കേരള അറബിക് ടീച്ചേഴ്‌സ് ഫെഡറേഷന്‍ (കെ.എ.ടി.എഫ്) പൊതുവിദ്യാഭ്യാസ ഡയറക്ടറേറ്റിന് മുന്നില്‍ നടത്തിയ ധര്‍ണ്ണ ഉദ്ഘാടനം ചെയ്യുകയായിരുന്നു അദ്ദേഹം.
വിദ്യാലയങ്ങള്‍ തുറന്ന് ഒരാഴ്ച പിന്നിടുന്നതിന് മുമ്പ് തന്നെ ഭരണ-പ്രതിപക്ഷ സംഘടനകളുടെ സമരങ്ങള്‍ക്ക് ഡി.ജി.ഇ ഓഫീസ് സാക്ഷിയാകുന്നത് വിദ്യാഭ്യാസ വകുപ്പിന്റെ തീരുമാനം അശാസ്ത്രീയമാണെന്ന് തെളിയിച്ചിരിക്കുകയാണ്. ഇത് മനസിലാക്കുവാനുള്ള സാമാന്യ ബുദ്ധി വിദ്യാഭ്യാസ മന്ത്രിക്കും പൊതുവിദ്യാഭ്യാസ വകുപ്പിനും ഉണ്ടാകണം. വിദ്യാഭ്യാസ അവകാശ നിയമം അനുശാസിക്കുന്ന പഠന മണിക്കൂറുകള്‍ ശനിയാഴ്ചകള്‍ ഉള്‍പ്പെടുത്താതെ തന്നെ ലഭിക്കുമെന്നും സര്‍ക്കാറിന്റെ അപ്രധാന പരിപാടികള്‍ പൊതുവിദ്യാലയങ്ങളില്‍ നിന്നും ഒഴിവാക്കി കുട്ടികള്‍ക്കും അധ്യാപകര്‍ക്കും പഠിപ്പിക്കുവാനുള്ള സമയം ലഭ്യമാക്കലാണ് വേണ്ടതെന്നും അദ്ദേഹം പറഞ്ഞു.

കെ.എ.ടി.എഫ് സംസ്ഥാന പ്രസിഡന്റ് ടി.പി അബ്ദുല്‍ ഹഖ് അധ്യക്ഷത വഹിച്ചു. കണ്ണൂര്‍ കോര്‍പ്പറേഷന്‍ മേയര്‍ മുസ്ലിഹ് മഠത്തില്‍ മുഖ്യ പ്രഭാഷണം നടത്തി. കെ.എ.ടി.എഫ് ജനറല്‍ സെക്രട്ടറി എം.എ ലത്തീഫ്, ട്രഷറര്‍ മാഹിന്‍ ബാഖവി, എം.ടി സൈനുല്‍ ആബിദ്, എ.പി ബഷീര്‍, എം.എ. റഷീദ് മദനി, മന്‍സൂര്‍ മാടമ്പാട്ട്, ടി.സി ലത്തീഫ്, ടി.പി അബ്ദുല്‍ റഹിം, സി.എച്ച്. ഫാറൂഖ്, എം.എ സാദിഖ്, കെ.നൂറുല്‍ അമീന്‍, നൗഷാദ് കോപ്പിലാന്‍, ഉമര്‍ ചെറൂപ്പ, നാസറുദ്ദീന്‍ കണിയാപുരം, മുജീബ് ബീമാപള്ളി, മുഹമ്മദ് ബാലരാമപുരം തുടങ്ങിയവര്‍ പ്രസംഗിച്ചു.

എംഎല്‍എയ്ക്കും ഡ്രൈവര്‍ക്കും നിസ്സാര പരിക്കുകള്‍ ഉണ്ട്. ഇവരെ ബാലരാമപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചു.ഇന്ന് വെളുപ്പിന് 5.30 മണിയോടെ റെയില്‍വേ സ്‌റ്റേഷനിലേക്ക് പോകവേ ആയിരുന്നു അപകടം.

ജാമ്യം നല്‍കിയാല്‍ ക്രമസമാധാന പ്രശ്‌നമുണ്ടാകും. ജാമ്യം നല്‍കുന്നത് പരാതിക്കാരിയുടെ ജീവന് ഭീഷണിയെന്നും കോടതി പറഞ്ഞു. അതേസമയം, ജാമ്യത്തിനായി ജില്ലാ സെഷന്‍സ് കോടതിയെ സമീപിക്കുമെന്ന് വിന്‍സെന്റിന്റെ അഭിഭാഷക അറിയിച്ചു.

വീട്ടമ്മയെ പീഡിപ്പിച്ചെന്ന് കേസിലാണ് വിന്‍സെന്റ് എം.എല്‍.എ അറസ്റ്റിലാവുന്നത്. നെയ്യാറ്റിന്‍കര മജിസ്‌ട്രേറ്റ് കോടതി എം.എല്‍.എയെ ഒരു ദിവസത്തെ കസ്റ്റഡിയില്‍ വിട്ടു ഉത്തരവിട്ടിരുന്നു. അഞ്ച് ദിവസത്തെ കസ്റ്റഡിക്കാണ് പോലീസ് കോടതിയില്‍ അപേക്ഷ നല്‍കിയതെങ്കിലും ഒരു ദിവസത്തേക്കാണ് കോടതി വിട്ടുനല്‍കിയത്.

എം.എല്‍.എക്കെതിരായ ആരോപണത്തിനും ഗൂഢാലോചനക്കും പിന്നില്‍ എല്‍.ഡി.എഫ് പ്രവര്‍ത്തകനായ സഹോദരനാണ്. പത്ത് വര്‍ഷത്തിലധികമായി മാനസിക രോഗത്തിന് മരുന്നു കഴിക്കുന്നയാളാണ് യുവതി. ഇത്തരത്തിലുള്ള പരാതി തന്റെ സഹോദരി ഇതിനുമുമ്പും ഉന്നയിച്ചിട്ടുണ്ടെന്നും സഹോദരി പറയുന്നു. എല്‍.ഡി.എഫുകാരനായ സഹോദരന് എം.എല്‍.എ സര്‍ക്കാര്‍ ജോലി വാങ്ങി നല്‍കാത്തതാണ് പ്രതികാരത്തിന് കാരണം. എം.എല്‍.എയെ ഞങ്ങള്‍ക്കെല്ലാവര്‍ക്കും ചെറുപ്പം മുതലേ അറിയാം. അങ്ങനെയൊരു വ്യക്തിയല്ല അദ്ദേഹമെന്നും സഹോദരി കൂട്ടിച്ചേര്‍ത്തു.

അതേസമയം, എം.എല്‍.എയും പരാതിക്കാരിയും തമ്മില്‍ 900 തവണ വിളിച്ചിട്ടുണ്ടെന്നതിന്റെ അടിസ്ഥാനത്തിലാണ് കേസെടുത്തിരിക്കുന്നത്. എം.എല്‍.എ സ്ഥാനം വിന്‍സെന്റ് രാജിവെക്കേണ്ടതില്ലെന്നാണ് പാര്‍ട്ടിയുടെ തീരുമാനമെന്ന് കോണ്‍ഗ്രസ് അധ്യക്ഷന്‍ എം.എം ഹസ്സന്‍ പറഞ്ഞു. എന്നാല്‍ പാര്‍ട്ടി പദവികളില്‍ നിന്നും ഒഴിവാക്കിയെന്നും അദ്ദേഹം അറിയിച്ചിട്ടുണ്ട്. കോടതി കുറ്റവിമുക്തനാക്കുന്നത് വരെയാണ് ഇതെന്നും അദ്ദേഹം വ്യക്തമാക്കി.

കോടതി കുറ്റവിമുക്തനാക്കുംവരെ പാര്‍ട്ടിയുടെ പദവികളില്‍ എം. വിന്‍സെന്റ് ഉണ്ടാവില്ല. അതുവരെ നടപടി നിലനില്‍ക്കുമെന്നും ഹസ്സന്‍ പറഞ്ഞു. എന്നാല്‍ എം.എല്‍.എ സ്ഥാനം രാജിവെക്കില്ല. എം.എല്‍.എ പാര്‍ട്ടിയുടെ അംഗത്വം തുടരുമെന്നും അദ്ദേഹം കൂട്ടിച്ചേര്‍ത്തു.

അറസ്റ്റ് സി.പി.എമ്മിന്റെ ഗൂഢാലോചനയുടെ ഭാഗമാണ്. ദിലീപിനെ അറസ്റ്റുചെയ്യാന്‍ അഞ്ചുമാസമെടുത്ത പോലീസ് എന്തിനാണ് ഇത്ര ധൃതിയില്‍ വിന്‍സെന്റിനെ അറസ്റ്റുചെയ്തത്. ഇതില്‍ ആസൂത്രിത ഗൂഢാലോചനയുണ്ട്. കേസിനെ നിയമപരമായി നേരിടുമെന്നും അദ്ദേഹം പറഞ്ഞു. സ്ത്രീയുടെ പരാതിക്കൊപ്പം കേസിലെ ഗൂഢാലോചനയും അന്വേഷിക്കണമെന്നും എം.എം ഹസ്സന്‍ കൂട്ടിച്ചേര്‍ത്തു.