ആകെയുള്ള എട്ട് വാര്‍ഡുകളില്‍ ആറിലും മികച്ച ലീഡാണ് യുഡിഎഫ് സ്ഥാനാര്‍ത്ഥി നേടിയത്. യുഡിഎഫ് സ്ഥാനാര്‍ത്ഥി നസീറാ റായ് 4794 വോട്ട് നേടിയപ്പോള്‍ എല്‍ഡിഎഫ് സ്ഥാനാര്‍ത്ഥിക്ക് 3889 വോട്ട് മാത്രമാണ് നേടാനായത്. ബിജെപി സ്ഥാനാര്‍ത്ഥിക്ക് 995 വോട്ടാണ് ലഭിച്ചത്.

ഇയാളില്‍ നിന്ന് കഞ്ചാവ് വാങ്ങി വില്‍പ്പന നടത്തുന്ന ഒരാളെ നേരത്തെ എക്‌സൈസ് പിടികൂടിയിരുന്നു. ഇയാളില്‍ നിന്ന് ലഭിച്ച വിവരത്തിന്റെ അടിസ്ഥാനത്തില്‍ കഴിഞ്ഞ നാലു ദിവസമായി ഇയാളെ നിരീക്ഷിച്ച് വരുന്ന എക്‌സൈസ് സംഘം ഇയാള്‍ കഞ്ചാവുമായി വയനാട്ടില്‍ നിന്ന് കുന്ദമംഗലം എത്തുന്നുണ്ടെന്ന രഹസ്യ വിവരത്തെ തുടര്‍ന്ന് ഇയാള്‍ സഞ്ചരിച്ച ബൈക്ക് കുന്ദമംഗലത്ത് വെച്ച് തടഞ്ഞ് ഇയാളെ പിടികൂടുകയായിരുന്നു.

സമാന കേസില്‍ എക്‌സൈസ് സര്‍ക്കിള്‍ സംഘം ഇയാളെ പിടികൂടിയിരുന്നെങ്കിലും അന്ന് ഇയാളില്‍ നിന്ന് സാധനം കണ്ടെത്താന്‍ സാധിക്കാത്തത് കാരണം രക്ഷപ്പെടുകയായിരുന്നു. അന്ന് മുതല്‍ എക്‌സൈസിന്റെ നിരീക്ഷണത്തിലായിരുന്നു ഇയാള്‍.

മലപ്പുറം,കോഴിക്കോട് ജില്ലയിലെ വിദ്യാലയങ്ങള്‍ കേന്ദ്രീകരിച്ച് കഞ്ചാവ് ചില്ലറ വില്‍പ്പന നടത്തുന്നവര്‍ക്കാണ് ഇയാള്‍ കഞ്ചാവ് എത്തിച്ച് നല്‍കിയിരുന്നത്. ജില്ലയിലെ കോളേജുകള്‍ കേന്ദ്രീകരിച്ച് കഞ്ചാവ് വില്‍പ്പന നടക്കുന്നുണ്ടെന്ന വിവരത്തിന്റെ അടിസ്ഥാനത്തില്‍ പോലീസും എക്‌സൈസും പരിശോധന ശക്തമാക്കിയിരുന്നു.

കഴിഞ്ഞ ദിവസം കാറില്‍ കടത്തുകയായിരുന്ന അന്‍പത് കിലോ കഞ്ചാവുമായി രണ്ടുപേരെ മുക്കം പോലീസ് പിടികൂടിയിരുന്നു. ഇടുക്കി അടിമാലി സ്വദേശി മൈലാടിയില്‍ അഫ്‌സല്‍ എം ഷരീഫ്(25), വാളറ കുപ്പശ്ശേരി പവിത്രന്‍ (30) എന്നിവരാണ് അറസ്റ്റിലായിരുന്നത്. കഴിഞ്ഞ ദിവസം അര കിലോ ബ്രൌണ്‍ ഷുഗറുമായി ഒരാളെ കുന്ദമംഗലം പോലീസ് എന്‍ഐടി പരിസരത്ത് വെച്ചും പിടികൂടിയിരുന്നു.

ഈ മാസം മാത്രം മൂന്നാമത്തെ കഞ്ചാവ് വേട്ടയാണ് കുന്ദമംഗലം എക്‌സൈസ് റെയിഞ്ചിന്റെ പരിധിയില്‍ നടക്കുന്നത്. കുന്ദമംഗലം റെയിഞ്ച് എക്‌സൈസ് ഇന്‍സ്‌പെക്ടര്‍ ജുനൈദ്, അസി ഇന്‍സ്‌പെക്ടര്‍ രമേശ് ടി, പ്രിവന്റീവ് ഓഫീസര്‍മാരായ ഹരീഷ്, പ്രിയരഞ്ജന്‍ ദാസ്, സിവില്‍ എക്‌സൈസ് ഓഫീസര്‍മാരായ റെജി എം, ജിനീഷ് എഎം, സുരേഷ് ബാബു, സന്തോഷ് ചെറുവോട്ട്, ഡ്രൈവര്‍ സന്തോഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.

കോഴിക്കോട്: കുന്ദമംഗലത്ത് അനാഥാലയത്തിലെ 13കാരിയെ പീഡിപ്പിച്ച കേസില്‍ ഒരാള്‍ അറസ്റ്റില്‍. കുന്ദമംഗലം ഒഴയാടിയില്‍ പ്രവര്‍ത്തിക്കുന്ന ബറാക്ക ചില്‍ഡ്രന്‍സ് ഹോം ഡയറക്ടറുടെ മകന്‍ ഓസ്റ്റി(25)നെയാണ് കുന്ദമംഗലം പൊലീസ് അറസ്റ്റ് ചെയ്തത്. പോക്‌സോ ആക്ട് പ്രകാരമാണ് ഇയാള്‍ക്കെതിരെ കേസ് രജിസ്റ്റര്‍ ചെയ്തിട്ടുള്ളത്.

കുട്ടി പഠിക്കുന്ന സ്‌കൂളിലെ ടീച്ചര്‍ കുട്ടിയുടെ സ്വഭാവത്തില്‍ കണ്ട മാറ്റത്തെ തുടര്‍ന്ന് കൗണ്‍സിലിങ് നടത്തിയപ്പോഴാണ് കുട്ടി പീഡന വിവരം പുറത്ത് പറയുന്നത്. 2017 ഡിസംബര്‍ 25ന് മെയ്ക്കപ്പ് റൂമില്‍ വെച്ചും മറ്റൊരു ദിവസം തുണികള്‍ അലക്കുന്നതിനിടയിലും പീടിപ്പിച്ചെന്നാണ് പരാതി. തുടര്‍ന്ന് സ്‌കൂള്‍ അധികൃതര്‍ കുട്ടിയെ
രക്ഷിതാക്കള്‍ക്കൊപ്പം പറഞ്ഞയക്കുകയായിരുന്നു.

കഴിഞ്ഞ ദിവസം കുട്ടിയുടെ സഹോദരനും കൂട്ടുകാരും ചേര്‍ന്ന് അനാഥാലയത്തിലെത്തി പ്രശ്‌നമുണ്ടാക്കിയിരുന്നു. വ്യാഴാഴ്ചയാണ് കുട്ടി കുന്ദമംഗലം  പൊലീസില്‍ പരാതി നല്‍കിയത്. ഇതേ തുടര്‍ന്നാണ് പൊലീസ് പ്രതിയെ അറസ്റ്റ് ചെയ്തത്. പെണ്‍കുട്ടിയെ മജിസ്‌ട്രേറ്റിന് മുമ്പാകെ മൊഴി രേഖപ്പെടുത്തിയതിന് ശേഷം സുരക്ഷിത സ്ഥാനത്തേക്ക് മാറ്റി.