ചൊവ്വാഴ്ച വൈകുന്നേരമാണ് സംഭവം. ക്യാമ്പസിനടുത്തുള്ള ബേക്കറിയില്‍ എത്തിയ വിദ്യാര്‍ത്ഥിനിക്ക് നേരെയാണ് ലൈംഗികാതിക്രമം നടന്നത്. സുഹൃത്തുക്കളുമായി സംസാരിച്ചിരിക്കെയാണ് ഇയാള്‍ വിദ്യാര്‍ത്ഥിനിക്ക് നേരെ ലൈംഗികാതിക്രമം നടത്തിയത്.

സംഭവത്തില്‍ കോട്ടൂര്‍പുരം പൊലീസ് സ്റ്റേഷനില്‍ വിദ്യാര്‍ത്ഥികള്‍ പരാതി നല്‍കി. പരാതി അഭിരാമപുരം ഓള്‍ വനിതാ പൊലീസ് സ്റ്റേഷനിലാണ് രജിസ്റ്റര്‍ ചെയ്തത്. തുടര്‍ന്ന് ബേക്കറി ജീവനക്കാരനെ പൊലീസ് അറസ്റ്റ് ചെയ്യുകയായിരുന്നു.

അതേസമയം പ്രതി ഐഐടിയുമായി ബന്ധമുള്ള ആളല്ലെന്നും പുറത്തുള്ള ബേക്കറിയില്‍ ജോലി ചെയ്യുന്ന ആളാണെന്നും ഐഐടി മദ്രാസ് വ്യക്തമാക്കി.

ഫൈന്‍ ആര്‍ട്‌സ്, കള്‍ച്ചര്‍ വിഭാഗങ്ങളില്‍ മികവുള്ള വിദ്യാര്‍ത്ഥികളെ പ്രോത്സാഹിപ്പിക്കുക എന്നതാണ് ലക്ഷ്യം വെക്കുന്നതെന്ന് മദ്രാസ് ഐഐടി ഡയറക്ടര്‍ വി. കാമകോടി പറഞ്ഞു. എല്ലാ ബിടെക്, ബിഎസ് കോഴ്‌സുകളിലും ഒരു പ്രോഗ്രാമിന് രണ്ട് സീറ്റുകള്‍ അനുവദിക്കുമെന്നും അദ്ദേഹം പറഞ്ഞു.

2024-25 അക്കാദമിക് വര്‍ഷം മുതല്‍ ബിരുദ പ്രവേശനത്തിന് സ്‌പോര്‍ട്‌സ് ക്വാട്ട ഏര്‍പ്പെടുത്തിയ ആദ്യത്തെ ഐഐടിയും മദ്രാസ് ഐഐടി ആയിരുന്നു. ക്വാട്ടയില്‍ പ്രവേശനത്തിന് ആഗ്രഹിക്കുന്നവര്‍ ഐഐടി മദ്രാസ്/ഫേസ് പ്രവേശന പോര്‍ട്ടല്‍ വഴിയാണ് അപേക്ഷ നല്‍കേണ്ടത്. ഐഐടികള്‍ക്കുള്ള യോഗ്യതാ മാനദണ്ഡം അനുസരിച്ച് 12-ാം ക്ലാസില്‍ ആവശ്യമായ ഏറ്റവും കുറഞ്ഞ മാര്‍ക്ക് ഉദ്യോഗാര്‍ത്ഥി നേടിയിരിക്കണം.

ഇലക്‌ട്രിക്കല്‍ എഞ്ചിനീയറിങ് വിദ്യാര്‍ഥിയായിരുന്നു. സഹപാഠിയെ കാണാതായ വിവരം മറ്റൊരു വിദ്യാര്‍ഥിയാണ് ഹോസ്റ്റല്‍ വാര്‍ഡനെ വിവരമറിയിച്ചത്.തുടര്‍ന്ന് ഹോസ്റ്റൽ മുറിയുടെ വാതില്‍ തുറന്ന് നോക്കിയപ്പോള്‍ വിദ്യാര്‍ഥിയെ തൂങ്ങിമരിച്ച നിലയില്‍ കണ്ടെത്തുകയായിരുന്നുവെന്ന് പൊലീസ് പറഞ്ഞു. കോട്ടൂര്‍പുരം പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. കുടുംബപ്രശ്‌നങ്ങളാണ് മരണത്തിന് കാരണമെന്ന് കരുതുന്നതായി പൊലീസ് അറിയിച്ചു.

പ്ലസ് ടു കഴിഞ്ഞവര്‍ക്കുള്ള അഞ്ചുവര്‍ഷ ഇന്റഗ്രേറ്റഡ് എംഎ കോഴ്‌സാണിത്. ആദ്യ രണ്ടുവര്‍ഷം പല വിഷയങ്ങളും നമ്മുടെ താല്‍പര്യത്തിന് അനുസരിച്ച് തെരഞ്ഞെടുത്തു പഠിക്കാം. ഇക്കണോമിക്‌സ്, അര്‍ബന്‍ സ്റ്റഡീസ്, ജെന്‍ഡര്‍ സ്റ്റഡീസ്, ഇന്റര്‍നാഷനല്‍ റിലേഷന്‍സ്, ടെക്‌നോളജിയുമായി ബന്ധപ്പെട്ട ഹ്യുമാനിറ്റീസ് വിഷയങ്ങള്‍ എന്നിങ്ങനെ ചോയ്‌സ്.

ഇന്‍സ്റ്റിറ്റ്യൂട്ട് പ്ലേസ്‌മെന്റ്, ഡിപാര്‍ട്‌മെന്റ് പ്ലേസ്‌മെന്റ് എന്നിങ്ങനെ രണ്ടുരീതിയിലാണു പ്ലേസ്‌മെന്റ്. ഓസ്‌ട്രേലിയ, കാനഡ ഉള്‍പ്പെടെ വിവിധ രാജ്യങ്ങളിലെ ഉന്നത സര്‍വകലാശാലകളുമായുള്ള സ്റ്റുഡന്റ് എക്‌സ്‌ചേഞ്ച് പ്രോഗ്രാമിലൂടെ വിദേശരാജ്യങ്ങളില്‍ പോയി അവിടത്തെ പഠനം പരിചയിക്കാനുള്ള അവസരം കോഴ്‌സിന്റെ മറ്റൊരു മെച്ചം.

ഐ.ഐ.ടി മദ്രാസിന്റെ അഞ്ചുവര്‍ഷ ഇന്റഗ്രേറ്റഡ് എം.എ കോഴ്സിലേക്ക് അപേക്ഷ ക്ഷണിച്ചു. ജനുവരി 23 ആണ് അവസാന തീയതി. കേരളത്തിലെ പരീക്ഷാകേന്ദ്രങ്ങളായ കൊച്ചി, തിരുവനന്തപുരം എന്നിവിടങ്ങളിലായി ഏപ്രില്‍ 21 നാണ് പരീക്ഷ.
http://hsee.iitm.ac.in എന്ന സൈറ്റ് വഴി അപേക്ഷിക്കാം. 2400 രൂപയാണ് പ്രവേശനപരീക്ഷ ഫീസ്.

ഓണ്‍ലൈന്‍ ഒബ്‌ജെക്ടീവ് ടെസ്റ്റ്, എസ്സേ എന്നിവ അടങ്ങിയതാണു പ്രവേശനപരീക്ഷ (എച്ച്എസ്ഇഇ). ഒബ്‌ജെക്ടീവ് ഭാഗത്തില്‍ ഇംഗ്ലിഷ് (25 % മാര്‍ക്ക്), അനലിറ്റിക്കല്‍ & ക്വാണ്ടിറ്റേറ്റിവ് എബിലിറ്റി (25 %), ജനറല്‍ സ്റ്റഡീസ് (50 %) എന്നിങ്ങനെയാണു വിഷയങ്ങള്‍. എസ്സേയില്‍ കാലികപ്രസക്തിയുള്ള ചോദ്യങ്ങള്‍ പ്രതീക്ഷിക്കാം.

ബീഫ് കഴിക്കാറുണ്ടോ എന്ന ചോദ്യത്തിന് അതെ എന്ന മറുപടി നല്‍കിയതിനാണ് തനിക്കെതിരെ ബിഹാര്‍ സ്വദേശിയായ മനീഷ് എന്ന വിദ്യാര്‍ത്ഥിയും കൂട്ടുകാരും ക്രൂരമായ ആക്രമണം നടത്തിയതെന്നും ഇത് ഒറ്റപ്പെട്ട സംഭവമല്ലെന്നും സൂരജ് പറയുന്നു. പോലീസ് അക്രമികളെ സഹായിക്കുന്ന നിലപാടാണ് കൈക്കൊള്ളുന്നത്. ഐ.ഐ.ടി അധികൃതര്‍ തന്നെ തിരിഞ്ഞു നോക്കിയില്ല. ഇത് ഒറ്റപ്പെട്ട സംഭവമല്ലെന്നും ആര്‍ക്കും എപ്പോഴും സംഭവിക്കാമെന്നും സൂരജ് പറയുന്നു.

സൂരജിന്റെ വാക്കുകള്‍ ഇങ്ങനെ:

‘മെസ്സില്‍ ഭക്ഷണം കഴിച്ചു കൊണ്ടിരിക്കമ്പോള്‍ മനീഷ് എന്നയാള്‍ എന്റെ അടുത്തു വന്നിരുന്നു പരിചയപ്പെടുകയും സംസാരിക്കുകയും ചെയ്തു. എനിക്കയാളെ മുമ്പ് പരിചയമില്ല. ബീഫ് തിന്നുമോ എന്നു ചോദിച്ചു. കഴിക്കും എന്ന് ഞാന്‍ മറുപടി പറഞ്ഞു. അതിനുശേഷം തുടര്‍ന്ന് ഭക്ഷണം കഴിക്കാനൊരുങ്ങുമ്പോള്‍ മനീഷ് പിറകില്‍ നിന്ന് തലയ്ക്ക് അടിച്ചു. എന്റെ നിയന്ത്രണം നഷ്ടമായി. തിരിച്ചടിക്കാന്‍ ശ്രമിക്കുമ്പോഴേക്കും നീട്ടിവളര്‍ത്തിയ മുടിയില്‍ ചുറ്റിപ്പിടിക്കുകയും കുനിച്ചു നിര്‍ത്തി തലയ്ക്ക് തലങ്ങും വിലങ്ങും അടിക്കുകയും ചെയ്തു. ആ അടിയിലാണ് കണ്ണിന്റെ അടുത്തും മൂക്കിന്റെ അടുത്തുമെല്ലാം പരിക്കേറ്റത്. കവിളെല്ലിന് പൊട്ടലുണ്ട്. സര്‍ജറി വേണമെന്നാണ് ഡോക്ടര്‍മാര്‍ പറയുന്നത്. ബീഫ് കഴിച്ചതിനാല്‍ നിന്നെ കൊല്ലും എന്നു പറഞ്ഞായിരുന്നു മനീഷിന്റെ മര്‍ദനം. എന്റെ ഒരു സുഹൃത്ത് മനീഷില്‍ നിന്ന് രക്ഷിക്കാന്‍ ശ്രമിച്ചപ്പോള്‍ അവന്റെ സുഹൃത്തുക്കള്‍ പിടിച്ചുമാറ്റി. നേരത്തെ പദ്ധതിയിട്ടതു പ്രകാരമുള്ള ആക്രമണമാണ് നടന്നത് എന്നാണ് തോന്നിയത്.

കോളേജിലെ സുഹൃത്തക്കള്‍ വഴിയാണ് അധികൃതര്‍ക്കും പോലീസിലും പരാതി നല്‍കിയത്. തുടക്കത്തില്‍ എഫ്.ഐ.ആര്‍ രജിസ്റ്റര്‍ ചെയ്യാന്‍ പോലീസ് തയാറായില്ല. മുകളില്‍ നിന്ന് സമ്മര്‍ദം ഉള്ളതുപോലെയായിരുന്നു പോലീസിന്റെ പെരുമാറ്റം. ഇന്‍സ്റ്റിറ്റ്യൂട്ടിന്റെ ഭാഗത്തുനിന്നും സഹായമൊന്നും ലഭിച്ചില്ല. ഐ.ഐ.ടിയിലെ ഡോക്ടര്‍മാര്‍ മാത്രം വന്ന് കാര്യങ്ങള്‍ അന്വേഷിക്കുക മാത്രമാണ് ചെയ്തത്. അഡ്മിനിസ്‌ട്രേഷന്‍ ഭാഗത്തുനിന്ന് ഒരു സഹായവും ഉണ്ടായില്ല.

കൊടുത്ത പരാതികളില്‍ നടപടി ഉണ്ടായിട്ടില്ല. എഫ്.ഐ.ആറില്‍ മാറ്റം വരുത്തിയെന്ന് പറഞ്ഞു കേള്‍ക്കുന്നു. സമൂഹത്തിന്റെ നാനാ ഭാഗങ്ങളില്‍ നിന്ന് എനിക്ക് പിന്തുണ ലഭിച്ചു. പിന്തുണ ഇനിയുമുണ്ടാകണം.

ഇതിനെ ഒറ്റപ്പെട്ട സംഭവമായി കണക്കാക്കാന്‍ പറ്റുമോ എന്നറിയില്ല. ആര്‍ക്കു വേണമെങ്കിലും സംഭവിക്കാവുന്ന കാര്യമാണിത്. പ്രത്യേകിച്ച് മറ്റ് സംസ്ഥാനങ്ങളില്‍ പഠിക്കാന്‍ പോകുന്ന മലയാളി വിദ്യാര്‍ത്ഥികള്‍. വീട്ടില്‍ മാംസം കുക്ക് ചെയ്ത് ഭക്ഷിച്ചാല്‍ പോലും പുറത്തുനിന്ന് ആളുകള്‍ വരികയും അടിച്ചുതകര്‍ക്കുകയും ചെയ്‌തേക്കാം. ചെന്നൈ പോലെ ഒരു നഗരത്തിലെ അക്കാദമികമായി ഉന്നതിയില്‍ നില്‍ക്കുന്ന ഒരു ടെക്‌നിക്കല്‍ ഇന്‍സ്റ്റിറ്റ്യൂട്ടില്‍ ഇത് നടക്കാമെങ്കില്‍ എവിടെയും സംഭവിക്കാം…’

കാമ്പസിന് പുറത്ത് ഇടതു യുവജന സംഘടനകളുടെ നേതൃത്വത്തില്‍ നടന്ന പ്രതിഷേധ സമരം നിയന്ത്രിക്കാനാവാതെ പൊലീസ് കുഴങ്ങി. ഇതോടെ കൂടുതല്‍ പൊലീസ് സ്ഥലത്തെത്തി. സമരക്കാരെ ബലംപ്രയോഗിച്ച് അറസ്്റ്റ് ചെയ്ത് നീക്കാനുള്ള ശ്രമമാണ് ഇപ്പോള്‍ നടക്കുന്നത്.