കരുവന്നൂര്‍ സര്‍വീസ് ബാങ്ക് തട്ടിപ്പ് സംബന്ധിച്ച് എ.സി മൊയ്തീനും അറിവുണ്ടെന്നാണ് ഇ.ഡിയുടെ കണ്ടെത്തല്‍. തട്ടിപ്പുമായി സംബന്ധിച്ച് അന്നത്തെ സഹകരണമന്ത്രിയായിരുന്ന എ.സി മൊയ്തീനെ വിവരമറിയിച്ചിരുന്നു. സഹകരണ രജിസ്ട്രാര്‍ നല്‍കിയ മൊഴിയിലും ഇക്കാര്യം സൂചിപ്പിക്കുന്നുണ്ട്.

ഇന്ന് രാവിലെ ഏഴരയോടെയാണ് 12 അംഗ ഇ.ഡി സംഘം എ.സി മൊയ്തീന്റെ വീട്ടില്‍ പരിശോധന ആരംഭിച്ചത്. കരുവന്നുര്‍ ബാങ്ക് തട്ടിപ്പുമായി ബന്ധപ്പെട്ട് പരാതിക്കാരില്‍ നിന്നും പ്രതികളില്‍ നിന്നും ലഭിച്ച തെളിവുകളുടെ അടിസ്ഥാനത്തിലാണ് പരിശോധന. തുടരന്വേഷണത്തിനാവശ്യമായ തെളിവുകള്‍ ശേഖരിക്കാനും ഇ.ഡി സംഘം ലക്ഷ്യവെക്കുന്നുണ്ട്.