lemon – Chandrika Daily

നാരങ്ങ ചുള തൊണ്ടയിൽ കുടുങ്ങി രണ്ടര വയസ്സുകാരിക്ക് ദാരുണാന്ത്യം

webdesk13 — Wed, 01 Jan 2025 09:00:37 +0000

പരപ്പനങ്ങാടി: കൊടക്കാട് കൂട്ടുമൂച്ചി യിൽ രണ്ടര വയ സ്സുകാരി മധുരനാരങ്ങയുടെ ചുള (അല്ലി) തൊണ്ടയിൽ കുടുങ്ങി മരണപെട്ടു. കോലാക്കൽ സാദിഖിൻ്റെ മകൾ ആലി ശിഫ (രണ്ടര)യാണ് മരിച്ചത്. മധുര നാരങ്ങ പൊളിച്ച് ഇല്ലി പാത്രത്തിൽ നിന്ന് കുട്ടി തനിയെ കഴിക്കുന്നതിനിടയിലാണ് സംഭവം. ചേളാരിയിലെ സ്വകാര്യ ആശുപത്രിയിലും തുടർന്ന് കോഴിക്കോട് മെഡിക്കൽ കോളേജിലും എത്തിച്ചെങ്കിലും ജീവൻ രക്ഷിക്കാ നായില്ല. മാതാവ്: ഫൗസിയ.

കുതിച്ച് നാരങ്ങ വില

webdesk13 — Tue, 28 Mar 2023 08:15:19 +0000

ശീതളപാനീയ വിപണിയിലെ ഉണര്‍വിനൊപ്പം കുതിച്ച് നാരങ്ങ വില. ഏതാനും ദിവസം കൊണ്ട് 40 രൂപയോളമാണ് വില കൂടിയത്. ഇന്നലെ ചില്ലറ വിപണിയില്‍ കിലോക്ക് 120 രൂപയാണ് ചെറിയ നാരങ്ങയുടെ വില. കഴിഞ്ഞ സീസണില്‍ മാര്‍ച്ച് രണ്ടാം വാരത്തില്‍ 180 മുതല്‍ 200 രൂപ വരെ എത്തിയിരുന്നു.

വരും ദിവസങ്ങളില്‍ വില ഇനിയും കൂടുമെന്ന് കച്ചവടക്കാര്‍ പറയുന്നു. വേനലും റമസാനും ഒന്നിച്ച് വന്നതോടെ നാരങ്ങക്ക് വിപണിയില്‍ വന്‍ ഡിമാന്‍ഡാണ്.

ചൈനയില്‍ കൊവിഡ് തിരികെ എത്തിയതോടെ നേട്ടം നാരങ്ങ കര്‍ഷകര്‍ക്ക്; ഒരാഴ്ച്ചയ്ക്കുള്ളില്‍ നാരങ്ങയുടെ വില ഇരട്ടിയായി

Test User — Wed, 21 Dec 2022 10:24:08 +0000

ബെയ്ജിംഗ്: ചൈനയില്‍ കൊവിഡ് തിരികെ എത്തിയതോടെ നേട്ടം നാരങ്ങ കര്‍ഷകര്‍ക്ക്. ഒരാഴ്ച്ചയ്ക്കുള്ളില്‍ നാരങ്ങയുടെ വില ഇരട്ടിയായി.ഓറഞ്ചും പേരയും ഉള്‍പ്പെടെയുള്ള പഴങ്ങളുടെ വില്‍പ്പനയും വര്‍ധിച്ചു. വര്‍ദ്ധിച്ചുവരുന്ന കൊവിഡ് അണുബാധയെ ചെറുക്കാന്‍ ചൈനയിലെ ജനങ്ങള്‍ പ്രകൃതിദത്ത പരിഹാരങ്ങളിലേക്ക് തിരിയുന്നതിനാല്‍ നാരങ്ങ കര്‍ഷകരുടെ ബിസിനസ്സ് പെട്ടെന്ന് വര്‍ദ്ധിക്കാന്‍ തുടങ്ങി.

ചെറുനാരങ്ങ വിപണിയില്‍ വിലവര്‍ധന രൂക്ഷമാണെന്ന് വെയ്ന്‍ എന്ന കര്‍ഷകന്‍ പറഞ്ഞു. ചൈനയുടെ തെക്കുപടിഞ്ഞാറന്‍ പ്രവിശ്യയായ സിച്ചുവാനിലെ അനിയുവിലെ ഏകദേശം 130 ഏക്കര്‍ (53 ഹെക്ടര്‍) സ്ഥലത്ത് വെന്‍ നാരങ്ങകള്‍ വളര്‍ത്തുന്നു. ചൈനയില്‍ 70 ശതമാനം പഴങ്ങളും ഉത്പാദിപ്പിക്കുന്നത് ഈ പ്രവിശ്യയാണ്.

കഴിഞ്ഞ ആഴ്ചയില്‍ തന്റെ വില്‍പ്പന പ്രതിദിനം 5 അല്ലെങ്കില്‍ 6 ടണ്ണില്‍ നിന്ന് 20 മുതല്‍ 30 ടണ്ണായി വര്‍ദ്ധിച്ചതായി വെന്‍ പറഞ്ഞു. ബെയ്ജിംഗ്, ഷാങ്ഹായ് തുടങ്ങിയ നഗരങ്ങളില്‍ നിന്നാണ് വെയ്നിന്റെ നാരങ്ങയുടെ ആവശ്യം വര്‍ധിക്കുന്നത് .