അന്തര്‍ ജില്ലായത്രക്കും ബസ്സ് സര്‍വീസുകള്‍ക്കും കൂടുതല്‍ ഇളവുകള്‍ നല്‍കും. ഹോട്ടലുകളില്‍ ഇരുന്ന ഭക്ഷണം കഴിക്കാന്‍ അനുമതി നല്‍കിയേക്കും ആരാധനാലയങ്ങള്‍ തുറക്കുന്ന കാര്യത്തില്‍ ഇന്ന് തീരുമാനമുണ്ടാകും. സംസ്ഥാനത്ത് കോവിഡ് കേസുകള്‍ കുറയുന്ന സാഹചര്യത്തില്‍ കൂടുതല്‍ ഇളവുകള്‍ നല്‍കാനാണ് സാധ്യത.

വില വര്‍ധനവ് പിന്‍വലിക്കാന്‍ നടപടി വേണമെന്നാണ് വ്യാപാരികളുടെ ആവശ്യം. വിലകുറക്കണമെന്ന് ആവശ്യപ്പെട്ട് സമരം ആരംഭിച്ചിട്ടുണ്ട്. പൊതുമേഖലാ സ്ഥാപനമായ മലബാര്‍ സിമന്റ്‌സിന്റെ സിമന്റിന് വിലകുറവുണ്ടെങ്കിലും ലഭ്യതകുറവാണ് മറ്റൊരു പ്രശ്‌നം. സിമന്റിന് പുറമെ കമ്പി വിലയും ഉയരുകയാണ്. 60 രൂപയുണ്ടായിരുന്ന കമ്പിക്ക് ഇപ്പോള്‍ 76 രൂപയാണ് വില. എംസാന്റ് മുതല്‍ ചെങ്കല്ല് വരെയുള്ളവയ്ക്കും വില ഉയരുകയാണ്. സിമന്റ് ഉള്‍പ്പെടെ നിര്‍മാണ സാമഗ്രികളുടെ വില നാള്‍ക്കുനാള്‍ ഉയരുമ്പോള്‍ സാധാരണക്കാരെയാണ് ഏറെ പ്രയാസത്തിലാക്കുന്നത്. പ്രതിസന്ധി ഒഴിവാക്കാന്‍ സര്‍ക്കാര്‍ ഇടപെടണമെന്ന ആവശ്യവുമുയര്‍ന്നിട്ടുണ്ട്.

യാത്ര പാസ് ഉള്ളവര്‍ക്ക സംസ്ഥാനത്തിനകത്ത് യാത്ര ചെയ്യുന്നതിന് നിയന്ത്രണമില്ല. അനാവശ്യമായി പുറത്തിറങ്ങുന്നവര്‍ക്കെതിരെ കര്‍ശന നടപടി സ്വീകരിക്കുമെന്ന് പോലീസ് അറിയിച്ചു.

ട്രിപ്പിള്‍ ലോക്ക്ഡൗണ്‍ കര്‍ശനമായി നടപ്പാക്കാന്‍ 10,000 പൊലീസുകാരെയാണ് നിയോഗിച്ചിരിക്കുന്നത്. അനാവശ്യമായി പുറത്തിറങ്ങുക, കൂട്ടം കൂടി നില്‍ക്കുക, മാസ്‌ക്ക് ധരിക്കാതിരിക്കുക, മറ്റു കോവിഡ് പ്രോട്ടോക്കോളുകള്‍ ലംഘിക്കുക തുടങ്ങിയവയെല്ലാം കടുത്ത നിയമനടപടികള്‍ക്ക് വിധേയമാകും.
ആള്‍ക്കൂട്ടമുണ്ടാകുന്നത് കണ്ടെത്താന്‍ ഡ്രോണ്‍ പരിശോധനയും ക്വാറന്റൈന്‍ ലംഘിക്കുന്നത് കണ്ടെത്താന്‍ ജിയോ ഫെന്‍സിങ്ങ് സാങ്കേതികവിദ്യയും ഉപയോഗിക്കും. ക്വാറന്റൈന്‍ ലംഘിക്കുന്നവര്‍ക്ക് മാത്രമല്ല, അതിനു സഹായം നല്‍കുന്നവര്‍ക്കെതിരേയും കേരള എപ്പിഡമിക് ഡിസീസസ് ഓര്‍ഡിനന്‍സ് പ്രകാരം കര്‍ശനമായ നടപടികള്‍ എടുക്കും.

ട്രിപ്പിള്‍ ലോക്ക്ഡൗണ്‍ ഏര്‍പ്പെടുത്തിയ ജില്ലകളില്‍ മെഡിക്കല്‍ സ്‌റ്റോര്‍, പെട്രോള്‍ പമ്പുകള്‍ എന്നിവ തുറക്കും. ബേക്കറി, പലവ്യഞ്ജനം എന്നീ കടകള്‍ ഒന്നിടവിട്ട ദിവസങ്ങളില്‍ തുറക്കും. പാല്‍, പത്രം രാവിലെ 6 മണിക്ക് മുന്‍പ് വിതരണം ചെയ്യണം. കണ്ടെയ്ന്‍മെന്റ് സോണ്‍ പൂര്‍ണ്ണമായും അടയ്ക്കും. ബാങ്കുകള്‍ ചൊവ, വെള്ളി ദിവസങ്ങളില്‍ പ്രവര്‍ത്തിക്കും.

രാവിലെ 10 മണി മുതല്‍ ഉച്ചക്ക് ഒരു മണി വരെയായിരിക്കും പ്രവര്‍ത്തന സമയം. സഹകരണ ബാങ്കുകള്‍ തിങ്കള്‍, വ്യാഴം ദിവസങ്ങളിലും പ്രവര്‍ത്തിക്കും. ബാങ്കുകള്‍ മിനിമം ജീവനക്കാരെ വെച്ചായിരിക്കണം പ്രവര്‍ത്തിക്കേണ്ടത്. വീട്ടുജോലിക്കാര്‍ക്കും ഹോം നഴ്‌സുമാര്‍ക്കും പ്ലംബര്‍മാര്‍ക്കും ഇലക്ട്രീഷ്യന്‍മാര്‍ക്കും പാസ് വാങ്ങി ജോലിക്ക് പോകാം.

വിമാനയാത്രക്കാര്‍ക്കും ട്രെയിന്‍ യാത്രക്കാര്‍ക്കും യാത്രാനുമതിയുണ്ട്. തിരിച്ചറിയല്‍ കാര്‍ഡുമായി വരുന്ന അവശ്യസര്‍വ്വീസുകള്‍ മാത്രമേ അനുവദിക്കൂ. അകത്തേയ്ക്കും പുറത്തേയ്ക്കും യാത്രയ്ക്കായുള്ള ഒരു റോഡൊഴികെ കണ്ടെയ്ന്‍മെന്റ് സോണ്‍ മുഴുവനായും അടയ്ക്കും. ഭക്ഷണമെത്തിക്കുന്നതിനാവശ്യമായ നടപടികള്‍ക്ക് വാര്‍ഡ് സമിതികള്‍ നേതൃത്വം നല്‍കണം. കമ്യൂണിറ്റി കിച്ചനുകള്‍, ജനകീയ ഹോട്ടലുകള്‍ എന്നിവ ഇതിനായി ഉപയോഗപ്പെടുത്തണം. അതില്‍ക്കവിഞ്ഞുള്ള സാമൂഹിക പ്രവര്‍ത്തനങ്ങളെല്ലാം ട്രിപ്പിള്‍ ലോക്ഡൗണ്‍ പ്രഖ്യാപിച്ച ഇടങ്ങളില്‍ പരിപൂര്‍ണമായി ഒഴിവാക്കണം. ട്രിപ്പിള്‍ ലോക്ക്ഡൗണ്‍ സംബന്ധിച്ച കൂടുതല്‍ വിവരങ്ങള്‍ അതത് ജില്ലാ ഭരണകൂടങ്ങള്‍ പുറത്തിറക്കും.

ഓണ്‍ലൈന്‍ പാസ്സിനായുള്ള അപേക്ഷ പൂരിപ്പിക്കുമ്പോള്‍ എന്തെല്ലാം വിവരങ്ങള്‍ രേഖപ്പെടുത്തണം.

പേര്

സ്ഥലം

യാത്രയുടെ ഉദ്ദേശലക്ഷ്യം

ഫോണ്‍ നമ്പര്‍

ആര്‍ക്കെല്ലാം പാസ് അനുവദിക്കും

മരണവീട്ടില്‍ പോകുന്നവര്‍

ആശുപത്രി ആവശ്യങ്ങള്‍ക്കായി പോകുന്നവര്‍

അടുത്ത ബന്ധുവിന്റെ വിവാഹത്തിന് പോകുന്നവര്‍

ദിവസ വേതനക്കാര്‍, വീട്ടുജോലിക്ക് പോകുന്നവര്‍

അവശ്യ സേവന വിഭാഗത്തില്‍ പെടുന്നവര്‍ക്ക്  പാസ്സില്ലാതെ യാത്ര ചെയ്യാം. സ്ഥാപനം നല്‍കുന്ന തിരിച്ചറിയല്‍ രേഖകള്‍ ഉപയോഗിക്കാം. പോലീസിന്റെ ഓണ്‍ലൈന്‍ സംവിധാനം നിലവില്‍ വരുന്നതുവരെ സത്യപ്രസ്താവന കയ്യില്‍ വച്ച് ആളുകള്‍ക്ക് യാത്ര ചെയ്യാം.

സംസ്ഥാന സര്‍ക്കാര്‍ ഏര്‍പ്പെടുത്തിയ ക്രമീകരണങ്ങള്‍

മാധ്യമപ്രവര്‍ത്തകര്‍ക്ക് പ്രവര്‍ത്തിക്കാന്‍ തടസ്സമില്ല.

വര്‍ക്ക് ഷോപ്പുകള്‍ ആഴ്ചയില്‍ അവസാനത്തെ രണ്ടുദിവസം തുറക്കാം

വാര്‍ഡ്തല സമിതിക്കാര്‍ക്ക് സഞ്ചരിക്കാന്‍ പാസ്

മറ്റുസംസ്ഥാനങ്ങളില്‍നിന്ന് വരുന്നവര്‍ കോവിഡ് ജാഗ്രതാപോര്‍ട്ടലില്‍ രജിസ്റ്റര്‍ചെയ്യണം. 14 ദിവസം ക്വാറന്റീനില്‍ കഴിയണം.

തട്ടുകടകള്‍ പാടില്ല

ഹാര്‍ബര്‍ ലേലം നിര്‍ത്തി

ചിട്ടിതവണ പിരിവിന് വിലക്ക്

ചരക്കുഗതാഗതത്തിന് തടസ്സമില്ല

കോടതി ചേരുന്നുണ്ടെങ്കില്‍ അഭിഭാഷകര്‍ക്കും ഗുമസ്തന്‍മാര്‍ക്കും യാത്രാനുമതി.

ഭക്ഷ്യവസ്തുക്കള്‍, മെഡിക്കല്‍ ഉത്പന്നങ്ങള്‍ എന്നിവയുടെ പാക്കിങ് യൂണിറ്റുകള്‍ക്ക് പ്രവര്‍ത്തിക്കാം.

പൊതുഗതാഗതം പാടില്ല

ലോക്ക് ഡൗണ്‍ ഒഴിവാക്കാനാണ് ശ്രമിക്കുന്നതെന്നും എന്നാല്‍ ജനങ്ങള്‍ സഹകരിച്ചില്ലെങ്കില്‍ മറ്റു വഴികള്‍ ഇല്ലാതെ വരുമെന്നും ആരോഗ്യമന്ത്രി വ്യക്തമാക്കി. പ്രതിരോധ പ്രവര്‍ത്തനങ്ങള്‍ നല്ല രീതിയില്‍ മുന്നോട്ടു പോകുന്നുണ്ടെന്നും ആരോഗ്യമന്ത്രി വ്യക്തമാക്കി.

‘മറ്റൊരു സംസ്ഥാനത്തെക്കാളും കൂടുതല്‍ ശ്രദ്ധിക്കേണ്ട സംസ്ഥാനമാണ് കേരളം. ആ ഒരു ഗൗരവം കേരളത്തിലെ ജനങ്ങള്‍ക്ക് ഉണ്ടായിരിക്കണം.’ മന്ത്രി പറഞ്ഞു. മൂന്ന് ഘടകങ്ങളാണ് സംസ്ഥാനത്ത് ഭീഷണിയാകുന്നതെന്ന് ആരോഗ്യമന്ത്രി പറഞ്ഞു. പ്രായമായവരുടെ ജനസംഖ്യ കൂടുതലുള്ള ഭൂപ്രദേശമാണ് കേരളം.’ രാജ്യത്തു തന്നെ ജനസംഖ്യയില്‍ പ്രായമായവരുടെ ശതമാനം ഏറ്റവും കൂടുതലുള്ള സംസ്ഥാനമാണ് കേരളമെന്നും ജനസംഖ്യയുടെ 15 ശതമാനം 60 വയസ്സിനു മുകളില്‍ പ്രായമുള്ളവരാണെന്നും മന്ത്രി പറഞ്ഞു. പത്തനംതിട്ട ജില്ലയില്‍ ഇത് 18 ശതമാനം വരെയാണ്. മന്ത്രി ഓര്‍മിപ്പിച്ചു. ഇത് നല്ലകാര്യമാണ്. പക്ഷെ പകര്‍ച്ചവ്യാധിയുടെ കാലത്ത് ശ്രദ്ധിച്ചില്ലെങ്കില്‍ പ്രായമായവരിലേയ്ക്ക് രോഗം കടന്നു ചെല്ലും.’

കേരളത്തിന്റെ ജനസാന്ദ്രത ഉയര്‍ന്നതാണെന്നും ഇത് രോഗവ്യാപനം വര്‍ദ്ധിക്കാന്‍ ഇടയാക്കുമെന്നും മന്ത്രി പറഞ്ഞു. ചതുരശ്ര കിലോമീറ്ററില്‍ 860 പേരാണ് സംസ്ഥാനത്ത് അധിവസിക്കുന്നത്. കോമോര്‍ബിഡിറ്റി അഥവാ ജീവിതശൈലി രോഗങ്ങള്‍ ഏറ്റവുമധികം ഉള്ളത് കേരളത്തിലാണെന്നും ഇത് മരണനിരക്ക് കൂടാന്‍ ഇടയാക്കുമെന്നും മന്ത്രി ഓര്‍മിപ്പിച്ചു.

ലോകത്തെ പല രാജ്യങ്ങളും വീണ്ടും ലോക്ക് ഡൗണിലേയ്ക്ക് പോകുകയാണെന്ന് ചൂണ്ടിക്കാട്ടിയ ആരോഗ്യമന്ത്രി ആ സാഹചര്യം നമുക്ക് പാഠമാകണെന്ന് ആവശ്യപ്പെട്ടു. എല്ലാവര്‍ക്കും കൊവിഡ് വന്നു പൊയ്‌ക്കോട്ടെ എന്ന നിലപാടല്ല സര്‍ക്കാര്‍ സ്വീകരിച്ചത്. ‘ഇസ്രയേല്‍, ഇംഗ്ലണ്ട്, ഫ്രാന്‍സ്, സ്‌പെയിന്‍ തുടങ്ങിയ രാജ്യങ്ങള്‍ കടുത്ത ഷട്ട് ഡൗണിലേയ്ക്ക് പോകാന്‍ തുടങ്ങിയിരിക്കുന്നു’. മന്ത്രി പറഞ്ഞു. ‘നിസ്സാരമായി തള്ളിക്കളയേണ്ടതല്ല, ഗൗരവത്തോടെ കാണേണ്ടതാണ് കൊവിഡ് 19.’ ആരോഗ്യമന്ത്രി വ്യക്തമാക്കി.

യുവാക്കള്‍ക്ക് കൊവിഡ് ബാധിക്കില്ലെന്ന ധാരണ തെറ്റാണെന്നും ആരോഗ്യമന്ത്രി പറഞ്ഞു. സംസ്ഥാനത്ത് ഇതുവരെ 656 പേരാണ് കൊവിഡ് 19 ബാധിച്ചു മരിച്ചത്. ഇതില്‍ 72 ശതമാനം പേരും 60 വയസ്സിനു മുകളിലുള്ളവരാണ്. എന്നാല്‍ മരിച്ചവരില്‍ 28 ശതമാനം പേര്‍ ചെറുപ്പക്കാരാണെന്ന് മന്ത്രി ഓര്‍മിപ്പിച്ചു. ‘അതുകൊണ്ട് ചെറുപ്പക്കാരെ കൊവിഡ് മരണം കീഴടക്കില്ല എന്ന ചിന്തയുണ്ടെങ്കില്‍ അത് തെറ്റാണ്.’ മന്ത്രി വ്യക്തമാക്കി. ഏറ്റവുമധികം രോഗം ബാധിച്ചത് 20 വയസ്സ് മുതല്‍ 40 വയസ്സു വരെ പ്രായമുള്ളവരിലാണെന്നും ‘കൊവിഡ് ഏറ്റവുമധികം പരത്തുന്നത് ചെറുപ്പക്കാരാണെന്നും മന്ത്രി വ്യക്തമാക്കി.

പ്രധാന ഇളവുകള്‍ ഇങ്ങനെ;

* വിദേശത്ത് നിന്നും മറ്റ് സംസ്ഥാനങ്ങളില്‍ നിന്നും തിരിച്ചെത്തുന്നവര്‍ക്ക് 14 ദിവസമായിരുന്ന ക്വാറന്റീന്‍ ഏഴു ദിവസമാക്കി.

* ഏഴ് ദിവസത്തെ ക്വാറന്റീന് ശേഷം പരിശോധന നടത്തണം. പരിശോധന നടത്തിയില്ലെങ്കില്‍ ക്വാറന്റീന്‍ 14 ദിവസം തന്നെ തുടരേണ്ടി വരും.

* സെക്രട്ടേറിയറ്റ് അടക്കം സര്‍ക്കാര്‍ ഓഫീസുകളില്‍ മുഴുവന്‍ ജീവനക്കാരും ഓഫീസിലെത്തണം.

* ഹോട്ടലുകളില്‍ ഇരുന്നു ഭക്ഷണം കഴിക്കാന്‍ അനുമതി. ഇതുവരെ പാഴ്‌സലിനു മാത്രമായിരുന്നു അനുമതി.

കോവിഡ് കേസുകള്‍ വര്‍ധിച്ചു വരുന്ന സാഹചര്യത്തില്‍ നിയന്ത്രണങ്ങള്‍ എടുത്തു കളയുന്നത് പ്രതികൂല ഫലമുണ്ടാക്കുമോ എന്ന ആശങ്കയുണ്ട്. ചൊവ്വാഴ്ച 4125 പേര്‍ക്കാണ് കോവിഡ് സ്ഥിരീകരിച്ചത്. ഇതില്‍ 3463 പേര്‍ക്ക് രോഗം ബാധിച്ചത് സമ്പര്‍ക്കത്തിലൂടെയാണ്.