ഇന്ന് ഉച്ചയ്ക്ക് 11 മണിയോട് കൂടിയാണ് പുതുപ്പള്ളി ജോര്‍ജിയന്‍ പബ്ലിക് സ്‌കൂള്‍ മൈതാനത്ത് അദ്ദേഹം ഹെലികോപ്റ്റര്‍ ഇറങ്ങിയത്. വീട്ടിലെത്തി കുടുംബാംഗങ്ങളെ അദ്ദേഹം സന്ദര്‍ശിക്കുകയും ശേഷം കല്ലറയും അദ്ദേഹം സന്ദര്‍ശിച്ചു.

അബുദാബി: പാണക്കാട് കുടുംബത്തിന്റെ മഹത്വം അഭിമാനകരവും സര്‍വ്വര്‍ക്കും ആശ്വാസകരവുമാണെന്ന് ലുലു ഇന്റര്‍നാഷണല്‍ ഗ്രൂപ്പ് ചെയര്‍മാന്‍ ഡോ.യൂസഫലി എംഎ വ്യക്തമാക്കി.അബുദാബി ഇന്ത്യന്‍ ഇസ്ലാമിക് സെന്റര്‍ സംഘടിപ്പിച്ച പ്രവര്‍ത്തനോല്‍ഘാടനത്തില്‍ മുഖ്യതിഥിയായി പങ്കെടുത്തു സംസാരിക്കുകയായിരുന്നു അദ്ദേഹം.

പിഎംഎസ്എ പൂക്കോയതങ്ങളും അദ്ദേഹത്തിന്റെ പിന്തുടര്‍ച്ചക്കാരും സമൂഹത്തിന് വിലപ്പെട്ട സംഭാവനയര്‍പ്പിച്ചവരാണ്.പൂകോയതങ്ങള്‍ ഏറ്റവും പ്രിയപ്പെട്ട ആത്മീയനേതാവായിരുന്നു. തുടര്‍ന്ന് സയ്യിദ് മുഹമ്മദലി ശിഹാബ് തങ്ങളും ഹൈദരലി തങ്ങളും ഇപ്പോള്‍ സാദിഖലി ശിഹാബ് തങ്ങളും തങ്ങളുടെതായ ദൗത്യനിര്‍വ്വഹണവുമായി മുന്നോട്ട് പോകുകയാണ്. അവരുടെ പദവികളും അവരോടുള്ള ബഹുമാനവും ആദരവും പ്രാധാന്യമര്‍ഹിക്കുന്നതാണെന്ന് അദ്ദേഹം പറഞ്ഞു.

ഇന്ത്യന്‍ ഇസ്ലാമിക് സെന്ററിന്റെ പ്രവര്‍ത്തനങ്ങള്‍ വരുംതലമുറയ്ക്ക് കൈമാറാനും പ്രവാസികള്‍ക്ക് എന്നും പ്രയോജനകരമായ പ്രവര്‍ത്തനങ്ങളുടെ കേന്ദ്രവുമായിരിക്കണമെന്ന് യൂസുഫലി സംഘാടകരെ ഉണര്‍ത്തി.ആര്‍ടിബിഷ്യല്‍ ഇന്റലിജന്‍സ് അഥവാ നിര്‍മ്മിത ബുദ്ധിയിലൂടെ മനുഷ്യന്‍ സഞ്ചരിക്കുന്ന കാലഘട്ടത്തിലാണ് നാം ജീവിക്കുന്നത്. വരുംതലമുറയ്ക്ക് നാം മാതൃകയാവേണ്ടതുണ്ട്. വിവിധ രാജ്യങ്ങളിലെ കെഎംസിസികള്‍ സമൂഹത്തിന് നന്മ ചൊരിയുന്ന പ്രസ്ഥാനമാണെന്ന് യൂസഫലി പറഞ്ഞു.

പ്രസിഡണ്ട് പി ബാവഹാജി അധ്യക്ഷനായിരുന്നു. ജനറല്‍ സെക്രട്ടറിഅഡ്വ.കെവി മുഹമ്മദ്കുഞ്ഞി സ്വാഗതം പറഞ്ഞു. സഫീര്‍ ദാരിമി ഖിറാഅത്ത് നടത്തി.ഇന്ത്യന്‍ എംബസ്സി ഡപ്യൂട്ടി ചീഫ് മിഷ്യന്‍ എ അമൃതനാഥ്, യുഎഇ കെഎംസിസി ജനറല്‍ സെക്രട്ടറി അന്‍വര്‍ നഹ, വര്‍ക്കിംഗ് പ്രസിഡണ്ട് യു.അബ്ദുല്ല ഫാറൂഖി, സെക്രട്ടറി എംപിഎം റഷീദ്, അബുദാബി കെഎംസിസി സംസ്ഥാന പ്രസിഡണ്ട് ശുക്കൂറലി കല്ലുങ്ങല്‍, സുന്നിസെന്റര്‍ പ്രസിഡണ്ട് കബീര്‍ ഹുദവി പ്രസംഗിച്ചു.

കെഎംസിസി ജനറല്‍ സെക്രട്ടറി സിഎച്ച് യൂസുഫ്, മോഹന്‍ ജാഷന്‍മാല്‍, സയ്യിദ് പൂകോയതങ്ങള്‍, സിംസാറുല്‍ഹഖ് ഹുദവി, മലയാളി സമാജം പ്രസിഡണ്ട് റഫീഖ്, കേരള സോഷ്യല്‍ സെന്റര്‍ പ്രസിഡണ്ട് ബീരാന്‍കുട്ടി,അബ്ദുല്‍ റഊഫ് അഹ്‌സനി തുടങ്ങിയവര്‍ സംബന്ധിച്ചു. ട്രഷറര്‍ ഹിദായത്തുല്ല നന്ദി രേഖപ്പെടുത്തി.

മതസൗഹാര്‍ദ്ദത്തിനും, ജീവകാരുണ്യപ്രവര്‍ത്തനങ്ങള്‍ക്കും ആഗോളതലത്തില്‍ നല്‍കിയ സംഭാവനങ്ങള്‍ മുന്‍ നിര്‍ത്തിയാണ് പുരസ്കാരം.
വക്കം ഖാദറിന്‍റെ ഓര്‍മ്മയ്ക്കായി ഐ.എന്‍.എ ഹീറോ വക്കം ഖാദര്‍ നാഷണല്‍ ഫൗണ്ടേഷനാണ് പുരസ്കാരം ഏര്‍പ്പെടുത്തിയിരുന്നത്.
മെയ് 25നായിരുന്നു വക്കം ഖാദറിൻ്റെ 106 ആം ജന്മവാർഷികം.

ഫൗണ്ടേഷന്‍ പ്രസിഡന്‍റ് എം.എം.ഹസ്സന്‍, വര്‍ക്കിംഗ് പ്രസിഡന്‍റ് ആനത്തലവട്ടം ആനന്ദന്‍, ജനറല്‍ സെക്രട്ടറി എം.എം. ഇക്ബാല്‍, ട്രഷറര്‍ ബി.എസ്.ബാലചന്ദ്രന്‍, കിംസ് ഹെല്‍ത്ത് എക്സിക്യൂട്ടീവ് ഡയറക്ടര്‍ ഇ.എം.നജീബ് തുടങ്ങിയവർ സംബന്ധിച്ചു.

സംരംഭകരുടെ ജീവിതം കൃത്യമായി വിശകലനം ചെയ്തു തയ്യാറാക്കിയ ഈ പുസ്തകം പുതുതലമുറക്ക് പ്രചോദനമേകുമെന്ന് അദ്ദേഹം വ്യക്തമാക്കി. 21 മലയാളി സംരംഭകരുടെ വിജയരഹസ്യം അനാവരണം ചെയ്യുന്ന പുസ്തകമാണ് ‘ഗോഡ്‌സ് ഓണ്‍ എന്‍ട്രപ്രണേഴ്‌സ്’.

ജോയ്ആലുക്കാസ് ഗ്രൂപ്പ് ചെയര്‍മാന്‍ ജോയ് ആലുക്കാസ് പുസ്തകത്തിന്റെ ആദ്യ പ്രതി ഏറ്റുവാങ്ങി. മലയാളികളായ സംരംഭകരുടെ വിജയകഥ മലയാളികല്ലാത്തവര്‍ക്കു കൂടി മനസ്സിലാക്കി കൊടുക്കാന്‍ ഈ പുസ്തകം സഹായിക്കുമെന്ന് ജോയ് ആലുക്കാസ് പറഞ്ഞു.

ഇന്ത്യയുടെയും ഗള്‍ഫ് മേഖലയുടെയും സാമ്പത്തിക വളര്‍ച്ചയില്‍ മലയാളി വ്യവസായികള്‍ വഹിച്ച പങ്ക് വളരെ വലുതാണെന്നും ആഗോള പൗരന്മാരായി വളര്‍ന്ന അവരുടെ വിജയകഥ ലോകത്തിനു മുന്നില്‍ അവതരിപ്പിക്കാനുള്ള ശ്രമമാണ് ഈ പുസ്തകത്തിലൂടെ നടത്തിയിരിക്കുന്നതെന്ന് ആര്‍.റോഷന്‍ പറഞ്ഞു. ലുലു ഗ്രൂപ് ഡയറക്ടര്‍ എം.എ.സലീമും ചടങ്ങില്‍ പങ്കെടുത്തു.

വിവിധ രാജ്യങ്ങളില്‍ സ്തുത്യര്‍ഹമായ പ്രവര്‍ത്തനങ്ങള്‍ നടത്തുന്ന സംഘടനയാണ് കെ.എം.സി.സിയെന്നും താന്‍ ആദരവോടെയാണു നോക്കിക്കാണുന്നതെന്നും ഏത് വേദിയിലും അത് പറയാറുണ്ടെന്നും എം. എ യൂസുഫലി പറഞ്ഞു. ബ്രിട്ടന്‍ കെ.എം.സി.സി യുടെ പരിഗണനയിലുള്ള പ്രൊജക്ട് പൂര്‍ത്തിയാക്കാന്‍ അദ്ദേഹം പിന്തുണ വാഗ്ദാനം ചെയ്തു. ബ്രിട്ടന്‍ കെ.എം.സി.സി പ്രസിഡണ്ട് അസ്സൈനാര്‍ കുന്നുമ്മല്‍, ജനറല്‍ സെക്രട്ടറി സഫീര്‍ പേരാംബ്ര, ചെയര്‍മാന്‍ കരീം മാസ്റ്റര്‍ മേമുണ്ട, ഓര്‍ഗനൈസിംഗ് സെക്രട്ടറി അര്‍ഷാദ് കണ്ണൂര്‍, സെക്രട്ടറി സുബൈര്‍ കോട്ടക്കല്‍ എന്നിവര്‍ കൂടിക്കാഴ്ചയില്‍ പങ്കെടുത്തു.

നേരത്തെ, അബുദാബിയുടെ ‘എ.ഡി.ക്യു.’വില്‍ നിന്നും ലുലുവിന് മൂലധന നിക്ഷേപമെത്തിയിരുന്നു. ശേഷം ആഴ്ചകള്‍ക്കുള്ളിലാണ് സൗദി കൂടി ലുലുവില്‍ നിക്ഷേപത്തിന് ഒരുങ്ങുന്നത്.

സൗദി കിരീടാവകാശി മുഹമ്മദ് ബിന്‍ സല്‍മാന്‍ ചെയര്‍മാനായുള്ള പി.ഐ.എഫ്. മൊത്തം 36,000 കോടി ഡോളറിന്റെ (ഏതാണ്ട് 26 ലക്ഷം കോടി രൂപ) ഫണ്ടാണ് കൈകാര്യം ചെയ്യുന്നത്. ലോകത്തിലെ തന്നെ ഏറ്റവും വലിയ സോവറിന്‍ വെല്‍ത്ത് ഫണ്ടുകളിലൊന്നാണ് ഇത്. സര്‍ക്കാരിന്റെ ഉടമസ്ഥതയിലുള്ള ഫണ്ടുകളാണ് സോവറിന്‍ ഫണ്ടുകള്‍. മുകേഷ് അംബാനിയുടെ റിലയന്‍സ് റീട്ടെയ്‌ലുംപി.ഐ.എഫിന്റെ ഫണ്ടിങ്ങിനായി ശ്രമിക്കുന്നുണ്ട്.

ലുലു ഗ്രൂപ്പില്‍ പി.ഐ.എഫ്. എത്ര തുകയാണ് നിക്ഷേപിക്കുന്നതെന്നോ എത്ര ഓഹരി വാങ്ങുമെന്നോ അറിവായിട്ടില്ല. അഭ്യൂഹങ്ങളില്‍ പ്രതികരിക്കാന്‍ തയ്യാറല്ലെന്ന് ലുലു ഗ്രൂപ്പ് ഡയറക്ടര്‍ (മാര്‍ക്കറ്റിങ് ആന്‍ഡ് കമ്യൂണിക്കേഷന്‍സ്) വി. നന്ദകുമാര്‍ പറഞ്ഞു.

ഇവയ്ക്കു പിന്നാലെ ഗള്‍ഫ് മേഖലയില്‍നിന്ന് കൂടുതല്‍ മൂലധന നിക്ഷേപം ലുലുവിലേക്ക് എത്തും. ഇതു സംബന്ധിച്ച ചര്‍ച്ചകള്‍ നടക്കുന്നുണ്ടെന്നാണു സൂചന. കോവിഡ് കാലത്ത് വന്‍തോതില്‍ നിക്ഷേപം ആകര്‍ഷിക്കാന്‍ കഴിയുന്നത് നേട്ടമാണ്. ലുലു ഗ്രൂപ്പിലും അതിന്റെ ചെയര്‍മാന്‍ എം.എ. യൂസഫലിയിലും ഗള്‍ഫ് രാജ്യങ്ങളിലെ രാജകുടുംബങ്ങള്‍ക്കുള്ള വിശ്വാസത്തിനു തെളിവാണ് തുടര്‍ച്ചയായ ഈ ഫണ്ടിങ്.

ഒമ്പതു രാജ്യങ്ങളിലായി 194 ഹൈപ്പര്‍മാര്‍ക്കറ്റുകളുള്ള ലുലു ഗ്രൂപ്പിന് 15 രാജ്യങ്ങളില്‍ ലോജിസ്റ്റിക്‌സ് കേന്ദ്രങ്ങളുമുണ്ട്. ഇതിനു പുറമെ വന്‍കിട ഷോപ്പിങ് മാളുകള്‍, ഹോട്ടലുകള്‍ എന്നിവയും ഗ്രൂപ്പിനുണ്ട്. 55,800 കോടി രൂപയാണ് വാര്‍ഷിക വിറ്റുവരവ്. ഗ്രൂപ്പിലെ 58,000 ജീവനക്കാരില്‍ 30,000 പേരും മലയാളികളാണ്.

റിയാദ്: ലുലു ഗ്രൂപ്പ് ചെയര്‍മാന്‍ എം.എ യൂസഫലിക്കെതിരെ അപകീര്‍ത്തിപ്പെടുത്തിയുള്ള പരാമര്‍ശങ്ങള്‍ നടത്തിയതിനെ തുടര്‍ന്ന് അറസ്റ്റിലായ മലയാളിയെ യൂസഫലി ഇടപെട്ട് ജയില്‍ മോചിതനാക്കി. സോഷ്യല്‍ മീഡിയയിലൂടെ മാപ്പ് അപേക്ഷിച്ചതിനെ തുടര്‍ന്ന് യൂസഫലി മാപ്പു നല്‍കുകയായിരുന്നു. ഇതോടെ ലുലു ഗ്രൂപ്പിന്റെ അഭ്യര്‍ത്ഥനയെ തുടര്‍ന്ന് പൊലീസ് കേസ് പിന്‍വലിക്കുകയായിരുന്നു.

സൗദിയിലെ അല്‍ഖോബാറില്‍ താമസിക്കുന്ന മലയാളി യുവാവാണ് യൂസഫലിക്കെതിരെ ഫേസ്ബുക്കില്‍ പോസ്റ്റിട്ടത്. തുടര്‍ന്ന് ലുലു ഗ്രൂപ്പിന്റെ ലീഗല്‍ ടീം പരാതി നല്‍കി. ഇതിന്റെ അടിസ്ഥാനത്തില്‍ പൊലീസ് നടപടി ആരംഭിച്ചു. വിവാദമായതോടെ ഇയാള്‍ സോഷ്യല്‍ മീഡിയയില്‍ മാപ്പപേക്ഷിക്കുകയായിരുന്നു. ‘മോശം വാക്കുകള്‍ യൂസഫലിയെ കുറിച്ച് ഫേസ്ബുക്കില്‍ ഉപയോഗിച്ചു. എനിക്ക് തെറ്റ് പറ്റിപ്പോയി. ഈശ്വരനെ വിചാരിച്ച് നിങ്ങളുടെ നല്ല മനസ്സുകൊണ്ട് എനിക്ക് മാപ്പുതരണം. ഇപ്പോ ഇവിടുത്തെ സര്‍ക്കാര്‍ നിയമമനുസരിച്ച് എനിക്ക് ഡിപോര്‍ട്ടേഷന്‍ ആണ്. അതില്‍ നിന്നും എന്നെ രക്ഷിക്കണമെന്നു ഞാന്‍ താഴ്മയോടെ അപേക്ഷിക്കുന്നു. അങ്ങയുടെ നല്ല മനസ്സുകൊണ്ട് ഇതില്‍ നിന്നും ഞാന്‍ രക്ഷപ്പെടുന്നു. അങ്ങേയ്ക്കു ഈശ്വരന്‍ എല്ലാവിധ അനുഗ്രഹങ്ങളും ദീര്‍ഘായുസ്സും നല്‍കട്ടേ’ മലയാളി യുവാവ് ഫേസ്ബുക്കില്‍ കുറിച്ചു. വ്യക്തിഹത്യ നടത്തിയാല്‍ വന്‍ തുക പിഴയും നാടുകടത്തലുമാണ് സൗദി സൈബര്‍ നിയമപ്രകാരമുള്ള ശിക്ഷ.

തുഷാര്‍ വെള്ളാപ്പള്ളി അറസ്റ്റിലായ ചെക്ക് കേസില്‍ സഹായിച്ചുവെന്നാരോപിച്ചാണ് യൂസഫലിയെ വ്യക്തിപരമായി അധിക്ഷേപിക്കുന്നതും സഭ്യമല്ലാത്തതുമായ വാക്കുകളില്‍ ചിലര്‍ പ്രതികരണം നടത്തിയത്. തുടര്‍ന്ന് ലുലു ഗ്രൂപ്പ് നിയമനടപടി ആരംഭിച്ചു. ഇതിനെ തുടര്‍ന്നാണ് സൗദിയില്‍ മലയാളിയെ പൊലീസ് അറസ്റ്റ് ചെയ്തത്. പിന്നീട് അഭ്യര്‍ത്ഥനയെ തുടര്‍ന്ന് പൊലീസ് ഇയാളെ മോചിപ്പിക്കുകയായിരുന്നുവെന്ന് ലുലു അധികൃതര്‍ പറഞ്ഞു.

ഈ കേസുമായി ബന്ധപ്പെട്ട് യാതൊരു ഇടപെടലും നടത്തിയിട്ടില്ല. യു.എ.ഇ കോടതിയുടെ പരിഗണനയിലിരിക്കുന്ന കേസില്‍ ബാഹ്യ ഇടപെടലുകള്‍ സാധ്യമാകില്ല. നിയമം നിയമത്തിന്റെ വഴിക്ക് പോകുമെന്നും വിശദീകരണത്തില്‍ പറയുന്നു. വ്യാജ ചെക്ക് കേസില്‍ ജയിലിലായ തുഷാറിനെ രക്ഷിക്കാന്‍ യൂസഫലി ഇടപെട്ടതിനെതിരെ വ്യാപക വിമര്‍ശനമുയര്‍ന്നിരുന്നു. ഈ സാഹചര്യത്തിലാണ് യൂസഫലി വിശദീകരണവുമായി രംഗത്ത് വന്നിരിക്കുന്നത്.

ജമ്മുകശ്മീരില്‍ നിക്ഷേപം നടത്തുവാന്‍ യു.എ.ഇയിലെ കമ്പനികളെ ക്ഷണിച്ച് പ്രധാനമന്ത്രി നരേന്ദ്ര മോദി. യു.എ.ഇ സന്ദര്‍ശിക്കുന്നതിനിടെ ഇന്ത്യന്‍ സമൂഹത്തോട് സംസാരിക്കുകയായിരുന്നു. ലഡാക്കിലും കശ്മീരിലും നിക്ഷേപങ്ങള്‍ നടത്താന്‍ പ്രവാസി വ്യവസായികള്‍ തയ്യാറാകണമെന്നും മോദി അറിയിച്ചു.

ഇതേ തുടര്‍ന്ന് ആദ്യ ഘട്ടമെന്നോണം കശ്മീരിലെ നൂറു യുവാക്കള്‍ക്ക് ഗള്‍ഫ് മേഖലയിലെ ലുലുവിന്റെ ഹൈപ്പര്‍ മാര്‍ക്കറ്റില്‍ തൊഴില്‍ അവസരങ്ങള്‍ നല്‍കാന്‍ തയ്യാറാണെന്ന് യൂസുഫലി മോദിയെ അറിയിച്ചു. ജമ്മുകശ്മീരില്‍ നിന്നും പച്ചക്കറിയും പഴങ്ങളും വ്യാവസായികാടിസ്ഥാനത്തില്‍ ശേഖരിക്കാന്‍ ലുലു ഗ്രൂപ്പ് തയ്യാറാണെന്നും യൂസുഫലി വ്യക്തമാക്കി. കശ്മീരിന്റെ വികസനത്തെ സഹായിക്കാനുള്ള ലുലു ഗ്രൂപ്പ് ചെയര്‍മാന്‍ എം.എ യൂസുഫലിയുടെ നിലപാടിനെ പ്രധാനമന്ത്രി അഭിനന്ദിച്ചു. യൂസുഫലിയെ മാതൃകയാക്കാനും അദ്ദേഹം നിര്‍ദേശിച്ചു.

നാസില്‍ അബ്ദുള്ള എന്താണ് ചെയ്യുന്നത്, എന്ന് നാട്ടിലെത്തും തുടങ്ങിയ വിവരങ്ങള്‍ പൊലീസ് അന്വേഷിച്ചെന്നാണ് പറയുന്നത്. ചില കാര്യങ്ങള്‍ ചോദിച്ചറിയാനുണ്ടെന്ന് പറഞ്ഞാണ് പൊലീസ് വീട്ടിലെത്തിയത്. വീടിനകത്ത് പരിശോധന നടത്തിയതായി വിവരമില്ല. മാതാപിതാക്കളോട് വിവരങ്ങള്‍ ചോദിച്ചറിയുക മാത്രമാണ് ചെയ്തതെന്ന് മതിലകം പൊലീസ് പറഞ്ഞു. കണസ്ട്രക്ഷന്‍ കമ്പനി നടത്തുന്ന നാസില്‍ രണ്ട് വര്‍ഷം മുമ്പാണ് അവസാനമായി നാട്ടിലെത്തിയതെന്നും പൊലീസ് പറയുന്നു.

അതേസമയം, തുഷാറിന് ജാമ്യം ലഭിച്ചുവെന്നാണ് വിവരം. തുഷാറിന്റെ മോചനത്തിനായി ലുലു ഗ്രൂപ്പ് മേധാവി എംഎ യൂസഫലി ഇടപെട്ടതിനെ തുടര്‍ന്നാണ് ജാമ്യം ലഭിച്ചത്. എം.എ യൂസഫലി ജാമ്യത്തുക കെട്ടിവെച്ചുവെന്നാണ് വിവരം.

ഇന്ന് പുറത്തിറക്കാന്‍ കഴിഞ്ഞില്ലെങ്കില്‍ ഞായറാഴ്ച്ച വരെ ജയിലില്‍ കഴിയേണ്ട സ്ഥിതിയായതിനാലാണ് അടിയന്തിര ഇടപെടലുണ്ടായത്. തൃശൂര്‍ സ്വദേശിയായ നാസില്‍ അബ്ദുള്ളയാണ് തുഷാറിനെതിരെ പരാതി നല്‍കിയത്.

ബിസിനസ് പങ്കാളിക്ക് വണ്ടിച്ചെക്ക് നല്‍കി കബളിപ്പിച്ചെന്ന കേസില്‍ തുഷാര്‍ വെള്ളാപ്പള്ളി ഇന്നലെയാണ് യുഎഇയിലെ അജ്മാനില്‍ അറസ്റ്റിലായത്.അജ്മാനിലെ ഒരു പഞ്ചനക്ഷത്ര ഹോട്ടലില്‍ വച്ചാണ് കഴിഞ്ഞരാത്രി തുഷാര്‍ വെള്ളാപ്പള്ളിയെ യുഎഇ പൊലീസ് അറസ്റ്റ് ചെയ്തത്.

പത്തുവര്‍ഷം മുമ്പ് അജ്മാനില്‍ ബോയിംഗ് എന്ന പേരില്‍ നിര്‍മ്മാണ കമ്പനി നടത്തിയിരുന്ന കാലത്ത് ഉപകരാര്‍ ജോലികള്‍ ഏല്‍പിച്ച തൃശ്ശൂര്‍ സ്വദേശി നാസില്‍ അബ്ദുള്ളക്ക് നല്‍കിയ വണ്ടിച്ചെക്ക് കേസിലാണ് നടപടി. പത്തുമില്യണ്‍ യുഎഇ ദിര്‍ഹത്തിന്റെ (പത്തൊമ്പതര കോടി രൂപ)യുടേതാണ് ചെക്ക്.