കഴിഞ്ഞ മാസം രണ്ടാം വാരമാണ് ശിഹാബ് സഊദി അതിര്‍ത്തി കടക്കുന്നത്. കുവൈത്ത് അതിര്‍ത്തി വഴിയായിരുന്നു സഊദിയിലേക്കെത്തിയത്. പിന്നീട് മദീന ലക്ഷ്യമാക്കിയായിരുന്നു യാത്ര. മദീന സന്ദര്‍ശിച്ച ശേഷം ഹജ്ജിന്റെ തൊട്ട് മുമ്പ് മക്കയിലെത്താനാണ് ലക്ഷ്യമിടുന്നത്. നോമ്പുകാലത്തായിരുന്നു ശിഹാബ് ചോറ്റൂര്‍ സഊദിയിലെത്തിയത്. ഇതിനാല്‍ മിക്ക ദിവസങ്ങളിലും രാത്രി യാത്ര ചെയ്ത് പകല്‍ നേരങ്ങളില്‍ വിശ്രമിക്കുകയായിരുന്നു.

യാത്രയില്‍ മിക്കയിടത്തും സഊദി പൊലീസ് സുരക്ഷയൊരുക്കുന്നുണ്ട്. ചിലയിടങ്ങളില്‍ മലയാളികളും വാഹനങ്ങളിലും കാല്‍നടയായും അനുഗമിക്കുന്നുണ്ട്. കഴിഞ്ഞ ജൂണ്‍ രണ്ടിനാണ് ശിഹാബ് വീട്ടില്‍നിന്ന് യാത്രയ്ക്ക് ഇറങ്ങിയത്.

വിവിധ ഇന്ത്യന്‍ സംസ്ഥാനങ്ങളിലൂടെ സഞ്ചരിച്ച ശേഷം പാകിസ്താന്‍ അതിര്‍ത്തി കടക്കുകയായിരുന്നു. ഇന്ത്യയിലുടനീളം തീര്‍ത്ഥയാത്രയ്ക്ക് വമ്പന്‍ വരവേല്‍പ്പ് ലഭിച്ചു ശിഹാബിന്.

നിയമതടസം നേരിട്ടതിനെ തുടര്‍ന്ന് പാക് അതിര്‍ത്തിയില്‍ ഏതാനും ദിവസം തങ്ങേണ്ടി വന്നു. ഇത് മാറ്റിനിര്‍ത്തിയാല്‍ യാത്ര പുറപ്പെട്ട ശേഷം മിക്ക ദിവസങ്ങളിലും ശിഹാബ് കാല്‍നട യാത്ര തുടര്‍ന്നു.
പാക് കടന്ന് ഇറാന്‍, ഇറാഖ്, കുവൈത്ത്് വഴിയാണ് സഊദിയിലെത്തിയത്.

ഗതാഗത, ലോജിസ്റ്റിക് സര്‍വീസ് മന്ത്രിയും ട്രാന്‍സ്‌പോര്‍ട്ട് ജനറല്‍ അതോറിറ്റി ഡയറക്ടര്‍ ബോര്‍ഡ് ചെയര്‍മാനുമായ എന്‍.ജി ഖാലിദ് സാലിഹ് അല്‍ ജാസര്‍, സൗദി പബ്ലിക് ട്രാന്‍സ്‌പോര്‍ട്ട് കമ്പനി എന്നിവരുടെ സാന്നിധ്യത്തിലായിരുന്നു ഉദ്ഘാടനം. പ്രത്യേക ട്രാക്കിലൂടെ സഞ്ചരിക്കുന്ന ബസ് ഒറ്റ ചാര്‍ജില്‍ 250 കിലോമീറ്റര്‍ വരെ ദൂരം ഓടും. അമീര്‍ മുഹമ്മദ് ബിന്‍ അബ്ദുല്‍ അസീസ് അന്താരാഷ്ട്ര വിമാനത്താവളത്തിനും മസ്ജിദുന്നബവിക്കുമിടയില്‍ 38 കിലോമീറ്ററാണുള്ളത്. 18 ണിക്കൂറിനുള്ളില്‍ പ്രതിധിനം 16ലധികം ട്രിപ്പുകളാണ് നടത്തുക.

നൂതന എയര്‍ കണ്ടീഷനിങ് സംവിധാനം യാത്രയുടെ വിശദാംശങ്ങള്‍ കാണിക്കുന്ന ഡിസ്‌പ്ലേ സ്‌ക്രീനുകള്‍, പ്രത്യേക ആവശ്യങ്ങളുള്ള സേവനം നല്‍കുന്നതിന് പ്രത്യേക സീറ്റുകള്‍ എന്നിവ ഇലക്ട്രിക് ബസിന്റെ പ്രത്യേകതകളാണ്. ഗതാഗത പ്രവര്‍ത്തനങ്ങളിലും സേവനങ്ങളിലും ആധുനിക രീതികളിലും സാങ്കേതിക വിദ്യകള്‍ സ്വീകരിക്കാനും കാര്‍ബണ്‍ പുറന്തള്ളല്‍ 25 ശതമാനമായി കുറയ്ക്കാനും ലക്ഷ്യമിടുന്ന ദേശീയ ഗതാഗത നയത്തിന്റെ ഭാഗമായാണ് ഇലക്ട്രിക് ബസ് ഇറക്കുന്നത്.

പുണ്യ മാസത്തിൽ അനുഭവപ്പെടുന്ന തിരക്ക് ഇത്തവണ വർധനവുണ്ടായി. കോവിഡ് കാലത്തെ നിബന്ധനകൾക്ക് ശേഷം ആദ്യമായി കടന്നുവന്ന പുണ്യമാസത്തിൽ കൂടുതൽ ആത്മസംതൃപ്തി നേടുകയെന്ന ലക്ഷ്യത്തോടെ ലോകത്തിന്റെ വിവിധ ഭാഗങ്ങളിൽ നിന്ന് ലക്ഷങ്ങളുടെ പ്രയാണം തുടരുകയാണ്. അവസാന പത്തിൽ പുണ്യഭൂമിയിലേക്ക് എത്തുന്നവരുടെ എണ്ണത്തിൽ ഗണ്യമായ വർധനവുണ്ടാകും

റിയാദ് : മദീന ,മസ്ജിദുന്നബവിയിൽ വിശ്വാസികളുടെ പ്രവേശനവും പുറത്തുപോകലും എളുപ്പമാക്കാൻ പുതിയ കാർഡ് സേവനം നടപ്പിലാക്കി. ഇരു ഹറം കാര്യാലയങ്ങളുടെ മേധാവി ശൈഖ് ഡോ. അബ്ദുറഹ്മാൻ അൽ സുദൈസ് ഉദ്ഘാടനം ചെയ്തു.

ഇരു ഹറമുകളിലുമെത്തുന്ന തീർഥാടകർക്കും വിശ്വാസികൾക്കും മെച്ചപ്പെട്ട സേവനങ്ങൾ നൽകാനാണ് ഹറംകാര്യ വകുപ്പ് ശ്രമിക്കുന്നതെന്നും ആരോഗ്യകരവും സുരക്ഷിതവുമായ അന്തരീക്ഷത്തിൽ ആരാധനാ കർമങ്ങൾ നിർവഹിക്കാൻ ആവശ്യമായ മികച്ച സാഹചര്യം ഒരുക്കുകയാണ് ലക്ഷ്യമെന്നും ഡോ സുദൈസ് പറഞ്ഞു.

കോവിഡിന്റെ പശ്ചാത്തലത്തിൽ ഏർപ്പെടുത്തിയ നിയന്ത്രണങ്ങൾ മൂലം ജുമുഅ നമസ്‌കാരത്തിനും മറ്റു നിസ്‌കാരങ്ങൾക്കും ഇടയിൽ പ്രാഥമികകാര്യങ്ങൾ നിർവഹിക്കാനും മറ്റും പ്രയാധിക്യമുള്ളവരടക്കം മസ്ജിദുന്നബവിയിൽ നിന്ന് പുറത്തുപോകുന്ന പക്ഷം വീണ്ടും തിരികെ പ്രവേശിക്കാൻ നേരിടുന്ന പ്രയാസങ്ങൾക്ക് അറുതി വരുത്താനാണ് പുതിയ കാർഡ് സിസ്റ്റം.

മദീന: ലോകത്തിന്റെ വിവിധ ഭാഗങ്ങളില്‍ നിന്നായി ഈ വര്‍ഷത്തെ പരിശുദ്ധ ഹജ്ജ് കര്‍മത്തിനായി എത്തിയ ഹാജിമാര്‍ മദീനയില്‍ എത്തിതുടങ്ങി. ഇന്ത്യയില്‍ നിന്നുള്ള ആദ്യ ഹജ്ജ് സംഘം നാളെ മദീനയിലെത്തും. മദീനയിലെത്തുന്ന ഹാജിമാരെ സ്വീകരിക്കാനൊരുങ്ങുകയാണ് മദീന കെ.എം.സി.സി പ്രവര്‍ത്തകര്‍. നാളെ ഉച്ചകഴിഞ്ഞ് 2.50ന് ഡല്‍ഹിയില്‍നിന്ന് എസ്.വി 5902 വിമാനത്തിലെത്തുന്ന 410 ഹാജിമാരെ മദീന വിമാനത്താവളത്തില്‍ സ്വീകരിച്ചു കൊണ്ടാണ് മദീന കെ.എം.സി .സി ഈ വര്‍ഷത്തെ ഹജജ് സേവന പ്രവര്‍ത്തനത്തിന് തുടക്കമിടുന്നത്. നാളെ വിവിധ സമയങ്ങളിലായി 2700ല്‍പരം ഹാജിമാര്‍ മദീനയിലെത്തും. സഊദി നാഷണല്‍ കെ.എം.സി.സി ഹജ്ജ് സെല്ലിന് കീഴില്‍ ജിദ്ദ, മക്ക, മദീന കമ്മിറ്റികള്‍ ഏകോപിച്ച പ്രവര്‍ത്തനങ്ങളാണ് നടക്കുക.

ഇന്ത്യയില്‍നിന്നുള്ള 65000 ഹാജിമാരാണ് മദീന വിമാനത്താവളംവഴി ഹജ്ജിനെത്തുക. വിവിധ ഭാഷകള്‍ കൈകാര്യം ചെയ്യാനറിയുന്ന 200ല്‍പരം കെ.എം.സി.സി പ്രവര്‍ത്തകരെ മസ്ജിദുന്നബവി പരിസരങ്ങളില്‍ വിന്യസിക്കും. വഴിയറിയാത്തവര്‍ക്ക് വഴികാട്ടികളായും ഭാഷയറിയാത്തവര്‍ക്ക് പരിഭാഷകരായും ക്ഷീണിതരായ ഹാജിമാര്‍ക്ക് താങ്ങായും കെ.എം.സി.സി പ്രവര്‍ത്തകരുടെ സേവനം ഉണ്ടായിരിക്കുക.
മദീന ഹജജ് മിഷനുമായി കൈകോര്‍ത്താവും സേവനമെന്ന് മദീന ഹജ്ജ് സെല്‍ നേതാക്കളായ ശരീഫ് കാസര്‍കോട്, മുഹമ്മദ് റിപ്പണ്‍, റഷീദ് പേരാമ്പ്ര, ഹംസ പെരുമ്പലം, ജലീല്‍ കൊടുവള്ളി, ഫൈസല്‍ വെളിമുക്ക്, ഒ.കെ റഫീക്ക്, അഷ്‌റഫ് അഴിഞ്ഞിലം എന്നിവര്‍ പറഞ്ഞു.

മദീന: മസ്ജിദുന്നബവിയിലെ റൗളശരീഫില്‍ പ്രവാചക മിഹ്‌റാബില്‍ നിസ്‌കാരത്തിന് വീണ്ടും തുടക്കമായി. ഇന്നലെ ദുഹ്ര്‍ നിസ്‌കാരത്തിന് മസ്ജിദുന്നബവി ഇമാം ശൈഖ് ഡോ. അബ്ദുല്ല ബിന്‍ അബ്ദുറഹ്മാന്‍ അല്‍ബഈജാന്‍ പ്രവാചക മിഹ്‌റാബില്‍ നിസ്‌കാരത്തിന് നേതൃത്വം നല്‍കി. അഞ്ച് നിര്‍ബന്ധ നിസ്‌കാരങ്ങള്‍ക്കും വെള്ളിയാഴ്ചയിലെ ജുമുഅ നിസ്‌കാരത്തിനും ഇമാമത്ത് നില്‍ക്കല്‍ പ്രവാചക മിഹ്‌റാബിലേക്ക് മാറ്റുന്നതിന് ഹറം, മസ്ജിദുന്നബവി കാര്യ പ്രസിഡന്‍സി തീരുമാനിക്കുകയായിരുന്നു. ഇരുപത്തിയഞ്ച് വര്‍ഷത്തിലേറെ നീണ്ട ഇടവേളക്ക് ശേഷമാണ് പ്രവാചക മിഹ്‌റാബില്‍ ഇമാമുമാര്‍ നിസ്‌കാരങ്ങള്‍ക്ക് വീണ്ടും നേതൃത്വം നല്‍കുന്നത്.
നിസ്‌കാരങ്ങള്‍ പൂര്‍ത്തിയാകുന്ന ഉടന്‍ പ്രവാചകന്‍ മുഹമ്മദ് നബി(സ)യുടെയും അനുചരന്മാരായ അബൂബക്കര്‍ സിദ്ദീഖിന്റെയും (റ) ഉമര്‍ ബിന്‍ അല്‍ഖത്താബിന്റെയും (റ) ഖബറിടങ്ങള്‍ സന്ദര്‍ശിക്കുന്നതും അവര്‍ക്ക് സലാം ചൊല്ലുന്നതും വിശ്വാസികള്‍ക്കും തീര്‍ഥാടകര്‍ക്കും സിയാറത്ത് നടത്തുന്നവര്‍ക്കും എളുപ്പമാക്കുന്നതിന് ലക്ഷ്യമിട്ടാണ് നിസ്‌കാരങ്ങള്‍ക്ക് ഇമാമത്ത് നില്‍ക്കുന്ന സ്ഥലം പ്രവാചക മിഹ്‌റാബിലേക്ക് മാറ്റിയത്.

ഇതുവരെ ഖിബ്‌ലയുടെ ദിശയില്‍ അവസാന ഭിത്തിയില്‍ മസ്ജിദുന്നബവിയുടെ മുന്‍ഭാഗത്തുള്ള ഉസ്മാനി മിഹ്‌റാബിലാണ് ഇമാമുമാര്‍ നിസ്‌കാരത്തിന് നേതൃത്വം നല്‍കിയിരുന്നത്. ഇത് പ്രവാചകന്റെയും അനുചരന്മാരുടെയും ഖബറിടങ്ങളില്‍ സിയാറത്ത് നടത്തുന്നവര്‍ക്ക് പ്രയാസം സൃഷ്ടിച്ചിരുന്നു. നിസ്‌കാരങ്ങള്‍ പൂര്‍ത്തിയായി ഇമാമുമാര്‍ സ്ഥലം വിടുന്നത് വരെ പ്രവാചകന്റെയും അനുചരന്മാരുടെയും ഖബറിടങ്ങളില്‍ സിയാറത്ത് നടത്തുന്നതിന് തീര്‍ഥാടകര്‍ക്ക് സാധിച്ചിരുന്നില്ല. പുതിയ പരിഷ്‌കാരം നടപ്പാക്കിയതിലൂടെ നിസ്‌കാരങ്ങള്‍ പൂര്‍ത്തിയായാലുടന്‍ അല്‍സലാം ഗെയ്റ്റ് വഴി പ്രവേശിച്ച് റൗളശരീഫിന് മുന്നിലൂടെ നീങ്ങി ഖബറിടങ്ങളില്‍ സിയാറത്ത് നടത്തി അല്‍ബഖീഅ് ഗെയ്റ്റ് വഴി പുറത്തിറങ്ങുന്നതിന് വിശ്വാസികള്‍ക്ക് അവസരം ലഭിക്കും.
കാല്‍ നൂറ്റാണ്ടിന്റെ ഇടവേളക്ക് ശേഷമാണ് പ്രവാചക മിഹ്‌റാബില്‍ ഇമാമുമാര്‍ നിസ്‌കാരം നിര്‍വഹിക്കുന്നത്. ഭൂമിയിലെ സ്വര്‍ഗീയാരാമെന്ന് പ്രവാചകന്‍ (സ) വിശേഷിപ്പിച്ച റൗളശരീഫിലുള്ള പ്രവാചക മിഹ്‌റാബിന്റെ കിഴക്ക് ഭാഗത്ത് പ്രവാചകന്റെ മഖ്ബറയും പടിഞ്ഞാറ് മിന്‍ബറും (പ്രസംഗപീഠം) ആണ്. മുഹമ്മദ് നബി (സ) നിസ്‌കാരം നിര്‍വഹിച്ച അതേ സ്ഥലത്ത് എട്ടാം അമവി (ഉമയ്യഡ്) ഖലീഫ ഉമര്‍ ബിന്‍ അബ്ദുല്‍ അസീസ് ആണ് മിഹ്‌റാബ് നിര്‍മിച്ചത്. മൂന്നാം ഖലീഫ ഉസ്മാന്‍ ബിന്‍ അഫാന്റെ (റ) കാലത്ത് നടത്തിയ മസ്ജിദുന്നബവി വികസന പദ്ധതിയുടെ ഭാഗമായാണ് പ്രവാചക പള്ളിയുടെ മുന്‍ഭാഗത്തെ ഭിത്തിയില്‍ മിഹ്‌റാബ് നിര്‍മിച്ചത്. ഇത് പിന്നീട് ഉസ്മാനി മിഹ്‌റാബ് എന്ന പേരില്‍ അറിയപ്പെടുകയായിരുന്നു.