Nabil Fekir scores against rivals St Étienne. He celebrates like this, causing fans invading the pitch.

@goalpic.twitter.com/B4NQ6WuUXH

— Footy Jokes (@Footy_Jokes) November 6, 2017

ഫ്രാന്‍സിലെ റോണ്‍ നദിക്കരയിലെ ക്ലബ്ബുകളായ ലിയോണും സെന്റ് എറ്റിയന്നെയും തമ്മിലുള്ള ‘റോണ്‍ ഡെര്‍ബി’യിലാണ് അനിഷ്ട സംഭവങ്ങള്‍ അരങ്ങേറിയത്. മത്സരത്തില്‍ വ്യക്തമായ ആധിപത്യം പുലര്‍ത്തിയ ലിയോണിനു വേണ്ടി 84-ാം മിനുട്ടില്‍ അഞ്ചാം ഗോള്‍ നേടിയ ക്യാപ്ടന്‍ നബീല്‍ ഫക്കീര്‍ കുപ്പായമഴിച്ച് കാണികളെ കാണിച്ചാണ് ആഘോഷം നടത്തിയത്. ഇതില്‍ പ്രകോപിതരായ കാണികള്‍ ഗ്രൗണ്ടിലേക്ക് ചാടിയിറങ്ങിയതിനെ തുടര്‍ന്ന് മത്സരം അര മണിക്കൂറിലേറെ സമയം നിര്‍ത്തി വെക്കേണ്ടി വന്നു. 24-കാരനായ ഫ്രഞ്ച് താരത്തെ റഫറി മഞ്ഞക്കാര്‍ഡ് കാണിച്ചപ്പോള്‍ ബാരിക്കേഡ് ഭേദിച്ച് ഗ്രൗണ്ടിലിറങ്ങിയ കാണികളെ പൊലീസാണ് വിരട്ടിയോടിച്ചത്.

Madness: Nabil Fekir scores Lyon’s fifth goal at St. Etienne, shows his shirt to the crowd, and angry fans invade the pitch. pic.twitter.com/LKN738opYt

— B/R Football (@brfootball) November 5, 2017

ലിയോണിനെതിരായ മത്സരത്തെ വന്‍ പ്രാധാന്യത്തോടെയാണ് സെന്റ് എറ്റിയന്നെ കാണികള്‍ കണ്ടിരുന്നത്. ‘ഇന്ന് സിനിമയില്ല; ഇന്നു രാത്രി ഞങ്ങളുടെ കൈവശമുള്ളത് വെറുപ്പ് മാത്രം’ എന്നെഴുതിയ ബാനര്‍ ഗാലറിയില്‍ ഉയര്‍ത്തിയിരുന്നു. ഫുട്‌ബോളിന്റെ മാന്യതക്ക് നിരക്കാത്ത ആരാധകരുടെ പ്രവൃത്തിയുടെ പേരില്‍ ഫ്രഞ്ച് ഫുട്‌ബോള്‍ ഫെഡറേഷന്‍ പിന്നീട് എറ്റിയന്നെക്ക് പിഴ ചുമത്തി.

തന്റെ പെരുമാറ്റത്തില്‍ ഖേദമില്ലെന്ന് മത്സര ശേഷം നബീല്‍ ഫക്കീര്‍ പറഞ്ഞു. താരത്തിനെതിരെ അധികൃതര്‍ കൂടുതല്‍ അച്ചടക്ക നടപടി എടുത്തിട്ടില്ല.

മാഴ്‌സേയ്‌ക്കെതിരെ 85-ാം മിനുട്ടില്‍ കോര്‍ണര്‍ കിക്കെടുക്കാന്‍ വൈകിയതിനാണ് നെയ്മറിന് ആദ്യ മഞ്ഞക്കാര്‍ഡ് ലഭിച്ചത്. 87-ാം മിനുട്ടില്‍ തന്നെ പിന്നില്‍ നിന്ന് ഫൗള്‍ ചെയ്തതിന് അര്‍ജന്റീനക്കാരന്‍ മിഡ്ഫീല്‍ഡര്‍ ലൂക്കാസ് ഒക്കാംപ്‌സിനെ തള്ളിയതിനായിരുന്നു രണ്ടാം മഞ്ഞക്കാര്‍ഡും ചുവപ്പും.

മത്സരത്തില്‍ മറ്റാരേക്കാളും കൂടുതല്‍ ഫൗള്‍ ചെയ്യപ്പെട്ടത് നെയ്മറായിരുന്നു. അഞ്ചു തവണയാണ് ബ്രസീലിയന്‍ താരത്തെ എതിരാളികള്‍ വീഴ്ത്തിയത്. തന്റെ ശരീരം മുഴുവന്‍ ഫൗളിന്റെ പാടുകളാണെന്നും റഫറിയുടെ നടപടി ശരിയായില്ലെന്നും നെയ്മര്‍ പറഞ്ഞു.

Two yellow cards in as many minutes – and Neymar is OFF! pic.twitter.com/fZkKDYYU2Y

— Goal (@goal) October 22, 2017

‘ആ തീരുമാനം അതിശയോക്തിപരവും അനീതിയുമായിരുന്നു. കളിയിലുടനീളം എനിക്ക് നന്നായി കിട്ടുന്നുണ്ടായിരുന്നു. ശരീരം മുഴുവന്‍ അതിന്റെ പാടുകളാണ്.’ എസ്‌പോര്‍ട്ടെ ഇന്ററാറ്റീവോക്ക് നല്‍കിയ അഭിമുഖത്തില്‍ നെയ്മര്‍ പറഞ്ഞു.

‘അത് (ഒക്കാംപ്‌സിനെതിരായ നീക്കം) പിന്നില്‍ നിന്ന് ഫൗള്‍ ചെയ്യപ്പെട്ടതിനോടുള്ള എന്റെ പ്രതികരണം മാത്രമായിരുന്നു. റഫറി അദ്ദേഹത്തിന് ഇഷ്ടപ്പെട്ടത് ചെയ്തു. എന്നെ പുറത്താക്കണമെന്നത് കളിക്കാരേക്കാള്‍ അദ്ദേഹത്തിന്റെ ആവശ്യം പോലെയാണ് തോന്നിയത്.’

നെയ്മര്‍ പുറത്തു പോകുമ്പോള്‍ രണ്ടിനെതിരെ ഒരു ഗോളിന് പിറകിലായിരുന്ന പി.എസ്.ജി ഇഞ്ചുറി ടൈമില്‍ കവാനി നേടിയ ഫ്രീകിക്ക് ഗോളില്‍ സമനില പിടിച്ചിരുന്നു.

സീസണില്‍ ഇതുവരെ തോല്‍വിയറിഞ്ഞിട്ടില്ലാത്ത പി.എസ്.ജി, മാഴ്‌സേയ്‌ക്കെതിരെ രണ്ടു തവണ പിന്നില്‍ നിന്ന ശേഷമാണ് തിരിച്ചുവന്നത്. 16-ാം മിനുട്ടില്‍ 35 വാര അകലെ നിന്നുള്ള ലോങ് റേഞ്ചറില്‍ നിന്ന് ബ്രസീലിയന്‍ താരം ലൂയിസ് ഗുസ്താവോ ആണ് മാഴ്‌സേയെ മുന്നിലെത്തിച്ചത്. 33-ാം മിനുട്ടില്‍ റാബിയോട്ടിന്റെ പാസ് മികച്ചൊരു ഗ്രൗണ്ടറിലൂടെ വലയിലാക്കി നെയ്മര്‍ സന്ദര്‍ശകരെ ഒപ്പമെത്തിച്ചു. 78-ാം മിനുട്ടില്‍ ബോക്‌സിന്റെ ഇടതുഭാഗത്ത് റാബിയോട്ടിനെ കബളിപ്പിച്ച് ക്ലിന്റണ്‍ എന്‍ജീ നല്‍കിയ ക്രോസില്‍ സമര്‍ത്ഥമായി കാല്‍വെച്ച് ഫ്‌ളോറിയന്‍ തൗവിന്‍ മാഴ്‌സേയ്ക്ക് വീണ്ടും ലീഡ് നല്‍കി. 85-ാം മിനുട്ടില്‍ ആദ്യ മഞ്ഞക്കാര്‍ഡ് കണ്ട നെയ്മര്‍ രണ്ടു മിനുട്ടിനു ശേഷം വീണ്ടും ബുക്ക് ചെയ്യപ്പെട്ടതോടെ പി.എസ്.ജി പത്തു പേരായി ചുരുങ്ങി. എന്നാല്‍ ഇഞ്ചുറി ടൈമില്‍ ഫ്രീകിക്ക് വലയിലെത്തിച്ച് കവാനി സന്ദര്‍ശകരെ തോല്‍വിയില്‍ നിന്നു രക്ഷിച്ചു.

Neymar sent off!

The world's most expensive footballer was given his marching orders as tempers flared between PSG and Marseille… pic.twitter.com/Sm47Ee7DFV

— BT Sport Football (@btsportfootball) October 22, 2017

മറ്റൊരു മത്സരത്തില്‍ ഒളിംപിക് ലിയോണ്‍ എതിരില്ലാത്ത അഞ്ചു ഗോളിന് ട്രോയെസ്സിനെ കീഴടക്കി. നാലു ഗോളടിച്ച മെംഫിസ് ഡിപേയാണ് താരമായത്. നുനോ ദ കോസ്റ്റയുടെ ഇരട്ട ഗോളില്‍ സ്ട്രാസ്ബര്‍ഗ് നീസിനെ തോല്‍പ്പിച്ചു. ശനിയാഴ്ച മൊണാക്കോ രണ്ടു ഗോളിന് കയേനിനെയും നാന്റെസ് ഗ്വിന്‍ഗാംപിനെയും തോല്‍പ്പിച്ചിരുന്നു.

സീസണിലെ രണ്ടാം സമനിലയോടെ രണ്ടാം സ്ഥാനത്തുള്ള മൊണാക്കോയുമായുള്ള പി.എസ്.ജിയുടെ പോയിന്റ് വ്യത്യാസം നാലായി കുറഞ്ഞു. പി.എസ്.ജി (26), മൊണാക്കോ (22), നാന്റെസ് (20), ലിയോണ്‍ (19) എന്നിങ്ങനെയാണ് പോയിന്റ് ടേബിളിലെ ക്രമം.