LPG – Chandrika Daily

പാചക വാതക ടാങ്കര്‍ മറിഞ്ഞ് അപകടം; പരിഭ്രാന്തരായി നാട്ടുകാര്‍

webdesk18 — Mon, 13 Jan 2025 06:03:47 +0000

കായംകുളം കൊറ്റുകുളങ്ങര മസ്ജിദിന് സമീപം പാചക വാതക ടാങ്കര്‍ നിയന്ത്രണം തെറ്റി മറിഞ്ഞ് അപകടം. ഇന്ന് രാവിലെയായിരുന്നു സംഭവം. നിലവില്‍ ടാങ്കറിന് ചോര്‍ച്ചയോ മറ്റ് അപകടസാധ്യതകളോ ഇല്ല.

മംഗലാപുരത്തുനിന്നും കൊല്ലം പാരിപ്പള്ളി ഐ.ഒ.സി പ്ലാന്റിലേക്ക് പോവുകയായിരുന്ന 18 ടണ്‍ വാതകമടങ്ങിയ ടാങ്കറാണ് മറിഞ്ഞത്. ദേശീയപാതയില്‍ നിന്നും വാഹനം തെന്നിമാറിയതാണ് അപകട കാരണമെന്ന് ഡ്രൈവര്‍ പറയുന്നു. ക്യാബിനില്‍ നിന്നും വാതകം നിറച്ച ബുള്ളറ്റ് വേര്‍പെട്ട നിലയിലാണ്.

കായംകുളത്തുനിന്നും അഗ്‌നിരക്ഷാ സേനായുടെ രണ്ട് യൂനിറ്റും സിവില്‍ ഡിഫന്‍സും സ്ഥലത്ത് എത്തിയിട്ടുണ്ട്. പാരിപ്പള്ളി ഐ.ഒ.സിയില്‍ വിദഗ്ധര്‍ എത്തി പരിശോധിച്ച ശേഷം വാതകം മറ്റൊരു വാഹനത്തിലേക്ക് മാറ്റാനാണ് ശ്രമിക്കുന്നത്.

ഡ്രൈവറെ ക്രൂരമായി മര്‍ദിച്ച് സി.ഐ.ടി.യു തൊഴിലാളികള്‍

webdesk13 — Thu, 09 May 2024 09:32:49 +0000

ഇറക്കുകൂലിയില്‍ 20 രൂപ കുറഞ്ഞതിനെ ചൊല്ലിയുണ്ടായ തര്‍ക്കത്തില്‍ ഡ്രൈവര്‍ക്ക് ക്രൂരമായ മര്‍ദനം. ബി.പി.സി എല്ലിന്റെ എല്‍.പി.ജി ബോട്‌ലിങ് പ്ലാന്റിലെ ഡ്രൈവര്‍ക്കാണ് മര്‍ദനമേറ്റത്.

പണം കുറഞ്ഞതിന് സി.ഐ.ടി.യു തൊഴിലാളികളാണ്‌ഡ്രൈവറെ തല്ലി ചതച്ചത്.കൊടകരയിലെ ഗ്യാസ് ഏജന്‍സിയില്‍ വച്ചുണ്ടായ തര്‍ക്കത്തിലാണ് ഡ്രൈവറെ മര്‍ദിച്ചവശനാക്കിയത്.

ഡ്രൈവര്‍ക്കെതിരായ ഈ ആക്രമത്തില്‍ പ്രതിഷേധിച്ച് ബോട്‌ലിങ് പ്ലാന്റില്‍ ഡ്രൈവര്‍മാര്‍ പണിമുടക്കി.ഇതോടെ ഏഴ് ജില്ലകളിലേക്കുളള 140 ലോഡുകള്‍ മുടങ്ങി. 200 ഡ്രൈവര്‍മാര്‍ പണിമുടക്കില്‍ പങ്കെടുക്കുന്നുണ്ട്.

പാചക വാതക സിലിണ്ടറിന്റെ വില വീണ്ടും കൂട്ടി

webdesk11 — Sun, 01 Oct 2023 01:33:00 +0000

പാചകവാതക സിലിണ്ടറിന്റെ വില വീണ്ടും വര്‍ദ്ധിപ്പിച്ചു. വാണിജ്യ ആവശ്യത്തിനുള്ള സിലിണ്ടറിന്റെ വിലയാണ് 209 രൂപ വര്‍ധിപ്പിച്ചത്. കഴിഞ്ഞ മാസം 158 രൂപ കുറച്ചിരുന്നു. എന്നാല്‍ ഗാര്‍ഹിക ആവശ്യത്തിനുള്ള സിലിണ്ടറിന്റെ വിലയില്‍ മാറ്റമില്ല.

പാചകവാതക വിലയില്‍ വന്‍ വര്‍ധന; ഗാര്‍ഹിക സിലിണ്ടറിന് 50 രൂപ കൂട്ടി

webdesk11 — Wed, 01 Mar 2023 02:27:01 +0000

രാജ്യത്ത് പാചക വാതക വിലയില്‍ വന്‍ വര്‍ധന. ഗാര്‍ഹിക സിലണ്ടറിന് 50 രൂപയാണ് കൂട്ടിയത്. വാണിജ്യ സിലിണ്ടറിന് 351 രൂപായാണ് കൂട്ടിയത്.

ഇതോടെ 1061 രൂപായായ ഗാര്‍ഹിക സിലിണ്ടറിന് 1110 രൂപയായി. വാണിജ്യ സിലണ്ടറിന് 1773 ല്‍ നിന്ന് 2124 രൂപായായി. പുതുക്കിയ വില ഇന്ന് മുതല്‍ പ്രാബല്യത്തില്‍ വരും.

സബ്സിഡി ഒഴിവാക്കുക ലക്ഷ്യം; 16 മാസത്തിനിടെ പാചകവാതകത്തിന് വിലകൂട്ടിയത് 19 തവണ

chandrika — Sun, 05 Nov 2017 08:51:03 +0000

ന്യൂഡല്‍ഹി: പാചകവാതകത്തിന് കേന്ദ്രസര്‍ക്കാര്‍ വീണ്ടും വിലകൂട്ടിയതോടെ സബ്സിഡിയുള്ള പാചകവാതകത്തിന് 4.50 രൂപ വര്‍ധിച്ചു.
പാചക വാതകത്തിലെ സബ്സിഡി ഒഴിവാക്കാനുള്ള കേന്ദ്രസര്‍ക്കാര്‍ തീരുമാനത്തിന് ശേഷം 19 തവണയാണ് പാചകവാതകത്തിന് വിലകൂട്ടിയതെന്ന് റിപ്പോര്‍ട്ട്.

महंगी गैस, महंगा राशन
बंद करो खोखला भाषण
दाम बांधो, काम दो
वर्ना खाली करो सिंहासन https://t.co/LMd2KL0N5t

— Office of RG (@OfficeOfRG) November 5, 2017

2016 ജൂലായ് മുതല്‍ ഇതുവരെ 19 തവണയാണ് പാചകവാതകത്തിന് വിലകൂട്ടിയതെന്ന് മുബൈ മിറര്‍ റിപ്പോര്‍ട്ട് ചെയ്തു. വിമാന ഇന്ധനത്തിന് കഴിഞ്ഞ ദിവസം രണ്ട് ശതമാനം വിലകൂട്ടിയതോടെ ആഗസ്റ്റിന് ശേഷം മാത്രം നാല് തവണയാണ് വില കൂടിയത്.
വില കുത്തനെ കൂട്ടിയതോടെ സബ്‌സിഡി ഇല്ലാത്ത പാചകവാതകത്തിന്റെ ഗാര്‍ഹിക സിലിണ്ടറിന് 94 രൂപയും വ്യവസായാവശ്യത്തിനുള്ള സിലിണ്ടറിനു 146 രൂപയുമായാണ് ഒറ്റയടിക്കു വര്‍ധിച്ചത്.

സബ്സിഡി ഒഴിവാക്കാനുള്ള കേന്ദ്രത്തിന്റെ നയതീരുമാനത്തിന്റെ ഭാഗമായാണ് എല്ലാ മാസവും വില കൂട്ടിക്കൊണ്ടിരിക്കുന്നത്. അടുത്ത വര്‍ഷം മാര്‍ച്ചോടെ സബ്സിഡി പൂര്‍ണമായും ഒഴിവാക്കാനാകുമെന്നാണ് സര്‍ക്കാര്‍ കണക്കുകൂട്ടല്‍.

സബ്‌സിഡി ഉപേക്ഷിക്കാനുള്ള കേന്ദ്രത്തിന്റെ തീരുമാനം ലക്ഷക്കണക്കിന് ഉപയോക്താക്കള്‍ക്ക് ഇരുട്ടടിയാവുകയാണ്. കഴിഞ്ഞ മാസം ഗാര്‍ഹിക സിലിണ്ടറിന് 49 രൂപ വര്‍ധിപ്പിച്ചിരുന്നു.

കേരളത്തില്‍ 4.5 ലക്ഷം പേരാണു സബ്‌സിഡിയില്ലാത്ത ഗാര്‍ഹിക പാചകവാതകം വാങ്ങുന്നത്. സബ്‌സിഡിയുള്ള സിലിണ്ടറിന് നാലര രൂപ കൂടും. സബ്‌സിഡിയുള്ള ഉപയോക്താക്കളും വര്‍ഷം 12 സിലിണ്ടറില്‍ കൂടുതല്‍ വാങ്ങിയാല്‍ അധികവില നല്‍കണം.

പാചകവാതക വില കുത്തനെ കൂട്ടി

chandrika — Wed, 01 Nov 2017 03:32:08 +0000

ന്യൂഡല്‍ഹി: രാജ്യത്ത് പാചകവാതക വില വീണ്ടും വര്‍ധിപ്പിച്ചു. സബ്‌സിഡി ഇല്ലാത്ത സിലിണ്ടറിന് 93 രൂപയാണ് വര്‍ധിപ്പിച്ചത്. ഇതോടെ സിലിണ്ടറിന് 729 രൂപയായി ഉയര്‍ന്നു. നേരത്തെ 635 രൂപയായിരുന്നു. സബ്‌സിഡിയുള്ള സിലിണ്ടറുകള്‍ക്ക് 4.56 രൂപയാണ് വര്‍ധിച്ചത്.
വാണിജ്യ ആവശ്യത്തിനുള്ള സിലിണ്ടറിന് 146 രൂപയും വര്‍ധിപ്പിച്ചു. 1289 രൂപയാണ് പുതുക്കിയ നിരക്ക്.