വല്ലാർപാടം കണ്ടെയ്നർ ടെർമിനൽ ട്രെയിലെർ തൊഴിലാളി സമരം പിൻവലിച്ചു

webdesk15 — Fri, 28 Apr 2023 02:07:28 +0000

വല്ലാർപാടം കണ്ടെയ്നർ ടെർമിനൽ ട്രെയിലെർ തൊഴിലാളികൾ പ്രഖ്യാപിച്ച സമരം തൊഴിൽവകുപ്പിന്റെ ഇടപെടലിനെ തുടർന്ന് പിൻവലിച്ചു.ട്രെയിലെർ ഡ്രൈവർമാരുടെയും ക്ലീൻർമാരുടെയും ബാറ്റയിൽ നാറ്റ് പാ ക്കിന്റെ റിപ്പോർട്ട് പ്രകാരം നിശ്ചയിച്ചിട്ടുള്ള വാടകയുടെ അടിസ്ഥാനത്തിൽ യഥാക്രമം 10.5, 5.25 % എന്ന ക്രമത്തിൽ വർധനവ് വരുത്തിയതിനെ തുടർന്നാണ് സമരം പിൻവലിച്ചത്. എറണാകുളത്ത് അഡിഷണൽ ലേബർ കമ്മിഷണർ കെ ശ്രീലാലിന്റെ അധ്യക്ഷതയിൽ ചേർന്ന അനുരഞ്ജന യോഗത്തിലാണ് തർക്കപരിഹാരം സാധ്യമായത്.

പണിമുടക്ക് തുടങ്ങി; വാഹനങ്ങള്‍ തടയില്ലെന്ന് സമരക്കാര്‍

ചന്ദ്രിക വെബ് ഡെസ്‌ക്‌ — Mon, 02 Apr 2018 03:05:35 +0000

തിരുവനന്തപുരം: കേന്ദ്രസര്‍ക്കാറിന്റെ തൊഴില്‍ നയങ്ങള്‍ക്കെതിരെ ട്രേഡ് യൂണിയനുകള്‍ ആഹ്വാനം ചെയ്ത സംസ്ഥാന പണിമുടക്ക് തുടങ്ങി. ബി.എം.എസ് ഒഴികെയുള്ള തൊഴിലാളി സംഘടനകളാണ് പണിമുടക്കില്‍ പങ്കെടുക്കുന്നത്. നിരത്തിലിറങ്ങുന്ന സ്വകാര്യ വാഹനങ്ങള്‍ തടയില്ലെന്ന് സമരക്കാര്‍ അറിയിച്ചു.

എല്ലാ മേഖലകളിലുള്ള തൊഴിലാളികളും പണിമുടക്കില്‍ പങ്കെടുക്കുന്നുണ്ടെന്ന് ട്രേഡ് യൂണിയന്‍ നേതാക്കള്‍ അറിയിച്ചു. ബാങ്കിംഗ്, ഇന്‍ഷൂറന്‍സ്, ബി.എസ്.എന്‍.എല്‍, കേന്ദ്ര-സംസ്ഥാന സര്‍ക്കാര്‍ ജീവനക്കാര്‍ തുടങ്ങിയവര്‍ സമരത്തില്‍ പങ്കെടുക്കുന്നുണ്ട്. വ്യാപാരികള്‍ കടകളടച്ച് സമരത്തിന്റെ ഭാഗമാകും. പാല്‍, പത്രം, ആശുപത്രി, വിവാഹം, വിമാനത്താവളം എന്നിവയെ പണിമുടക്കില്‍ നിന്ന് ഒഴിവാക്കിയിട്ടുണ്ട്.

എസ്.ടി.യു, സി.ഐ.ടി.യു, എ.ഐ.ടി.യു.സി, ഐ.എന്‍.ടി.യു.സി, എച്ച്.എം.കെ.പി, കെ.ടി.യു.സി, കെ.ടി.യു.സി (എം), എച്ച്.എം.എസ്, യു.ടി.യു.സി, എ.ഐ.സി.ടി.യു എന്‍.എല്‍.ഒ തുടങ്ങിയ സംഘടനകളാണ് പണിമുടക്കിന് ആഹ്വാനം ചെയ്തിരിക്കുന്നത്.

labour strike – Chandrika Daily

വല്ലാർപാടം കണ്ടെയ്നർ ടെർമിനൽ ട്രെയിലെർ തൊഴിലാളി സമരം പിൻവലിച്ചു

പണിമുടക്ക് തുടങ്ങി; വാഹനങ്ങള്‍ തടയില്ലെന്ന് സമരക്കാര്‍