മത്സരം ആരംഭിച്ച് 46-ാം സെക്കൻഡിൽ തന്നെ എക്കിറ്റിക്കെയിലൂടെ ലിവർപൂൾ അക്കൗണ്ട് തുറന്നു. ഈ സീസണിലെ ഏറ്റവും വേഗമേറിയ ഗോളുകളിലൊന്നായിരുന്നു ഇത്. കളിയുടെ 26-ാം മിനിറ്റിൽ ജോ ഗോമസിന് പരിക്കേറ്റതിനെ തുടർന്ന് പകരക്കാരനായി മുഹമ്മദ് സലാഹ് കളത്തിലിറങ്ങിയതോടെ ഗാലറി ഇളകിമറിഞ്ഞു. ക്ലബ്ബ് മാനേജ്‌മെന്റുമായുള്ള തർക്കങ്ങളെത്തുടർന്നുള്ള വിവാദങ്ങൾക്കിടയിലും സലാഹിൻ്റെ തിരിച്ചുവരവ് ടീമിന് വലിയ ആവേശമാണ് നൽകിയത്. രണ്ടാം പകുതിയിൽ എക്കിറ്റിക്കെയുടെ രണ്ടാം ഗോളിന് വഴിയൊരുക്കി സലാഹ് തിളങ്ങി. സലാഹ് എടുത്ത കോർണർ കിക്കിൽ നിന്ന് കൃത്യമായൊരു ഹെഡറിലൂടെയാണ് താരം ബ്രൈറ്റന്റെ വല കുലുക്കിയത്.

ബ്രൈറ്റൻ പ്രത്യാക്രമണങ്ങൾ നടത്തിയെങ്കിലും ലിവർപൂൾ ഗോൾകീപ്പർ അലിസൺ ബെക്കറുടെ മികച്ച സേവുകൾ അവരുടെ ഗോൾ മോഹങ്ങൾക്ക് തടയിട്ടു.മത്സരശേഷം വികാര നിർഭരമായാണ് സലാഹ് ആൻഫീൽഡിലെ കാണികളെ അഭിവാദ്യം ചെയ്തത്. താരം ജനുവരി വിൻഡോയിൽ ക്ലബ്ബ് വിടാനുള്ള സാധ്യത ശക്തമാണ്.