Logo released – Chandrika Daily

ചന്ദ്രിക എജ്യു എക്‌സൽ സീസൺ 3 ലോഗോ പ്രകാശനം ചെയ്തു

webdesk13 — Sat, 11 May 2024 05:02:06 +0000

മലപ്പുറം: ചന്ദ്രിക എജു എക്സല്‍- വിദ്യാഭ്യാസ പ്രദര്‍ശനവും ഹയര്‍സെക്കന്ററി, എസ്.എസ്.എല്‍.സി വിദ്യാര്‍ഥികള്‍ക്കുള്ള കരിയര്‍ ഗൈഡന്‍സ് പ്രോഗ്രാമും മെയ് 14ന് കോഴിക്കോട് ആരംഭിക്കും. തുടര്‍ന്ന് മഞ്ചേരി, തിരൂര്‍, പട്ടാമ്പി, കണ്ണൂര്‍, വയനാട് എന്നിവിടങ്ങളിലും പരിപാടി നടക്കും. ചന്ദ്രികയും ഐ.ഇ.എഫ് ഫൗണ്ടേഷനും സംയുക്തമായാണ് പരിപാടി സംഘടിപ്പിക്കുന്നത്. വിവിധ മേഖലകളില്‍ വിജയം നേടിയ 50 ലേറെ പ്രഗത്ഭര്‍ വിദ്യാര്‍ഥികള്‍ക്ക് ജീവിത വിജയത്തിന് വേണ്ട മാര്‍ഗ നിര്‍ദേശങ്ങള്‍ നല്‍കും.

അമ്പതിനായിരത്തിലധികം വിദ്യാര്‍ഥികള്‍ പങ്കെടുക്കും. ഉപരിപഠനത്തിന് അന്തര്‍ദേശീയ-ദേശീയതലത്തില്‍ മികച്ച സ്ഥാപനങ്ങളില്‍ അഡ്മിഷന്‍ ലഭിക്കുന്നതിനുള്ള വഴികളും സ്‌കോളര്‍ഷിപ്പുകളെ കുറിച്ചും വിശദമായ വിവരങ്ങള്‍ പരിപാടി യില്‍ വിദ്യാര്‍ഥികളുമായി പങ്കുവെക്കും.

പരിപാടിയുടെ ലോഗോ ചന്ദ്രിക മാനേജിങ് ഡയറക്ടര്‍ പാണക്കാട് സയ്യിദ് സാദിഖലി ശിഹാബ് തങ്ങള്‍, എലന്‍സ്‌ലേണിങ്‌സ്‌ ഡയറക്ടര്‍ അരുണ്‍ കുമാറിന് കൈമാറി പ്രകാശനം ചെയ്തു. പി.കെ കുഞ്ഞാലിക്കുട്ടി മുഖ്യാതിഥിയായി. ഐ.ഇ.എഫ് ഫൗണ്ടേഷന്‍ ചെയര്‍മാന്‍ ജിതിന്‍രാജ് തട്ടാരക്കല്‍, ഉമ്മര്‍ പാണ്ടികശാല, ചന്ദ്രിക എഡിറ്റര്‍ കമാല്‍ വരദൂര്‍, നജീബ് ആലുക്കല്‍, കെ. എം. സല്‍മാന്‍ പങ്കെടുത്തു.

ബഷീര്‍ രണ്ടത്താണിയുടെ ‘ചിരിയുടെ പെരുമഴക്കാലം’ പ്രകാശനം ചെയ്തു

webdesk13 — Mon, 06 Nov 2023 08:28:00 +0000

ഷാര്‍ജ: മാമുക്കോയയുടെ കലാ ജീവിതം ആസ്പദമാക്കി ബഷീര്‍ രണ്ടത്താണി രചിച്ച, ലിപി ബുക്‌സ് പ്രസിദ്ധീകരിച്ച ‘ചിരിയുടെ പെരുമഴക്കാലം’ ഷാര്‍ജ രാജ്യാന്തര പുസ്തക മേളയിലെ റൈറ്റേഴ്‌സ് ഫോറത്തില്‍ ഒരുക്കിയ ചടങ്ങില്‍ സംവിധായകന്‍ കമല്‍ പ്രകാശനം ചെയ്തു. മലയാളത്തിന്റെ കലാ മേഖലയ്ക്ക്, വിശേഷിച്ച് സിനിമാ മേഖലക്ക് മറക്കാനാവാത്ത വ്യക്തിത്വമാണ് മാമുക്കോയയുടേതെന്നും, അദ്ദേഹത്തിന്റെ സംഭാവനകള്‍ അതുല്യമാണെന്നും കമല്‍ പറഞ്ഞു. റീജന്‍സി ഗ്രൂപ് ചെയര്‍മാന്‍ ഷംസുദ്ദീന്‍ ബിന്‍ മുഹ്‌യുദ്ദീന്‍ പുസ്തകം ഏറ്റുവാങ്ങി. ചന്ദ്രിക എഡിറ്റര്‍ കമാല്‍ വരദൂര്‍, ലിപി അക്ബര്‍, ഇസ്മായില്‍ മൂത്തേടം ചടങ്ങില്‍ സംസാരിച്ചു.

കെ എ ടി എഫ് സമ്മേളന ലോഗോ പ്രകാശനം ചെയ്തു

webdesk13 — Thu, 02 Nov 2023 12:55:39 +0000

കേരള അറബിക് ടീച്ചേഴ്സ് ഫെഡറേഷൻ – കെ എ ടി എഫ് – 66 മത് സംസ്ഥാന സമ്മേളനം സംസ്കാരം, പൈതൃകം, മതേതരത്വം എന്ന പ്രമേയത്തിൽ 2024 ഫെബ്രുവരി 5, 6,7 തിയ്യതികളിൽ തിരുവനന്തപുരത്ത് വച്ച് നടക്കുകയാണ്. സമ്മേളനത്തോടനുബന്ധിച്ച് തിരഞ്ഞെടുത്ത ലോഗോ ഇന്ത്യൻ യൂണിയൻ മുസ്ലിം ലീഗ് മലപ്പുറം ജില്ലാ പ്രസിഡണ്ട് പാണക്കാട് സയ്യിദ് അബ്ബാസ് അലി ശിഹാബ് തങ്ങൾ പ്രകാശനം ചെയ്തു.

അസ്ഹറുദ്ദീൻ തിരുവട്ടൂർ കണ്ണൂർ ഡിസൈൻ ചെയ്ത ലോഗോയാണ് തിരഞ്ഞെടുത്തത്. കെ എ ടി എഫ് സംസ്ഥാന പ്രസിഡണ്ട് ടിപി അബ്ദുൽ ഹഖ്, സംസ്ഥാന സീനിയർ വൈസ് പ്രസിഡണ്ട് എംടി സൈനുൽ ആബിദീൻ, ഭാരവാഹികളായ സി എച്ച് ഫാറൂഖ്, കെ നൂറുൽ അമീൻ, നൗഷാദ് കോപ്പിലാൻ, ടി സി അബ്ദുൽ ലത്തീഫ്, എം ടി എ നാസർ, ഫസൽ മലപ്പുറം എന്നിവർ ചടങ്ങിൽ സംബന്ധിച്ചു.

വളരെ കാലിക പ്രാധാന്യമുള്ള പ്രമേയത്തോട് കൂടെ കെ എ ടി എഫ് നടത്തുന്ന സമ്മേളനം പൊതുസമൂഹത്തിലേക്ക് എത്തിക്കണമെന്ന് അബ്ബാസ് അലി തങ്ങൾ പ്രസ്താവിച്ചു.

സി.എച്ച് വിയോഗത്തിൻ്റെ നാൽപ്പത് വർഷം അനുസ്മരണം – ലോഗോ പ്രകാശനം ചെയ്തു

webdesk13 — Fri, 29 Sep 2023 09:14:14 +0000

ദുബൈ: മുൻ മുഖ്യമന്ത്രിയും മുസ്‌ലിം ലീഗ് നേതാവുമായിരുന്ന സി.എച്ച് മുഹമ്മദ് കോയ യുടെ നാൽപ്പതാം ചരമ വാർഷികത്തോടുബന്ധിച്ച് സി എച്ച് ഫൗണ്ടേഷന്റെ ആഭിമുഖ്യത്തിൽ ദുബൈയിൽ നടക്കുന്ന അനുസ്മരണ സമ്മേളനത്തിന്റെ ലോഗോ പ്രകാശനം മുസ്ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖ്അലി ശിഹാബ് തങ്ങൾ, ശംസുദ്ധീൻ ബിൻ മുഹിയദ്ധീന് നൽകി നിർവ്വഹിച്ചു.

“റിഫ്ലക്ഷൻസ് ഓൺ സി.എച്ച് – എ കോമെമ്മറേഷൻ” എന്ന പേരിൽ നവംബർ 12 നു ദുബൈൽ നടക്കും. ഇന്ത്യയിലെയും വിദേശങ്ങളിലെയും ഭരണ നേതൃത്വത്തിൽ ഉള്ളവർ സാമൂഹ്യ,സാംസ്കാരിക,രാഷ്ട്രീയ,ബിസിനസ്സ് രംഗത്തെ പ്രമുഖർ സംബന്ധിക്കും.

ലോഗോ പ്രകാശന ചടങ്ങിൽ കുഞ്ഞമ്മദ്‌ പേരാംബ്ര,സെമീർ മഹമൂദ്‌ മനാസ്‌, ഫിറോസ്‌ അബ്ദുള്ള, അബ്ദുള നൂറുദ്ദീൻ,ഒ കെ സലാം,ജെസീൽ കായണ,നെബീൽ അബ്‌ദുള്ള,ഷിയാസ്‌ എന്നിവർ പങ്കെടുത്തു.