1970 കളുടെ കാലത്ത് വമ്പിച്ച തൊഴില്‍സമരങ്ങള്‍ക്കു സാക്ഷിയായ കേരളത്തില്‍ 2018ല്‍ നടന്നത് ഏഴുസമരങ്ങള്‍മാത്രം. 1979ല്‍ രാജ്യത്ത് 2676 തൊഴില്‍സമരങ്ങള്‍ ഉണ്ടായപ്പോള്‍ 1985ല്‍ 1320 ആയി. 2018ല്‍ 69 ഉം. 1979ല്‍ തൊഴില്‍ദിനനഷ്ടം മൂന്നരക്കോടിയായിരുന്നു. 2018ല്‍ 16 ലക്ഷമായി. 2023ല്‍ രാജ്യത്തെ ‘ഈസ് ഓഫ് ഡൂയിങ് ബിസിനസ്’ റാങ്കിങ്ങില്‍ കേരളം ഒന്നാമതെത്തിയതും ഇതിന്റെ അടിസ്ഥാനത്തിലാണ്. നാല്‍പതുവര്‍ഷങ്ങള്‍ക്കുള്ളില്‍ സമരങ്ങളുടെ കുറവ് 94 ശതമാനമായി കുറഞ്ഞു.

ഓരോ സംസ്ഥാനത്തെയും വ്യവസായതര്‍ക്കം, തൊഴില്‍പ്രക്ഷോഭം എന്നിവയെക്കുറിച്ച് ലേബര്‍ബ്യൂറോ വാര്‍ഷികാടിസ്ഥാനത്തില്‍ റിപ്പോര്‍ട്ട് പുറത്തുവിടാറുണ്ട്. പക്ഷേ, 2018 വരെയുള്ള കണക്കുകളേ ഇതുവരെ പുറത്ത് വിട്ടിട്ടുള്ളു.