എട്ടാം വാര്‍ഡിലെ സിപിഎം അംഗം സ്മിത ബിജുവാണ് ബിജെപിക്ക് വോട്ടു ചെയ്തത്. എന്നാല്‍ കൈയബദ്ധം സംഭവിച്ചതാണെന്ന് സ്മിത പറയുന്നു. വൈസ് പ്രസിഡന്റ് തെരഞ്ഞെടുപ്പില്‍ ഇവരുടെ വോട്ട് എല്‍ഡിഎഫിനായിരുന്നു.

ഓരോ തദ്ദേശ സ്ഥാപനത്തിലേക്കും അധ്യക്ഷ സ്ഥാനത്തേക്കു മത്സരിക്കാന്‍ ഒന്നിലധികം സ്ഥാനാര്‍ത്ഥികളുണ്ടെങ്കില്‍ വോട്ടെടുപ്പ് നടത്തും. മത്സരിക്കുന്ന എല്ലാ സ്ഥാനാര്‍ത്ഥികളുടേുയും പേരുകളും അതിന്റെ മറുപുറത്ത് വരണാധികാരിയുടെ പൂര്‍ണമായ ഒപ്പും മുദ്രയും പതിപ്പിച്ചാണു ബാലറ്റ് പേപ്പര്‍ തയാറാക്കുക. ഈ ബാലറ്റ് പേപ്പറില്‍ വോട്ട് ചെയ്യാന്‍ ഉദ്ദേശിക്കുന്ന സ്ഥാനാര്‍ഥിയുടെ പേരിനു നേരേ x എന്ന അടയാളം രേഖപ്പെടുത്തി ബാലറ്റ് പേപ്പറിന്റെ പുറകുവശത്ത് വോട്ട് ചെയ്യുന്ന അംഗത്തിന്റെ പേരും ഒപ്പും രേഖപ്പെടുത്തണം.

വോട്ടെടുപ്പ് പൂര്‍ത്തിയായശേഷം വരണാധികാരി അംഗങ്ങളുടെ സാന്നിധ്യത്തില്‍ വോട്ടെണ്ണി ഫലം പ്രഖ്യാപിക്കും. പ്രസിഡന്റായി തെരഞ്ഞെടുക്കപ്പെടുന്നവര്‍ വരണാധികാരി മുന്‍പാകെയും വൈസ് പ്രസിഡന്റായി തെരഞ്ഞെടുക്കപ്പെടുന്നവര്‍ പ്രസിഡന്റ് മുന്‍പാകെയും സത്യപ്രതിജ്ഞയോ ദൃഢപ്രതിജ്ഞയോ ചെയ്ത് ഒപ്പുവയ്ക്കണം. കര്‍ശന കൊവിഡ് പ്രോട്ടോക്കോള്‍ പാലിച്ചാണ് തെരഞ്ഞെടുപ്പ് നടത്തുക. മാസ്‌ക്ക്, സാനിറ്റൈസര്‍, സാമൂഹിക അകലം എന്നിവ നിര്‍ബന്ധമാണ്

പന്തളം നഗരസഭയില്‍ സിപിഐ മത്സരിച്ചത് ഏഴ് വാര്‍ഡുകളിലാണ്. ജയിച്ചത് ഒരു സീറ്റില്‍ മാത്രം. നഗരസഭക്കു പുറമെ ഗ്രാമ പഞ്ചായത്തുകളിലും സിപിഐക്ക് കഴിഞ്ഞ തെരഞ്ഞെടുപ്പിലുണ്ടായ നേട്ടം ആവര്‍ത്തിക്കാനായില്ല. മണ്ഡലം കമ്മിറ്റികള്‍ നല്‍കുന്ന റിപ്പോര്‍ട്ട് ജില്ലാ ഘടകം സംസ്ഥാന കമ്മിറ്റിക്ക് കൈമാറും. സംസ്ഥാന കമ്മിറ്റിയുടെ നിര്‍ദേശപ്രകാരമാണ് പരാജയം വിലയിരുത്തുന്നത്.

അതേസമയം, സിപിഐയുടെ നിലപാട് പുതിയ വിവാദത്തിലേക്കാണ് വഴിവെച്ചിരിക്കുന്നത്. സിപിഎമ്മുമായി നേരത്തെയുണ്ടായിരുന്ന തര്‍ക്കങ്ങള്‍ ഇതോടെ പുതിയ വിവാദത്തിലേക്ക് നീങ്ങും. വോട്ട് മറിച്ചെന്ന വാദം കണക്കുകളില്‍ വ്യക്തവുമാണ്.

എം.എസ്.എഫി ന്റെ മലപ്പുറം ജില്ലാ ക്യാമ്പസ് വിംഗ് കണ്‍വീനര്‍ കൂടിയാണ് ഫര്‍ഹാന്‍

കന്നിയങ്കത്തില്‍ തന്നെ മികച്ച ഭൂരിപക്ഷത്തോടെയാണ് പൊന്നാനി നഗരസഭയിലേക്ക് വിജയിച്ചെത്തിയത്. ഇനിയുള്ള അഞ്ച് വര്‍ഷം തന്നെ ഏല്‍പ്പിച്ച ദൗത്യം കൃത്യമായി ചെയ്യാന്‍ കഴിയുമെന്ന പ്രതീക്ഷയിലാണ് ഈ യുവ നേതാവ്. ഏറ്റവും പ്രായം കുറഞ്ഞ പ്രതിപക്ഷ നേതാവ് ആകാന്‍ തനിക്ക് കഴിഞ്ഞതില്‍ വളരെ സന്തോഷമുണ്ടെന്ന് ഫര്‍ഹാന്‍ പറഞ്ഞു. 54 സീറ്റുകളുള്ള പൊന്നാനി നഗരസഭയില്‍ 38 സീറ്റ് എല്‍ഡിഎഫിനും 10 സീറ്റുകള്‍ യുഡിഎഫിനും മൂന്നു സീറ്റുകള്‍ എന്‍ഡിഎക്കുമാണ് ലഭിച്ചത്

കൊണ്ടോട്ടി നഗരസഭയില്‍ തച്ചത്ത്പറമ്പ് വാര്‍ഡില്‍ നിന്ന് സ്വതന്ത്രനായി മത്സരിച്ചിരുന്നു അബ്ദുല്‍ ലത്തീഫ്.

സംഭവത്തില്‍ പൊലീസ് കേസെടുത്തു. ഫാത്തിമ സുഹ്‌റ ഭാര്യയും, ഷാഫി, സാലിഹ്, ബാസിത്ത് എന്നിവര്‍ മക്കളുമാണ്.

മഹാക്ഷേത്രങ്ങളുള്ള സ്ഥലങ്ങളില്‍ ബി.ജെ.പി വിജയിച്ചെന്നും സുരേന്ദ്രന്‍ പറഞ്ഞു. ‘ശബരിമല ക്ഷേത്രം സ്ഥിതി ചെയ്യുന്ന വാര്‍ഡില്‍ ബി.ജെ.പി വിജയിച്ചു. പന്തളം, പത്മനാഭ ക്ഷേത്രം, വടക്കുന്നാഥ ക്ഷേത്രം, ഗുരുവായൂര്‍, തിരുവല്ലം, മലയാലപ്പുഴ, തിരുനക്കര, കൊടുങ്ങല്ലൂര്‍, നെന്മാറ, ചെമ്പഴന്തി, പെരുന്ന, ശിവഗിരി, വെങ്ങാനൂര്‍ തുടങ്ങിയ സ്ഥലങ്ങളില്‍ ബി.ജെ.പി ജയിച്ചു’, സുരേന്ദ്രന്‍ പറഞ്ഞു.

അതേസമയം പാലക്കാട് നഗരസഭയില്‍ ജയ് ശ്രീരാം ഫഌ്‌സ് വെച്ച സംഭവത്തെ സുരേന്ദ്രന്‍ ന്യായീകരിച്ചു. ശ്രീരാമന്റെ ചിത്രം എങ്ങനെ അപമാനമാകുന്നതെന്നും സുരേന്ദ്രന്‍ ചോദിച്ചു.

പെരുമ്പള്ളി മേഖല ഡിവൈഎഫ്‌ഐ നേതാവായ എല്‍ഡിഎഫ് സ്ഥാനാര്‍ത്ഥി ഷെനിജാണ് കടിച്ചത്. പെരുമ്പള്ളി ഓട്ടോ ബഷീറിന്റെ മകന്‍ ബിലാലിനാണ് കടിയേറ്റത്. എംഎസ്എഫ് പെരുമ്പള്ളി യൂണിറ്റ് ട്രഷറാണ് ബിലാല്‍

പുതുപ്പാടിയിലെ എല്‍ഡിഎഫിലെ മുതിര്‍ന്ന നേതാക്കള്‍ തോറ്റതിന് പാര്‍ട്ടി പ്രവര്‍ത്തകരെ ഉപയോഗിച്ച് പരകെ അക്രമം അഴിച്ചു വിടുകയാണ്. ഇന്നലെ സര്‍വ്വകക്ഷി യോഗം ചേര്‍ന്നെങ്കിലും സംഘര്‍ഷങ്ങള്‍ക്ക് അറുതിയായിട്ടില്ല. സംഘര്‍ഷങ്ങളില്‍ പ്രതിഷേധിച്ച് പെരുമ്പളളിയില്‍ യുഡിഎഫ് പ്രതിഷേധപ്രകടം നടത്തി.

യുഡിഎഫ് സ്ഥാനാര്‍ത്ഥി കെകെ ആയിഷാബി ഇവിടെ 336 വോട്ടിന് ജയിച്ചു. 692 വോട്ടുകളാണ് ആയിഷാബി വാര്‍ഡില്‍ ആകെ നേടിയത്. ലീഗ് വിമത മൈമൂനയാണ് വാര്‍ഡില്‍ രണ്ടാം സ്ഥാനത്തെത്തിയത്. മൈമൂന 354 വോട്ടുകള്‍ നേടി.

അതേ സമയം കൊടുവള്ളി നഗരസഭാ ചുണ്ടപ്പുറം വാര്‍ഡില്‍ എല്‍ഡിഎഫിന് പൂജ്യം വോട്ടാണ് ലഭിച്ചത്. ഇവിടെ സ്വര്‍ണക്കടത്തു കേസ് പ്രതി കാരാട്ട് ഫൈസല്‍ വിജയിച്ചു. 568 വോട്ടുകളാണ് കാരാട്ട് ഫൈസല്‍ നേടിയത്.

സ്വര്‍ണകടത്ത് കേസില്‍ പ്രതിയായതിനെത്തുടര്‍ന്ന് എല്‍ഡിഎഫ് ഫൈസലിന് സീറ്റ് നിഷേധിച്ചിരുന്നു.

ഒരുകാലത്ത് യുഡിഎഫിന് ബാലികേറാമലയായിരുന്നു തലോറ വാര്‍ഡ് ഉള്‍പ്പെടുന്ന പരിയാരം ഗ്രാമപഞ്ചായത്ത്. ഒരു വാര്‍ഡില്‍ മാത്രമായിരുന്നു ജയിച്ചിരുന്നത്. എന്നാല്‍, 2015ലെ തദ്ദേശ തെരഞ്ഞെടുപ്പില്‍ കാര്യങ്ങള്‍ മാറിമറിഞ്ഞു. 18ല്‍ ഏഴ് സീറ്റുകള്‍ യുഡിഎഫ് നേടി. ഇടതുപക്ഷത്തിന്റെ ഏകാധിപത്യ നിലപാടും വികസന വിരുദ്ധതയുമാണ് അവര്‍ക്ക് തിരിച്ചടിയായത്. അന്ന് ചിതപ്പിലെപൊയില്‍ വാര്‍ഡില്‍ അട്ടിമറി വിജയമാണ് സാജിദ ടീച്ചല്‍ നേടിയത്. പ്രതിപക്ഷ വാര്‍ഡുകളെ അവഗണിക്കുന്ന നിലപാട് പഞ്ചായത്ത് ഭരണസമിതി സ്വീകരിച്ചിട്ടും അവരോട് നിരന്തരം കലഹിച്ച് ചിതപ്പിലെപൊയില്‍ വാര്‍ഡില്‍ നിരവധിയായ വികസന പ്രവര്‍ത്തനങ്ങളാണ് സാജിദ ടീച്ചര്‍ കൊണ്ടുവന്നത്. കഴിഞ്ഞ അഞ്ചുവര്‍ഷത്തെ പ്രവര്‍ത്തന മികവുമായാണ് ഇത്തവണ ഇടതുകോട്ടയായ തലോറയില്‍ സാജിദ മത്സരത്തിനിറങ്ങിയത്.

കഴിഞ്ഞ തവണത്തെ പഞ്ചായത്ത് പ്രസിഡന്റായിരുന്ന എ. രാജേഷ് ജയിച്ച വാര്‍ഡാണിത്. ആ വാര്‍ഡാണ് സാജിദ അട്ടിമറിയിലൂടെ നേടിയത് ന്നെത് വിജയത്തിന്റെ മാധുര്യം ഇരട്ടിപ്പിക്കുകയാണ്. ഈ വാര്‍ഡില്‍ സിപിഎം കള്ളവോട്ട് തടയാന്‍ ശ്രമിച്ചതിന്റെ പേരില്‍ സാജിദക്കും തെരഞ്ഞെടുപ്പ് മുഖ്യ ഏജന്റ് അഷ്‌റഫ് പുളുക്കൂലിനും അക്രമത്തിനിരയാകേണ്ടിയും വന്നിരുന്നു. അത്തരം അക്രമ രാഷ്ട്രീയത്തിനെതിരായ വിധിയെഴുത്തു കൂടിയാണ് ഈ വിജയം.

കണ്ണൂര്‍ ദീനുല്‍ ഇസ്‌ലാം സഭ സ്‌കൂള്‍ പ്രധാനാധ്യാപിക കൂടിയാണ് 44കാരിയായ പി സാജിദ. കെഎസ്ആര്‍ടിസി ജീവനക്കാരനായ അബ്ദുല്‍ നാസറാണ് ഭര്‍ത്താവ്. നജ്‌ല, നദ, നിഹാല്‍ എന്നിവര്‍ മക്കളാണ്.

നഗരസഭ ചെയര്‍മാന്‍ സ്ഥാനം നല്‍കുന്നവരെ പിന്തുണക്കുമെന്ന് ശ്രീകുമാര്‍ അറിയിച്ചു. ആകെ 28 വാര്‍ഡുകളാണ് മാവേലിക്കര നഗരസഭയിലുള്ളത്. ഇതില്‍ ഒമ്പതെണ്ണം വീതം എല്‍ഡിഎഫും യുഡിഎഫും എന്‍ഡിഎയും പങ്കിട്ടു. 27 സീറ്റുകള്‍ മൂന്ന് പാര്‍ട്ടികളും തുല്യമായി പങ്കിട്ടതോടെയാണ് സ്വതന്ത്രന്റെ നിലപാട് നിര്‍ണായകമായത.്

ചെയര്‍മാന്‍ സ്ഥാനം ആരു നല്‍കുന്നുവോ അവരെ പിന്തുണക്കും എന്ന ഉറച്ച നിലപാടിലാണ് ശ്രീകുമാര്‍. മൂന്ന് മുന്നണികളും ഇദ്ദേഹവുമായി ചര്‍ച്ച നടത്തുന്നുണ്ട്. സിപിഎം ബ്രാഞ്ച് സെക്രട്ടറി ആയിരുന്നു ഇദ്ദേഹം. പാര്‍ട്ടി പുറത്താക്കിയെങ്കിലും ഇപ്പോഴും അനുഭാവം ഇടതിനോടാണ്. എല്‍ ഡി എഫിനെ പിന്തുണയ്ക്കാനാണ് ആലോചന. അന്തിമ തീരുമാനം എടുത്തിട്ടില്ലെന്നും അദ്ദേഹം പറഞ്ഞു.