liberty basheer – Chandrika Daily

‘ദിലീപിന്റെ സമയം തെളിഞ്ഞു’; ലിബര്‍ട്ടി ബഷീറിന്റെ പ്രതികരണം

chandrika — Tue, 03 Oct 2017 10:41:18 +0000

ആലുവ: നടന്‍ ദിലീപിന് ജാമ്യം ലഭിച്ച സംഭവത്തില്‍ പ്രതികരണവുമായി നിര്‍മ്മാതാവ് ലിബര്‍ട്ടി ബഷീര്‍. ദിലീപിന്റെ സമയം തെളിഞ്ഞുവെന്ന് അദ്ദേഹം പറഞ്ഞു.

ദിലീപിന്റെ ജാമ്യാപേക്ഷ ഹൈക്കോടതിക്ക് മുന്നിലെത്തിയപ്പോള്‍ തന്നെ ഹൈക്കോടതി ചോദിച്ചത് വീണ്ടും എന്തിന് ഇങ്ങോട്ട് വന്നുവെന്നാണ്. അതില്‍ നിന്നുതന്നെ ദിലീപിന് ജാമ്യം ലഭിക്കുമെന്ന് ഉറപ്പായിരുന്നുവെന്ന് ലിബര്‍ട്ടി ബഷീര്‍ പറഞ്ഞു. കേസില്‍ പിന്നീട് യാതൊരു തരത്തിലുള്ള പുരോഗതിയും ഉണ്ടായിട്ടില്ല. കാവ്യയേയും നാദിര്‍ഷയേയും ചോദ്യം ചെയ്യുമെന്നതല്ലാതെ ഇതുവരേയും ചോദ്യം ചെയ്തിട്ടുമില്ല. 90 ദിവസം തീരാന്‍ അഞ്ചുദിവസം മാത്രമുള്ളപ്പോള്‍ ജാമ്യം കിട്ടുന്നത് ചരിത്രത്തില്‍ ആദ്യത്തെ സംഭവമാകും. പോലീസ് നല്‍കിയ കേസ് ഡയറിയില്‍ പുതുതായൊന്നും ഉണ്ടായിക്കാണില്ല. ഇത് പോലീസിന് കിട്ടിയ തിരിച്ചടിയാണെന്നും ലിബര്‍ട്ടി ബഷീര്‍ പറഞ്ഞു.

ദിലീപ് സമയത്തില്‍ വിശ്വസിക്കുന്നയാളാണ്. പടം ഹിറ്റായതിനൊപ്പം തന്നെ ജാമ്യവും ലഭിച്ചു. ഇപ്പോള്‍ ദിലീപിന്റെ സമയം തെളിഞ്ഞിരിക്കുകയാണെന്നും അദ്ദേഹം കൂട്ടിച്ചേര്‍ത്തു.

‘മമ്മുട്ടി ഇടപെടുകയാണെങ്കില്‍ ദിലീപിന്റെ അറസ്റ്റ് നടക്കില്ലായിരുന്നു, കാവ്യയെ അറസ്റ്റ് ചെയ്യണം’; ലിബര്‍ട്ടി ബഷീര്‍

chandrika — Wed, 30 Aug 2017 07:48:06 +0000

ദിലീപിനും കാവ്യക്കുമെതിരെ വീണ്ടും ആഞ്ഞടിച്ച് ലിബര്‍ട്ടി ബഷീര്‍. മാഡം കാവ്യമാധവനാണെന്ന് താന്‍ നേരത്തെ പറഞ്ഞതാണെന്ന് അദ്ദേഹം പറഞ്ഞു. മാധ്യമങ്ങള്‍ക്കുമാത്രമാണ് ഇത് പുതിയ കാര്യമെന്നും ലിബര്‍ട്ടി ബഷീര്‍ മാതൃഭൂമി ചാനലിനോട് പറഞ്ഞു. കാവ്യയെ അറസ്റ്റ് ചെയ്യാന്‍ എന്തുകൊണ്ടാണ് പോലീസ് തയ്യാറാകാത്തത്? കാവ്യയെ അറസ്റ്റ് ചെയ്യേണ്ടതാണ്. എന്തുകൊണ്ടാണ് ഇളവ് നല്‍കുന്നതെന്ന് മനസ്സിലാകുന്നില്ല. ദിലീപിനെ കുടുക്കിയതിന് പിന്നില്‍ താനാണെന്ന് പറഞ്ഞതിലുള്ള പ്രതികാരം അല്ല ഇതൊന്നും. കേസുമായി ബന്ധപ്പെട്ട് മൂന്നാംദിവസം ദിലീപാണ് ഇതിന് പിന്നിലെന്നും മമ്മുട്ടി ഇടപെട്ടില്ലെങ്കില്‍ അറസ്റ്റു നടക്കുമെന്നും മമ്മുട്ടി ഇടപെട്ടാല്‍ അറസ്റ്റ് നടക്കില്ലെന്നും പറഞ്ഞിരുന്നു. തുടക്കത്തില്‍ അറസ്റ്റ് നടക്കാത്തത് മുഖ്യമന്ത്രിയെ തെറ്റിദ്ധരിപ്പിച്ചത് കൊണ്ടാണ്. കാവ്യയാണ് മാഡമെന്ന് നേരത്തെ അറിയാമായിരുന്നു. കാവ്യക്ക് കേസുമായി ബന്ധമുണ്ടെന്ന് അറിയാമായിരുന്നു. ഹൈക്കോടതിയില്‍ പ്രോസിക്യൂഷന്‍ സമര്‍പ്പിച്ച തെളിവുകളും പരാമര്‍ശങ്ങളും കാവ്യയുമായി ബന്ധപ്പെടുന്നവയാണ്. അപ്പോള്‍ പിന്നെ കാവ്യയാണെന്ന് നൂറുശതമാനം ഉറപ്പാണെന്നും ലിബര്‍ട്ടി ബഷീര്‍ കൂട്ടിച്ചേര്‍ത്തു. ദിലീപിനും കാവ്യക്കും ഒരേ വെറുപ്പാണ് ആ പെണ്‍കുട്ടിയോടും മഞ്ജുവിനോടുമുള്ളതെന്നും അദ്ദേഹം പറഞ്ഞു. ഇന്നാണ് കേസിലെ മാഡം കാവ്യമാധവനാണെന്ന് പള്‍സര്‍സുനി പറഞ്ഞത്. എറണാംകുളം സി.ജെ.എം കോടതിയില്‍ ഹാജരാക്കുമ്പോഴായിരുന്നു വെളിപ്പെടുത്തല്‍.

ഇത് പാളിയതുകൊണ്ടാണ് സംയുക്തവര്‍മ്മയും ഗീതുമോഹന്‍ദാസും രക്ഷപ്പെട്ടത്; ദിലീപിനെതിരെ വീണ്ടും ലിബര്‍ട്ടി ബഷീര്‍

chandrika — Mon, 24 Jul 2017 13:12:44 +0000

കൊച്ചി: ദിലീപിനെതിരെ വീണ്ടും ആഞ്ഞടിച്ച് ലിബര്‍ട്ടി ബഷീര്‍. നടിക്കെതിരായ ദിലീപിന്റെ ആക്രമണം പാളിപ്പോയതുകൊണ്ടാണ് സംയുക്തവര്‍മ്മ, ഗീതുമോഹന്‍ദാസ്, ശ്രീകുമാര്‍ എന്നിവര്‍ രക്ഷപ്പെട്ടതെന്ന് ലിബര്‍ട്ടി ബഷീര്‍ പറഞ്ഞു.

ഇതിലും വലിയ ക്വട്ടേഷനാണ് അയാള്‍ ആസൂത്രണം ചെയ്തിരുന്നത്. എന്നാല്‍ നടിക്കെതിരായ ആക്രമണം പാളിയതുകൊണ്ട് പല ക്വട്ടേഷനുകളും നടന്നില്ല. സംയുക്തവര്‍മ്മയും, ശ്രീകുമാറും, ഗീതുമോഹന്‍ദാസുമൊക്കെ ഭാഗ്യംകൊണ്ടാണ് രക്ഷപ്പെട്ടതെന്നും ബഷീര്‍ പറഞ്ഞു. ഇന്നത്തെ കോടതിവിധിയോടെ ദിലീപ്കുറ്റക്കാരനാണെന്ന് കേരളത്തിലെ മുഴുവന്‍ ആളുകള്‍ക്കും മനസ്സിലായി. താനും കൊടിയേരിയും ഗൂഢാലോചന നടത്തിയാണ് ദിലീപിനെ അറസ്റ്റു ചെയ്തതെന്നാണ് പി.സി ജോര്‍ജ്ജ് പറഞ്ഞത്. എന്നാല്‍ ഹൈക്കോടതിവിധിയോടെ ഇതെല്ലാം കള്ളമാണെന്ന് തെളിഞ്ഞു. നിഷാമിന്റെ കേസില്‍ സംഭവിച്ചതുപോലെയാകും ഇതിലും സംഭവിക്കുക. ദിലീപ് കാലാകാലങ്ങളായി ജയിലില്‍ തന്നെ കിടക്കും. കേസ് ഡയറിയില്‍ നടനെതിരായ കുറ്റങ്ങള്‍ കൃത്യമായി എഴുതിയിട്ടുള്ളതിനാലായിരിക്കും കോടതി ജാമ്യം നിഷേധിച്ചത്. ദിലീപിന്റെ എല്ലാ കാര്യങ്ങളും അപ്പുണ്ണിക്ക് അറിയാം. അയാളെ കിട്ടിയാല്‍ ദിലീപ് ചെയ്തതും ചെയ്യാനിരുന്നതുമായ കൂടുതല്‍ കുറ്റകൃത്യങ്ങള്‍ വെളിപ്പെടുമെന്നും ബഷീര്‍ കൂട്ടിച്ചേര്‍ത്തു.

ദിലീപിന്റെ ജാമ്യാപേക്ഷ ഇന്ന് ഹൈക്കോടതി തള്ളിയിരുന്നു. കേസില്‍ ദിലീപിനെതിരായി ഗുരുതരമായ നിരീക്ഷണങ്ങളാണ് കോടതി നടത്തിയത്.

സിനിമാ സമരം: ഫെഡറേഷനെതിരെ കടുത്ത നിലപാടുമായി പിണറായി

chandrika — Fri, 13 Jan 2017 14:47:28 +0000

തിരുവനന്തപുരം: സിനിമ പ്രതിസന്ധിയുമായി ബന്ധപ്പെട്ട വിഷയത്തില്‍ എക്‌സിബിറ്റേഴ്‌സ് ഫെഡറേഷനെതിരെ കടുത്ത നിലപാടുമായി മുഖ്യമന്ത്രി പിണറായി വിജയന്‍ രംഗത്ത്. സിനമാ രംഗത്തെ സ്തംഭനാവസ്ഥ മാറാന്‍ ആദ്യമാ സ്തംഭനാവസ്ഥയുണ്ടാക്കിയ ഏകപക്ഷീയമായ സമരം പിന്‍വലിക്കുകയാണ് വേണ്ടതെന്നാണ് മുഖ്യമന്ത്രി ഫെയ്‌സ്ബുക്കിലൂടെ വ്യക്തമാക്കി. ഏകപക്ഷീയമായി സമരത്തിന് പോകുന്നത് ശരിയല്ലെന്ന് സര്‍ക്കാര്‍ ആദ്യമെ നിലപാടെടുത്തതാണ്. സാംസ്‌കാരിക വകുപ്പ് മന്ത്രി യോഗം വിളിക്കുമെന്നും സമരത്തിന് പോകരുതെന്നും സര്‍ക്കാര്‍ വ്യക്തമാക്കിയിരുന്നെന്നും പിണറായി പോസ്റ്റില്‍ പറയുന്നു.

എന്നാല്‍, ഫിലിം എക്‌സിബിറ്റേഴ്‌സ് ഫെഡറേഷന്‍ വരുമാനം പങ്കുവെക്കുന്ന കാര്യത്തില്‍ ഏകപക്ഷീയമായി ഒരു അനുപാതം പ്രഖ്യാപിക്കുകയും അതില്‍നിന്നു പുറകോട്ടുപോകുന്ന പ്രശ്‌നമില്ലെന്നും അറിയിക്കുകയുമായിരുന്നെന്നും പിണറായി പറഞ്ഞു. അതേസമയം മറ്റു സംഘടനകളെല്ലാം സര്‍ക്കാര്‍ നിലപാടിനോടു യോജിക്കുകയാണുണ്ടായതെന്നും മുഖ്യമന്ത്രി അറിയിച്ചു.

പോസ്റ്റിന്റെ പൂര്‍ണരൂപം