മൃതദേഹത്തിന്റെ ഇന്‍ക്വസ്റ്റ് നടപടികളില്‍ പൂര്‍ത്തിയായി. പോസ്റ്റ്‌മോര്‍ട്ടത്തിന് ശേഷം കൈമാറുന്ന മൃതദേഹം ബന്ധുക്കള്‍ കൂമ്പന്‍പാറയിലെ തറവാട് വീട്ടിലേക്ക് കൊണ്ടുപോകും. അതേസമയം, അപകടത്തില്‍ പരിക്കേറ്റ് ചികിത്സയില്‍ കഴിയുന്ന ബിജുവിന്റെ ഭാര്യ സന്ധ്യയെ സംസ്‌കാര ചടങ്ങില്‍ പങ്കെടുപ്പിക്കാനായി കൂമ്പന്‍പാറയിലേക്ക് എത്തിക്കാനാണ് ശ്രമം. ഡോക്ടര്‍മാരുടെ അഭിപ്രായം കൂടി തേടിയ ശേഷമാകും ഇക്കാര്യത്തില്‍ അന്തിമ തീരുമാനം എടുക്കുക. കൂടാതെ, കോട്ടയത്ത് നഴ്‌സിങ് വിദ്യാര്‍ഥിയായ മകള്‍ അടിമാലിയില്‍ എത്തേണ്ടതുണ്ട്.

കൊച്ചി-ധനുഷ്‌കോടി ദേശീയപാതയ്ക്കായി മണ്ണെടുപ്പ് നടന്ന അടിമാലി കൂമ്പന്‍പാറയില്‍ ശനിയാഴ്ച രാത്രി പത്തരയോടെയാണ് മണ്ണിടിച്ചിലുണ്ടായത്. ലക്ഷം വീട് നിവാസിയായ ബിജുവും ഭാര്യ സന്ധ്യയുമാണ് അപകടത്തില്‍പ്പെട്ടത്. ആറര മണിക്കൂര്‍ നീണ്ട പരിശ്രമത്തിനിടെ ബിജുവിനെ പുറത്തെടുത്തെങ്കിലും ജീവന്‍ രക്ഷിക്കാനായില്ല.

മണ്ണുമാന്തിയന്ത്രം ഉപയോഗിച്ച് മണ്ണും കോണ്‍ക്രീറ്റ് പാളികളും നീക്കി. 3.27ഓടെയാണ് സന്ധ്യയെ പുറത്തെടുത്തത്. കാലിന് ഗുരുതര പരിക്കേറ്റ സന്ധ്യ രാജഗിരി ആശുപത്രിയില്‍ ചികിത്സയിലാണ്.

ശനിയാഴ്ച പകല്‍ ഉന്നതി കോളനിക്ക് മുകള്‍ ഭാഗത്ത് വലിയ വിള്ളല്‍ രൂപപ്പെട്ടതിനെ തുടര്‍ന്ന് 22ഓളം കുടുംബങ്ങളെ ഇവിടെ നിന്ന് മാറ്റിപാര്‍പ്പിച്ചിരുന്നു. അവശ്യസാധനങ്ങള്‍ എടുക്കാന്‍ ബിജുവും ഭാര്യ സന്ധ്യയും വീട്ടിലെത്തിയപ്പോഴാണ് മണ്ണിടിച്ചില്‍ ഉണ്ടായത്.

കഴിഞ്ഞദിവസം റോഡിലേക്ക് പത്തടിയോളം ഉയരത്തില്‍ നിന്ന് മണ്ണിടിഞ്ഞ് വീണിരുന്നു. ഇതോടെ മൂന്നാര്‍ ഭാഗത്തേക്കുള്ള റോഡ് ഗതാഗതം പൂര്‍ണമായും തടസ്സപ്പെട്ടിരുന്നു. എന്നാല്‍ മണ്ണ് നീക്കാനോ, വേണ്ട നടപടികള്‍ സ്വീകരിക്കാനോ അതോറിറ്റി തയ്യാറായില്ലെന്നും നാട്ടുകാര്‍ പറയുന്നു. പിന്നാലെ മണ്ണിടിച്ചില്‍ ഉണ്ടാകുമെന്ന മുന്നറിയിപ്പോടെ ഇവിടെ താമസിക്കുന്ന 22 കുടുംബങ്ങളോട് മാറിത്താമസിക്കാന്‍ പറയുകയായിരുന്നു.

ഇന്നലെ രാത്രി ഒമ്പതേകാലിനാണ് ആദ്യ മണ്ണിടിച്ചിലുണ്ടായത്. ഇതിന് പിന്നാലെ കുടുംബങ്ങളെ അടുത്തുള്ള സ്‌കൂളിലേക്ക് മാറ്റി. ഒമ്പതരയോടെയാണ് കൂടുതല്‍ മണ്ണ് ഇടിഞ്ഞത്. റോഡിന്റെ സംരക്ഷണ ഭിത്തിക്കുള്ളില്‍ നിറച്ച മണ്ണാണ് ഇടിഞ്ഞുവീണത്. എന്നാല്‍ കുടുംബവീട്ടിലേക്ക് മാറിത്താമസിച്ച ബിജുവും സന്ധ്യയും സര്‍ട്ടിഫിക്കറ്റുകളെടുക്കാന്‍ എത്തിയപ്പോഴാണ് അപകടമുണ്ടായത്. അപകടത്തില്‍ ബിജു മരിക്കുകയും ഗുരുതര പരിക്കുകളോടെ ഭാര്യ സന്ധ്യയെ വിദഗ്ധ ചികിത്സക്കായി ആശുപത്രിയിലേക്ക് മാറ്റി.

ഇന്നലെ രാത്രിയാണ് അടിമാലിയില്‍ വീടുകള്‍ക്ക് മുകളിലേക്ക് മണ്ണിടിഞ്ഞുവീണത്. ഒരു കുടുംബം പൂര്‍ണമായും മണ്ണിനടിയില്‍ കുടുങ്ങിക്കിടക്കുകയായിരുന്നു. ഫയര്‍ഫോഴ്സും പൊലീസും സംഭവസ്ഥലത്തെത്തി നടത്തിയ രക്ഷാപ്രവര്‍ത്തനത്തിലാണ് ഇവരെ പുറത്തെടുത്തത്. കനത്ത മഴയെത്തുടര്‍ന്നാണ് മണ്ണിടിഞ്ഞ് വീണത്.

സന്ധ്യയെ നേരത്തെ തന്നെ പുറത്തെത്തിച്ചിരുന്നു. കാലിനാണ് ഇവര്‍ക്ക് പരിക്ക്. അടിമാലി ആശുപത്രിയില്‍ പ്രവേശിപ്പിച്ച ശേഷം വിദഗ്ധ ചികിത്സക്കായി സന്ധ്യയെ ആലുവ രാജഗിരി ആശുപത്രിയിലേക്ക് മാറ്റിയിരിക്കുകയാണ്.

ശനിയാഴ്ച പകല്‍ ഉന്നതി കോളനിക്ക് മുകള്‍ ഭാഗത്ത് വലിയ വിള്ളല്‍ രൂപപ്പെട്ടതിനെ തുടര്‍ന്ന് 22ഓളം കുടുംബങ്ങളെ ഇവിടെ നിന്ന് മാറ്റി പാര്‍പ്പിച്ചിരുന്നു. രാത്രി 10.20ഓടെ മണ്ണിടിയുകയായിരുന്നു. ഭക്ഷണം കഴിക്കുന്നതിനായി വീട്ടിലെത്തിയപ്പോഴാണ് മണ്ണിടിച്ചില്‍ ഉണ്ടായത്. രക്ഷാ പ്രവര്‍ത്തരെത്തി സന്ധ്യയെ ഫോണില്‍ ബന്ധപ്പെട്ടിരുന്നു. തുടര്‍ന്ന് പൊലീസിന്റെ നിര്‍ദേശ പ്രകാരം ജെസിബി ഉപയോഗിച്ച് മണ്ണും കോണ്‍ക്രീറ്റ് പാളികളും നീക്കി. 3.27ഓടെയാണ് സന്ധ്യയെ പുറത്തെടുത്തത്.

മണ്ണിടിച്ചിലിനെ തുടര്‍ന്ന് ഡാര്‍ജിലിങ്‌സിലിഗുഡി, ബംഗാള്‍സിക്കിം റോഡുകള്‍ അടക്കം നിരവധി ഗതാഗത മാര്‍ഗങ്ങള്‍ തകരാറിലായി. പല വിനോദസഞ്ചാരികളും കുടുങ്ങിയതായാണ് റിപ്പോര്‍ട്ട്. കൂടുതല്‍ അപകടസാധ്യത കണക്കിലെടുത്ത് ടൈഗര്‍ ഹില്‍, റോക്ക് ഗാര്‍ഡന്‍ ഉള്‍പ്പെടെയുള്ള വിനോദസഞ്ചാര കേന്ദ്രങ്ങള്‍ അടച്ചിട്ടു. ടോയ് ട്രെയിന്‍ സര്‍വീസും താത്കാലികമായി നിര്‍ത്തി.

വടക്കന്‍ ബംഗാളിലെ മറ്റു പ്രദേശങ്ങളിലും കനത്തമഴ തുടര്‍ന്നു പെയ്യുകയാണ്. നിരവധി സ്ഥലങ്ങളില്‍ വെള്ളക്കെട്ട് രൂപപ്പെട്ടിട്ടുണ്ട്. മുന്നറിയിപ്പ് അനുസരിച്ച് വരും ദിവസങ്ങളിലും കനത്തമഴയും മിന്നല്‍പ്രളയവും ഉണ്ടാകാമെന്ന് കാലാവസ്ഥാ വകുപ്പ് അറിയിച്ചു. പ്രദേശവാസികളും വിനോദസഞ്ചാരികളും ജാഗ്രത പാലിക്കണമെന്ന് അധികൃതര്‍ നിര്‍ദേശിച്ചു.

ഡാര്‍ജിലിങ് എംപി രാജു ബിസ്ത സ്ഥിതിഗതികള്‍ വിലയിരുത്താന്‍ പ്രദേശത്തെത്തി. ദുരിതാശ്വാസ നടപടികള്‍ വേഗത്തിലാക്കാന്‍ ബന്ധപ്പെട്ട വകുപ്പുകളുമായി ചര്‍ച്ചകള്‍ ആരംഭിച്ചതായും അദ്ദേഹം അറിയിച്ചു.

വൈകിട്ട് നാലരയോടെ ജോലിക്കിടെ വലിയ തോതില്‍ മണ്‍കൂമ്പാരം ഇവരുടെ ദേഹത്തേക്ക് ഇടിഞ്ഞ് വീഴുകയായിരുന്നു. അടിമാലി, മൂന്നാര്‍ ഫയര്‍ഫോഴ്‌സ് യൂണിറ്റുകള്‍ സ്ഥലത്തെത്തിയെങ്കിലും മണ്ണ് ഇവരുടെ മേല്‍ മൂടിക്കിടന്നതിനാല്‍ രക്ഷാ പ്രവര്‍ത്തനം നീണ്ടു. പ്രദേശത്ത് കനത്ത മഴ തുടരുന്നതും രക്ഷാ പ്രവര്‍ത്തനം വൈകിപ്പിച്ചു. രണ്ടു പേരുടെയും മൃതദേഹം പുറത്തെടുത്തു.

പ്രദേശത്തെ നദിക്ക് കുറുകെ മരം കൊണ്ടുണ്ടാക്കിയ താല്‍കാലിക പാലത്തിലൂടെയാണ് പൊലീസ് രക്ഷാ പ്രവര്‍ത്തനം നടത്തുന്നത്. നദി കരകവിഞ്ഞ് വീടുകളെല്ലാം വെള്ളത്തിലായി. ഈ ആഴ്ചയില്‍ ഇത് രണ്ടാം തവണയാണ് സിക്കിമില്‍ മണ്ണിടിച്ചില്‍ ഉണ്ടാകുന്നത്. ഗ്യാല്‍ഷിങ് ജില്ലയില്‍ തിങ്കളാഴ്ച അര്‍ദ്ധരാത്രിയുണ്ടായ മണ്ണിടിച്ചിലില്‍ 45 വയസുള്ള ഒരു സ്ത്രീ മരിച്ചിരുന്നു. ഇവരുടെ വീട് പൂര്‍ണമായും തകര്‍ന്നു. അതേസമയം പ്രദേശത്ത് മഴ തുടരുകയാണ്.

വാര്‍ത്താ ഏജന്‍സികള്‍ പറയുന്നതനുസരിച്ച്, സുഡാന്‍ ലിബറേഷന്‍ മൂവ്മെന്റ്/ആര്‍മി (എസ്എല്‍എം/എ) തിങ്കളാഴ്ച വൈകി ഡാര്‍ഫറിലെ മാരാ മലനിരകളിലെ ദുരന്തം റിപ്പോര്‍ട്ട് ചെയ്തു.

ജബല്‍ മാറയുടെ സ്വയംഭരണാധികാരമുള്ള ഒരു ഭാഗം ദീര്‍ഘകാലം നിയന്ത്രിക്കുകയും ഭരിക്കുകയും ചെയ്ത SLM/A, പുരുഷന്മാരും സ്ത്രീകളും കുട്ടികളും ഉള്‍പ്പെടെ ഇരകളുടെ മൃതദേഹങ്ങള്‍ ശേഖരിക്കാന്‍ സഹായിക്കാന്‍ ഐക്യരാഷ്ട്രസഭയോടും അന്താരാഷ്ട്ര സഹായ ഏജന്‍സികളോടും അഭ്യര്‍ത്ഥിച്ചു.

സുഡാനിലെ ആഭ്യന്തരയുദ്ധത്തിലെ പ്രധാന ശത്രുക്കളായ സുഡാനീസ് സൈന്യവും അര്‍ദ്ധസൈനിക ദ്രുത സപ്പോര്‍ട്ട് ഫോഴ്‌സും തമ്മിലുള്ള പോരാട്ടത്തില്‍ SLM/A നിഷ്പക്ഷത പാലിച്ചു.
ഭക്ഷണം, പാര്‍പ്പിടം, വൈദ്യസഹായം എന്നിവ അപര്യാപ്തമാണെങ്കിലും ലക്ഷക്കണക്കിന് ആളുകള്‍ മഴക്കെടുതിയില്‍ അകപ്പെട്ടെങ്കിലും അല്‍-ഫാഷിറിലെയും സമീപ പ്രദേശങ്ങളിലെയും നിവാസികള്‍ ജബല്‍ മാരയില്‍ അഭയം തേടി. ഡാര്‍ഫറിന്റെ മറ്റ് ഭാഗങ്ങള്‍ പോലെ കോളറ പൊട്ടിപ്പുറപ്പെട്ടതിന്റെ ആഘാതത്തിലാണ് മിക്കവരും.
രണ്ട് വര്‍ഷത്തെ ആഭ്യന്തരയുദ്ധം സുഡാനിലെ ജനസംഖ്യയുടെ പകുതിയിലധികവും പ്രതിസന്ധി ഘട്ടങ്ങളെ അഭിമുഖീകരിക്കുകയും ദശലക്ഷക്കണക്കിന് ആളുകളെ അവരുടെ വീടുകളില്‍ നിന്ന് പുറത്താക്കുകയും ചെയ്തു.

സുഡാനിലെ സൈന്യത്തിന്റെ നിയന്ത്രണത്തിലുള്ള സര്‍ക്കാര്‍ അനുശോചനവും സഹായിക്കാനുള്ള സന്നദ്ധതയും അറിയിച്ചു.

വാഹനത്തിലുണ്ടായിരുന്ന മറ്റ് ആറ് യാത്രക്കാര്‍ക്ക് പരുക്കേറ്റിട്ടുണ്ട്. രണ്ടുപേരുടെ നില ഗുരുതരമാണ്. പരുക്കേറ്റവരെ ഉടന്‍ തന്നെ സോന്‍പ്രയാഗിലെ സര്‍ക്കാര്‍ ആശുപത്രിയില്‍ പ്രവേശിപ്പിച്ചു. ഗുരുതരമായി പരുക്കേറ്റ രണ്ട് പേരെ ഉന്നത മെഡിക്കല്‍ സെന്ററിലേക്ക് മാറ്റിട്ടുണ്ട്.

ഉത്തരകാശി ജില്ലയിലെ ബാര്‍കോട്ട് സ്വദേശികളായ റീത്ത (30), ചന്ദ്ര സിംഗ് (68) എന്നിവരാണ് മരിച്ചത്. മോഹിത് ചൗഹാന്‍, നവീന്‍ സിംഗ് റാവത്ത്, പ്രതിഭ, മമത, രാജേശ്വരി, പങ്കജ് എന്നിവര്‍ക്കാണ് പരുക്കേറ്റത്.ഉത്തരാഖണ്ഡിലെ അതിശക്തമായ മഴയില്‍ നിരവധി പേര്‍ക്ക് ജീവന്‍ നഷ്ടപ്പെട്ടു. കഴിഞ്ഞ ഞായറാഴ്ച തെഹ്രി, പിത്തോറഗഡ് ജില്ലകളിലുണ്ടായ മഴയുമായി ബന്ധപ്പെട്ട വ്യത്യസ്ത അപകടങ്ങളില്‍ രണ്ട് പേര്‍ മരിച്ചു.

കഴിഞ്ഞദിവസം രാത്രിയാണ് ചുരത്തിലെ ഒമ്പതാം വളവിലെ വ്യൂ പോയന്റിന് സമീപം പാറയും മണ്ണും ഇടിഞ്ഞുവീണത്. റോഡിലേക്ക് ഇടിഞ്ഞു വീണ മണ്ണും പാറയും പൂര്‍ണമായി നീക്കിയാണ് ഗതാഗതം ഇന്നലെ രാത്രിയോടെ പുനഃസ്ഥാപിച്ചത്.