മത്സരത്തിന്റെ ആദ്യപകുതിയിലായിരുന്നു രണ്ടു ഗോളുകളും. 26-ാം മിനിറ്റില്‍ യുവതാരം എസ്റ്റേവോയും 35-ാം മിനിറ്റില്‍ മധ്യനിരതാരം കാസമിറോയും സെനഗലിന്റെ വലയിലേക്കുള്ള വഴി കണ്ടെത്തി. ആദ്യപകുതിയില്‍ ബ്രസീല്‍ പൂര്‍ണമായും ആധിപത്യം പുലര്‍ത്തിയെങ്കിലും രണ്ടാം പകുതിയില്‍ ഇരു ടീമുകള്‍ക്കും ഗോളൊന്നും നേടാനായില്ല.

വിനീഷ്യസ് ജൂനിയര്‍ അടക്കമുള്ള പ്രധാന താരങ്ങളുമായി ബ്രസീല്‍ തുടക്കം ആക്രമണാത്മകമായ ഫുട്‌ബോള്‍ അവതരിപ്പിച്ചു. കഴിഞ്ഞ ഒക്ടോബറില്‍ ജപ്പാനെതിരെ നേരിട്ട ഞെട്ടിക്കുന്ന പരാജയത്തിന് പിന്നാലെ ലഭിച്ച ഈ വിജയം ബ്രസീല്‍ ടീമിന് വലിയ ആശ്വാസമായി മാറുന്നു.