കേസിലെ മറ്റുപ്രതികളായ സ്വപ്‌ന സുരേഷ്, പി.എസ്. സരിത്ത്, സന്തീപ് നായര്‍, സന്തോഷ് ഈപ്പന്‍ എന്നിവരുടെ മൊഴികള്‍ രേഖപ്പെടുത്തിയതിന് ശേഷമാണ് ഇ.ഡി ശിവശങ്കറിനെ വീണ്ടും ചോദ്യം ചെയ്തതും അറസ്റ്റ് രേഖപ്പെടുത്തിയതും. പദ്ധതിയുമായി ബന്ധപ്പെട്ട് ആറുകോടിയുടെ അഴിമതി നടന്നു എന്നായിരുന്നു സ്വപ്‌ന സുരേഷിന്റെ ആരോപണമെങ്കില്‍ ലൈഫ് മിഷന്‍ കരാര്‍ ല’ിക്കാന്‍ 4കോടി 48 ലക്ഷം രൂപ കോയ നല്‍കിയെന്നായിരുന്നു നിര്‍മാണ കരാര്‍ ഏറ്റെടുത്ത സന്തോഷ് ഈപ്പന്റെ വെളിപ്പെടുത്തല്‍.

ശിവശങ്കര്‍ വീണ്ടും അറസ്റ്റിലാവുന്നതോടെ ഒന്നാം പിണറായി സര്‍ക്കാറിന്റെ കാലത്ത് കോളിളക്കം സൃഷ്ടിക്കപ്പെടുകയും കേന്ദ്രവും കേരളവും തമ്മിലുള്ള ഒത്തുകളിയിലൂടെ താല്‍ക്കാലികമായെങ്കിലും അടഞ്ഞ അധ്യായമായിമാറുകയും ചെയ്ത സ്വര്‍ണക്കടത്ത് കേസ്, വടക്കാഞ്ചേരിയിലെ ലൈഫ് ‘വന പദ്ധതി സമുച്ചയ അഴിമതി തുടങ്ങിയവയെല്ലാം വീണ്ടും പുറത്തുവരികയാണ്.

ഈ കേസുകളുമായെല്ലാം ബന്ധപ്പെട്ട് അടിമുടി ദുരൂഹത നിറഞ്ഞ നീക്കമാണ് സംസ്ഥാന സര്‍ക്കാറിന്റെ ‘ാഗത്തുനിന്നുണ്ടായത്. ആദ്യം സ്വന്തം അന്വേഷണ ഏജന്‍സികളെ ഉപയോഗിച്ച് കേസ് അട്ടിമറിക്കാന്‍ ശ്രമിക്കുകയും പിന്നീട് കൈപ്പിടിയിലൊതുങ്ങില്ലെന്നുറപ്പായപ്പോള്‍ കേന്ദ്രം ‘രിക്കുന്ന ബി.ജെ.പി സര്‍ക്കാറുമായി ഒത്തുതീര്‍പ്പിലെത്താനും പിണറായി ‘രണകൂടം ശ്രമം നടത്തുകയുണ്ടായി. ആ ശ്രമത്തിന്റെ വിജയമെന്നോണം കേസ് തേഞ്ഞുമാഞ്ഞുപോകുന്നതാണ് പിന്നീട് കണ്ടത്. എന്നാല്‍ സത്യത്തെ എത്ര മൂടിവെച്ചാലും എല്ലാ മറകളും നീക്കി ഒരുനാള്‍ പുറത്തുവരുമെന്ന യാഥാര്‍ത്ഥ്യമാണ് ഇപ്പോള്‍ പ്രകടമാകുന്നത്.

സംസ്ഥാനത്തിനു തന്നെ നാണക്കേടുണ്ടാക്കിയ കേസില്‍ തന്റെ മനസാക്ഷി സൂക്ഷിപ്പുകാരനായ പ്രിന്‍സിപ്പല്‍ സെക്രട്ടറി അറസ്റ്റിലായതോടെ തന്നെ മുഖ്യമന്ത്രി പിണറായി വിജയനിലേക്കും സംശയത്തിന്റെ ചൂണ്ടുവിരല്‍ നീണ്ടതാണ്. എന്നാല്‍ ശിവശങ്കറിനെ തള്ളിപ്പറഞ്ഞും ലൈഫിന്റെ വൈകാരികത ഉപയോഗപ്പെടുത്തിയും പ്രതിരോധം തീര്‍ക്കുകയാണ് അദ്ദേഹം ചെയ്തത്. ‘വന സമുച്ചയത്തിലെ അഴിമതിയാരോപണങ്ങള്‍ പ്രതിപക്ഷം നിയമസ’യില്‍ ഉന്നയിച്ചപ്പോള്‍ ആരോപണങ്ങള്‍ക്കൊന്നും മറുപടി നല്‍കാതെ പാവപ്പെട്ടവന്റെ കണ്ണീരിനെ മറയാക്കി രക്ഷപ്പെടാനാണ് പിണറായി വിജയന്‍ ശ്രമിച്ചത്. മാത്രമല്ല കേന്ദ്ര ഏജന്‍സികള്‍ വരുന്നതിനുമുമ്പ് സംസ്ഥാന സര്‍ക്കാറിനു കീഴിലുള്ള വിജിലന്‍സിനെക്കൊണ്ട് അന്വേഷണം പ്രഖ്യാപിച്ച് പദ്ധതിയുമായി ബന്ധപ്പെട്ട രേഖകളെല്ലാം പിടിച്ചെടുക്കാനുള്ള ശ്രമവും നടത്തുകയുണ്ടായി. എന്നാല്‍ വിജിലന്‍സ് അന്വേഷണം ശരിയായ ദിശയില്‍ സഞ്ചരിക്കുകയും വെളുക്കാന്‍ തേച്ചത് പാണ്ടാകുന്ന അവസ്ഥ വരികയും ചെയ്തപ്പോള്‍ അന്വേഷണ സംഘത്തെ പിരിച്ചുവിടുകയും ഉദ്യോഗസ്ഥരെ സ്ഥലം മാറ്റുകയുമായിരുന്നു.

പിന്നീട് കേന്ദ്ര ഏജന്‍സികള്‍ അന്വേഷണത്തിനത്തുന്ന ഘട്ടം വന്നപ്പോള്‍ അതിനെതിരെ പരമോന്നത നീതി പീഠത്തില്‍ വരെ ഹരജിയുമായി അദ്ദേഹവും സംഘവും പോയി. അവിടെയും രക്ഷയില്ലാതാവുകയും കേന്ദ്ര അന്വേഷണ ഏജന്‍സികള്‍ സംസ്ഥാനത്ത് വട്ടമിട്ടുപറക്കുകയും സംസ്ഥാന മുഖ്യമന്ത്രി ഏതു നിമിഷവും അറസ്റ്റിലാവുമെന്ന പ്രതീതി ജനിക്കുകയും ചെയ്‌തെങ്കിലും പിന്നീട് ഒറ്റയടിക്ക് അന്വേഷണ ഏജന്‍സികള്‍ നിശബ്ദരാവുകയും കേസ് തന്നെ ഇല്ലാതാവുന്നതിലേക്ക് കാര്യങ്ങള്‍ ചെന്നെത്തുകയും ചെയ്തു.

സി.പി.എമ്മും ബി.ജെ.പിയും തമ്മിലുള്ള ധാരണയുടെ പുറത്താണ് കേസ് നിര്‍വീര്യമാക്കപ്പെടുന്നതിലേക്കെത്തിയതെന്ന് പ്രതിപക്ഷത്തിന്റെ ആരോപണം ശരിവെക്കുന്ന തരത്തിലായിരുന്നു ആനാളുകളിലെ നീക്കങ്ങള്‍. കോണ്‍ഗ്രസ് മുക്ത ‘ാരതത്തിനുള്ള തങ്ങളുടെ ഒരു കൈ സഹായം ഇരു കൈയും നീട്ടി സ്വീകരിച്ച ബി.ജെ.പി നിയമസ’ാ തിരഞ്ഞെടുപ്പില്‍ സി.പി.എമ്മിനെ അകമഴിഞ്ഞു സഹായിക്കുകയും ചെയ്തു.

രണ്ടാമതും അധികാരത്തിലെത്തിയ പിണറായി കേസ് ഒതുക്കിത്തീര്‍ക്കാനുള്ള എല്ലാ ശ്രമങ്ങളും നടത്തിയെങ്കിലും ശക്തമായ തെളിവുകള്‍ കേസിനെ വീണ്ടും സജീവമാക്കിയിരിക്കുകയാണ്. രാഷ്ട്രീയ സ്വാധീനങ്ങള്‍ക്ക് വഴങ്ങാതെ അന്വേഷണ ഏജന്‍സികള്‍ മുന്നോട്ടുപോകുന്ന പക്ഷം സം’വത്തില്‍ മുഖ്യമന്ത്രിയുടെ ലൈഫ്‌ചെയര്‍മാനെന്ന നിലക്കുള്ള പങ്കാളിത്തം പുറത്തുവരുമെന്നത് അരിയാഹാരം കഴിക്കുന്നവര്‍ക്കെല്ലാം ഉറപ്പാണ്. പക്ഷേ മുന്‍ അനു’വത്തിന്റെ പശ്ചാത്തലത്തില്‍ അതെത്രത്തോളം സാധ്യമാകുമെന്നത് ഇനിയുള്ള ദിനങ്ങളില്‍ കാത്തിരുന്നു കാണാം.

മുഖ്യമന്ത്രിയുടെ സെക്രട്ടറി സിഎം രവീന്ദ്രനെ അറസ്റ്റ് ചെയ്താല്‍ കൂടുതല്‍ സത്യം പുറത്തുവരുമെന്നും സ്വപ്‌ന സുരേഷ് പറഞ്ഞു. സിഎം രവീന്ദ്രനെ ചോദ്യം ചെയ്താല്‍ ഊരാളുങ്കല്‍ സൊസൈറ്റിയുടേതുള്‍പ്പടെയുള്ള തട്ടിപ്പുകള്‍ പുറത്തുവരും. വീണമാഡം, കമലാ മാഡം, ചീഫ് മിനിസ്റ്റര്‍, അദ്ദേഹത്തിന്റെ മകന്‍, സിഎം രവീന്ദ്രന്‍, കോണ്‍ഫിഡന്‍ഷ്യല്‍ സെക്രട്ടറി റെസി ഉണ്ണി ഇവരെല്ലാം ഇതിനൊക്കെ ഉത്തരം പറയേണ്ടിവരും’ സ്വപ്‌ന സുരേഷ് പറഞ്ഞു.

ബിരിയാണി ചെമ്പ്, മുഖ്യമന്ത്രി ബാഗേജ്, ഷാര്‍ജ ഭരണാധികാരിയുടെ സന്ദര്‍ശനം എല്ലാം പുറത്ത് വരും. യുഎഇയില്‍ ബാക്കിയുള്ള സാമ്പത്തിക ഇടപാടുകള്‍ നടത്തുന്നത് മുഖ്യമന്ത്രിയുടെ മകനാണ്. വാങ്ങിക്കുന്ന ശമ്പളത്തിനായി അനുസരിക്കുക മാത്രമാണ് ഞാന്‍ചെയ്തത്. അതല്ലാതെ മറ്റൊന്നും ചെയ്തിട്ടില്ല. ശിവശങ്കറുമായി ഒരു പ്രത്യേക ബന്ധമുള്ളത് കൊണ്ട് എതിര്‍ക്കാന്‍ പറ്റിയില്ല. ഞാനും ഇതില്‍ പ്രതിയായലേ ഈ കേസ് മുന്നോട്ട് പോകുകയുള്ളു. സ്വപന കൂട്ടിച്ചേര്‍ത്തു.

ലൈഫ് മിഷന്‍ ഇടപാടുമായി ബന്ധപ്പെട്ട് ആറുകോടിയുടെ കള്ളപ്പണ ഇടപാട് നടന്നെന്നാണ് ഇഡി കേസ്. യൂണിടാക്ക് ഉടമ സന്തോഷ് ഈപ്പനാണ് ഈ പണം നല്‍കിയത് എന്നായിരുന്നു സ്വപ്‌ന സുരേഷ്, സരിത്ത് എന്നിവര്‍ ഇഡിക്ക് നല്‍കിയ മൊഴി. തന്റെ ലോക്കറില്‍ നിന്ന് കണ്ടെത്തിയ പണം ശിവശങ്കറിന്റേതാണ് എന്നും സ്വപ്‌നയുടെ മൊഴിയുണ്ട്. ഇതിന്റെ അടിസ്ഥാനത്തിലാണ് ശിവശങ്കറിന് ഇഡി ചോദ്യം ചെയ്യലിനായി നോട്ടീസ് അയച്ചത്.

ഡോളര്‍കടത്ത് കേസില്‍ കസ്റ്റംസ് പ്രിവന്റീവ് ചോദ്യം ചെയ്ത മസ്‌ക്കറ്റിലെ കോളജിലെ ഡീന്‍ആയ ഡോ.കിരണാണ് ഇക്കാര്യം വ്യക്തമാക്കിയത്. 2018ലാണ് ഇന്റര്‍വ്യുവിനായി സ്വപ്‌ന മസ്‌ക്കറ്റിലെത്തിയത്. ഈസമയം സ്ഥലത്തുണ്ടായിരുന്ന ശിവശങ്കര്‍ അവിടേക്ക് എത്തുകയായിരുന്നു.

ശിവശങ്കറെ കോടതി ഏഴാം തിയ്യതി വരെ കസ്റ്റംസ് കസ്റ്റഡിയില്‍ വിട്ടു. കേസില്‍ കസ്റ്റംസിന്റെ അന്വേഷണ പുരോഗതി നിരീക്ഷിക്കാന്‍ കോടതി തീരുമാനിച്ചിട്ടുണ്ട്. മൂന്നു മാസം കൂടുമ്പോള്‍ പുരോഗതി റിപ്പോര്‍ട്ട് സമര്‍പ്പിക്കണം എന്നാണ് നിര്‍ദേശം.

അതിനിടെ, ഷിപ്പിങ് കാര്‍ഗോ വഴിയെത്തിയ പാഴ്‌സല്‍ വിട്ടു കിട്ടാന്‍ ശിവശങ്കര്‍ ഇടപെട്ടുവെന്ന കേസില്‍ കൂടുതല്‍ കസ്റ്റംസ് ഉദ്യോഗസ്ഥരെ എന്‍ഫോഴ്‌സ്‌മെന്റ് ഡയറക്ടറേറ്റ് ചോദ്യം ചെയ്യും. നേരത്തെ രണ്ട് ഉദ്യോഗസ്ഥരെ ഇഡി ചോദ്യം ചെയ്തിരുന്നു. കഴിഞ്ഞ വര്‍ഷം ഏപ്രിലിലാണ് യുഎഇ കോണ്‍സുലേറ്റിന്റെ പേരില്‍ കൊച്ചിയില്‍ പാഴ്‌സലെത്തിയത്.

അറസ്റ്റ് രേഖപ്പെടുത്താൻ ഇന്നലെ കോടതി അനുമതി നൽകിയെങ്കിലും സാങ്കേതിക കാരണങ്ങളാൽ ഇന്നത്തേക്ക് മാറ്റുകയായിരുന്നു. കസ്റ്റംസ് സൂപ്രണ്ട് വി. വിവേകാണ് അറസ്റ്റ് രേഖപ്പെടുത്തിയത്. ഇന്നലെയാണ് സ്വര്‍ണ്ണക്കള്ളക്കടത്ത് കേസില്‍ എം ശിവശങ്കറിനെ അറസ്റ്റ് ചെയ്യാന്‍ കസ്റ്റംസിന് കോടതി അനുമതി നല്‍കിയത്.

എറണാകുളം സെഷന്‍സ് കോടതിയാണ് അറസ്റ്റിന് അനുമതി നല്‍കിയത്. ശിവശങ്കറിന്‍റെ പങ്കിന് തെളിവ് കിട്ടിയെന്ന് കസ്റ്റംസ് കോടതിയില്‍ വ്യക്തമാക്കി. അതേസമയം യുഎഇ കോൺസുൽ ജനറലും അറ്റാഷെയും വിദേശത്തേക്ക് ഡോളർ കടത്തിയെന്ന് കസ്റ്റംസ് കോടതിയില്‍ പറഞ്ഞു. നിരവധി തവണ ഇരുവരും വിദേശത്തേക്ക് ഡോളർ കടത്തിയെന്നാണ് കസ്റ്റംസ് വ്യക്തമാക്കുന്നത്.

വിദേശത്തേക്ക് ഡോളർ കടത്തിയ കേസിൽ സ്വപ്നയെയും സരിതിനെയും കസ്റ്റഡിയിൽ വിട്ടു കിട്ടണമെന്ന കസ്റ്റംസിന്റെ അപേക്ഷ ഇന്ന് സാമ്പത്തിക കുറ്റകൃത്യങ്ങൾ കൈകാര്യം ചെയ്യുന്ന കൊച്ചിയിലെ കോടതി പരിഗണിക്കും. രണ്ടു പേരെയും വീഡിയോ കോൺഫറൻസിലൂടെ ഹാജരാക്കാൻ കോടതി നിർദ്ദേശിച്ചിട്ടുണ്ട്.

കേസുമായി ബന്ധപ്പെട്ട് ഇഡി സമര്‍പ്പിച്ച റിപ്പോര്‍ട്ടില്‍ വൈരുധ്യങ്ങളുണ്ടെന്ന് ശിവശങ്കര്‍ കോടതിയില്‍ സമര്‍പ്പിച്ച സത്യവാങ്മൂലത്തില്‍ പറഞ്ഞിരുന്നു. ഇഡിക്ക് ആവശ്യമുള്ള രാഷ്ട്രീയ നേതാക്കളുടെ പേര് ചോദ്യം ചെയ്യലിനിടെ പറയാന്‍ വിസമ്മതിച്ചതു കൊണ്ടാണു തന്നെ അറസ്റ്റു ചെയ്തത്. കള്ളപ്പണത്തെ പറ്റി അറിവുണ്ടായിരുന്നുവെന്നു വരുത്താന്‍, ലോക്കര്‍ സംബന്ധിച്ച വാട്‌സാപ് ചാറ്റുകളില്‍ ചിലത് ഇഡി ഒഴിവാക്കി തുടങ്ങിയ ആരോപണങ്ങളാണ് സത്യവാങ്മൂലത്തില്‍ നല്‍കിയത്.

എം.ശിവശങ്കറിന്റെ ആരോപണം തള്ളി എന്‍ഫോഴ്‌സ്‌മെന്റ് ഡയറക്ടറേറ്റ് രംഗത്തെത്തി. രാഷ്ട്രീയ നേതാക്കളുടെ പേരു പറയാന്‍ ശിവശങ്കറിനോട് ആവശ്യപ്പെട്ടിട്ടില്ലെന്നും വാദം ദുരുദ്ദേശ്യപരമെന്നും ഇഡി അറിയിച്ചു. ശിവശങ്കറിന്റെ പുതിയ വാദങ്ങള്‍ കണക്കിലെടുക്കരുതെന്നും ഇഡി അറിയിച്ചു.

ലൈഫ് മിഷന്‍ ക്രമക്കേടില്‍ ഇഡിക്ക് എന്താണ് കാര്യമെന്ന് കോടതി ചോദിച്ചു. സ്വര്‍ണ്ണക്കടത്ത് കേസും ലൈഫ് മിഷന്‍ കേസുമായി ബന്ധമുണ്ടെന്നായിരുന്നു ഇഡിയുടെ നിലപാട്. ലൈഫ് മിഷന്‍ അടക്കമുള്ളവയില്‍ സ്വപ്ന സജീവ പങ്കാളിയാണെന്നും ഇഡി പറയുന്നു. സര്‍ക്കാരിന്റെ രഹസ്യവിവരങ്ങള്‍ ശിവശങ്കര്‍ സ്വപ്നയ്ക്ക് വാട്സ് ആപ്പ് വഴി കൈമാറി. ലൈഫ് മിഷന്‍, കെഫോണ്‍ വിവരങ്ങളാണ് കൈമാറിയത്. സര്‍ക്കാര്‍ പദ്ധതികളുടെ വിവരങ്ങള്‍ സ്വപ്നയ്ക്ക് നല്‍കിയെന്ന് ശിവശങ്കര്‍ ചോദ്യം ചെയ്യലില്‍ സമ്മതിച്ചുവെന്നും ഇഡി നല്‍കിയ റിപ്പോര്‍ട്ടില്‍ പറയുന്നു.

ഈ പശ്ചാത്തലത്തില്‍ ശിവശങ്കറിനെ കൂടുതല്‍ ചോദ്യം ചെയ്യേണ്ടതുണ്ട്. ബുധനാഴ്ച ശിവശങ്കറിന്റെ ജാമ്യാപേക്ഷ കോടതി പരിഗണിക്കും. അതുവരെ കസ്റ്റഡിനീട്ടണമെന്നായിരുന്നു എന്‍ഫോഴ്‌സ്‌മെന്റിന്റെ ആവശ്യം. കൂടാതെ മുഖ്യമന്ത്രിയുടെ അഡീഷനല്‍ പ്രൈവറ്റ് സെക്രട്ടറി സി.എം രവീന്ദ്രനോട് നാളെ ഹാജരാകാന്‍ എന്‍ഫോഴ്‌സ്‌മെന്റ് ആവശ്യപ്പെട്ടിട്ടുണ്ട്. കസ്റ്റഡികാലാവധി നീട്ടിയ സാഹചര്യത്തില്‍ ഇരുവരേയും ഒരുമിച്ചിരുത്തി ചോദ്യം ചെയ്‌തേക്കുമെന്ന സൂചനയുമുണ്ട്.

കേന്ദ്രസര്‍ക്കാരിന് കീഴിലുള്ള പ്രമുഖ ഐഎഎസ് ഉദ്യോഗസ്ഥര്‍ കേസുകളില്‍ കുടുങ്ങിയ സംഭവങ്ങള്‍ രാജ്യത്ത് നിരവധിയുണ്ടെന്നും ഇതിന്റെ പേരില്‍ ഒന്നും ഭരണനേതൃത്വം രാജിവയ്‌ക്കേണ്ടി വന്നിട്ടില്ലെന്നും പാര്‍ട്ടി മുഖപത്രം പറയുന്നു. ആരോപണങ്ങളും കേസുകളും മാത്രമല്ല, അറസ്റ്റും ശിക്ഷയും ഏറ്റുവാങ്ങിയവരും ഏറെയുണ്ടെന്ന് പത്രം പറയുന്നു.

മുന്‍ പ്രധാനമന്ത്രി രാജീവ് ഗാന്ധിയുടെ പ്രിന്‍സിപ്പല്‍ സെക്രട്ടറി പിസി അലക്‌സാണ്ടര്‍, ഡല്‍ഹി മുഖ്യമന്ത്രി അരവിന്ദ് കെജ്‌രിവാളിന്റെ പ്രിന്‍സിപ്പല്‍ സെക്രട്ടറി രാജേന്ദ്രകുമാര്‍, യുപി മുഖ്യമന്ത്രി യോഗി ആദിത്യനാഥിന്റെ പ്രിന്‍സിപ്പല്‍ സെക്രട്ടറി എസ്പി ഗോയല്‍ എന്നിവരെയാണ് ദേശാഭിമാനി ഇക്കാര്യത്തില്‍ എടുത്തു കാട്ടുന്നത്.

എസ്പി ഗോയല്‍ 26 ലക്ഷം രൂപ കൈക്കൂലി ചോദിച്ചതായി ആരോപണം ഉയര്‍ന്നിരുന്നു എന്നും എന്നാല്‍ ആരോപണം ഉന്നയിച്ച അഭിഷേക് ഗുപ്തയുടെ പേരില്‍ കേസെടുക്കുകയാണ് ചെയ്തത് എന്നും പത്രം പറയുന്നു.

ഹൈക്കോടതി ജാമ്യാപേക്ഷ തള്ളിയതിനു തൊട്ടുപിന്നാലെ എന്‍ഫോഴ്‌സ്‌മെന്റ് ഡയറക്ടറേറ്റ് ശിവശങ്കറിനെ കസ്റ്റഡിയിലെടുത്ത് ചോദ്യം ചെയ്യാനായി കൊച്ചിയിലെ ഓഫിസില്‍ എത്തിച്ചിരുന്നു. തുടര്‍ന്ന് ആറു മണിക്കൂറോളം നീണ്ട ചോദ്യം ചെയ്യലിനൊടുവില്‍ രാത്രിയോടെയാണ് അറസ്റ്റു രേഖപ്പെടുത്തിയത്.

സ്വര്‍ണ്ണക്കള്ളക്കടത്തിന്റെ ഗൂഢാലോചനയില്‍ എം ശിവശങ്കറിന് സജീവ പങ്കുണ്ടെന്നും മുഖ്യമന്ത്രിയുടെ ഓഫിസിലെ ഉന്നത പദവി കള്ളക്കടത്തിനായി ദുരുപയോഗം ചെയ്‌തെന്നുമാണ് എന്‍ഫോഴ്‌സ്‌മെന്റിന്റെ വാദം. മുന്‍കൂര്‍ ജാമ്യ ഹരജി നിയമപരമായി നിലനില്‍ക്കില്ലെന്ന് കസ്റ്റംസും ഹൈകോടതിയെ അറിയിച്ചിരുന്നു. ചോദ്യം ചെയ്യലുമായി സഹകരിക്കാത്തതിനാല്‍ കസ്റ്റഡിയില്‍ ചോദ്യം ചെയ്യേണ്ടി വന്നേക്കാമെന്ന ഇഡി ആവശ്യവും കോടതി അംഗീകരിക്കുകയായിരുന്നു.