റഫാല്‍ വിഷയത്തില്‍ ആഞ്ഞടിച്ച രാഹുല്‍ ഗാന്ധിയും പ്രസംഗത്തില്‍ ലോകസഭ സതംഭിക്കുന്ന കാഴ്ച വരെയുണ്ടായി. ബിജെപിക്കെതിരെ തുടരെ ആരോപണങ്ങള്‍ ഉന്നയിച്ച രാഹുല്‍, റാഫേല്‍ വിഷയത്തില്‍ വ്യവസായി അനില്‍ അംബാനിയുടെ പേര് എടത്തു പറഞ്ഞതും വാദങ്ങള്‍ക്ക് കാരണമായി.

പാര്‍ലമെന്റ് മെമ്പര്‍ അല്ലാത്ത അംബാനിയുടെ പേര് സഭയില്‍ ഉന്നയിക്കാനാില്ലെന്ന് സ്പീക്കറുടെ റൂലിങ് വന്നതാണ് രാഹുല്‍ ഗാന്ധിയെ ചൊടിപ്പിച്ചത്. ‘എനിക്ക് അദ്ദേഹത്തിന്റെ പേര് പറയാന്‍ പാടില്ലെന്നാണോ സ്പീക്കര്‍ പറയുന്നതെന്ന് രാഹുല്‍ ഗാന്ധി ചോദിച്ചു. പാര്‍ലമെന്റ് മെമ്പര്‍ അല്ലാത്തതിനാല്‍ നിയമങ്ങള്‍ അനുസരിച്ച് അതിന് കഴിയില്ലെന്നായിരുന്നു ലോക്‌സഭാ സ്പീക്കര്‍ സുമിത്ര മഹാജന്റെ മറുപടി.

പാര്‍ലമെന്റ് അംഗം അല്ലെങ്കില്‍ പിന്നെ അദ്ദേഹം ബി.ജെ.പി അംഗം ആണോ എന്നായി പിന്നെ രാഹുലിന്റെ പരിഹാസം. ഇതിന് സ്പീക്കര്‍ക്ക് ഉത്തരമില്ലാതായതോടെ രാഹുല്‍ ഗാന്ധി തന്റെ ചോദ്യത്തിന് ആവര്‍ത്തിച്ചു. മാഡം എന്നാല്‍ ഞാന്‍ അദ്ദേഹത്തെ എ.എ (അനില്‍ അബാനി) എന്നുവിളിക്കാം എന്നായി രാഹുല്‍.

ഫ്രാന്‍സില്‍ നിന്നും യുദ്ധവിമാനങ്ങള്‍ വാങ്ങിയ റഫേല്‍ കരാറില്‍ മോദി സര്‍ക്കാറുമൊത്തുള്ള അഴിമതി വിവാദത്തില്‍പെട്ട ഇന്ത്യന്‍ ബിസിനസുകാരനാണെന്ന് അംബാനി. ഇതു ചൂണ്ടിക്കാട്ടിയായിരുന്നു പ്രതിപക്ഷ നേതാവിന്റെ ആരോപണങ്ങള്‍.

തുടര്‍ന്ന് എ.എ എന്ന പരാമര്‍ശത്തോടെയായിരുന്നു രാഹുല്‍ ഗാന്ധിയുടെ പ്രസംഗം. പരാമര്‍ശങ്ങള്‍ക്കിടെ തന്റെ പ്രസംഗത്തില്‍ ഒരിക്കല്‍ അംബാനി എന്ന് പേരുപറയുകയും പിന്നീട് അത് തിരുത്തി ‘ക്ഷമിക്കണം, എ.എ,’ എന്നു പറഞ്ഞതും സഭയില്‍ ചിരി പടര്‍ത്തി.

LIVE: Congress President @RahulGandhi addresses the floor of the Parliament to #DemandRafaleProbe. https://t.co/vjtd5iAqhO

— Congress (@INCIndia) January 2, 2019

റഫാല്‍ രഹസ്യം പരീക്കറുടെ കിടപ്പുമുറിയിലുണ്ടെന്ന മന്ത്രി വിശ്വജിത്ത് റാണയുടെ ഓഡിയോ ക്ലിപ്പ് ലോക്സഭയില്‍ കേള്‍പ്പിക്കാന്‍ രാഹുല്‍ അനുമതി ചോദിച്ചെങ്കിലും സ്പീക്കര്‍ അനുവാദം നല്‍കിയില്ല. എന്നാല്‍ പ്രധാനമന്ത്രിയേയും സര്‍ക്കാരിനേയും പ്രതിരോധിച്ച് രാഹുലിന് മറുപടിയുമായി അരുണ്‍ ജെയ്റ്റ്ലി രംഗത്തെത്തി. ജെയ്റ്റ്ലി മറുപടി പറയുന്നതിനിടെ കോണ്‍ഗ്രസ് എംപിമാര്‍ പേപ്പര്‍ ഫയലുകള്‍ക്കൊണ്ട് ലോക്സഭയില്‍ വിമാനങ്ങളുണ്ടാക്കി പറത്തി. ഇതോടെ സ്പീക്കര്‍ സുമിത്ര മഹാജന്‍ സഭ നിര്‍ത്തിവെച്ചു. കോണ്‍ഗ്രസ് എംപി സുഷ്മിതാ ദേബാണ് പേപ്പര്‍ വിമാനങ്ങള്‍ വായുവില്‍ പറത്തിയത്.

‘കഴിഞ്ഞ തവണ ഞാന്‍ റഫാല്‍ ഇടപാടിനെപ്പറ്റി നടത്തിയ പ്രസംഗം പ്രധാനമന്ത്രി കേട്ടിരുന്നു. അതിനുശേഷം അദ്ദേഹം സുദീര്‍ഘമായി സംസാരിച്ചെങ്കിലും റഫാലിനെപ്പറ്റി അഞ്ചുമിനുട്ടു പോലും സംസാരിച്ചില്ല. റഫാല്‍ സംബന്ധിച്ച ചോദ്യങ്ങള്‍ക്ക് പാര്‍ലമെന്റില്‍ വന്ന് മറുപടി പറയാനുള്ള ധൈര്യം പ്രധാനമന്ത്രിക്കില്ല. അദ്ദേഹം സ്വന്തം മുറിയില്‍ ഒളിച്ചിരിക്കുകയാണ്. ഇന്നലെ ഒരു അഭിമുഖത്തില്‍, തനിക്കെതിരെ ആരോപണങ്ങളില്ല എന്ന് മോദി പറഞ്ഞിരുന്നു. എന്നാല്‍ രാജ്യം മുഴുവന്‍ തനിക്കുനേരെ വിരല്‍ ചൂണ്ടുകയാണെന്ന് അദ്ദേഹം തിരിച്ചറിയണം.
റഫാല്‍ സംബന്ധിച്ച ചോദ്യങ്ങള്‍ക്ക് പ്രതിരോധമന്ത്രി നിര്‍മല സീതാരാമനും മറുപടിയില്ല. അവര്‍ എ.ഐ.എ.ഡി.എം.കെ അംഗങ്ങള്‍ക്കു പിന്നില്‍ ഒളിച്ചിരിക്കുകയാണ്…’ രാഹുല്‍ പറഞ്ഞു.

വിവിധ വിഷയങ്ങളുന്നയിച്ച് കാവേരി വിഷയത്തില്‍ എ.ഐ.എ.ഡി.എം.കെ അംഗങ്ങള്‍ നടത്തിയ പ്രക്ഷോഭത്തിന്റെ പശ്ചാത്തലത്തിലാണ് രാഹുല്‍ പ്രസംഗിച്ചത്.

സമൂഹത്തിന്റെ എല്ലാ തുറകളിലുമുള്ളവര്‍ മോദി ഭരണത്തില്‍ അതൃപ്തി പ്രകടിപ്പിച്ച് രംഗത്തെത്തിയതും പ്രതിപക്ഷ കക്ഷികള്‍ പാര്‍ലമെന്റില്‍ യോജിച്ച ചെറുത്തു നില്‍പ്പിന് തുടക്കമിട്ടതുമാണ് കേന്ദ്ര സര്‍ക്കാറിന് തിരിച്ചടിയായത്. രണ്ടു ഘട്ടങ്ങളിലായാണ് ഇത്തവണ ബജറ്റ് സമ്മേളനം നടന്നത്. ജനുവരി 29 മുതല്‍ ഫെബ്രുവരി ഒമ്പതു വരെയായിരുന്നു ആദ്യ ഘട്ടം. താരതമ്യേന ഭേദപ്പെട്ട പ്രകടനമാണ് ബജറ്റ് അവതരണവും മറ്റും നടന്ന ഈ സിറ്റിങിലുണ്ടായത്. നിശ്ചിത സമയത്തിന്റെ 89 ശതമാനം ലോക്‌സഭ പ്രവര്‍ത്തിച്ചിരുന്നു.

എന്നാല്‍ ബജറ്റ് സമ്മേളനത്തിന്റെ രണ്ടാംഘട്ടത്തില്‍ ഇത് നേരെ വിപരീത ദിശയിലായിരുന്നു. മാര്‍ച്ച് അഞ്ചു മുതല്‍ ഏപ്രില്‍ ആറു വരെ ഒരു മാസം നീണ്ടു നിന്ന രണ്ടാംഘട്ട സമ്മേളനത്തില്‍ നിര്‍മാണാത്മക സഭാസെഷന്‍ നിശ്ചിത സമയത്തിന്റെ നാല് ശതമാനം മാത്രമായി ചുരുങ്ങിയതായി ഡല്‍ഹി കേന്ദ്രമായി പ്രവര്‍ത്തിക്കുന്ന സംഘടനയായ പി.ആര്‍.എസ് ലെജിസ്ലേറ്റീവ് റിസര്‍ച്ച് വ്യക്തമാക്കി.

നിയമ നിര്‍മാണങ്ങള്‍ക്കായി ലോക്‌സഭ ചെലവിട്ടത് നിശ്ചിത സമയത്തിന്റെ ഒരു ശതമാനം മാത്രമാണ്. പല ബില്ലുകളും ചര്‍ച്ച കൂടാതെ തന്നെ പാസാക്കുകയായിരുന്നു. പി.എന്‍.ബി വായ്പാ തട്ടിപ്പ്, ആന്ധ്രാപ്രദേശിന് പ്രത്യേക പാക്കേജ്, കാവേരി നദീജല തര്‍ക്കം, എസ്.സി, എസ്.ടി അതിക്രം തടയല്‍ നിയമം ദുര്‍ബലപ്പെടുത്തുന്ന സുപ്രീംകോടതി ഉത്തരവ് എന്നിവയാണ് പാര്‍ലമെന്റ് സമ്മേളനത്തെ പ്രക്ഷുബ്ധമാക്കിയതെന്നും സംഘടന വ്യക്തമാക്കി. കര്‍ഷകരും ദളിതരും രാജ്യവ്യാപകമായി മോദി സര്‍ക്കാറിനെതിരെ രംഗത്തെത്തിയതും ഗുജറാത്തില്‍ ഉള്‍പ്പെടെ ഉപതെരഞ്ഞെടുപ്പുകളില്‍ ബി.ജെ.പിക്കു നേരിട്ട തോല്‍വിയും പാര്‍ലമെന്റില്‍ കേന്ദ്ര സര്‍ക്കാറിനെതിരെ പ്രതിഫലിച്ചെന്ന് സംഘം വിലയിരുത്തി. സഭാ സമ്മേളനത്തിലെ നിഷ്‌ക്രിയത്വം സംബന്ധിച്ച് പ്രധാനമന്ത്രിയുടെ ഓഫീസുമായി ബന്ധപ്പെട്ടെങ്കിലും പ്രതികരിക്കാന്‍ കൂട്ടാക്കിയില്ലെന്ന് റിപ്പോര്‍ട്ട് പറയുന്നു.

പ്രതിപക്ഷ നേതാക്കളെ കാണുന്നതിന്റെ തുടക്കമായി രാജ്യസഭാ അംഗവും കോണ്‍ഗ്രസിന്റെ മുതിര്‍ന്ന നേതാവുമായ ഗുലാംനബി ആസാദുമായി കൂടിക്കാഴ്ച നടത്തി. എ.ഐ.എ.ഡി.എം.കെ, ടി.ഡി.പി, ടിആര്‍എസ്, ടി.എം.സി എന്നിവ ഉള്‍പ്പെടെയുള്ള പ്രതിപക്ഷ നേതാക്കളെയും കാണും.

Met Leader of Opposition Sh. Ghulam Nabi Azad this evening at his residence, to seek cooperation in order to run the #Parliament in the interest of the nation. pic.twitter.com/1Pf25uUXVH

— Vijay Goel (@VijayGoelBJP) March 22, 2018

Also met Dr. V Maitreyan, leader of AIADMK and discussed ways to end the current logjam and transact business of the House in the larger interest. pic.twitter.com/4cjABjdSOB

— Vijay Goel (@VijayGoelBJP) March 22, 2018

വിവിധ പാര്‍ട്ടികളുടെ പ്രതിഷേധത്തെ തുടര്‍ന്ന് 14 ദിവസമായി സമ്മേളനം മുടങ്ങിയിരിക്കുകയാണ്. ഭൂരിപക്ഷ അംഗങ്ങളുടെ പിന്തുണയില്ലാത്തതിനെ തുടര്‍ന്ന് സര്‍ക്കാരിന് ചര്‍ച്ചകള്‍ മുന്നോട്ടു കൊണ്ടു പോകാന്‍ പോലും കഴിയുന്നില്ല. സഭയിലെ ചര്‍ച്ചകള്‍ ഒഴിവാക്കി പ്രതിപക്ഷ അംഗങ്ങള്‍ ചാനലുകളിലാണ് ചര്‍ച്ച നടത്തുന്നതെന്ന് കേന്ദ്രമന്ത്രി ഘോയല്‍ ആരോപിച്ചു.
കോണ്‍ഗ്രസ്, എഐഎഡിഎംകെ, ടിഡിപി, ടിആര്‍എസ് എന്നീ കക്ഷികളാണ് പ്രതിഷേധവുമായി രംഗത്തെത്തിയിരിക്കുന്നത്.
സഭ തുടര്‍ച്ചയായി മുടങ്ങുന്നതോടെ വന്‍ സാമ്പത്തിക നഷ്ടം കൂടിയാണ് ഉണ്ടാകുന്നത്. ഓരോ മിനിറ്റും സഭ കൂടുന്നതിന് 2.5 ലക്ഷം രൂപയാണ് ചിലവാകുന്നത്. ബജറ്റ് സെക്ഷന്റെ രണ്ടാം ഘട്ടത്തിലെ 23 ദിവസങ്ങളാണുണ്ടായിരുന്നത്. ഇതില്‍ 14 ദിവസങ്ങള്‍ പാഴായി പോയി. പഞ്ചാബ് നാഷണല്‍ ബാങ്ക് തട്ടിപ്പ്, അഴിമതി തുടങ്ങി ഒട്ടേറെ ആരോപണങ്ങള്‍ ഉയര്‍ന്നതിനെ തുടര്‍ന്നാണ് ദിവസങ്ങളോളമായി സഭാ നടപടികള്‍ മുടങ്ങിയത്.

തിരുവനന്തപുരം: നിയമസഭ മുന്‍കയ്യെടുത്ത് നടത്തിയ ലോകകേരളസഭയുടെ നടത്തിപ്പില്‍ വന്‍ ധൂര്‍ത്തും അഴിമതിയുമാണ് നടന്നിരിക്കുന്നതെന്ന് ബി.ജെ.പി നേതാവ് കെ. സുരേന്ദ്രന്‍.

അഡ്വര്‍ടൈസ്മെന്റ്, ഭക്ഷണം, അലങ്കരണം, ട്രാന്‍സ്പോര്‍ട്ടേഷന്‍, വിമാനക്കൂലി തുടങ്ങിയ കാര്യങ്ങള്‍ മാനദണ്ഡങ്ങളും കീഴ്വഴക്കങ്ങളും ലംഘിച്ചുകൊണ്ടും ടെണ്ടര്‍ വിളിക്കാതെയുമാണ് പണം ചെലവഴിച്ചിരിക്കുന്നത്. ഇതു സംബന്ധിച്ച വിവരാവകാശ ചോദ്യങ്ങള്‍ക്കൊന്നും ഉത്തരം നല്‍കാതെ അങ്ങോട്ടും ഇങ്ങോട്ടും ഇട്ടു തട്ടുകയാണ്.

പുതിയ രേഖകള്‍ തട്ടിക്കൂട്ടി ഉണ്ടാക്കി ഫയലില്‍ വെക്കാനുള്ള അണിയറ നീക്കമാണ് നടക്കുന്നത്. ഭക്ഷണം ഒരു സ്വകാര്യ ഹോട്ടല്‍ ഗ്രൂപ്പിന് 17 ലക്ഷത്തിനാണ് കൊടുത്തത്. അന്‍പതിനായിരത്തില്‍ കൂടുതലുള്ള ചെലവുകള്‍ക്ക് നിയമാനുസൃതം ടെണ്ടര്‍ വിളിക്കണം. അതുണ്ടായിട്ടില്ല. അതിഥികള്‍ ഭക്ഷണം കഴിച്ച പ്ലേറ്റുകള്‍ മാസ്‌കറ്റ് ഹോട്ടലിലെ തൊഴിലാളികളെക്കൊണ്ടാണ് കഴുകിച്ചത്. ഇക്കാര്യത്തില്‍ ശക്തമായ പ്രതിഷേധം തൊഴിലാളികള്‍ക്കിടയിലുണ്ട്. മുഖ്യമന്ത്രിയുടെ ഒരു ഉപദേശിയും ആരോപണവിധേയരായ പതിവു കഥാപാത്രങ്ങളും തന്നെയാണ് ഇതിന്റേയും ഗുണഭോക്താക്കളെന്നും ഫേസ്ബുക്ക് പോസ്റ്റില്‍ സുരേന്ദ്രന്‍ ആരോപിച്ചു.

മോദി സര്‍ക്കാരിന്റെ ബാങ്ക് അക്കൗണ്ട് തുടങ്ങല്‍ പദ്ധതിയും കക്കൂസ് നിര്‍മാണവും എം. എല്‍.എ ആയിരുന്നപ്പോഴും കലക്ടര്‍ ആയിരുന്നപ്പോഴുമുള്ള തന്റെ പ്രവര്‍ത്തന ശൈലിയുമൊക്കെയായിരുന്നു കണ്ണന്താനത്തിന്റെ പ്രസംഗത്തില്‍ നിറഞ്ഞു നിന്നത്.
മാത്രമല്ല, മുഖ്യമന്ത്രി പിണറായി വിജയന് ദഹിക്കാത്ത ചില പരാമര്‍ശങ്ങളും കണ്ണന്താനത്തില്‍ നിന്നുണ്ടായി. കേരളസഭയെ കുറിച്ച് നേരത്തെ അറിഞ്ഞില്ലെന്നും അതുകൊണ്ടാണ് ഉദ്ഘാടന സമ്മേളനത്തില്‍ പങ്കെടുക്കാതിരുന്നതെന്നും കണ്ണന്താനം പറഞ്ഞു.
എന്നാല്‍ വളരെ നേരത്തെ തന്നെ കണ്ണന്താനത്തിന് ക്ഷണക്കത്ത് അയച്ചതും അതിന് അദ്ദേഹം അയച്ച മറുപടി ഫയലില്‍ സൂക്ഷിച്ചിട്ടുണ്ടെന്നും മുഖ്യമന്ത്രി വെളിപ്പെടുത്തി.