ഉംറ നിര്‍വഹിച്ച ശേഷം മദീന സന്ദര്‍ശനത്തിന് പോവുകയായിരുന്നു കുടുംബം. ശനിയാഴ്ച വൈകീട്ടാണ് അപകടമുണ്ടായത്. സംഘത്തിലുണ്ടായിരുന്ന മൂന്ന് പേര്‍ ഗുരുതര പരിക്കുകളോടെ ആശുപത്രിയില്‍ കഴിയുകയാണ്. ജലീലിന്റെ മക്കളായ നൂറ, ആയിഷ, ഫാത്തിമ എന്നിവരാണ് ചികിത്സയിലുള്ളത്.

മദീനയിലെ കിങ് ഫഹദ്, സൗദി ജര്‍മന്‍ എന്നീ ആശുപത്രികളിലെ തീവ്ര പരിചരണ വിഭാഗത്തില്‍ ആണ് മൂവരെയും പ്രവേശിപ്പിച്ചിരിക്കുന്നത്. കുടുംബം സഞ്ചരിച്ച ജി.എം.സി വാഹനം ജിദ്ദ-മദീന റോഡില്‍ വാദി ഫറഹയില്‍ വച്ച് തീറ്റപ്പുല്ല് കയറ്റിവന്ന ലോറിയുമായി കൂട്ടിയിടിക്കുകയായിരുന്നു. വര്‍ഷങ്ങളായി ജിദ്ദയില്‍ ജോലി ചെയ്യ്തുവരികയാണ് അബ്ദുല്‍ ജലീലില്‍. സന്ദര്‍ശന വിസയിലാണ് കുടുംബം ഇവിടെയെത്തിയത്.

ദുരിതാശ്വാസ പ്രവര്‍ത്തനങ്ങള്‍ ഏകോപിപ്പിക്കുന്നതിനും കുടുംബാംഗങ്ങളെ സഹായിക്കുന്നതിനുമായി തെലങ്കാന സംസ്ഥാന ന്യൂനപക്ഷ ക്ഷേമ മന്ത്രി മുഹമ്മദ് അസ്ഹറുദ്ദീന്റെ നേതൃത്വത്തില്‍ സര്‍ക്കാര്‍ സംഘം സൗദിയിലേക്ക് തിരിക്കും. സംഘത്തില്‍ എം.എല്‍.എമാരും, ന്യൂനപക്ഷ സമുദായത്തില്‍ നിന്നുള്ള ഒരു മുതിര്‍ന്ന ഉദ്യോഗസ്ഥനും ഉള്‍പ്പെടും. കൂടാതെ, മരിച്ച ഓരോ തീര്‍ഥാടകരുടെയും കുടുംബത്തില്‍ നിന്ന് രണ്ട് അംഗങ്ങളെ വീതം തെലങ്കാന സര്‍ക്കാറിന്റെ ചെലവില്‍ സൗദിയിലേക്ക് കൊണ്ടുപോകുന്നതിനുള്ള ക്രമീകരണങ്ങളും ഒരുക്കുന്നുണ്ട്.

വാഹനത്തിലുണ്ടായിരുന്ന നാലു പേർക്ക് പരിക്കേറ്റു. പരിക്കേറ്റ ഷഹ്‌മ ഷെറിന്റെ സഹോദരീ ഭർത്താവ് മുഹമ്മദ് റഷാദ്, അവരുടെ മകൾ ആയിഷ റൂഹി എന്നിവരെ മദീന കിങ് ഫഹദ് ആശുപത്രിയിലും സഹോദരി നജിയ ഷെറിൻ, ഷഹ്‌മയുടെ മകൾ ജസ ഫാത്തിമ എന്നിവരെ യാംബു ജനറൽ ആശുപത്രിയിലുമാണ് പ്രവേശിപ്പിച്ചത്. ജസ ഫാത്തിമയുടെ പരിക്ക് നിസ്സാരമായതിനാൽ ആശുപത്രിയിൽ നിന്ന് ഡിസ്ചാർജ് ആയിട്ടുണ്ട്.

വ്യഴാഴ്ച പുലർച്ചെ ജിദ്ദയിൽ നിന്ന് മദീനയിലേക്ക് പുറപ്പെട്ട എട്ട് പേരടങ്ങുന്ന രണ്ട് കുടുംബങ്ങൾ സഞ്ചരിച്ച കാറാണ് അപകടത്തിൽ പെട്ടത്. ബദ്റിൽ നിന്ന് മദീന റോഡിൽ 40 കിലോമീറ്റർ അകലെ വ്യാഴാഴ്ച രാവിലെ 9.30 ന് ഇവരുടെ കാർ, ട്രൈലർ ലോറിയുമായി കൂട്ടിയിടിച്ചായിരുന്നു അപകടം.

ജംഷീർ അലിയാണ് ഷഹ്‌മ ഷെറിന്റെ ഭർത്താവ്. പിതാവ്: മുഹമ്മദ് കുട്ടി ഇല്ലിക്കോട്ടിൽ കൈപ്പറ്റ, മാതാവ്: ജമീല, മകൾ: ജസ ഫാത്തിമ, സഹോദരങ്ങൾ: അബൂബക്കർ, ജിൻഷാദ്, നജിയ ഷിറിൻ. ഷഹ്‌മ ഷെറിന്റെ മൃതദേഹം നടപടികൾ പൂർത്തിയാക്കി വെള്ളിയാഴ്ച ജുമുഅ നമസ്കാര ശേഷം ബദ്‌റിൽ ഖബറടക്കം ചെയ്തു.

ബദ്‌റിലെയും യാംബുവിലെയും സാമൂഹിക സംഘടനാ നേതാക്കളും പ്രവർത്തകരും നടപടികൾ പൂർത്തിയാക്കാനും ആശുപത്രി നടപടികൾക്കും രംഗത്തുണ്ടായിരുന്നു.

മദീനയിലെ പ്രവാസി മലയാളികളുടെ രാഷ്ട്രീയ സാമൂഹിക സാംസ്കാരിക രംഗത്തെ പ്രമുഖരുടെ സാനിധ്യത്തിൽ നടന്ന ചടങ്ങ് അൽ അബീർ മെഡിക്കൽ ഗ്രൂപ്പ് മാർക്കറ്റിംഗ് മാനേജർ അലി ഹുസൈൻ ഉത്ഘാടനം ചെയ്തു. വിവിധ സാംസ്കാരിക സംഘടനകളുടെ നേതൃത്വത്തിലുള്ള കലാപരിപാടികളും ടീമുകളുടെ മാർച്ച് പാസ്റ്റും ഉത്ഘാടന വേളയിൽ അരങ്ങേറി.

പ്രവാസി സമൂഹത്തിൻ്റെ വൻ ജനപങ്കാളിത്വത്തോടെ നടന്ന ചടങ്ങിൽ അഷറഫ് ചൊക്ളി, ഹമീദ് പെരുപറമ്പിൽ, നിസാർ കരുനാഗപ്പള്ളി,നജീബ് പത്തനംതിട്ട,ഡോ: ഫാറൂഖ്, മെഹബൂബ് കീഴ്പ്പറമ്പ്,കോയ സംസം, സുഹുർ കിസ്മത്ത്,സമദ് ടോപ് ഫോം, കബീർ ബിരിയാണി സ്പോട്,നിസാർ കൊടിയത്തൂർ,അൽത്താഫ് കൂട്ടിലങ്ങാടി, ഷംസു എന്നിവർ സംബന്തിച്ചു.

ഹിഫ്സു റഹ്മാൻ ,മുനീർ പടിക്കൽ,ഫൈസൽ വടക്കൻ, അജ്മൽ ആബിദ്,ജലീൽ പാലൂർ, ജാഫർ കാവാടൻ, ഗഫൂർ പട്ടാമ്പി, ഹംസ മണ്ണാർക്കാട്,ഹാരിസ് പേരാമ്പ്ര, നിസാർ മേപയൂർ, സുഹൈൽ നഹാസ്, ജദീർ തങ്ങൾ, സഹദ് അസ്ഹരി എന്നിവർ പരിപാടിക്ക് നേതൃത്വം നൽകി.

ഇന്ത്യൻ യൂണിയൻ മുസ്ലിം ലീഗിൻ്റെ പ്ലാറ്റിനം ജൂബിലിയുടെ ഭാഗമായി സൗദി കെ എം സി സി ഈസ്റ്റൻ പ്രവിശ്യ കമ്മിറ്റി സംഘടിപ്പിച്ച ഇഹ്ത്തി ഫാൽ 2023 സൗജന്യ ഉംറ പദ്ധതിയുടെ ഭാഗമായാണ് തീർഥാടക സംഘമെത്തിയത്. മുസ്ലിം ലീഗ് പ്രസ്ഥാനത്തെ ജീവിത വഴികളിൽ നെഞ്ചോട് ചേർത്ത് വെച്ച കേരളത്തിലെ പതിനാല് ജില്ലകളിൽ നിന്നായി തിരഞ്ഞെടുക്കപെട്ട നാത്പ്പതോളം സ്ത്രീകളടക്കമുള്ള ‘ നൂറോളം പേരുടെ ഉംറ സംഘമാണ് സൗജ്യ ന്യ ഉംറ പദ്ധതിയുടെ ഭാഗമായി തിങ്കളാഴ്ച്ച രാത്രിയോടെ പ്രവാചക മണ്ണിലെത്തിയത്.

ജിദ്ധയിലെ ഹവ്വാ ബീവിയുടെ മഖ്ബറ സന്ദർശിച്ച ശേഷം ഇസ്ലാമിക ചരിത്രത്തിൽ ആത്മസമർപ്പണത്തിൻ്റെ അനശ്വര സ്മരണകൾ മുറ്റി നിൽക്കുന്ന ബദർശുഹദാക്കളുടെ മഖ്ബറ സന്ദർശിക്കുകയും ജിദ്ധ, യാമ്പു കെ എം സി സി കളുടെ സ്വീകരണവും ഏറ്റുവാങ്ങിയാണിവർ മദീനയിലെത്തിയത്.

പുണ്യഭൂമികളിലെത്തുന്നത് സ്വപ്ന ദർശന സായൂജ്യം മാത്രമായി കരുതിയിരുന്നവർക്ക് മുമ്പിൽ പുണ്യഭൂമികളെത്താനും വിശുദ്ധ കർമ്മങ്ങൾ നിർവ്വഹിക്കാനും പ്രവാചക സന്നിധിയിലെത്തി സലാം ചെല്ലി നിറഞ്ഞ കണ്ണുകളോടെ പ്രാർഥനാനിരതരായി സായൂജ്യമടയുവാൻ കഴിഞ്ഞ സന്തോഷത്തിലാണ് ഓരോ തീർഥാടകനും.

മൂന്ന് ദിവസങ്ങളിലായി മദീനയിലെ ചരിത്ര സ്ഥലങ്ങൾ സന്ദർശിക്കുകയും പിന്നീട് ബുറൈദ വഴി ദമ്മാമിയത്തി ഈസ്റ്റൻ പ്രവിശ്യ കെ എം സി സി യുടെ സ്വീകരണവും ഏറ്റുവാങ്ങി പതിനെട്ടാം തിയ്യതി ദമാം വിമാനതാവളം വഴി നാട്ടിലേക്ക് മടങ്ങും.
പ്രവാചക നഗരിയിലെത്തിയ തീർഥാടക സംഘത്തെ ഈത്തപഴങ്ങളും സമ്മാനപൊതികളും നൽകി മദീന കെ എം സി സി നേതാക്കളും വനിതാ വിംഗും കുട്ടികളുമടക്കമുള്ള പ്രവർത്തകർ ഹൃദ്യമായി സ്വീകരിച്ചു. സ്വീകരണ യോഗത്തിൽ ശെരീഫ് കാസർക്കോട് അധ്യക്ഷത വഹിച്ചു. യോഗം മദീന കെ എം സി സി മുൻ പ്രസിഡൻ്റ് സൈത് മൂന്നിയൂർ ഉത്ഘാടനം ചെയ്തു. ഉംറ സംഘത്തിന് നേതൃത്വം നൽകുന്ന അബ്ദുറഹ്മാൻ അറക്കൽ, ദമാം കെ എം സി സി ഭാരവാഹി നാസർ പാറക്കടവ് അഹമ്മദ് മുനമ്പം, അഷറഫ് ഒമാനൂർ, ഷാജഹാൻ ചാലിയം, നാസർ തടത്തിൽ, എന്നിവർ സംസാരിച്ചു അഷറഫ് അഴിഞ്ഞിലം സ്വാഗതവും നഫ്സൽ മാസ്റ്റർ നന്ദിയും പറഞ്ഞു.

മക്കയിലെ വലിയ പള്ളിയും മദീനയിലെ പ്രവാചകന്റെ പള്ളിയും ഇസ്‌ലാം മതത്തിലെ ഏറ്റവും വിശുദ്ധമായ സ്ഥലങ്ങളാണ്. മതപരമായ പഠനങ്ങള്‍, മതപ്രഭാഷണം, ബാങ്കുവിളി തുടങ്ങിയ കാര്യങ്ങളില്‍ പുതിയ സമിതി മേല്‍നോട്ടം വഹിക്കുമെന്ന് പ്രസ്താവനയില്‍ വ്യക്തമാക്കി. അതിനിടെ അടുത്ത സീസണില്‍ ഹജ്ജിനുള്ള സാമ്പത്തിക പാക്കേജ് വിപുലീകരിക്കാന്‍ സഊദി അറേബ്യ ആലോചിക്കുന്നതായി നേരത്തെ റിപ്പോര്‍ട്ടുകള്‍ പുറത്തുവന്നിരുന്നു. ആഭ്യന്തര തീര്‍ഥാടകര്‍ക്കുള്ള പാക്കേജ് വിപുലീകരിക്കാനുള്ള ചര്‍ച്ചകള്‍ നടന്നുവരികയാണ് എന്ന് സൗദി ഹജ്ജ് ഡെപ്യൂട്ടി മന്ത്രിയാണ് അറിയിച്ചത്. 3,984 സഊദി റിയാലിലാണ് നിലവില്‍ ആഭ്യന്തര തീര്‍ത്ഥാടകര്‍ക്കുള്ള ഹജ്ജ് സാമ്പത്തിക പാക്കേജ് ആരംഭിക്കുന്നത്. ഇത് മുഴുവനായോ അല്ലെങ്കില്‍ 3 ഗഡുക്കളായോ അടക്കാം.

സഊദി ഹജ്ജ്, ഉംറ മന്ത്രി തൗഫിക് അല്‍ റബിയ അടുത്ത വര്‍ഷത്തെ ഹജ്ജിനുള്ള നിയമങ്ങളും പ്രഖ്യാപിച്ചിട്ടുണ്ട്. കരാറുകള്‍ അനുസരിച്ച്, വിവിധ രാജ്യങ്ങള്‍ക്ക് അനുവദിക്കേണ്ട സ്ഥലങ്ങളുടെ നാമനിര്‍ദേശം സഊദി അറേബ്യ തീരുമാനിക്കും. നേരത്തെ കരാറുകളില്‍ തീരുമാനമാക്കുന്ന രാജ്യങ്ങള്‍ക്ക് മുന്‍ഗണന നല്‍കുമെന്നും തൗഫിക് അല്‍ റബിയ വ്യക്തമാക്കിയിരുന്നു. മാര്‍ച്ച് ഒന്നു മുതല്‍ ഹജ്ജിനുള്ള വിസ നല്‍കാന്‍ ആരംഭിക്കും. ഏപ്രില്‍ 29 വരെ ആയിരിക്കും വിസകള്‍ നല്‍കുക.

150 രാജ്യങ്ങളില്‍നിന്നുള്ള 18,45,045 തീര്‍ഥാടകരാണ് ഇത്തവണ ഹജ്ജ് നിര്‍വഹിച്ചത്. 1,75,025 പേര്‍ക്കാണ് ഇന്ത്യയില്‍ നിന്ന് ഹജ്ജിന് അവസരം ലഭിച്ചത്. കേരളത്തില്‍ നിന്നും സംസ്ഥാന ഹജ്ജ് കമ്മിറ്റിക്കു കീഴില്‍ 11,252 തീര്‍ഥാടകര്‍ ഇത്തവണ ഹജ്ജിന് പോയിരുന്നു.

വിശ്വാസികളുടെ സൗകര്യത്തിനനുസരിച്ചു ഇവിടെ സംവിധാനങ്ങള്‍ സജ്ജീകരിച്ചിട്ടുള്ളതായി ഇരുഗേഹങ്ങളുടെയും പ്രസിഡന്‍ഷ്യല്‍ വിഭാഗം മേധാവി ശൈഖ് ഡോ.അബ്ദുല്‍റഹ്‌മാന്‍ അല്‍സുദൈസ് വ്യക്തമാക്കി.

കോവിഡ് കാലത്ത് കര്‍ശന നിയന്ത്രണങ്ങള്‍ ഏര്‍പ്പെടുത്തിയിരുന്നതുമൂലം ലോകത്തിന്റെ വിവിധഭാഗങ്ങളില്‍നിന്നുള്ള വിശ്വാസികള്‍ പുണ്യഭൂമിയിലെത്താന്‍ കഴിയാതെ വിഷമിക്കുകയായിരുന്നു.

എന്നാല്‍ കോവിഡ് കാലം കഴിഞ്ഞതോടെ ലോകത്തിന്റെ നാനാഭാഗങ്ങളില്‍നിന്നായി ലക്ഷക്കണക്കിനുപേര്‍
ഉംറ നിര്‍വ്വഹിക്കാനും റൗളാഷരീഫ് സന്ദര്‍ശിക്കാനുമായി എത്തിക്കൊണ്ടിരിക്കുന്നുണ്ട്.

അബുദാബി: പ്രമുഖപ്രഭാഷകനും പാർലിമെന്റ് അംഗവുമായ അബ്ദുസ്സമദ് സമദാനിയുടെ
മദീനയിലേക്കുള്ള പാത പ്രഭാഷണം കേൾക്കാൻ അബുദാബിയിൽ ആയിരങ്ങൾ ഒഴുകിയെത്തി.

പ്രമുഖ വ്യവസായിയും ലുലു ഇന്റർനാഷണൽ ഗ്രൂപ്പ് ചെയർമാൻ യൂസഫലി എം എ ഉത്ഘാടനം ചെയ്തു.

അബുദാബി ഇന്ത്യൻ ഇസ്ലാമിക്‌ സെന്ററിൽ സംഘടിപ്പിച്ച പരിപാടി
പ്രസിഡന്റ് പി ബാവ ഹാജിയുടെ അധ്യക്ഷതയിൽ നടന്ന പരിപാടിയിൽ ജനറൽ സെക്രട്ടറി ടി കെ അബ്ദുസ്സലാം സ്വാഗതം പറഞ്ഞു.

അന്ത്യപ്രവാചക കീർത്തനങ്ങളും വർത്തമാനകാല പ്രാധാന്യങ്ങളും സംയോജിപ്പിച്ചു കൊണ്ട് നടത്തിയ “വിശ്വവിമോചകനാം വിശുദ്ധ പ്രവാചകൻ” പ്രഭാഷണം ആയിരങ്ങളെ ആത്മീയതയുടെ ലോകത്തിലൂടെ വഴിനടത്തി.

ഇത് മൂന്നാം തവണയാണ് “മദീനയിലേക്കുള്ള പാത” പ്രഭാഷണം അബുദാബിയിൽ നടക്കുന്നത്.
തന്റെ സ്വതസിദ്ധമായ ശൈലിയും ഉറുദു കവിതകളും വീണ്ടുമൊരിക്കൽകൂടി പെയ്തിറങ്ങിയപ്പോൾ പ്രവാസികളെ ആത്മീയതയുടെ ആരാമത്തിലേക്ക് വഴി നടത്തുകയായിരുന്നു.

ആധാർമികതയും അനീതിയും നിറഞ്ഞ ആധുനിക ലോകത്ത് അന്ത്യപ്രവാചകന്റെ ആപ്‌തവാക്യങ്ങളും ആജ്ഞകളുമാണ് മാനവരാശിക്ക് രക്ഷ നൽകുകയുള്ളൂവെന്നു സമദാനി പറഞ്ഞു.

അന്ത്യപ്രവാചനെ നിന്ദിക്കാൻ പലരും കിണഞ്ഞു ശ്രമിക്കുമ്പോഴും നബി തിരുമേനിയുടെ മഹത്വം വിവരിക്കുന്ന പുതിയ ഗ്രന്ഥങ്ങൾ ഇറങ്ങിക്കൊണ്ടിരിക്കുന്നു.
അന്താരാഷ്ട്ര തലത്തിൽ അവ കൂടുതൽ ചർച്ച ചെയ്യപ്പെടുന്നു.
അതിന്റെ ഗ്രന്ഥകർത്താക്കൾ പലരും പാശ്ചാത്യരാണെന്നതും അദ്ദേഹം പറഞ്ഞു.

റിയാദ്: സഊദിയില്‍ തീര്‍ത്ഥാടകര്‍ സഞ്ചരിച്ച ബസ് മണ്ണുമാന്തി യന്ത്രത്തില്‍ കൂട്ടിയിടിച്ചുണ്ടായ അപകടത്തില്‍ 35 പേര്‍ മരിച്ചു. മദീനയില്‍ നിന്ന് 170 കിലോമീറ്റര്‍ അകലെ ഹിജ്‌റ റോഡിലാണ് അപകടമുണ്ടായത്. റിയാദില്‍ നിന്ന് ഉംറ കര്‍മം നിര്‍വഹിക്കാന്‍ പുറപ്പെട്ട തീര്‍ത്ഥാടകര്‍ സഞ്ചരിച്ച ബസ്സാണ് അപകടത്തില്‍പെട്ടത്. ബുധനാഴ്ച രാത്രി പത്തുമണിയോടെയാണ് അപകടം.

അപകടം നടന്നയുടനെ ബസിന് തീപിടിച്ചതാണ് വലിയ ദുരന്തത്തിനിടയാക്കിയത്. 50ഓളം പേര്‍ ബസിലുണ്ടായിരുന്നു.

റിയാദില്‍ നിന്ന് ബുധനാഴ്ച പുലര്‍ച്ചെ പുറപ്പെട്ട ഉംറ ബസ് മദീനാ സന്ദര്‍ശനം പൂര്‍ത്തിയാക്കി മക്കയിലേക്ക് യാത്ര തുടരുന്നതിനിടെയാണ് സംഭവം. റിയാദിലെ ദാറുല്‍ മീഖാത്ത് സിയാറ സംഘത്തിന്റേതാണ് ബസ് എന്നാണ് റിപ്പോര്‍ട്ട്.

ബംഗ്ലാദേശ് പൗരന്മാര്‍ നടത്തുന്ന സിയാറ ഗ്രൂപ്പിന്റെ നാലുദിവസത്തെ മക്ക,മദീന സന്ദര്‍ശനത്തിനായിരുന്നു ബസ് പുറപ്പെട്ടത്. വിവിധ രാജ്യക്കാരായ ഉംറ തീര്‍ത്ഥാടകരായിരുന്നു ബസ്സിലുണ്ടായിരുന്നത്. മരണപ്പെട്ടുവരുടെ കൃത്യമായ പേരോ നാടോ സംബന്ധിച്ച വിവരങ്ങള്‍ അറിവായിട്ടില്ല. ഇന്ത്യക്കാരുണ്ടോ എന്ന കാര്യവും വ്യക്തമല്ല. സൗദി ഔദ്യോഗിക വാര്‍ത്താ ഏജന്‍സിയാണ് ഇതുസംബന്ധിച്ച് റിപ്പോര്‍ട്ട് ചെയ്തിരിക്കുന്നത്. വിവിധ ഏഷ്യന്‍ രാജ്യങ്ങളിലെ തീര്‍ത്ഥാടകര്‍ ബസിലുണ്ടായിരുന്നതായാണ് റിപ്പോര്‍ട്ട്.

പരിക്കേറ്റവരെ അല്‍ഹംന ആശുപത്രിയില്‍ പ്രവേശിപ്പിച്ചിരിക്കുകയാണ്.