പെണ്‍കുട്ടി പീഡിപിക്കപ്പെട്ട കേസില്‍ രണ്ടാം പ്രതിയയാണ് ലതാ മേരിയുടെ അറസ്റ്റ്. മരിച്ച പെണ്‍കുട്ടിയുടെ മൂത്തസഹോദരിയും അമ്മയുമാണ് കേസിലെ സാക്ഷികള്‍. ഇന്നലെ വൈകുന്നേരം പോലീസ് കസ്റ്റഡിയിലെടുത്ത ഇവരെ ചോദ്യം ചെയ്തുവരികയായിരുന്നു. അതേസമയം ഇവരുടെ അയല്‍വാസി 14 വയസുകാരന്റെ മരണത്തിലും വിക്ടറിനും മകനും പങ്കുണ്ടെന്ന ആരോപണത്തില്‍ കഴമ്പുണ്ടെന്ന് കണ്ടെത്തിയ പൊലീസ് ഇരുവരെയും നുണപരിശോധനയ്ക്ക് വിധേയരാക്കും.

പെണ്‍കുട്ടിയുടെ ദുരൂഹമരണത്തില്‍ ലതയുടെ മൊഴിയാണ് നിര്‍ണ്ണായകമായിരുന്നത്. സംഭവത്തില്‍ കുട്ടിയുടെ മുത്തച്ഛന്‍ വിക്ടറിന്റെ പങ്ക് പൊലീസിനു മുന്നില്‍ വെളിപ്പെടുത്തിയത് പ്രതിയുടെ ഭാര്യയും ഇരയുടെ മുത്തശ്ശിയുമായ ലതാ മേരിയാണ്. തുടര്‍ന്നാണ് പോലീസ് മുത്തച്ഛനെ കേന്ദ്രീകരിച്ചുള്ള അന്വേഷണം ആരംഭിക്കുന്നത്. എന്നാല്‍, വിക്ടര്‍ പേരക്കുട്ടിയെ പീഡിപ്പിച്ചത് മുത്തശ്ശിയുടെ അറിവോടെയാണെന്ന് പൊലീസ് കണ്ടെത്തുകയായിരുന്നു. അന്വേഷണത്തില്‍ പെണ്‍കുട്ടി ലൈംഗികമായി പീഢിപ്പിക്കപ്പെട്ടിട്ടുണ്ടെന്ന് കണ്ടെത്തുകയും വിക്ടറിനെ അറസ്റ്റു ചെയ്യുകയും ചെയ്തു. മരിച്ച കുട്ടിയുടെ മൂത്ത സഹോദരിയുടെ നിര്‍ണായകമായ മൊഴിയാണ് സംശയത്തിന്റെ മുന മുത്തശ്ശിയിലേക്കും നീങ്ങാന്‍ കാരണമായത്. മനഃശാസ്ത്ര വിദഗ്ധരുടെ നേതൃത്വത്തില്‍ മൂത്തകുട്ടിയുടെ മൊഴിയെടുത്തപ്പോള്‍ മുത്തശ്ശിക്കും അമ്മയ്ക്കും പീഡനവിവരം അറിയാമായിരുന്നുവെന്ന മൊഴിയാണ് ലഭിച്ചത്.

പെണ്‍കുട്ടി മരിച്ചിട്ട് രണ്ടുമാസങ്ങള്‍ക്കിപ്പുറമാണ് മരണത്തിലെ ദുരൂഹത മറനീക്കി പുറത്തുവരുന്നത്. അന്വേഷണത്തില്‍ പോലീസും വീഴ്ച്ച വരുത്തിയിരുന്നു. തുടര്‍ന്ന് മാധ്യമങ്ങളിലൂടെ വാര്‍ത്തവന്നതിന് ശേഷമാണ് പോലീസ് അന്വേഷണം കാര്യക്ഷമമായി നടന്നത്. അന്വേഷണത്തിന്റെ ആദ്യഘട്ടത്തില്‍ കുട്ടിയുടെ അമ്മയും മുത്തശ്ശിയും സഹകരിച്ചിരുന്നില്ല.

പെണ്‍കുട്ടിയുടെ ദുരൂഹമരണത്തില്‍ ലതയുടെ മൊഴിയാണ് നിര്‍ണ്ണായകമായിരുന്നത്. തുടര്‍ന്നാണ് പോലീസ് മുത്തച്ഛനെ കേന്ദ്രീകരിച്ചുള്ള അന്വേഷണം ആരംഭിക്കുന്നത്. അന്വേഷണത്തില്‍ പെണ്‍കുട്ടി ലൈംഗികമായി പീഢിപ്പിക്കപ്പെട്ടിട്ടുണ്ടെന്ന് കണ്ടെത്തുകയും വിക്ടറിനെ അറസ്റ്റു ചെയ്യുകയും ചെയ്തു. അന്വേഷണം മുന്നോട്ട് പോകുമ്പോഴാണ് ഇപ്പോള്‍ ലതാമേരിയുടെ അറസ്റ്റും നടക്കാന്‍ പോകുന്നത്. പീഢനത്തിന് ലത ഒത്താശ ചെയ്തിട്ടുണ്ടെന്ന് കണ്ടെത്തി.

പെണ്‍കുട്ടി മരിച്ചിട്ട് രണ്ടുമാസങ്ങള്‍ക്കിപ്പുറമാണ് മരണത്തിലെ ദുരൂഹത മറനീക്കി പുറത്തുവരുന്നത്. അന്വേഷണത്തില്‍ പോലീസും വീഴ്ച്ച വരുത്തിയിരുന്നു. തുടര്‍ന്ന് മാധ്യമങ്ങളിലൂടെ വാര്‍ത്തവന്നതിന് ശേഷമാണ് പോലീസ് അന്വേഷണം കാര്യക്ഷമമായി നടന്നത്. അന്വേഷണത്തിന്റെ ആദ്യഘട്ടത്തില്‍ കുട്ടിയുടെ അമ്മയും മുത്തശ്ശിയും സഹകരിച്ചിരുന്നില്ല.

2010ലാണ് പരാതിക്കാരിയുടെ പതിനാലുകാരനായ മകന്‍ വീട്ടില്‍ തൂങ്ങി മരിച്ച നിലയില്‍ കാണപ്പെട്ടത്. ആത്മഹത്യ ചെയ്യുന്നതിന് കാരണങ്ങളൊന്നും ഇല്ലാതിരിക്കെ തന്റെ മകന്റെ മരണത്തില്‍ ദുരൂഹതയുണ്ടെന്ന് കാണിച്ച് വീട്ടമ്മ കുണ്ടറ പോലീസില്‍ പരാതിപ്പെട്ടിരുന്നതായി പറയപ്പെടുന്നു. എന്നാല്‍ അത് സംബന്ധിച്ച് യാതൊരു അന്വേഷണവും ഉണ്ടായില്ല. ആത്മഹത്യയെന്ന നിലയില്‍ കേസ് തേഞ്ഞുമാഞ്ഞുപോകുകയായിരുന്നു. മൂന്ന് സെന്റ് ഭൂമി വാങ്ങി അതിലൊരു ചെറിയ വീട് വച്ച് താമസിക്കുകയായിരുന്നു സുധര്‍മ. പ്രായപൂര്‍ത്തിയായ മകളും 14കാരനായ മകനും ഒപ്പമുണ്ടായിരുന്നു. വീട് നിര്‍മിച്ചതില്‍ കടബാധ്യതയുണ്ടായിരുന്നത് പരിഹരിക്കാന്‍ സഹായിക്കാമെന്നേറ്റ് വിക്ടര്‍ പതിവായി വീട്ടിലെത്തിയിരുന്നു. ഒരു ദിവസം മകനെ തൂങ്ങി മരിച്ച നിലയിലാണ് കണ്ടത്. വിക്ടര്‍ മകനെ കൊലപ്പെടുത്തുകയായിരുന്നുവെന്നാണ് സുധര്‍മ റൂറല്‍ ഡിവൈഎസ്പിക്കുമുന്നില്‍ ഇപ്പോള്‍ മൊഴി നല്‍കിയിട്ടുള്ളത്. കൊലപ്പെടുത്തിയശേഷം കെട്ടിത്തൂക്കുകയും തൂങ്ങിമരണമെന്ന് വരുത്തിതീര്‍ക്കുകയായിരുന്നുവെന്ന് അവര്‍ പറയുന്നു. മകന്റെ മരണത്തിനുശേഷം വീട് വിറ്റ് സ്ഥലം മാറിപ്പോവുകയായിരുന്നുവെന്നും വീട്ടമ്മ പരാതിയില്‍ പറയുന്നു. പ്രത്യേകം കേസ് രജിസ്റ്റര്‍ ചെയ്ത് പൊലീസ് അന്വേഷണം ആരംഭിച്ചു.

പ്രതിയെക്കുറിച്ച് കൂടുതല്‍ സൂചന ലഭിച്ചിട്ടും പ്രതിയുടെ അറസ്റ്റ് നടന്നിട്ടില്ല. അന്വേഷണ സംഘത്തില്‍ ഉടലെടുത്ത ഭിന്നതയാണ് ഇതിന് കാരണമെന്നാണ് സൂചന. അറസ്റ്റ് രേഖപ്പെടുത്തണമെന്ന നിലപാടിലാണ് എസ്.പി. എന്നാല്‍ കൂടുതല്‍ തെളിവുകള്‍ ലഭിക്കട്ടെയെന്നുള്ള നിലപാടിലാണ് ഡി.വൈ.എസ്.പിയുള്ളത്. എന്നാല്‍ ഉടന്‍ തന്നെ അറസ്റ്റുണ്ടാകുമെന്നാണ് ഇപ്പോള്‍ പുറത്തുവരുന്ന വിവരം. അന്വേഷണത്തിന്റെ ആദ്യഘട്ടത്തില്‍ കുട്ടിയയുടെ അമ്മ സഹകരിച്ചിരുന്നില്ല. പിന്നീട് ഇവര്‍ സഹകരിച്ചതോടെയാണ് മരണത്തിലെ ദുരൂഹതകള്‍ നീങ്ങുന്നത്. മരിക്കുന്നതിന് മൂന്നുദിവസം മുമ്പുവരെ കുട്ടി പ്രകൃതിവിരുദ്ധ പീഢനത്തിനുള്‍പ്പെടെ ഇരയായിട്ടുണ്ടെന്നാണ് പോസ്റ്റ്‌മോര്‍ട്ടം റിപ്പോര്‍ട്ട്. മരിക്കുന്നതിന് കുറച്ചുദിവസങ്ങള്‍ക്കുമുമ്പ് പെണ്‍കുട്ടി ആത്മഹത്യ ചെയ്യുമെന്ന് പറഞ്ഞിരുന്നതായി റിപ്പോര്‍ട്ടുണ്ടായിരുന്നു.

കഴിഞ്ഞ ജനുവരി 15-നാണ് പെണ്‍കുട്ടി വീടിന്റെ ജനല്‍കമ്പിയില്‍ തൂങ്ങിമരിക്കുന്നത്. പോസ്റ്റ്‌മോര്‍ട്ടം റിപ്പോര്‍ട്ടില്‍ പെണ്‍കുട്ടി പീഢനത്തിന് ഇരയായിട്ടുണ്ടെന്ന് അറിഞ്ഞിരുന്നു. എന്നാല്‍ കേസില്‍ പോലീസ് അലംഭാവം കാണിക്കുകയായിരുന്നു. രണ്ട് മാസങ്ങള്‍ക്കിപ്പുറം സംഭവം വിവാദമായതിനെ തുടര്‍ന്നാണ് അന്വേഷണം ആരംഭിച്ചത്.

കുട്ടിയുടെ അമ്മയും അവരുടെ ഉറ്റബന്ധുക്കളടക്കമാണ് പോലീസ് കസ്റ്റഡിയിലുള്ളത്. കുട്ടിയെ അച്ഛന്‍ ലൈംഗികപീഢനത്തിന് ഇരയാക്കിയിട്ടുണ്ടെന്ന ഒരു കേസ് നിലനിന്നിരുന്നു. എന്നാല്‍ ഇത് കെട്ടിച്ചമച്ചതാണെന്ന് സംശയമുണ്ട്. അച്ഛനും അമ്മയും വേര്‍പിരിഞ്ഞാണ് ജീവിച്ചിരുന്നത്. അങ്ങനെയെങ്കില്‍ കുട്ടിയുടെ അമ്മയുടെ കയ്യില്‍ നിന്നും കൂടുതല്‍ വിവരങ്ങള്‍ ലഭിക്കുമെന്നാണ് സൂചന. ഇതിനായി ഇവരെ കസ്റ്റഡിയിലെടുത്തിട്ടുണ്ട്. എന്നാല്‍ ഇവര്‍ അന്വേഷണത്തിന് സഹകരിക്കാത്തത് അന്വേഷണത്തെ ബാധിക്കുന്നുണ്ടെന്ന് എസ്.പി പറയുന്നു.

അന്വേഷണത്തില്‍ പോലീസിന്റെ ഭാഗത്തുനിന്ന് വീഴ്ച്ച സംഭവിച്ചിട്ടുണ്ട്. അതിനെക്കുറിച്ച് കൂടുതല്‍ അന്വഷണം നടത്തുമെന്നും എസ്.പി അറിയിച്ചു.10പേരുള്ള സംഘമാണ് കേസന്വേഷിക്കുന്നത്. കുട്ടിയുടെ ആത്മഹത്യാക്കുറിപ്പ് കൂടുതല്‍ ശാസ്ത്രീയപരിശോധനക്ക് വിധേയമാക്കും. രണ്ടുമാസം മുമ്പാണ് ജനല്‍കമ്പിയില്‍ തൂങ്ങിമരിച്ച നിലയില്‍ കുട്ടിയെ കണ്ടത്. പിന്നീട് പോസ്റ്റ്‌മോര്‍ട്ടം റിപ്പോര്‍ട്ടില്‍ കുട്ടി ലൈംഗികപീഢനത്തിന് ഇരയായിട്ടുണ്ട് എന്ന് കണ്ടെത്തിയിട്ടും പോലീസ് അന്വേഷണം നടത്തിയില്ല. സംഭവം വാര്‍ത്തയായതോടെയാണ് കേസില്‍ അന്വേഷണം നടന്നത്.

അതേസമയം, കുട്ടിയുടെ മൃതദേഹത്തിനൊപ്പം കിട്ടിയ ആത്മഹത്യാകുറിപ്പ് പുറത്തുവന്നു. വീട്ടില്‍ മനസ്സമാധാനമില്ലെന്നും അതുകൊണ്ടാണ് ആത്മഹത്യ ചെയ്യുന്നതെന്നുമാണ് കുറിപ്പില്‍ പറഞ്ഞിരിക്കുന്നത്. തന്റെ മരണത്തിന് ഉത്തരവാദി ആരുമല്ലെന്നും പറഞ്ഞിരിക്കുന്ന കുറിപ്പ് പഴയ ലിപിയിലാണ് എഴുതിയിരിക്കുന്നത്.

ജനുവരി 15നാണ് കുട്ടി വീട്ടിലെ ജനല്‍വാതിലില്‍ തൂങ്ങിമരിക്കുന്നത്. കുട്ടിയുടെ ശരീരത്തില്‍ സ്വകാര്യഭാഗങ്ങളിലുള്‍പ്പെടെ 22 മുറിവുകളുള്ളതായി പോസ്റ്റ്‌മോര്‍ട്ടം റിപ്പോര്‍ട്ടില്‍ പറയുന്നുണ്ട്. കൂടാതെ നിരന്തരമായി ലൈംഗിക പീഢനത്തിനും ഇരയായിട്ടുണ്ട്. ഇത് കൊലപാതകത്തിലേക്കും നയിക്കുന്ന സൂചനകളാണ്. പുറത്തുവന്ന റിപ്പോര്‍ട്ടില്‍ ഇത്രയും ഗുരുതരമായ പ്രശ്‌നങ്ങള്‍ കാണിച്ചിട്ടും പോലീസ് അന്വേഷണത്തിന് സഹകരിച്ചില്ല. കുട്ടിയുടെ അച്ഛന്‍ പോലീസ് സ്‌റ്റേഷനുകള്‍ കയറിയിറങ്ങിയിട്ടും കാര്യമുണ്ടായില്ല. റിപ്പോര്‍ട്ടിന്റെ പകര്‍പ്പ് കൊല്ലം റൂറല്‍ എസ്.പിക്കും കുണ്ടറ സിഐക്കും ലഭിച്ചിട്ടും അന്വേഷണം നടത്തുകയോ പ്രതിയെ അറസ്റ്റു ചെയ്യുകയോ ചെയ്തിരുന്നില്ല. പിന്നീട് വാര്‍ത്ത മാധ്യമങ്ങളിലൂടെ പുറത്തെത്തുകയായിരുന്നു. ഇപ്പോള്‍ വിവിധ രാഷ്ട്രീയ പാര്‍ട്ടികളുടെ നേതൃത്വത്തില്‍ കുണ്ടറ പോലീസ് സ്‌റ്റേഷന്‍ ഉപരോധിക്കുകയാണ്.