ഇന്ത്യയിലെ വടക്കേഇന്ത്യന്‍ സംസ്ഥാനങ്ങളില്‍നിന്ന് ലക്ഷത്തോളം പേരാണ് കേരളത്തിലിന്ന് തൊഴിലെടുക്കാനും അന്നമൂട്ടാനുമായി എത്തിയിരിക്കുന്നത്. രേഖകള്‍ പ്രകാരമിത് 5 വര്‍ഷം മുമ്പ് നാല്‍പതിനായിരമായിരുന്നു. കേരളത്തിലെ മുക്കുമൂലകളിലെല്ലാം ഇന്ന് ബംഗാളിലെയും ബീഹാറിയെയും യു.പിക്കാരെയും ഛത്തീസ്ഗഡ് കാരെയും കൊണ്ട് തടയുന്ന അവസ്ഥയാണ്. കേരളത്തില്‍ മുസ്്‌ലിം തീവ്രവാദം മാത്രമാണെന്ന് പറഞ്ഞ് പ്രചരിപ്പിക്കുന്ന പ്രധാനമന്ത്രിതന്നെ അക്കണക്കിന് സത്യം വളച്ചൊടിക്കുകയും രാജ്യത്തെയും കേരളത്തെയും അപമാനിക്കുകയുമാണെന്ന് പറയേണ്ടിവരും.
ദി കേരള സ്റ്റോറി എന്ന സിനിമയില്‍ വിദേശങ്ങളിലേക്ക് മതംമാറി കടത്തപ്പെട്ട സ്ത്രീകളെക്കുറിച്ചാണ് പറയുന്നതെങ്കില്‍ യഥാര്‍ത്ഥകേരളം രാജ്യത്തെ ഒരു ലക്ഷത്തോളം പേരെ അന്നമൂട്ടുന്നവരുടെ കൂടിയാണെന്ന ്പ്രധാനമന്ത്രിയും ബി.ജെ.പിക്കാരും കേരളസ്റ്റോറി സിനിമക്കാരും തിരിച്ചറിയണം. വര്‍ഷം ലക്ഷം കോടി രൂപയാണ് കേരളത്തിലേക്ക് രേഖാ മൂലം ഗള്‍ഫില്‍നിന്നും മറ്റുമായി ഒഴുകിക്കൊണ്ടിരിക്കുന്നത്. കഴിഞ്ഞ 30 വര്‍ഷത്തിനകം ഇവിടെ എത്തിയത് അക്കണക്കിന് നഏതാണ്ട് 30 ലക്ഷം കോടി രൂപ. സംസ്ഥാനബജറ്റിന്റെ എത്രയോ ഇരട്ടി. ഇതിനെയാണോ നാം കേരളസ്‌റ്റോറിയല്ലാതാക്കുന്നത്. കഠിനാധ്വാനം ചെയ്ത് മണലാര്യങ്ങളില്‍ അന്തിയുറങ്ങി മിച്ചം വെച്ചയക്കുന്ന ആ തുകയാണ് ഇന്നും യു.പിയിലെയും ബീഹാറിലെയും ഡല്‍ഹിയിലെപോലും പട്ടിണിപ്പാവങ്ങളിലെത്തുന്നത്. അവരുടെ പിഞ്ചുമക്കള്‍ വിശപ്പടക്കാനായി ഉപയോഗിക്കുന്നത്. കേരളത്തിലെ മുസ്്‌ലിം മാത്രമല്ല, അതിന്റെ പ്രയോജനം ഉണ്ണുന്നത്. ഇതരസംസ്ഥാനതൊഴിലാളിയും കേരളത്തിലെ മുസ്്‌ലിം അല്ലാത്തവരുമെല്ലാം ഈ പ്രയോജനം അനുഭവിക്കുന്നു. കേരളത്തിലെ തൊഴില്‍ മേഖലകളില്‍ പണിയെടുക്കുന്ന മലയാളികളായ എത്രപേര്‍ക്കാണ് ഗള്‍ഫിലെ അറബിയുടെ എണ്ണപ്പണം പട്ടിണിയിലെ അമൃതായി എത്തിക്കൊണ്ടിരിക്കുന്നത്. ഇതല്ലേ സത്യത്തില്‍ കേരളസ്റ്റോറി. ഇതറിയാതെ കേരളത്തിലെ വിരലിലെണ്ണാവുന്നവരുടെ മതംമാറ്റകഥയാണോ കേരളത്തിന്റെ യഥാര്‍ത്ഥ കഥ! കേരളത്തെ അപകീര്‍ത്തിപ്പെടുത്താനും ഇവിടെ കാലങ്ങളായി നിലനില്‍ക്കുന്ന സൗഹാര്‍ദാന്തരീക്ഷം തകര്‍ക്കാനുമാണ് ചില ഹിന്ദി സിനിമക്കാരുടെ ശ്രമം. പ്രധാനമന്ത്രിതന്നെ അതിന്റെ പ്രചാരകനായി മാറിയതാണ് മോദിയുടെ കര്‍ണാടക തെരഞ്ഞെടുപ്പ് പ്രചാരണപ്രസംഗത്തിലെ ഭാഗം വ്യക്തമാക്കുന്നത്. കേരളത്തെ സോമാലിയ എന്ന് കളിയാക്കിയ അതേ പ്രധാനമന്ത്രിയാണ് കേരളം തീവ്രവാദികളുടെ ഹബ്ബാണെന്ന് ശശികല മാരെ പോലെ വിളിച്ചുകവുന്നത്.ഇതിനെതിരെ പ്രതികരിക്കേണ്ടത് കേവലം മുസ്്‌ലിമല്ല, കേരളമാകെയാണ്. കേരളമെന്ന് കേട്ടാല്‍ തിളക്കണം ചോര ഞരമ്പുകളിലെന്ന ്പാടിയ കവിയുടെ വരികളാണ് ഇവിടെ ഓര്‍മ വരുന്നത്. തിളക്കുന്നുണ്ടോ ഹേ മലയാളീസ്. അതോ ഹിറ്റ്‌ലറുടെ ജൂതിഫോബിയ പോലെ ഇരുട്ടത്തിരുന്നുറങ്ങുകയാണോ ?

നല്ല വാര്‍ത്തയും മോശം വാര്‍ത്തയും എന്ന ട്വീറ്റ്ില്‍ ബിജെപിയോട് ചോദ്യങ്ങളള്‍ പാടില്ല എന്ന ഹാഷ്ടാഗിലായിരുന്നു തരൂരിന്റെ ചോദ്യം.

Good news & bad news: Govt says they will spend 3 lakh crore on migrants; but they tell Parliament they don't have any data on how many there are or where. https://t.co/AnLiZVGlsb

When Govt has no data on migrants, how they will allocate funds?#NoQuestionsForBJP

— Shashi Tharoor (@ShashiTharoor) September 16, 2020

കുടിയേറ്റക്കാര്‍ക്കായി 3 ലക്ഷം കോടി ചെലവഴിക്കുമെന്ന് സര്‍ക്കാര്‍. എന്നാല്‍ എത്ര പേരുണ്ടെന്നോ എവിടെയാണെന്നോ ഒരു വിവരവുമില്ലെന്ന് സര്‍ക്കാര്‍ പാര്‍ലമെന്റിനോട് പറയുന്നു. കുടിയേറ്റക്കാരെക്കുറിച്ച് സര്‍ക്കാരിന് ഒരു വിവരവുമില്ലെങ്കില്‍, അവര്‍ എങ്ങനെ ഈ ഫണ്ട് അനുവദിക്കും?, കുടിയേറ്റക്കാര്‍ക്കും വെന്റിലേറ്ററുകള്‍ക്കുമായി പിഎം-കെയേഴ്‌സ് ഫണ്ടില്‍ നിന്ന് 3 കോടി രൂപ ചെലവഴിത്ത മെയ് മാസത്തിലെ റിപ്പോര്‍ട്ട് പങ്കുവെച്ച് ശശി തരൂര്‍ ട്വീറ്റ് ചെയ്തു.

പാര്‍ലമെന്റിന്റെ വര്‍ഷകാല സമ്മേളനത്തില്‍, മരണപ്പെട്ട ഇതര സംസ്ഥാന തൊഴിലാളികളുടെ എണ്ണമോ എത്ര പേര്‍ക്ക് തൊഴില്‍ നഷ്ടമുണ്ടായിട്ടുണ്ടെന്നതോ ഔദ്യോഗികമായി രേഖപ്പെടുത്തിയിട്ടില്ലെന്ന് കഴിഞ്ഞ ദിവസം കേന്ദ്ര തൊഴില്‍ വകുപ്പ് മന്ത്രി വ്യക്തമാക്കിയിരുന്നു. അതിനാല്‍ മരിച്ചവരുടെ കുടുംബാംഗങ്ങള്‍ക്ക് നഷ്ടപരിഹാരമോ ധനസഹായമോ നല്‍കാനാവില്ലെന്നും മന്ത്രി വ്യക്തമാക്കിയിരുന്നു. മഹാമാരിക്കിടെ തൊഴില്‍ നഷ്ടപ്പെട്ടവരുടെ കണക്കും രേഖപ്പെടുത്തിയിട്ടില്ലെന്ന് മന്ത്രാലയം വ്യക്തമാക്കിയിരുന്നു.

അതേസമയം, ‘കോവിഡ് -19 കുടിയേറ്റ തൊഴിലാളികളില്‍ ചെലുത്തുന്ന സ്വാധീനം സംബന്ധിച്ച് ശൂന്യവേളയില്‍ ചര്‍ച്ച വേണമെന്ന ആവശ്യവുമായി ആര്‍ജെഡി എംപി മനോജ് ധാ രാജ്യസഭയില്‍ നോട്ടീസ് നല്‍കി. കോവിഡ് കാലത്ത് ലോക്ഡൗണ്‍ പ്രഖ്യാപിച്ചതിനെ തുടര്‍ന്ന് തൊഴില്‍ നഷ്ടപ്പെട്ട് സ്വന്തം നാടുകളിലേക്ക് മടങ്ങവെ മരണപ്പെട്ട ഇതര സംസ്ഥാന തൊഴിലാളികളുടെ കണക്ക് രേഖപ്പെടുത്താത്ത കേന്ദ്രസര്‍ക്കാര്‍ നടപടിയെ പ്രതിപക്ഷം രൂക്ഷമായി വിമര്‍ശിച്ചിരുന്നു. ഇതിനുപിന്നാലെയാണ് ശൂന്യവേളയില്‍ വിഷയം ചര്‍ച്ച വേണമെന്ന ആവശ്യവുമായി ആര്‍ജെഡി രംഗത്തെത്തിയത്. ഇന്നലെ പിരിഞ്ഞ രാജ്യസഭ ഇന്ന് 9 മണിക്ക് ആരംഭിച്ചു.

അതിഥി തൊഴിലാളികളുടെ വിഷയത്തില്‍ കേന്ദ്രം സ്വീകരിച്ച നിലപാടിനെതിരേ കോണ്‍ഗ്രസ് നേതാവ് രാഹുല്‍ ഗാന്ധിയും രംഗത്തെത്തിയിരുന്നു. ഇതരസംസ്ഥാന തൊഴിലാളികള്‍ പലായനം ചെയ്യുന്നതിനും മരിച്ചു വീഴുന്നതിനും ലോകം മുഴുവന്‍ സാക്ഷിയാണെന്നും മോദി സര്‍ക്കാര്‍ മാത്രം ആ വാര്‍ത്തയറിഞ്ഞില്ലെന്നും രാഹുല്‍ ട്വിറ്ററിലൂടെ വിമര്‍ശിച്ചു.

നിയമ ഭേദഗതിയോടെ തൊഴില്‍ മേഖലയിലെ ജോലി സുരക്ഷ പൂര്‍ണമായി ഇല്ലാതാകും. ജോലി സുരക്ഷക്കു പകരം ജോലി സാധ്യത സൃഷ്ടിക്കുന്നതിനാണ് നയം മാറ്റമെന്നാണ് വിശദീകരണം. തൊഴിലാളികളെ പിരിച്ചുവിടുന്നതിനുള്ള എല്ലാ നിയന്ത്രണങ്ങളും ഇല്ലാതാക്കുന്നതോടെ വ്യവസായ സൗഹൃദ അന്തരീക്ഷം രൂപപ്പെടുമെന്നും ലോക ബാങ്കിന്റെ ബിസിനസ് സൗഹൃദ റാങ്കിങില്‍ നില മെച്ചപ്പെടുത്താന്‍ കഴിയുമെന്നും കേന്ദ്രം കണക്കു കൂട്ടുന്നു. പാര്‍ലമെന്റില്‍ വെക്കുകയോ പാര്‍ലമെന്ററി സമിതിയുടെ പരിഗണനക്ക് വിടുകയോ ചെയ്യാതെയാണ് മാര്‍ച്ച് 16ന് കേന്ദ്ര സര്‍ക്കാര്‍ ഓര്‍ഡിനന്‍സ് പുറത്തിറക്കിയിരിക്കുന്നത്. ബി.ജെ.പി അംഗങ്ങള്‍ തന്നെ നേരത്തെ ബില്ലിനെതിരെ രംഗത്തു വന്നിരുന്നു. ഇതാണ് പാര്‍ലമെന്റിനെ മറികടന്ന് ഓര്‍ഡിനന്‍സ് കൊണ്ടുവരാന്‍ കേന്ദ്രത്തെ പ്രേരിപ്പിച്ചത്.

നേരത്തെ തന്നെ കരാറിന്റെ കാലാവധി പറയുന്നതിനാല്‍ ഈ കാലയളവ് കഴിഞ്ഞാല്‍ സ്വമേധയാ ഇയാള്‍ തൊഴിലില്‍ നിന്നും പുറത്താവും. നേരത്തെ 2003ല്‍ വാജ്‌പേയിയുടെ കാലത്ത് കേന്ദ്രസര്‍ക്കാര്‍ തൊഴില്‍ മേഖലയില്‍ കരാര്‍ വ്യവസ്ഥ കൊണ്ടു വന്നിരുന്നെങ്കിലും പിന്നീട് വന്ന യു.പി.എ സര്‍ക്കാര്‍ വിവാദ ഭേദഗതി പിന്‍വലിക്കുകയായിരുന്നു. കേന്ദ്രം പുറത്തിറക്കിയ വിജ്ഞാപനം അനുസരിച്ച് തൊഴില്‍ശാലകളില്‍ തൊഴിലുടമകള്‍ക്ക് നിശ്ചിത കാലത്തേക്ക് തൊഴിലാളികളെ കരാര്‍ വ്യവസ്ഥയില്‍ നിയമിക്കാം. മൂന്ന് മാസം തുടര്‍ച്ചയായി ജോലി ചെയ്ത തൊഴിലാളിയെ രണ്ടാഴ്ച മുമ്പ് മാത്രം നോട്ടീസ് നല്‍കി പിരിച്ചുവിടാനാകും. രണ്ട് മാസത്തില്‍ താഴെ മാത്രം ജോലി ചെയ്ത ആളാണെങ്കില്‍ നോട്ടീസ് പോലും നല്‍കാതെ പിരിച്ചുവിടാമെന്നും വിജ്ഞാപനം പറയുന്നു. കരാര്‍ പുതുക്കാത്ത സാഹചര്യത്തില്‍ നിശ്ചിത കാലയളവ് കഴിഞ്ഞാല്‍ തൊഴിലാളിക്ക് നോട്ടീസ് നല്‍കുകയോ, വേതനം നല്‍കുകയോ വേണ്ട.

2019ലെ ലോക്‌സഭാ തെരഞ്ഞെടുപ്പിനെ അഭിമുഖീകരിക്കാനിരിക്കുന്ന മോദി സര്‍ക്കാറിന് മുന്നില്‍ തൊഴിലില്ലായ്മ പ്രധാന വെല്ലുവിളി തീര്‍ക്കുന്ന ഘട്ടത്തിലാണ് തൊഴില്‍ നിയമം പൊളിച്ചെഴുതി തൊഴിലുടമകള്‍ക്ക് അനുകൂലമായി സര്‍ക്കാര്‍ നിയമ ഭേദഗതി കൊണ്ടുവന്നത്. കരാര്‍ നിയമം 2016ല്‍ കേന്ദ്ര സര്‍ക്കാര്‍ ടെക്‌സറ്റൈല്‍, വസ്ത്ര നിര്‍മാണ രംഗത്ത് കൊണ്ടുവന്നിരുന്നു. 1946ലെ വ്യവസായ തൊഴില്‍ (സ്റ്റാന്റിങ് ഓര്‍ഡര്‍) നിയമം ഭേദഗതി ചെയ്തു കൊണ്ടുവന്ന നിയമമനുസരിച്ച് ടെക്‌സ്റ്റൈല്‍, അപ്പാരല്‍ നിര്‍മാണ മേഖലയില്‍ സ്ഥിരം നിയമനം ഇല്ലാതാക്കുകയും, നിശ്ചിത കാലത്തേക്കു മാത്രമായി തൊഴില്‍ നിജപ്പെടുത്തുകയുമായിരുന്നു. ഈ ഭേദഗതിയാണ് എല്ലാ മേഖലകളിലേക്കും നീട്ടാന്‍ പുതിയ ഓര്‍ഡിനന്‍സിലൂടെ കേന്ദ്രം ഉത്തരവിട്ടിരിക്കുന്നത്. നിലവിലെ സ്ഥിരം തൊഴിലാളികളെ സംരക്ഷിക്കുന്നതിനായി സ്ഥിരം തൊഴിലാളികളെ കരാര്‍ തൊഴിലാളികളാക്കി മാറ്റില്ലെന്ന് സര്‍ക്കാര്‍ പറയുന്നുണ്ടെങ്കിലും ഇതും ഭേദഗതി ചെയ്യുമെന്ന ആശങ്ക നിലനില്‍ക്കുന്നുണ്ട്.

രാജ്യാന്തര തൊഴില്‍ സംഘടനയുടെ റിപ്പോര്‍ട്ടനുസരിച്ച് ഇന്ത്യയിലെ തൊഴിലില്ലായ്മ നിരക്ക് 3.5 ശതമാനമാണ്. ഇത് 15-24 വയസുവരെയുള്ളവരില്‍ 10.7 ശതമാനമാണ്. അതേസമയം സര്‍ക്കാര്‍ തീരുമാനത്തിനെതിരെ ഭരണപക്ഷ തൊഴിലാളി സംഘടനയായ ബി.എം.എസ് തന്നെ രംഗത്തെത്തി. എല്ലാ മേഖലകളിലേക്കും കരാര്‍ തൊഴില്‍ നിയമപരമാക്കുന്നഓര്‍ഡിനന്‍സ് പിന്‍വലിക്കണമെന്ന് ബി.എം.എസ് അധ്യക്ഷന്‍ സജി നാരായണന്‍ ആവശ്യപ്പെട്ടു.

കേന്ദ്ര സര്‍ക്കാരിന്റെ തൊഴിലാളി വിരുദ്ധ നടപടികളില്‍ പ്രതിഷേധിച്ച് കോണ്‍ഫറന്‍സ് ബഹിഷ്‌കരിക്കാന്‍ ഗുജറാത്തില്‍ നടന്ന ബി.എം.എസ് ദേശീയ എക്‌സിക്യൂട്ടീവ് യോഗം തീരുമാനക്കുകയായിരുന്നു. ‘തൊഴില്‍’, ‘തൊഴിലാളി’ എന്നീ പദങ്ങളെ പൂര്‍ണ്ണമായും അവഗണിച്ച ബജറ്റായിരുന്നു പുതുതായി അരുണ്‍ ജെയ്റ്റിലി അവതരിപ്പിച്ച ബജറ്റെന്നും യോഗം കുറ്റപ്പെടുത്തിയിയിരുന്നു. നേരത്തെ കോണ്‍ഗ്രസ് പാര്‍ട്ടിക്ക് കീഴിലുള്ള തൊഴിലാളി സംഘടനയായ ഐ.എന്‍.ടി.യു.സി കോണ്‍ഫറന്‍സ് ക്ഷണിക്കാത്തതും വിവാദമായിരുന്നു. ഇതിനെതിരെ സി.ഐ.ടി.യു പോലുള്ള മറ്റു സംഘടനകള്‍ രംഗെത്തെത്തിയിരുന്നു.

കേന്ദ്ര സര്‍ക്കാരിന്റെ സാമ്പത്തിക നയങ്ങള്‍ക്കെതിരെ ബി.എം.എസ്, സ്വദേശി ജാഗരണ്‍മഞ്ച് അടക്കമുള്ള സംഘപരിവാര്‍ സംഘടനകള്‍ നിലവില്‍ പ്രക്ഷോഭം നടത്തുന്നുണ്ട്.

റിയാദ്: സഊദി അറേബ്യയില്‍ സ്വകാര്യ മേഖലാ സ്ഥാപനങ്ങളില്‍ ജോലി ചെയ്യുന്ന നാല് ലക്ഷത്തിലേറെ തൊഴിലാളികള്‍ക്ക് ഫെബ്രുവരി ഒന്ന് മുതല്‍ വേതന സുരക്ഷാ പദ്ധതി പരിരക്ഷ. പദ്ധതി 13-ാം ഘട്ടം അടുത്ത മാസം ഒന്നിന് നിലവില്‍വരും. 30 മുതല്‍ 39 വരെ ജീവനക്കാരുള്ള പതിനാലായിരത്തോളം സ്വകാര്യ സ്ഥാപനങ്ങള്‍ ഈ ഘട്ടത്തില്‍ പദ്ധതിയുടെ പരിധിയില്‍വരും. ഈ സ്ഥാപനങ്ങളില്‍ സ്വദേശികളും വിദേശികളും അടക്കം 4,02,477 ജീവനക്കാരാണുള്ളത്. യഥാസയമം തൊഴിലാളികള്‍ക്ക് വേതനം വിതരണം ചെയ്യുന്നുണ്ടെന്ന് ഉറപ്പുവരുത്തുന്നതിനും വേതനം ലഭിക്കാത്തത് മൂലം ഉടലെടുക്കുന്ന തൊഴില്‍ കേസുകള്‍ കുറയ്ക്കുന്നതിനും ലക്ഷ്യമിടുന്ന വേതന സുരക്ഷാ പദ്ധതി എല്ലാ തൊഴില്‍ മേഖലകൡലെയും വേതന നിലവാരം കൃത്യമായി മനസ്സിലാക്കുന്നതിന് തൊഴില്‍, സാമൂഹിക വികസന മന്ത്രാലയത്തെ സഹായിക്കും.

തൊഴിലാളികള്‍ക്ക് യഥാസമയം വേതനം വിതരണം ചെയ്യാത്ത സ്ഥാപനങ്ങള്‍ക്ക് മൂവായിരം റിയാല്‍ വീതം പിഴ ചുമത്തുന്നതിന് തൊഴില്‍ നിയമം അനുശാസിക്കുന്നു. വേതനം ലഭിക്കാത്ത തൊഴിലാളികളുടെ എണ്ണത്തിനനുസരിച്ച് സ്ഥാപനങ്ങള്‍ക്ക് ഇരട്ടി തുക പിഴ ചുമത്തും. തൊഴിലാളികള്‍ക്ക് വേതനം വിതരണം ചെയ്തത് വ്യക്തമാക്കുന്ന വിവരങ്ങള്‍ വേതന സുരക്ഷാ പദ്ധതി സംവിധാനത്തില്‍ ഓണ്‍ലൈന്‍ ആയി സമര്‍പ്പിക്കുന്നതിന് രണ്ട് മാസം വൈകിക്കുന്ന സ്ഥാപനങ്ങള്‍ക്ക് പുതിയ വര്‍ക്ക് പെര്‍മിറ്റും വര്‍ക്ക് പെര്‍മിറ്റ് പുതുക്കലും ഒഴികെയുള്ള സേവനങ്ങള്‍ തൊഴില്‍ മന്ത്രാലയം നിര്‍ത്തിവെക്കും.

വിവരങ്ങള്‍ സമര്‍പ്പിക്കുന്നതിന് മൂന്ന് മാസം കാലതാമസമുണ്ടാക്കുന്ന സ്ഥാപനങ്ങള്‍ക്ക് പുതിയ വര്‍ക്ക് പെര്‍മിറ്റും വര്‍ക്ക് പെര്‍മിറ്റ് പുതുക്കലും അടക്കം തൊഴില്‍ മന്ത്രാലയത്തില്‍ നിന്നുള്ള എല്ലാ സേവനങ്ങളും നിഷേധിക്കും. തൊഴിലുടമകളുടെ അനുമതി കൂടാതെ തന്നെ മറ്റ് സ്ഥാപനങ്ങളിലേക്ക് സ്‌പോണ്‍സര്‍ഷിപ്പ് മാറ്റുന്നതിന് ഈ സ്ഥാപനങ്ങളിലെ തൊഴിലാളികളെ മന്ത്രാലയം അനുവദിക്കുമെന്നും തൊഴില്‍, സാമൂഹിക വികസന മന്ത്രാലയം വ്യക്തമാക്കി. ദേശീയ പരിവര്‍ത്തന പദ്ധതിയില്‍ ഉള്‍പ്പെടുത്തി തൊഴില്‍, സാമൂഹിക വികസന മന്ത്രാലയം നടപ്പാക്കുന്ന വേതന സുരക്ഷാ പദ്ധതിയിലൂടെ സ്വകാര്യ മേഖലയില്‍ സുരക്ഷിതവും അനുയോജ്യവുമായ തൊഴില്‍ സാഹചര്യം സൃഷ്ടിക്കുന്നതിനും തൊഴില്‍, സാമൂഹിക വികസന മന്ത്രാലയം ലക്ഷ്യമിടുന്നു.