കാലുകള്‍ തൊടുന്നതിന്റെ അടിമത്തം ഉപേക്ഷിച്ചുകൊണ്ട് നല്ലൊരു രാഷ്ട്രീയ സംസ്‌ക്കാരം വളര്‍ത്തിയെടുക്കാന്‍ ശ്രദ്ധയും പരിചരണവും നല്‍കാമെമന്ന് ഡിഎംകെ പ്രസ്താവനയില്‍ പറയുന്നു. ഇത്തരത്തിലുള്ള നടപടികള്‍ ദ്രാവിഡ രാഷ്ട്രീയത്തിന്റെ അന്തസത്ത ചോര്‍ത്തിക്കളയും എന്നാണ് സ്റ്റാലിന്റെ നിലപാട്. സ്റ്റാലിനും മുതിര്‍ന്ന നേതാക്കള്‍ക്കും ഉപഹാരങ്ങളും ഷോളുകളും നല്‍കുന്നതിന് പകരം തമിഴ്‌നാട്ടിലെ ലൈബ്രറികളിലേക്ക് ഉപകാരപ്രദമാകുന്ന പുസ്തകകങ്ങള്‍ നല്‍കാനും പാര്‍ട്ടി നിര്‍ദേശിച്ചിട്ടുണ്ട്. അതുപോലെ പൊതുജനങ്ങളെ ബുദ്ധിമുട്ടിലാക്കി, ഗതാഗത കുരുക്ക് സൃഷ്ടിക്കുന്ന തരത്തില്‍ പാര്‍ട്ടി ഫല്‍ക്‌സ് ബോര്‍ഡുകള്‍ സ്ഥാപിക്കരുതെന്നും നിര്‍ദേശമുണ്ട്.

ഡി.എം.കെയുടെ വര്‍ക്കിങ് പ്രസിഡന്റായി സ്ഥാനമേറ്റ മുതല്‍ പാര്‍ട്ടി അണികള്‍ തന്റെ പാദം തൊട്ട് നമസ്‌കരിക്കരുതെന്ന് അദ്ദേഹം നിര്‍ദ്ദേശം നല്‍കിയിരുന്നു. അന്തരിച്ച മുന്‍ മുഖ്യമന്ത്രി ജയലളിത ഈ പതിവ് തുടര്‍ന്നതിന് എതിരെ വ്യാപക പരിഹാസങ്ങള്‍ ഉയര്‍ന്നുവന്നിരുന്നു. ജയലളിത അടിമത്തം വളര്‍ത്തുന്നുവെന്നായിരുന്നു വിമര്‍ശനം.

അതേസമയം, ദയാലു അമ്മാളിന്റെ ആരോഗ്യസ്ഥിതി സംബന്ധിച്ച റിപ്പോര്‍ട്ടുകളൊന്നും ലഭ്യമായിട്ടില്ല. ഇതുസംബന്ധിച്ച വിവരങ്ങള്‍ പുറത്തുവിടാന്‍ ആസ്പത്രി അധികൃതര്‍ തയ്യാറായിട്ടുമില്ല. ഡി.എം.കെ അദ്ധ്യക്ഷന്‍ എം.കെ സ്റ്റാലിന്റെ മാതാവാണ് ദയാലു അമ്മാള്‍.

രാവിലെ ഒന്‍പതിന് ചെന്നൈയിലെ പാര്‍ട്ടി ആസ്ഥാനമായ അണ്ണാ അറിവാലയത്തില്‍ നടന്ന ജനറല്‍ കൗണ്‍സിലിലാണ് ഇതു സംബന്ധിച്ച് ഔദ്യോഗിക പ്രഖ്യാപനമുണ്ടായത്. ഈ മാസം ഏഴിനാണ് മുന്‍മുഖ്യമന്ത്രിയും ഡി.എം.കെ അധ്യക്ഷനുമായിരുന്ന കരുണാനിധി അന്തരിച്ചത്.

കഴിഞ്ഞ ഞായറാഴ്ച്ചയാണ് അധ്യക്ഷ സ്ഥാനത്തേക്ക് മത്സരിക്കുന്നതിന് സ്റ്റാലിന്‍ നാമനിര്‍ദ്ദേശപത്രിക നല്‍കിയത്. സ്റ്റാലിന്‍ മാത്രമാണ് അധ്യക്ഷ സ്ഥാനത്തേക്ക് നാമനിര്‍ദ്ദേശപത്രിക സമര്‍പ്പിച്ചത്. പാര്‍ട്ടിയിലെ മുതിര്‍ന്ന നേതാവായ ദുരൈമുരുഗന്‍ ട്രഷറര്‍ സ്ഥാനത്തേക്കും നാമനിര്‍ദ്ദേശം നല്‍കിയിരുന്നു.

അതേസമയം, കരുണാനിധിയുടെ മൂത്തമകന്‍ അഴകിരി സ്റ്റാലിനെതിരെ രംഗത്തെത്തിയിട്ടുണ്ട്. ഡി.എം.കെയിലേക്ക് തിരിച്ചെടുത്തില്ലെങ്കില്‍ ഗുരുതര പ്രത്യാഘാതങ്ങള്‍ ഉണ്ടാകുമെന്ന് അഴകിരി പറഞ്ഞു. പാര്‍ട്ടില്‍ തിരിച്ചെടുക്കാത്തതില്‍ പ്രതിഷേധിച്ച് സെപ്തംബര്‍ അഞ്ചിന് കരുണാനിധിയുടെ ശവകുടീരത്തില്‍ നിന്ന് സമാധാന റാലി സംഘടിപ്പിക്കുമെന്ന് അഴകിരി പറഞ്ഞു. അടുത്തമാസം അഞ്ചുവരെ കാത്തിരിക്കണമെന്നും തന്നെ പിന്തുണക്കുന്നവര്‍ക്കു വേണ്ടിയാണിതെന്നും അദ്ദേഹം കൂട്ടിച്ചേര്‍ത്തു.

കഴിഞ്ഞ 49 വര്‍ഷം ഡി.എം.കെ അധ്യക്ഷനായിരുന്നു എം കരുണാനിധി. അധ്യക്ഷ സ്ഥാനത്തെത്തുന്നതോടെ പാര്‍ട്ടിയുടെ രണ്ടാമത്തെ അധ്യക്ഷനാവും എം.കെ സ്റ്റാലിന്‍. പാര്‍ട്ടിയില്‍ ശകതമായ സ്വാധീനമുള്ള സ്റ്റാലിന്‍ എതിരില്ലാതെയാണ് അധ്യക്ഷസ്ഥാനത്തേക്ക് തെരഞ്ഞെടുക്കപ്പെട്ടത്.

Chennai’s Kauvery Hospital issues the medical bulletin of DMK Chief M Karunanidhi; states a decline in his medical condition. #TamilNadu pic.twitter.com/CSCUfOuE49

— ANI (@ANI) August 6, 2018

അടുത്ത 24 മണിക്കൂര്‍ നിര്‍ണായകമെന്ന് അധികൃതര്‍ മെഡിക്കല്‍ ബുള്ളറ്റിന്‍ ഇറക്കി. തമിഴ്നാട് മുന്‍ മുഖ്യമന്ത്രി എം കരുണാനിധി ഗുരുതരാവസ്ഥയിലായതില്‍ മനംനൊന്ത് കഴിയുകയായിരുന്ന ഡി.എം.കെ പാര്‍ട്ടി പ്രവര്‍ത്തകര്‍.

കരുണാനിധിയുടെ ആരോഗ്യനിലയില്‍ പുരോഗതിയുണ്ടെന്നും രണ്ടു ദിവസത്തിനുള്ളില്‍ അദ്ദേഹം ആസ്പത്രി വിടുമെന്നും ഡി.എം.കെ പ്രിന്‍സിപ്പാല്‍ സെക്രട്ടറി ദുരൈമുരുഗന്‍ നേരത്തെ അറിയിച്ചിരുന്നു.

ഇന്ന് രാവിലെ പുറത്തുവിട്ട മെഡിക്കല്‍ റിപ്പോര്‍ട്ടിലും അദ്ദേഹത്തിന്റെ ആരോഗ്യനിലയില്‍ പുരോഗതി ഒന്നും തന്നെയുള്ളതായി പറഞ്ഞിട്ടില്ല. ആരോഗ്യനില ഇപ്പോഴും അതീവഗുരുതരമായിത്തന്നെ തുടരുകയാണ്. ആസ്പത്രിയില്‍ സന്ദര്‍ശകരെ വിലക്കിയിട്ടുണ്ട്.

ഡോക്ടര്‍മാരുടെ സംഘം ഗോപാലപുരത്തെ വീട്ടില്‍ ക്യാംപ് ചെയ്താണ് ചികിത്സ നടത്തുന്നത്. 94 വയസ്സുള്ള കരുണാനിധിയെ ആസ്പത്രിയിലെത്തിച്ച് ചികിത്സിക്കാന്‍ കഴിയാത്ത സാഹചര്യമാണുള്ളതെന്നാണ് വിവരം. കഴിഞ്ഞ ഒരു വര്‍ഷമായി കരുണാനിധി വാര്‍ധക്യസഹജമായ അസുഖങ്ങള്‍ കാരണം ചികിത്സയിലാണ്. പക്ഷേ ഏറ്റവും അടുത്തയാളുകളെ അദ്ദേഹം തിരിച്ചറിയുന്നുണ്ടായിരുന്നു. എന്നാല്‍ മൂന്ന് ദിവസമായി നില ഗുരുതരമാണ്. വൃക്ക സംബന്ധിച്ച് രോഗമുണ്ടെന്നും മെഡിക്കല്‍ ബുള്ളറ്റിനില്‍ പറയുന്നു.

എം.എല്‍.എമാരോട് ഉടന്‍ ചെന്നൈയില്‍ എത്തണമെന്ന് വര്‍ക്കിങ് പ്രസിഡന്റ് എം.കെ.സ്റ്റാലിന്‍ ആവശ്യപ്പെട്ടു. വിവരമറിഞ്ഞ് ഇന്നലെ മുതല്‍ അദ്ദേഹത്തിന്റെ വസതിയിലേക്ക് അനുയായികളുടെ ഒഴുക്കാണ്. ഉപമുഖ്യമന്ത്രി ഒ പനീര്‍ശെല്‍വത്തിന്റെ നേതൃത്വത്തില്‍ മന്ത്രിമാരുടെ സംഘം കരുണാനിധിയുടെ വീട്ടിലെത്തി. കമല്‍ഹാസന്‍ ഉള്‍പ്പെടെയുള്ളവരുമെത്തി. പക്ഷേ അണുബാധയേല്‍ക്കുന്നത് ഒഴിവാക്കാന്‍ അദ്ദേഹത്തെ സന്ദര്‍ശിക്കുന്നതിന് വിലക്ക് ഏര്‍പ്പെടുത്തിയിട്ടുണ്ട്.