്ട്. സ്പീക്കര്‍, ഡെപ്യൂട്ടി സ്പീക്കര്‍ എന്നിവരെ നാളെ തെരഞ്ഞെടുക്കും.

Met with @MamataOfficial & Mayawati ji at the swearing in ceremony of @hd_kumaraswamy as Karnataka's CM. We're here to strengthen the regional parties and will work together to protect and promote national interests. pic.twitter.com/OuSwgnt6zx

— N Chandrababu Naidu (@ncbn) May 23, 2018

ഉദ്ധവ് താക്കറെ (ശിവസേന), എം.കെ സ്റ്റാലിന്‍ (ഡി.എം.കെ) എന്നിവര്‍ സത്യപ്രതിജ്ഞാ ചടങ്ങിന് എത്തിച്ചേരാനാവില്ലെന്ന് അറിയിച്ചിട്ുടണ്ട്. തൂത്തുക്കുടിയിലെ സംഘര്‍ഷ സ്ഥലത്ത് സന്ദര്‍ശനം നടത്തുകയാണ് സ്റ്റാലിന്‍.

സത്യപ്രതിജ്ഞാ ചടങ്ങിന് ബംഗാള്‍ മുഖ്യമന്ത്രി മമതാ ബാനര്‍ജി, ഡി.എം.കെ നേതാവ് എം.കെ സ്റ്റാലിന്‍, സമാജ് വാദി പാര്‍ട്ടി നേതാവ് അഖിലേഷ് യാദവ്, ബി.എസ്.പി അധ്യക്ഷ മായാവതി, ആര്‍.ജെ.ഡി നേതാവ് തേജശ്വി യാദവ്, സി.പി.എം നേതാവ് സീതാറാം യെച്ചൂരി എന്നീ പ്രമുഖരെ ക്ഷണിച്ചിരുന്നു.ക്ഷണം സ്വീകരിച്ച് ഇവരെല്ലാം പങ്കെടുക്കമെന്നാണ് സൂചന. സത്യപ്രതിജ്ഞാ വേദി ബി.ജെ.പിക്കെതിരെ പ്രതിപക്ഷ ഐക്യത്തിന് വേദിയാക്കമെന്ന പ്രതീക്ഷയിലാണ് കോണ്‍ഗ്രസ്.

മുഖ്യമന്ത്രി കുമാരസ്വാമിയുടെ സത്യപ്രതിജ്ഞ മാത്രമേ നാളെ നടക്കൂ. നിയമസഭയില്‍ ഭൂരിപക്ഷം തെളിയിച്ചതിന് ശേഷമായിരിക്കും ബാക്കി മന്ത്രിമാര്‍ അധികാരമേല്‍ക്കുക. 33 അംഗ മന്ത്രിസഭയില്‍ കോണ്‍ഗ്രസില്‍ നിന്ന് 20 മന്ത്രിമാരുണ്ടാകും. കോണ്‍ഗ്രസിന്റെ ജി.പരമേശ്വര ഉപമുഖ്യമന്ത്രിയാകുമെന്നാണ് വിവരം. വിശ്വാസ വോട്ടെടുപ്പിന് കോണ്‍ഗ്രസിന്റെ തന്ത്രങ്ങള്‍ക്ക് നേതൃത്വം നല്‍കി ഡി.കെ ശിവകുമാറിനേയും ഉപമുഖ്യമന്ത്രി പരിഗണിക്കുന്നുണ്ട്. എന്നാല്‍ ധനകാര്യ വകുപ്പ് നിയുക്ത മുഖ്യമന്ത്രി എച്ച്.ഡി കുമാരസ്വാമി തന്നെ കൈകാര്യം ചെയ്യാനാണ് സാധ്യത.

ആഭ്യന്തര വകുപ്പ് കോണ്‍ഗ്രസിനായിരിക്കും. ഉപമുഖ്യമന്ത്രി സ്ഥാനം ഏറ്റെടുക്കുന്ന കെ.പി.സി.സി അധ്യക്ഷന്‍ കൂടിയായ ജി.പരമേശ്വര ആഭ്യന്തരം കൈകാര്യം ചെയ്യുമെന്നാണ് വിവരം. അതേസമയം മറ്റു വകുപ്പുകളെക്കുറിച്ച് തീരുമാനമുണ്ടാക്കുന്നതിന് ഇരുപാര്‍ട്ടികളുടെയും സംയുക്ത നേതൃയോഗം ചേര്‍ന്നതിന് ശേഷമായിരിക്കും.

നാടകീയ സംഭവങ്ങള്‍ക്കെടുവില്‍ ബി.എസ് യെദ്യൂരപ്പ മുഖ്യമന്ത്രിപദം രാജിവെക്കുകയായിരിന്നു. രാജിക്കു പിന്നാലെ മന്ത്രിസഭ രൂപീകരിക്കാന്‍ ക്ഷണിക്കണമെന്നാവശ്യപ്പെട്ട് കുമാരസ്വാമി ഗവര്‍ണര്‍ക്ക് കത്ത് നല്‍കിയിരുന്നു. ഇതിന്റെ അടിസ്ഥാനത്തിലാണ് ഗവര്‍ണര്‍ അദ്ദേഹത്തെ സര്‍ക്കാറുണ്ടാക്കാന്‍ ക്ഷണിച്ചത്.