കേരള പൊലീസിലെ സമര്‍ത്ഥരായ ഉദ്യോഗസ്ഥരെ നിയോഗിച്ച് അന്വേഷണ സംഘം വീണ്ടും വിപുലീകരിക്കും. വളരെ പ്രധാന കൊലപാതകമായതിനാലാണ് പൊന്നാമറ്റത്ത് എത്തിയത്. മൂന്ന് പേരും കൊല്ലപ്പെട്ട സ്ഥലങ്ങള്‍ സന്ദര്‍ശിച്ചു. ആറ് കേസുകളാണ് ഇതുവരെ ഉള്ളത്. ഓരോ കേസുകളുമായി ബന്ധപ്പെട്ട വിശദമായ തെളിവുകള്‍ ശേഖരിച്ച് അന്വേഷണം നടത്തണം. ആദ്യ സംഭവം 17 വര്‍ഷങ്ങള്‍ക്കും അവസാന സംഭവം മൂന്ന് വര്‍ഷങ്ങള്‍ക്കും മൂമ്പാണ് നടന്നത്. ഇത് ഒരു വെല്ലുവിളി തന്നെയാണെന്നും അദ്ദേഹം പറയുന്നു.

കേസില്‍ ദൃക്‌സാക്ഷികള്‍ ഇല്ലാത്തതും അന്വേഷണത്തെ ബാധിക്കുന്നുണ്ട്. ശാസ്ത്രീയമായ തെളിവുകളുടെ അടിസ്ഥാനത്തില്‍ കേസന്വേഷണം നടത്തണം. ഇതിനായി വലിയ ഒരു അന്വേഷണ സംഘത്തെ രൂപീകരിച്ചു. ഇനിയും വിദഗ്ധരായ ഉദ്യോഗസ്ഥരെ സംഘത്തില്‍ ഉള്‍പ്പെടുത്തുമെന്നും അദ്ദേഹം അറിയിച്ചു.

ഓരോ കേസുകളിലും പ്രത്യേകം എഫ്.ഐ.ആര്‍ രജിസ്റ്റര്‍ ചെയ്യുകയാണ് ഉത്തമം. പ്രതിക്ക് സയനൈഡ് എങ്ങനെ കിട്ടി എന്നത് പ്രധാനമാണ്. അന്വേഷണം കൂടുതല്‍ പേരിലേക്ക് നീങ്ങുന്നതിനാല്‍ പൊലീസ് സംഘത്തെ വിപുലീകരിക്കും. സയനൈഡിന്റെ തെളിവ് കണ്ടെത്തുക അസാദ്ധ്യമല്ല. പക്ഷേ ശ്രമകരമാണ്. അതിനുള്ള ശ്രമങ്ങളാണ് ഇപ്പോള്‍ നടത്തുന്നത്. ഇക്കാര്യം പ്രത്യേക അന്വേഷണ സംഘം അന്വേഷിക്കും. സയനൈഡിന്റെ അംശം കണ്ടെത്താന്‍ രാസപരിശോധനകള്‍ ആവശ്യമെങ്കില്‍ വിദേശത്തെ ലാബുകളില്‍ വെച്ച് നടത്തുമെന്നും അദ്ദേഹം കൂട്ടിച്ചേര്‍ത്തു.

ബേക്കല്‍ പൊലീസ് സ്‌റ്റേഷനില്‍ ആകെ 44 പൊലീസുകാരാണ് തപാല്‍ ബാലറ്റിന് അപേക്ഷിച്ചിരുന്നത്. എന്നാല്‍, 11 പേര്‍ക്ക് മാത്രമാണ് തപാല്‍ ബാലറ്റ് കിട്ടിയത്. എസ്‌ഐ, എഎസ്‌ഐ, സീനിയര്‍ പൊലീസ് ഓഫീസര്‍, വനിതാ ഓഫീസര്‍ എന്നിവര്‍ക്കാണ് ബാലറ്റ് കിട്ടാതിരുന്നത്. തപാല്‍ വോട്ടുകളില്‍ തിരിമറി നടന്നതായി നിരവധി ആരോപണങ്ങള്‍ ഉയര്‍ന്നിരുന്നു. പൊലീസിന്റെ തപാല്‍ വോട്ടുകളില്‍ തിരിമറി കാട്ടിയതുമായി ബന്ധപ്പെട്ട് പൊലീസ് കമാന്‍ഡോയെ കഴിഞ്ഞ ദിവസം സസ്‌പെന്‍ഡ് ചെയ്തിരുന്നു.

1986 ബാച്ച് ഐ.പി.എസ് ഉദ്യോഗസ്ഥനാണ് ഡോ. നിര്‍മ്മല്‍ ചന്ദ്ര അസ്താന. എ.ഡി.ജി.പി മോഡേണൈസേഷന്‍ പദവിയില്‍ അസ്താന നേരത്തെ സേവനം അനുഷ്ഠിച്ചിരുന്നു. ന്യൂക്ലിയര്‍ ഫിസിക്‌സില്‍ ഡോക്ടറേറ്റ് നേടിയിട്ടുണ്ട്. 19-ാം വയസ്സില്‍ ബിരുദാനന്തര ബിരുദം കരസ്ഥമാക്കിയ അസ്താന, 15 ഓളം പുസ്തകങ്ങള്‍ രചിച്ചിട്ടുണ്ട്.

വിജിലന്‍സ് ഡയറക്ടറായിരുന്ന ജേക്കബ് തോമസ് അവധിയില്‍ പോയതിനെ തുടര്‍ന്നാണ്, ഡിജിപി ലോക്‌നാഥ് ബെഹ്‌റയ്ക്ക് വിജിലന്‍സ് ഡയറക്ടറുടെ അധിക ചുമതല സര്‍ക്കാര്‍ നല്‍കിയത്. പിന്നീട് വിജിലന്‍സ് മേധാവി സ്ഥാനത്ത് ബെഹ്‌റയെ സ്ഥിരപ്പെടുത്തുകയായിരുന്നു. 11 മാസമായി ബെഹ്‌റ വിജിലന്‍സ് തലവനായി പ്രവര്‍ത്തിച്ചുവരികയാണ്. ബെഹ്‌റ ഇരട്ടപ്പദവി വഹിക്കുന്നത് വിവാദമായിരുന്നു. മാത്രമല്ല ബെഹ്‌റയെ വിജിലന്‍സ് ഡയറക്ടറായി നിയമിച്ചത് കേന്ദ്ര ാബ്യന്തരമന്ത്രാലയത്തെ അറിയിച്ചിരുന്നില്ലെന്നും കഴിഞ്ഞദിവസം റിപ്പോര്‍ട്ടുകള്‍ പുറത്തുവന്നിരുന്നു.

തൊഴിലാളികളെ അഭിസംബോധന ചെയ്ത് ഹിന്ദിയിലും ബംഗാളിയിലും ഡി.ജി.പി കാര്യങ്ങള്‍ വിശദീകരിച്ചു. കേരളം സുരക്ഷിതമായ നാടാണ്. ഒരാക്രമണവും ഇവിടെ ഉണ്ടാവില്ല. മറിച്ചുള്ള തെറ്റായ പ്രചരണങ്ങളില്‍ വീണുപോകരുതെന്ന് അദ്ദേഹം വ്യക്തമാക്കി. ഇതര സംസ്ഥാന തൊഴിലാളികളുടെ സുരക്ഷ ഉറപ്പാക്കുന്നതിനുള്ള നടപടികള്‍ കേരളപോലീസ് ആരംഭിച്ചിട്ടുണ്ട്.
തൊഴിലാളികള്‍ക്ക് താമസസൗകര്യവും ചികിത്സാ സംവിധാനങ്ങളും അവരുടെ കുട്ടികള്‍ക്ക് വിദ്യാഭ്യാസ സൗകര്യവും ഒരുക്കുന്നതിന് വിവിധ പദ്ധതികള്‍ സര്‍ക്കാര്‍ നടപ്പാക്കുന്നുണ്ട്. വ്യാജസന്ദേശങ്ങള്‍ പ്രചരിപ്പിക്കുന്നതില്‍ നിന്നും പൊതുജനങ്ങള്‍ മാറിനില്‍ക്കണം. പ്രചരിപ്പിക്കുന്നവര്‍ക്കെതിരെ ശക്തമായ നിയമനടപടി സ്വീകരിക്കുമെന്നും ഡി.ജി.പി പറഞ്ഞു.

കഴിഞ്ഞ ദിവസമാണ് കേരളത്തില്‍ ഇതരസംസ്ഥാന തൊഴിലാളികള്‍ ആക്രമിക്കപ്പെടുന്നുവെന്ന പ്രചാരണം ശക്തമായത്. അടുത്തിടെ കോഴിക്കോട്ടെ ഒരു പുതിയ ഹോട്ടലില്‍ ഇതരസംസ്ഥാന തൊഴിലാളി ആത്മഹത്യ ചെയ്തിരുന്നു. ഇതിന്റെ ചിത്രങ്ങളും മറ്റു സംസ്ഥാനങ്ങളില്‍ നടക്കുന്ന ആക്രമണങ്ങളുടെ ചിത്രങ്ങളും ഉള്‍പ്പെടുത്തിയായിരുന്നു സന്ദേശങ്ങള്‍ പ്രചരിച്ചിരുന്നത്.

സുനി കത്തയച്ചത് സംബന്ധിച്ച് ദിലീപ് പരാതി നല്‍കിയിരുന്നു. ദിലീപ് പരാതി നല്‍കിയത് എപ്പോഴെന്നും അദ്ദേഹത്തിന്റെ ആക്ഷേപങ്ങള്‍ക്കും കോടതിയില്‍ മറുപടി നല്‍കുമെന്ന് ഡിജിപി പറഞ്ഞു. തിരുവനന്തപുരത്ത് മാധ്യമപ്രവര്‍ത്തകരോട് പ്രതികരിക്കുകയായിരുന്നു ബെഹ്‌റ.

അന്വേഷണം പുരോഗമിക്കുന്നതിനാല്‍ നിലവില്‍ യാതൊന്നും വെളിപ്പെടുത്താന്‍ സാധിക്കില്ല. ദിലീപിന്റെ പരാതിയില്‍ എന്ത് നടപടിയാണ് സ്വീകരിച്ചതെന്നും കോടതില്‍ വ്യക്തമാക്കും, അദ്ദേഹം കൂട്ടിച്ചേര്‍ത്തു.

കഴിഞ്ഞ ദിവസം ദിലീപ് സമര്‍പ്പിച്ച ജാമ്യാപേക്ഷയില്‍ ഡി.ജി.പി ലോക്‌നാഥ് ബെഹ്‌റയ്‌ക്കെതിരെ പരാമര്‍ശങ്ങളുണ്ടായിരുന്നു. പള്‍സര്‍ സുനി തന്നെ വിളിച്ചകാര്യം അന്നു തന്നെ ബെഹ്‌റയുടെ പേഴ്‌സണല്‍ നമ്പര്‍ വഴിയും വാട്‌സ്ആപ്പ് മെസേജ് വഴിയം കൈമാറിയെന്നായിരുന്നു ദിലീപ് ജാമ്യാപേക്ഷയില്‍ അവകാശപ്പെടുന്നത്. എന്നാല്‍ ദിലീപ് പരാതിപ്പെടാന്‍ വൈകിയെന്നായിരുന്നു പൊലീസിന്റെ ആരോപണം.

ബാബരി മസ്ജിദ് തകര്‍ക്കപ്പെട്ട കാലത്ത് കേരളത്തില്‍ വര്‍ഗ്ഗീയ സംഘര്‍ഷം ഉണ്ടാവാന്‍ സാധ്യതയുണ്ടെന്ന് ഇന്റലിജന്റ്‌സ് റിപ്പോര്‍ട്ടുണ്ടായിരുന്നു. ഇതിനെത്തുടര്‍ന്ന് പോലീസിന്റെ ഭാഗത്തുനിന്നും ചില തന്ത്രങ്ങള്‍ പ്രയോഗിക്കുകയായിരുന്നു. ഇത് വിജയകരമായെന്നും ബെഹ്‌റ പറഞ്ഞു.

‘1992ല്‍ ബാബറി മസ്ജിദ് പ്രശ്‌നമുണ്ടായപ്പോള്‍ കേരളത്തില്‍ വര്‍ഗീയ കലാപമുണ്ടാകുമെന്നായിരുന്നു ഇന്റലിജന്‍സ് റിപ്പോര്‍ട്ട്. അതിനെ അതിജീവിക്കാന്‍ പ്രയോഗിച്ചത് വളരെ ചെറിയ ഒരു തന്ത്രമാണ്. കേബിള്‍ ഓപ്പറേറ്റര്‍മാരെയെല്ലാം വിളിച്ച് ചാനലുകളില്‍ മമ്മൂട്ടിയുടെയും മോഹന്‍ലാലിന്റെയും ഹിറ്റ് സിനിമകള്‍ ടെലികാസ്റ്റ് ചെയ്യാന്‍ പറഞ്ഞു. മമ്മൂട്ടിയും ലാലും കത്തി നില്‍ക്കുന്ന സമയമാണ്. ആളുകളെ ഒരു പരിധിവരെ വീട്ടിനുളളില്‍ പിടിച്ചിരുത്താന്‍ അത് ധാരാളമായിരുന്നു’ അഭിമുഖത്തില്‍ അദ്ദേഹം പറയുന്നു.

തന്നെ മേധാവിയാക്കിയ കാര്യം അറിഞ്ഞിട്ടില്ലെന്ന് ലോക്‌നാഥ് ബെഹ്‌റ മാധ്യമങ്ങളോട് പ്രതികരിച്ചു. സര്‍ക്കാരിന് നന്ദി. നല്ല രീതിയില്‍ പ്രവര്‍ത്തിക്കുമെന്നും അദ്ദേഹം പറഞ്ഞു. പാതിവഴിയില്‍ നിര്‍ത്തിവെച്ച പലകാര്യങ്ങളുമുണ്ട്. അതുമായി മുന്നോട്ട് പോകുമെന്നും അദ്ദേഹം പറഞ്ഞു.

നേരത്തെ, കോടതിവിധിക്കനുസരിച്ച് ബെഹ്‌റയെ മാറ്റി മേധാവിയായി സെന്‍കുമാറിനെ നിയമിച്ചിരുന്നു. പിന്നീട് വിജിലന്‍സ് ഡയറക്ടര്‍ പദവിയിലെത്തിയ അദ്ദേഹം സെന്‍കുമാര്‍ വിരമിക്കുന്നതോടെ തിരിച്ചെത്തുകയായിരുന്നു. ബെഹ്‌റ പോലീസ് മേധാവിയായിരിക്കുമ്പോള്‍ വിവാദപരമായ നിരവധി സംഭവങ്ങളും നടന്നിരുന്നു. ജിഷ്ണു പ്രണോയിയുടെ അമ്മ മഹിജക്കെതിരായ പോലീസ് നടപടിയും വലിയ രീതിയില്‍ വമിര്‍ശനങ്ങള്‍ക്ക് വഴിവെച്ചിരുന്നു.