അതേസമയം, പരാതി പിന്‍വലിച്ചത് വ്യക്തിപരമാണെന്നും താന്‍ വഹിക്കുന്ന എല്ലാ പാര്‍ട്ടി സ്ഥാനങ്ങളില്‍ നിന്നും രാജി വെക്കുന്നതായി എഐഎസ്എഫിന്റെ ലോ അകാദമി യൂണിറ്റ് സെക്രട്ടറി വി.ജി വിവേക് അറിയിച്ചു.

വി.ജി വിവേക് പരാതി പിന്‍വലിച്ചത് വ്യക്തിപരമായ തീരുമാനമെന്ന് സിപഐ സംസ്ഥാന സെക്രട്ടറി കാനം രാജേന്ദ്രന്‍ നേരത്തേ പ്രതികരിച്ചിരുന്നു. പാര്‍ട്ടി തീരുമാനത്തില്‍ മാറ്റമുണ്ടായിട്ടില്ലെന്നും കാനം കൂട്ടിച്ചേര്‍ത്തു.
എന്നാല്‍ കേസ് പിന്‍വലിച്ചത് കാനത്തിന്റെ അറിവോടെയാണെന്ന് വിവേക്

വെളിപ്പെടുത്തിയിരുന്നു. പട്ടിക ജാതി/വര്‍ഗക്കാര്‍ക്കെതിരായ അതിക്രമം തടയല്‍ നിയമപ്രകാരമാണ് പേരൂര്‍ക്കട പൊലീസ് കേസെടുത്തത്. കേസ് ചോദ്യം ചെയ്ത് ലക്ഷ്മി നായര്‍ ഹര്‍ജി നല്‍കിയിരുന്നു. പരാതിയുമായി മുന്നോട്ടു പോകാന്‍ താല്‍പര്യമില്ലെന്നു വിദ്യാര്‍ഥി അറിയിച്ചതിനെത്തുടര്‍ന്ന് കേസിലെ നടപടി ഹൈക്കോടതി കഴിഞ്ഞ ദിവസം റദ്ദാക്കിയിരുന്നു.

സര്‍ക്കാര്‍ പതിച്ചുനല്‍കിയ 12 ഏക്കര്‍ ഭൂമി നിയമവിരുദ്ധമായി മറ്റാവശ്യങ്ങള്‍ക്ക് ഉപയോഗിക്കുന്നുവെങ്കില്‍ അത് സംബന്ധിച്ച് അന്വേഷിക്കാന്‍ മറ്റ് അധികാര സ്ഥാനങ്ങളെ ബന്ധപ്പെടാവുന്നതാണെന്ന് എ. ബദറുദ്ദീന്‍ ചൂണ്ടിക്കാട്ടി. സുപ്രീംകോടതിവിധി പ്രകാരമുള്ള ലളിതകുമാരി കേസ് ഇതിനായി ഉത്തരവില്‍ ചൂണ്ടിക്കാട്ടുന്നുമുണ്ട്.
വിദ്യാഭ്യാസ ആവശ്യത്തിനായാണ് 1984ല്‍ അക്കാദമി ട്രസ്റ്റിന് സര്‍ക്കാര്‍ 12 ഏക്കര്‍ ഭൂമി പതിച്ചുനല്‍കിയത്. സെന്റിന് വെറും 250 രൂപ നിരക്കിലാണ് ഭൂമി നല്‍കിയത്. എന്നാല്‍ ഒരേക്കര്‍ മാത്രമാണിപ്പോള്‍ വിദ്യാഭ്യാസ സ്ഥാപനത്തിനായി ഉപയോഗിക്കുന്നത്. ബാക്കിവരുന്ന ആറ് ഏക്കറില്‍ സ്വകാര്യ ഫ്‌ളാറ്റുകളും ഹോട്ടലും ബാങ്കും പ്രവര്‍ത്തിക്കുന്നു. ശേഷിക്കുന്ന നാലേക്കര്‍ ഒന്നിനും ഉപയോഗിക്കാതെ ഇട്ടിരിക്കുന്നു. അക്കാദമി കോമ്പൗണ്ടില്‍ പ്രവര്‍ത്തിക്കുന്ന ഒരു കെട്ടിടത്തിനും കോര്‍പറേഷന്റെ ബില്‍ഡിംഗ് നമ്പറോ മറ്റ് ഔദ്യോഗിക രേഖകളോ ഇല്ല. എന്നാലും ഈ കെട്ടിടങ്ങളില്‍ വൈദ്യുതി, വാട്ടര്‍ കണക്ഷനുകള്‍ ലഭിച്ചിട്ടുണ്ട്. കൂടാതെ കോളജ് ക്യാന്റീന്‍ പ്രവര്‍ത്തിക്കുന്നത് മുന്തിയതരം ഹോട്ടലായാണ്. ഇവിടെ പുറത്തുനിന്നുള്ളവര്‍ക്കും ഭക്ഷണം കൊടുക്കുന്നുണ്ട്. അതുപോലെ അക്കാദമി കോമ്പൗണ്ടില്‍ ഒരു ബാങ്കും നാല് ഫ്‌ളാറ്റുകളും പ്രവര്‍ത്തിക്കുന്നുണ്ട്.
ഈ ഫ്‌ളാറ്റുകള്‍ സ്റ്റാഫ് ക്വാര്‍ട്ടേഴ്‌സ് എന്ന പേരിലാണ് നിര്‍മിച്ചിരിക്കുന്നത്. എന്നാല്‍ ഇവിടെ താമസിക്കുന്നത് അക്കാദമി ട്രസ്റ്റ് ഭാരവാഹികളാണ്. പൊതുപ്രവര്‍ത്തനായ പായ്ച്ചിറ നവാസാണ് ഹര്‍ജി നല്‍കിയത്. ഹൈക്കോടതിയെ സമീപിക്കുമെന്ന് ഹര്‍ജിക്കാരന്‍ അറിയിച്ചു.

അതേസമയം ലോ അക്കാദമിയുടെ കൈവശമിരിക്കുന്ന ഭൂമിയെക്കുറിച്ച് അന്വേഷിച്ച റവന്യു സെക്രട്ടറി ഇന്ന് റവന്യൂ മന്ത്രിക്ക് റിപ്പോര്‍ട്ട് നല്‍കിയേക്കും. ഇന്നലെ ചില വിദ്യാര്‍ത്ഥികള്‍ ലോ അക്കാദമിക്കു മുന്നില്‍ ആത്മഹ്യാഭീഷണി മുഴക്കിയതിനെത്തുടര്‍ന്ന് സമരം സംഘര്‍ഷത്തിലേക്ക് നീങ്ങി. ആത്മഹത്യ ചെയ്യുമെന്നറിയിച്ച് മരത്തില്‍ കയറിയ വിദ്യാര്‍ത്ഥിയെ പൊലീസും അഗ്നിശമനസേനയും ചേര്‍ന്നാണ് താഴെയിറക്കിയത്.

വന്‍ പോലീസ് സംഘവും അഗ്‌നിശമന സേനയും സ്ഥലത്തെത്തിയിട്ടുണ്ട്. വിദ്യാര്‍ഥിയെ അനുനയിച്ച് താഴെയിറക്കാന്‍ പോലീസ് ശ്രമിക്കുകയാണ്.  ഇയാളുടെ കയ്യില്‍ ഒരു ബാഗുമുണ്ട്. ഇതില്‍ പെട്രോളാണെന്നാണ് വിവരം. ലോ അക്കാദമിയിലെ സമരം 28ാം ദിവസത്തിലേക്ക് കടന്നിട്ടും വിദ്യാര്‍ത്ഥികളുടെ ആവശ്യം അംഗീകരിക്കാന്‍ മാനേജ്‌മെന്റ് ഇതുവരെ തയ്യാറായിട്ടില്ല.

ലോ അക്കാദമിക്ക് മുന്നിലെ വിദ്യാര്‍ഥി സമരം 28ാം ദിവസത്തിലേക്ക് കടന്നിരിക്കുകയാണ്. സമരത്തില്‍ കെ.മുരളീധരന്‍ എം.എല്‍.എയും ബി.ജെ.പി നേതാവ് വി.വി രാജേഷും നിരാഹാരമിരിക്കുന്നുണ്ട്. നേരത്തെ തിങ്കളാഴ്ച്ച മുതല്‍ ക്ലാസ് ആരംഭിക്കുമെന്ന് മാനേജ്‌മെന്റ് അറിയിച്ചിരുന്നുവെങ്കിലും സംഘര്‍ഷ സാധ്യത കണക്കിലെടുത്ത് കോളേജ് അനിശ്ചിത കാലത്തേക്ക് അടച്ചിടുകയായിരുന്നു.

ക്ലാസ് തുടങ്ങിയാല്‍ എന്തുവില കൊടുത്തും നേരിടുമെന്ന് നിരാഹാരസമരം തുടരുന്ന കെ.മുരളീധരനും വിദ്യാര്‍ത്ഥികളും അറിയിച്ചിരുന്നു. കൂടാതെ അക്കാദമിയിലേക്ക് മാര്‍ച്ച് നടത്തുത്തതിന് എ.ബി.വി.പിയും തീരുമാനിച്ചിട്ടുണ്ട്. ഈ സാഹചര്യത്തില്‍ സംഘര്‍ഷസാധ്യത കണക്കിലെടുത്താണ് കോളേജ് തുറക്കുന്നതില്‍ നിന്നും മാനേജ്‌മെന്റ് പിന്‍മാറിയത്.

വിവിധ സംഘടനകള്‍ക്കൊപ്പം എസ്.എഫ്.ഐയും സമരരംഗത്തുണ്ടായിരുന്നു. അഞ്ചുവര്‍ഷത്തേക്ക് പ്രിന്‍സിപ്പല്‍ പദവിയില്‍ മാറിനില്‍ക്കാമെന്നുള്ള ലക്ഷ്മി നായരുടെ തീരുമാനത്തെ തുടര്‍ന്ന് എസ്.എഫ്.ഐ സമരത്തില്‍ നിന്നും പിന്‍മാറി. എന്നാല്‍ വിദ്യാര്‍ത്ഥികള്‍ രാജിയില്‍ ഉറച്ചുനിന്നതോടെ സര്‍ക്കാരും മാനേജ്‌മെന്റും പ്രതിരോധത്തിലാവുകയാണ്.

എസ്.എഫ്.ഐയേയും പന്ന്യന്‍ രൂക്ഷമായി വിമര്‍ശിച്ചു. മാനെജ്‌മെന്റ് പ്രിന്‍സിപ്പലിനെ മാറ്റാന്‍ തയ്യാറായപ്പോള്‍ ഒരു വിദ്യാര്‍ത്ഥി സംഘടന ചര്‍ച്ച വഴിതിരിച്ചുവിടുകയാണ് ഉണ്ടായതെന്നും എസ്എഫ്‌ഐയെ കുറ്റപ്പെടുത്തി. എസ്എഫ്‌ഐയുടെ ഈഗോ അനുസരിച്ച് സമരം തീര്‍ക്കാന്‍ പറ്റില്ല. കേരളം എല്ലാം കാണുന്നുണ്ടെന്ന് ഓര്‍ക്കണമെന്നും അദ്ദേഹം പറഞ്ഞു.

അതേസമയം, വിവിധ വിദ്യാര്‍ത്ഥി സംഘടനകളുടെ നേതൃത്വത്തില്‍ സമരം തുടരുകയാണ്. പ്രിന്‍സിപ്പാലിന്റെ രാജിയല്ലാതെ മറ്റൊന്നില്ലെന്ന തീരുമാനത്തിലാണ് സംഘടനകള്‍.

രണ്ട് വിഷയങ്ങളില്‍ ഇടതുമുന്നണിയിലെ പ്രധാന രണ്ട് പാര്‍ട്ടികള്‍ വിരുദ്ധ നിലപാടുകള്‍ സ്വീകരിച്ചെങ്കിലും ഇടതുമുന്നണി യോഗം വിളിച്ചു ചേര്‍ക്കാന്‍ സി.പി.എം തയാറായിട്ടില്ല. സി.പി.എമ്മിന്റെ സംസ്ഥാന നേതൃത്വത്തെ അപ്പാടെ തള്ളിക്കളഞ്ഞ് ലോ അക്കാദമിയുടെ ഭൂമി സര്‍ക്കാര്‍ ഏറ്റെടുക്കണമെന്ന വി.എസ് അച്യുതാനന്ദന്റെ നിലപാടിനൊപ്പമാണ് സി.പി.ഐ. ലോ അക്കാദമി ഭൂമിയെക്കുറിച്ച് അന്വേഷണമില്ലെന്ന പിണറായിയുടെ പ്രസ്താവന തെറ്റാണെന്നാണ് ഇന്നലെ വി.എസ് പ്രതികരിച്ചത്. സര്‍ക്കാര്‍ ഭൂമി ആര് കയ്യടക്കിയാലും തിരിച്ചെടുക്കണമെന്നും ഇത് സര്‍ക്കാറിന്റെ പ്രാഥമിക ചുമതലയാണെന്നും വി.എസ് പറഞ്ഞു.

ഭൂമി വിഷയത്തില്‍ അന്വേഷണം ആവശ്യപ്പെട്ട് വി.എസ് ആണ് റവന്യൂ മന്ത്രിക്ക് പരാതി നല്‍കിയിത്. പരാതി ലഭിച്ച് മണിക്കൂറുകള്‍ക്കുള്ളില്‍ അന്വേഷണം ആരംഭിക്കുകയും ചെയ്തു. റവന്യൂ വകുപ്പ് അന്വേഷണം ആരംഭിച്ചു കഴിഞ്ഞ ശേഷമാണ് ഭൂമി സംബന്ധിച്ച് അന്വേഷണം നടത്തില്ലെന്ന് മുഖ്യമന്ത്രി പ്രസ്താവിച്ചത്. മുഖ്യമന്ത്രിയുടെ അനുമതിയില്ലാതെ റവന്യൂ മന്ത്രി സ്വന്തം നിലക്കാണ് അന്വേഷണത്തിന് ഉത്തരവിട്ടത്.

അന്വേഷണം തുടരുമെന്ന് റവന്യൂ മന്ത്രി മുഖ്യമന്ത്രിക്ക് മറുപടി നല്‍കുകയും ചെയ്തു. ഭരണതലത്തില്‍ സി.പി.ഐ-സി.പി.ഐ ബന്ധം കൂടുതല്‍ വഷളാകുന്നുവെന്ന സൂചനയാണ് ഇന്നലെ ഉണ്ടായത്. റവന്യൂ മന്ത്രിയെ പൂര്‍ണമായും പിന്തുണച്ച് സി.പി.ഐ സംസ്ഥാന സെക്രട്ടറി കാനം രാജേന്ദ്രനും രംഗത്തെത്തി. ഭൂമി ദുരുപയോഗം ചെയ്തിട്ടുണ്ടെങ്കില്‍ നടപടി ഉണ്ടാകുമെന്ന മുന്നറിയിപ്പാണ് കാനം നല്‍കിയത്.

ചര്‍ച്ച തുടങ്ങിയപ്പോള്‍ തന്നെ വിദ്യാര്‍ത്ഥികള്‍ പ്രിന്‍സിപ്പാലിന്റെ രാജിയില്‍ ഉറച്ചുനിന്നു. എന്നാല്‍ സമരത്തില്‍ നിന്ന് പിന്‍മാറാനാണ് മന്ത്രി ആവശ്യപ്പെട്ടത്. വിദ്യാര്‍ത്ഥികള്‍ രാജിയില്‍ ഉറച്ചുനിന്നതോടെ മന്ത്രി ക്ഷുഭിതനാവുകയായിരുന്നു. മന്ത്രിയും വിദ്യാര്‍ത്ഥികളും ഏറെ നേരം വാഗ്വാദത്തിലേര്‍പ്പെടുത്തുകയും ചെയ്തു. പിന്നീട് ചര്‍ച്ചയില്‍ നിന്ന് മന്ത്രി ക്ഷുഭിതനായി ഇറങ്ങിപ്പോയി.

മാനേജ്മെന്റിനെ തുണക്കുന്ന നിലപാടാണ് യോഗത്തില്‍ ഉടനീളം വിദ്യാഭ്യാസ മന്ത്രി സ്വീകരിച്ചതെന്ന് കെ.എസ്.യുവും മറ്റ് വിദ്യാര്‍ത്ഥി സംഘടനകളും ആരോപിച്ചു. തിങ്കളാഴ്ച മുതല്‍ ലോ അക്കാദമിയില്‍ ക്ലാസ് ആരംഭിക്കുമെന്ന് യോഗശേഷം മാനേജ്മെന്റ് പ്രതിനിധികള്‍ പറഞ്ഞു. പൊലീസ് സഹായത്തോടെ വേണ്ടിവന്നാല്‍ ക്യാമ്പസില്‍ ക്ലാസ് പുനരാരംഭിക്കുമെന്ന് മാനേജ്മെന്റ് അറിയിച്ചു. ക്ലാസ് ആരംഭിച്ചാല്‍ ക്ലാസിലെത്തുമെന്ന് എസ്.എഫ്.ഐ അറിയിച്ചു.

ലോ അക്കാദമിക്കെതിരെ കടുത്ത നടപടി വേണമെന്ന് എ.ഐ.എസ്.എഫ് പറഞ്ഞു. ഇനിയെങ്കിലും വിദ്യാര്‍ത്ഥികളുടെ പ്രശ്‌നങ്ങള്‍ മുഖവിലക്കെടുക്കണം. സിന്‍ഡിക്കേറ്റ് ആവശ്യപ്പെട്ടിട്ടും സര്‍ക്കാര്‍ നടപടിയെടുക്കാത്തത് എന്തുകൊണ്ടാണെന്നും അവര്‍ ചോദിച്ചു. എന്നാല്‍ ലോ അക്കാദമി ഭൂമി പ്രശ്‌നത്തില്‍ താന്‍ ഇടപെടില്ലെന്ന് മുഖ്യമന്ത്രി പറഞ്ഞു. അക്കാദമിയില്‍ ക്ലാസുകള്‍ തുടങ്ങാനുള്ള സാഹചര്യമാണ് നിലനില്‍ക്കുന്നതെന്ന് എസ്.എഫ്.ഐ പറഞ്ഞു.

വിദ്യാര്‍ത്ഥി സമരം ശക്തമായപ്പോള്‍ പ്രിന്‍സിപ്പലിന്റെ അധികാരം വെട്ടിക്കുറക്കുന്നതിന് നിര്‍ദ്ദേശവുമായി അയ്യപ്പന്‍പിള്ള രംഗത്തെത്തിയിരുന്നു. ലോ അക്കാദമി പ്രിന്‍സിപ്പാലിന്റെ അധികാരം വെട്ടിക്കുറയ്ക്കാമെന്നും ഇന്റേണല്‍ മാര്‍ക്കിലടക്കം വിദ്യാര്‍ത്ഥികള്‍ പരാതി ഉന്നയിക്കുന്ന കാര്യങ്ങളില്‍ പ്രിന്‍സിപ്പള്‍ ലക്ഷ്മി നായരുടെ അധികാരം വെട്ടിക്കുറയ്ക്കാമെന്നും നിര്‍ദേശിക്കുകയും ചെയ്തിരുന്നു. എന്നാല്‍ ഇപ്പോള്‍ രാജിവെച്ചൊഴിഞ്ഞില്ലെങ്കില്‍ താന്‍ രാജിവെക്കുമെന്ന് പ്രഖ്യാപിച്ച് രംഗത്തെത്തിയിരിക്കുകയാണ് അദ്ദേഹം.

പ്രിന്‍സിപ്പാലിന്റെ രാജിയല്ലാതെ മറ്റു ലക്ഷ്യമില്ലെന്നായിരുന്നു എസ്.എഫ്.ഐ അറിയിച്ചിരുന്നത്. അഞ്ചുവര്‍ഷത്തേക്ക് പ്രിന്‍സിപ്പാല്‍ സ്ഥാനത്തുനിന്ന് മാറി നില്‍ക്കണമെന്ന ആവശ്യം പിന്നീട് എസ്.എഫ്.ഐ അംഗീകരിക്കുകയായിരുന്നു. എന്നാല്‍ മറ്റു വിദ്യാര്‍ത്ഥി സംഘടനകള്‍ സമരവുമായി മുന്നോട്ട് പോവുകയും ചെയ്തു. സമരം ഇപ്പോഴും ശക്തമായി മുന്നോട്ട് പോവുകയാണ്.