കാല്‍തെന്നി വീണ നീനു സമീപത്തുകിടന്ന ചെറുവള്ളത്തിനടിയില്‍പ്പെട്ടുകയായിരുന്നു. എന്നാല്‍ കുട്ടി ആറ്റില്‍ പൊങ്ങി വരുന്നത് കണ്ട അയല്‍വാസിയായ ചെറുപ്പക്കാരന്‍ ചാടി രക്ഷപെടുത്തുകയായിരുന്നു. കുട്ടിയെ വണ്ടാനം മെഡിക്കല്‍ കോളേജില്‍ പ്രവേശിപ്പിച്ചു.

മഴക്കെടുതിയും പ്രളയവും സംബന്ധിച്ച അവലോകന യോഗത്തില്‍ പങ്കെടുക്കാനെത്തിയ മുഖ്യമന്ത്രി പിണറായി വിജയന്‍ കുട്ടനാട് സന്ദര്‍ശിക്കാത്തതില്‍ പ്രതിഷേധിച്ച് പ്രതിക്ഷ നേതാവ് രമേശ് ചെന്നിത്തല!യും കോണ്‍ഗ്രസ് എംപിമാരും മറ്റ് കോണ്‍ഗ്രസ് ജനപ്രതിനിധികളും യോഗത്തില്‍ നിന്ന് വിട്ടുനിന്നു.

അവലോകന യോഗത്തില്‍ പ്രതിപക്ഷ നേതാക്കള്‍ പങ്കെടുക്കാത്തതിനെതിനെ രൂക്ഷമായാണ് മന്ത്രിമാര്‍ വിമര്‍ശിച്ചത്. പ്രതിപക്ഷത്തിന്റേത് രാഷ്ട്രീയ പാപ്പരത്വമാണെന്ന് മന്ത്രി ജി.സുധാകരന്‍ തുറന്നടിച്ചു. പ്രകടനപരതയിലല്ല പ്രവൃത്തിയിലാണ് കാര്യമെന്ന് മാത്യു.ടി.തോമസും പ്രതിപക്ഷം പങ്കെടുക്കാത്തത് ദൗര്‍ഭാഗ്യകരമാണെന്ന് തോമസ് ഐസകും പറഞ്ഞു.

അതിനിടെ, യോഗം നടക്കുന്ന ഹാളിലേക്ക് മാധ്യമപ്രവര്‍ത്തകര്‍ക്ക് പ്രവേശനം നിഷേധിച്ചു. ദൃശ്യങ്ങള്‍ എടുത്ത ശേഷം മുഴുവന്‍ മാധ്യമ പ്രവര്‍ത്തകരും പുറത്ത് പോകണമെന്ന് അധികൃതര്‍ നിര്‍ദേശിക്കുകയായിരുന്നു. വണ്ടാനം ഗവണ്‍മെന്റ് ടി.ഡി. മെഡിക്കല്‍ കോളജിലെ ഗോള്‍ഡന്‍ ജൂബിലി ഹാളി നടക്കുന്ന അവലോകന യോഗത്തില്‍ മന്ത്രിമാര്‍ക്കു പുറമേ, എംപിമാര്‍, എംഎല്‍എമാര്‍, ചീഫ് സെക്രട്ടറി, വിവിധ വകുപ്പുകളുടെ സംസ്ഥാനജില്ലാ തല മേധാവികള്‍ എന്നിവര്‍ പങ്കെടുക്കുമെന്നാണ് അറിയിച്ചിരുന്നത്.