ദേശീയ സുരക്ഷയുമായി ബന്ധപ്പെട്ട അതീവമായ രഹസ്യങ്ങള്‍ യൂറോപ്യന്‍ മാധ്യമങ്ങള്‍ക്ക് എയ്‌ലി ഫെല്‍ഡ്‌സ്‌റ്റെയ്ന്‍ ചോര്‍ത്തി നല്‍കിയെന്നായിരുന്നു റിപ്പോര്‍ട്ടില്‍ പറഞ്ഞിരുന്നത്. റിഷോണ്‍ ലെസിയോണ്‍ മജിസ്‌ട്രേറ്റ് കോടതിയുടെ വിധിയിലാണ് ചോര്‍ത്തി നല്‍കിയെന്ന വിവരങ്ങള്‍ പരാമര്‍ശിച്ചത്.

വിവരങ്ങള്‍ ചോര്‍ത്തിയതില്‍ മറ്റ് 3 പ്രതികള്‍ക്കും പങ്കുണ്ടെന്നും അവര്‍ക്ക് പ്രതിരോധ സ്ഥാപനങ്ങളുമായി ബന്ധമുണ്ടെന്നും കോടതി സ്ഥിരീകരിച്ചിരുന്നു.

ഇസ്രാഈലിനെ കുറിച്ചുള്ള ഇന്റലിജന്‍സ് വിവരങ്ങള്‍ ഐ.ഡി.എഫില്‍ നിന്ന് ചോര്‍ത്തുകയും ദേശീയ സുരക്ഷയ്ക്ക് വീഴ്ച ഉണ്ടാക്കിയെന്നുമാണ് കോടതി നീരീക്ഷിച്ചത്. ഷിന്‍ ബെല്‍റ്റിലും ഐ.ഡി.എഫിലും സംശയങ്ങള്‍ ഉയര്‍ന്നതിന് പിന്നാലെയാണ് അന്വേഷണം ആരംഭിച്ചതെന്നും വിവരങ്ങള്‍ ചോര്‍ത്തിയവരുടെ ഉറവിടങ്ങള്‍ വ്യക്തമായെന്നും കോടതി ചൂണ്ടിക്കാട്ടുകയായിരുന്നു.

അതേസമയം തന്റെ ഓഫീസില്‍ നിന്ന് ആരെയും അറസ്റ്റ് ചെയ്തിട്ടില്ലെന്നായിരുന്നു നെതന്യാഹുവിന്റെ പ്രതികരണം. വിവരങ്ങള്‍ തന്റെ ഓഫീസിലെ ആരും ചോര്‍ത്തിയിട്ടില്ലെന്നും ആരും അന്വേഷണത്തിന്റെ നിഴലിലല്ലെന്നുമായിരുന്നു നെതന്യാഹു പ്രതികരിച്ചത്.

എന്നാല്‍ നെതന്യാഹുവുമായി ഇയാള്‍ക്ക് ബന്ധമുണ്ടെന്നും നെതന്യാഹുവുമൊത്തുള്ള ഇയാളുടെ പല ചിത്രങ്ങളുമുള്ളതായും മാധ്യമങ്ങള്‍ റിപ്പോര്‍ട്ട് ചെയ്തു. ഇയാള്‍ പ്രധാനമന്ത്രിയുടെ ഓഫീസ് ജീവനക്കാരനായി പ്രവര്‍ത്തിച്ചിരുന്നതായും ഓഫീസ് ജനറലായും ജോലി ചെയ്തിരുന്നു. പിന്നാലെ അയോഗ്യനാക്കപ്പെട്ടിട്ടുണ്ടെന്നും മാധ്യമങ്ങള്‍ റിപ്പോര്‍ട്ട് ചെയ്തിരുന്നു.

2023 ജൂലൈ 3ന് സംസ്‌കൃതം വേദാന്തം വിഭാഗത്തില്‍ അസിസ്റ്റന്റ് പ്രൊഫസര്‍ തസ്തികയിലേക്ക് പി.എസ്.സി എഴുത്തുപരീക്ഷ നടന്നിരുന്നു. പരീക്ഷയുടെ അടിസ്ഥാനത്തില്‍ ഈ വര്‍ഷം ആഗസ്റ്റില്‍ ചുരുക്കപ്പട്ടികയും പി.എസ്.സി പ്രസിദ്ധീകരിച്ചു. 26 പേരാണ് വിവിധ കാറ്റഗറികളിലായി പട്ടികയിലുള്ളത്. എന്നാല്‍ പട്ടികയില്‍ സംശയം തോന്നിയ ഉദ്യോഗാര്‍ഥികള്‍ നടത്തിയ അന്വേഷണത്തില്‍ ചോദ്യപേപ്പര്‍ ചോര്‍ന്നോ എന്ന സംശയത്തിലേക്ക് എത്തിക്കുകയായിരുന്നു.

‘ചോദ്യപേപ്പര്‍ തയ്യാറാക്കിയ സംഘത്തില്‍ തിരുവനന്തപുരം ആയുര്‍വേദ കോളേജിലെ സംസ്‌കൃത അധ്യാപികയായ ഡോ. ഗായത്രിദേവി ജി ഉള്‍പ്പെട്ടിരുന്നു. എന്നാല്‍ ഇവരും മറ്റ് രണ്ട് അധ്യാപകരും തയ്യാറാക്കിയ ചോദ്യപ്പേപ്പറുകള്‍ ചോര്‍ന്നതായാണ് സംശയം. ഈ ചോദ്യപ്പേപ്പറുകള്‍ ഗായത്രിദേവിയുടെ സുഹൃത്തും ഉദ്യോഗാര്‍ഥിയുമായ ഡോ. ശാന്തിനി വി.എം എന്ന ഉദ്യോഗാര്‍ഥിക്ക് നല്‍കിയോ എന്നാണ് സംശയമുള്ളത്. പരീക്ഷയുടെ തലേദിവസങ്ങളില്‍ ശാന്തിനി ഗായത്രിദേവിയുടെ വീട്ടിലാണ് താമസിച്ചത്. അതിനാല്‍ ചോദ്യപ്പേപ്പര്‍ ചോര്‍ന്നതായി തങ്ങള്‍ സംശയിക്കുന്നെന്നാണഅ ഉദ്യോഗാര്‍ഥികള്‍ പരാതിയില്‍ പറയുന്ന ആരോപണം.

ചുരുക്കപ്പട്ടികയിലും ശാന്തിനിയുടെ പേര് ഉള്‍പ്പെട്ടതും ഉദ്യോഗാര്‍ഥികള്‍ക്ക് സംശയം കൂട്ടാനിടയായി. സമഗ്രമായ അന്വേഷണം ആവശ്യപ്പെട്ട് ഉദ്യോഗാര്‍ഥികള്‍ വിജിലന്‍സ് മേധാവി, പി.എസ്.സി വിജിലന്‍സ്, പി.എസ്.സി ചെയര്‍മാന്‍, പി.എസ്.സി സെക്രട്ടറി എന്നിവര്‍ക്ക് പരാതി നല്‍കി.

എഡ്യൂടെക് കമ്പനികള്‍, ഇ-കൊമേഴ്‌സ് വെബ്‌സൈറ്റുകള്‍, സര്‍ക്കാര്‍ സംവിധാനങ്ങള്‍, സാമൂഹിക മാധ്യമങ്ങളില്‍ നിന്നുള്ള വിവരങ്ങള്‍ എന്നിവയാണ് ഇയാള്‍ പ്രധാനമായും ചോര്‍ത്തിയത്.

ഇന്‍സ്പയര്‍ വെബ്‌സ് എന്ന വെബ്‌സൈറ്റ് വഴിയാണ് ഇയാള്‍ ഡേറ്റ ചോര്‍ത്തിയത്. ചോര്‍ത്തിയ ഡേറ്റ വന്‍ തുകയ്ക്ക് മറിച്ചു വിറ്റു. സര്‍ക്കാര്‍ ഉദ്യോഗസ്ഥര്‍, പാന്‍ കാര്‍ഡ് ഉടമസ്ഥര്‍, ഒമ്പതാം ക്ലാസുമുതല്‍ പ്ലസ്ടു പരെയുള്ള വിദ്യാര്‍ഥികള്‍ എന്നിവരെയായിരുന്നു പ്രധാനമായും ഇയാള്‍ ലക്ഷ്യം വെച്ചിരുന്നത്. ഇയാളുടെ കൈയ്യില്‍ നിന്ന് രണ്ട് മൊബൈല്‍ ഫോണുകളും രണ്ട് ലാപ്‌ടോപുകളും പൊലീസ് പിടിച്ചെടുത്തു. കഴിഞ്ഞ മാര്‍ച്ചില്‍ സമാനമായ കേസില്‍ തെലങ്കാനയില്‍ ഏഴു പേര്‍ അറസ്റ്റിലായിരുന്നു.